إهدي بيت شعر للي فى بالك

16-08-2021, 08:39 PM

يا مساء الـود والـورد وشـذاه
لــ الجميع بدون ما اسمّي أحد

كل شخصٍ مره الحرف وقراه
ياعسى يومه تباشير وسعد

22-09-2021, 01:16 AM

مِن هَدوء الليِل ياخِذنا الحّنين
وعن لذيذ النوم يغرينْا السَهر

25-09-2021, 12:38 AM

.

كنت لا شفتك حزين أضيق و أزعل
كنت أتمنى أعاني ولا تعاني
كان قلبي في العطا ماهوب يبخل
في وفاي وفي حنيني وفي حناني
والله ان بعض المواقف حيل تقتل
تخلي حروف الحكي تنسى لساني!
يا نديمي..والله ان مافيه أثقل
اللي تحبه تحس انه أناني
حط نفسك في مكاني، انت تقبل
اني أخونك دقيقه في حضن ثاني؟

25-09-2021, 12:39 AM

.

أنت الشعور الصادق وغيرك سراب
وانت المقر الثابت .. وغيرك ممر
غلآك بضلوعي تربّع ليين ذاااب
يفوح مثل العود من فوق الجمّر
ياأغلا البشر وجهك علآج الإكتئاب
ومواصلك مثل السحاب المنهمر
حتى ولو قلبي شعر بـ الإغتراب؟
أنت الوطن وأجمل ملذّات العمر

25-09-2021, 12:41 AM

.

كل نظره من عيونك مشكله
‏والمشاكل كلها في مبسمك

‏يوم غنا ابو نوره" مذهله
‏أشهد إنه في كلامه يقصدك

25-09-2021, 12:43 AM

.

أكبر هموم القلب تركك للصلاة
والا ترى الدنيا مشاكلها تهون

ماتستريح النفس وتزين الحياة
إلا مع اللي يركعون ويسجدون

25-09-2021, 12:45 AM

.

عطيتك اللي ماعطيت اقرب الناس
وعلقت فيك أحلام عمري وضاعت
لي قلب مايقسى وصادق وحساس
ولي عين ماصدت وخانت وباعت
ولك قلب طيب بس ماعندك احساس
ولك عين ماشافت جروحي وراعت
جيتك على وضح النقى رافع الراس
وطوعت لك نفسٍ عزيزه وطاعت
ابعتبر حبك مثل (غلطة إحساس)
وانت اعتبرني مثل (فرصه وضاعت)

الإهداءات

إهدي بيت شعر للي فى بالك

(همســــات شعر وشعراء) منقول