كلمه مني وبيت شعر من عندك !

18-01-2017, 12:32 PM

عسى الهون لأهل الهون والجود لأهل الجود **
وعسى الله يعطي كل حيٍ على ظنّه

وعسى أهل النوايا الباطـلة والقلوب السود **
يعاقبـهم اللـه ومـا يدخـلهم الجنّه

حشى ما يجدد لـك جروح الحشا يا كود **
اليا جت من الـلي ما توقعـتها منّه

أدور علـيها درب لو دربـها مسدود **
وأدندن وأجـرّ الصوت وأطوّح الونّه

طموحي ولو دونه حنين ودويّ رعود **
ولو صار مهـما صار ما عني وعنّه

لـ عين الهنوف الفارع أم العيون السود **
وذيك الجـدايل والشفـاتين والبنّه

تصبرت أخـاف من المشـاريه والمنقود **
وأنا مؤمـنٍ وأصلي الفرض والسنّه

أقـدّر وأسامـح وأحسب نقصها والزود **
الين يتـمادى بـ الخطأ راعي العنّه

وأحب الصميدع وأذخره فزعة المضهود **
وأداري عـليه من المنـاقـيد وأحنّه

وفعل الوفـا مني لـ راع الوفـا مردود **
ولاهـوب لـكني إليـا صار لـكنه

هواجيسي وشعري كـما النار والبارود **
ومن غير لا أعمّر من التـتن وأكنّه

على ما قسم ربي وجودي من الماجود **
أحفر الصخر وأسخّـر القاف لين أنّه

يجـي سلسـبيلٍ حـاليٍ صافيٍ قرهود **
ومثـل الجنـيهي في بريـقه وفي دنّه

وهبني جزيل المـدّ والفضـل للمعبود **
ولا غير وهـاب الوهايـب لـه المنّه

على طول حبل المعـرفة حبلها ممدود **
وعلى كـل فـن وكل فـنان لـه فنّه

:
::

النخوة

18-01-2017, 04:21 PM

.

الوفاء

20-01-2017, 05:07 AM

يا أهل الوفاء يا أهل الاصل ياهل الطيب
يا أهل القلوب النادره والوفيه

صلـو علـــى المختـار قبـــل التـرحيب
صلــوعلى المختار واذكر وليه

بهـــدى لكـــــم ترحيبة مـع رشة الطيب
وبــهدي سلامي قبل زف التحيه

شــــــــــوق

20-01-2017, 06:54 PM

اختي همس الخفوق .. قلم ماسي
مسائكِ همس الورد
تتجلى ..
ألارصفه الحاضره
في الدروب المعبده باللا شيء
مازال يقود خطي الوجود
ذلك البريق الكاذب
في مداها
أتهيأ للبوح
في شتى أشكال ألالم
أعلم انني فقدتها
فالصمت هو ديدن الشفاه

سرابي الحضور
على مر ألازمنه
أيتها الحبيبه
أيتها المحطه ..
أللا متناهيه ببعدها المتشعب
لتبقى رحلة الملاقاة
لغة ألصابرين
تسير على سكة اللوعه
التي لن تفهمها
اِلا عيون العشاق