إهدي بيت شعر للي فى بالك

14-03-2021, 02:45 PM

انا والليل والعـبـرة وجــرح وخـاطـر ٍمكسـور
ونفس من هجيـر البعـد والحرمـان مقهـورة
وقلب ظامي لـشوفك ولايــروى ظمـاه بحـور
وعين تحتري لحظة غيـاب الطيـف وحظـوره
ونـار تنطـفـي مـره ومـره تـشـتعـل وتـثـور
واقول النار مقدورة وهـي مـا هيـب مقـدورة
حسـبـت الـليـل بغـيابـك يمـرن الليـال دهـور
وكنـي شايـل بقلبـي ليـال الوقـت وشهـوره
تصبرت وتقدرت وبنيت مـن الخيـال قصـور
إليـن ان الجفـا شـد الركايـب وانتهـى دوره
تحريتـك على درب القصـيد من ثـلاث شهـور
وحشا ما مات لك غصن يشف المـاي بجـذوره

باربي معجب بهذا

17-03-2021, 09:25 PM

همس الوفا باقي مع النبض و الصوت
لو غبت يبقى لك ضمير الـــــــوفا حي

بين الرجا و الياس و الحلم و الموت
و بين الفرح و الحزن و الشمس والفي

أشتاق لك شـــــــوق ٍ عظيم و مكبــوت
شوق الضرير اللي تعانق مع الضــــي

القشيري معجب بهذا

22-03-2021, 01:05 PM

أغيب عنك أيام .. و أرجع لك أيام .!
بالـشــوق واللـهـفة ونفس الـمـودهـ
ماهو بـ كيفي ..! بس لــ ظروفي أحكام
والا ( الــغــيـاب ) .! أموت ما طال مدهـ
احساسي الصادق .. على شعري وسام ..! }
بـ أقـلـدك منه .! ولا أبـغـى مــردهـ
لا تنجرف .. وتروح مع سرب الأوهام .!
اللي بـنا بـيـت الغـــلا مـا يـهـدهـ ~

29-03-2021, 03:37 PM

لليل احبك مابقى في السما نور
والى ضواني الليل .. للصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. مابقى فيني شعور
والى جفاني العمر .. وشلون أحبك