إهدي بيت شعر للي فى بالك

15-04-2017, 09:47 PM

ليتني اقدرعلى وصفــك كــــتابه
وليتني اقدر على وصفك قصيد
كل ماجيت اكتبك جتني مهابه
انت حبك عاسف قلبي العنيد

16-04-2017, 12:03 PM

الغايب الحاضر معي طول عمري
بعيد عن عيني ... قريب من البال'
يغيب ..الا عن خيالي وشّعري
والغيبة هذي صعبه .. بكل الاحوال
أحاول اتناساه امرار... وأزري
وأيقنت! نسيانه مثل وصله مُحال
وبقى السؤال اللي الا اليوم يطري
وشلون زال...وطيفه اليوم ما زال؟

/

16-04-2017, 08:21 PM

للمساء في شوفتك رونق فريد
ما تقارن طلتك بـ " أي آدمي"

لالمحتك من قريب أو من بعيد
يضحك حجاجي ويضحك مبسمي

18-04-2017, 05:20 AM

-

الحنين ..
إنك تمرّ الدرب نفسه كل ليلة ..
مرتين
وفي خيالك . بيت طين
وفي عيونك
دمعتين !

18-04-2017, 06:16 AM

حبيبتي اللي يمر القلب شارعها
بين الحنايا تعدي ماتطالعني.

تقفي مع الدم بعروقي واتابعها
واحس كنها على نفسي توزعني.

قامت تبعثر غلا وان جيت اجمعها
اضمها واتشتت لين تجمعنــــــي.

بين الحنايا تثني في مرابعها
كنها تقول اتحدى من يطلعني.

دام الحشا بيتها وانا مدلعها
وش دخل القلب يزعل يوم توجعني؟

وليا خذا رمشها رجل يطالعها
لعل رمش خذاني مايرجعنـــــــي.

عيونه جيوش والنظرة طلايعها
غارت بصدري وجاز لسيفها طعني!!.

ويوم انكفت لين قلبي من قلايعها
والصبر عن خافقي ماعاد ينفعني.

مدهالها القلب وعيوني مراتعها
اموت فيها وهي للريح تزرعني.

ريحانتي والغلا بالقلب زارعها
تشرب عروقي وترواني وتشبعني.

كان النحل من رحيق الورد مشبعها
وانا شموخي من احلا شي جوعني.

وليا تعانق خجلها مع تواضعها
عانقت ليل على مسراه شجعني.

لو ينسري ليلها سريت بايعها
بشر ولا الله عن الزلة مرفعني.

واصبحت من عقب ماني ضدها معها
ان ضاعت اضيع وان دلت تسنعني!!

18-04-2017, 07:18 PM

.

تدري وش معنى الخطوط الي بكفّك ؟
هذي دروبي .. واذا أفقدها ... أضيع

20-04-2017, 11:57 AM

اقتفي بالهوى خطوات سير
والمس الشوق من همسة حروفك

لك يهز الغلا من دون غيرك
ونشدك خافقي قبل ان يشوفك

جد بلحظة لقاء من جود ميرك
مد بالوصل لو تسمح ضروفك

الإهداءات

إهدي بيت شعر للي فى بالك

(همســــات شعر وشعراء) منقول