ديوان همسات الغلا للشعر

11-02-2013, 06:31 AM

آه لو انك ترمي الدنـيــا وراك
وارمي الدنيا وراظهري واجيك
كان تدري ان الغلا كله غلاك
وكـان تدري وشكثر قلبي يبيـك

11-02-2013, 06:32 AM

لاتقول الليــــالي فرقـتنا
لاتقول ظروفنا عيت علينا
الليالي يوم ودك جمعتنا
يـوم ودك كل شي في يدينا

11-02-2013, 06:33 AM

الـحزن فـي صـوتك ازعـج ساكني
...........لـين صار الكون من حولي حزين
غـصب عـني حـزن صوتك هاجني
...........لـيـن خـلَّـى عـاصي الـمعنى يـلين
وامـتـثل حــرف الـقصيد وعـادني
..........وانسكب حزنك على شِعري حنين
شِـلت أنـا صـوتك وحـزنك شـالني
..........أكْـتـم الـصـرخه ويـنـساب الأنـين
شِـفت حـزنك كـيف حـزنك شـافني
...........كـيف داهـم خـلوتي فـي لـحظتين
طـيـر أنــا مـثـلك زمـانـي ضـامني
..........جـرّحـتني مـثـلك سـيوف الـسنين
صـابـك الـلـى مــن زمــانٍ صـابني
..........فـي مـعاليق الـحشا جـرحه دفـين
الــفـرح عــقـب الـصـداقه هـابـني
..........خـافت الـبسمه عـلى وجهي تبين
طـير يـا اللّي صوت حْزنك هاضني
..........الله الــلــي يـنـتـصـر لـلـصـابـرين

11-02-2013, 06:35 AM

قـال الوداع وقلت درب السلامـه*****يـاجعل دربـك يالغـضي دايم افـراح

وانـا احمد الله مـا عـليه مـلامـه*****امشي بـصدق القول ما نيب مزّاح

ياما نثرت الدمع مثل الـغـمـامـه*****من صادق أحساسي انابيك ترتاح

والا تــجاهلتي لــيـال الـعــدامه*****يـاما حـلفتيلي عن الحب ما انـزاح

وين الـمـحبه ويـن ذيك الشهامه*****وإلا الهوى والـحب راعـيه مــلاّح

ولا نقضت العهد نقض العمامه*****كـــل الـذي قـلته مـــع الـخـيـل روّاح

من بـاعني بعته بـريشة حـمامه*****واللي شـراني فـدوته كـل الأرواح

مـانيب انـا الـفنان راغب علامه*****والـــحــر يفـهم غـنوتي وين ما راح

11-02-2013, 06:37 AM

ترى بعض المحبه ما تعـدَّى كلمةٍ بالفم
.................... وبعض الحب مثل الدم في وسط الحشى جاري
لقينا فيك من زين الطبايع و السجايا جَـم
..................... كما نجـم الجـدي مـبـداه بـيِّـن وجهة السَّـاري
ولا بيني و بينك شي نسب وإلا علاقة دم
..................... ولكنّ الغـلا سـلعـه ثـمـيـنـه غـايـة الشـاري
أنا القاضي وأنا الجاني وأنا المبلي وأنا المجرم
.................... صـوابي من يميني وأنت كاتـبها وأنا القاري

11-02-2013, 06:38 AM

أقولك شيء ؟ مدري ليه أحبك ذروة آلامي
أحب انك تجافيني ولا أرضى في مجافاتك
تعبت أجرحك واحبك ..تعبت أقطف لك أنغامي
من غصون الألم وردة .. ثراها من معاناتك
تعبت أقول شوفيني عشان أعميك بابهامي
وإلى من دمَّعت عينك مسحت الدمع بسكاتك
أحبك كثر ما أخونك .. وأخونك بس قدامي
أدافع عنك وآنا اللي نسف أجمل حكاياتك

11-02-2013, 06:41 AM

... ألا انت سولف لي عن احوالك وخل عنك القصيد
يعني وش اللي في غيابـك راح اقولـه واكتبـه ؟
شعري .. على حطة يدك !! في غيبتك ما من جديد
البيت من قبل اكتبـه .. افكـر انـي اشطبـه !!!
دامـك تعـرف ان الشعـر لا يقنعـك ولا يفـيـد
استوعب حضوري ! وهـو انسـآآه لا تستوعبـه!
ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجبـه
ما ابيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه !
ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عـرفـت ترتـبـه !!
هـي كلهـا هالساعتيـن وعقبهـا ببقـى وحيـد
لا تشح بشعورك علـي ّ ولا اتمـادى !! وانتبـه :
لا شفتني سجيت ( عنك / فيك ) جوّدني من ( إيـد
قلبـي ) ووصلنـي لقلبـك برضـاه او اغصـبـه
هذه سنه ! ان ما سكنت القلب ! مسكنك الوريـد !
ونفس السنه مرت ! وحقي فيـك ضايـع واطلبـه
يـا آدمـي مـدام نظراتـك باحاسيسـي تشيـيـد
لا تترك ( اسألتي ) تموت ولا لقت بك ( أجوبـه )
ليه انت راضي بالعناد ؟ وبالرضى تصبح عنيـد ؟
ليه اتساهل بالجفـا ؟ ليـه الوصـل تستصعبـه ؟
وليه اتمنى الموت في بعدك واحـس انـه بعيـد ؟
وليه اشعر ان الموت في لحظة وصولك ما اقربه ؟
وليه اعتبر نفسي إذا ذبحني شوقي لـك شهيـد ؟
ولا انت حتى الشـوق لا ردك علـيّ تستغربـه !!
جاوب وريحني !! أو انسى كل شي .. ولا تعيـد :
سؤالك عن شعر ٍ شطبتـه مـن قبـل لا أكتبـه !!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المسابقه الكبرى لمنتديات همسات الغلا	الأسطـــورهـ	(همسات المسابقات والفعاليات )	33	15-02-2013 02:16 PM
ღ♥ღミ تعين مشرفه في منتديات همسات الغلا ,,الف مبروك ღ♥ღミミ	النازف	( همسات الترقيات الألفيات و التهاني والتبريكات )	23	24-01-2013 10:31 PM
ღ♥ღミ تعين علاقات عامه في منتديات همسات الغلا ,,الف مبروك ღ♥ღミミ	الاداره	( همسات الترقيات الألفيات و التهاني والتبريكات )	14	21-01-2013 10:01 PM
ღ♥ღミ تعين مشرف في منتديات همسات الغلا ,,الف مبروك ღ♥ღミミ	الاداره	( همسات الترقيات الألفيات و التهاني والتبريكات )	22	21-01-2013 09:39 PM
ǁ҈ǁǁǁ رحبو معاي بــ حياة بلا حياه نورت سماء منتدي همسات الغلا ǁǁǁ҈ǁ	النازف	(همســـــات الترحيب والإهداءات)	21	16-01-2013 10:56 AM

الإهداءات

ديوان همسات الغلا للشعر

(همســــات شعر وشعراء) منقول