 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
05-06-2012, 09:54 PM
| #22 |
  |  1ـ ماامدى علاقتكـ بالشعر؟؟!! علاقه جميله فانا متذوق ليس الا 2ـ من هـو شاعركـ المفضل؟!! محمد بن فطيس وحمد السعيد 3ـ ماذا تفضل الشعر النبطي أم الفصحى ؟!! النبطي 4ـ متى تشعر بأنك بحاجة ألى الشعر ؟!! عندما اكون في اهدء حالاتي 5ـ هل تتابع قنوات وبرامج الشعر ؟؟! أذا كنت كذلك فما برنامجك وقناتك الشعرية المفضلة لديك ؟؟! متابع لشاعر المليون والساحه 6ـ أعضاء في منتديات همسات الغلا تعجبكـ ذائقتهم الشعريهـ؟؟! الجموح / دقات قلبي / ريم ايز/ سمو الاميره / الدكتور/ دنيا الوله 7ـ أعضاء في منتديات همسات الغلا تتوقع من خلال مخالطتك لهم ومعرفتك لشخصياتهم أنهم شعراء ؟؟! الجموح / حفيدة السلاطين 8ـ بيت شعر يحضركـ داائمــآآ؟؟! ،؛، شــــطـــر حفـــــظتــــــه ،؛، ماني بمن ياتي ولا يدري به .. .. شطرٍ حفظته ما أعرف كتابه شطرٍ يناسبني لمثل الليله .. .. وآشوفني في ذا المكان أولى به أبا أتكل بالله ونعمٍ بالله .. .. اللي ما يوصد دون خلقه بابه باقول واللجنه تقيم قولي .. .. ومن كثرة الشعار ماني آبه الحمد لله واثقٍ من روحي .. .. وإن كنت ذيب فالرجال ذيابه ما أقول أنا أشعر واحدٍ في العالم.. .. لكن قصيدي كفو وأنا أدرى به 9ـ قصيدهـ تعدهـآ من اروع القصاائد؟؟! ،؛، .. يا قـــو قلــــبـــك .. ،؛، ياقو قلبك على الصّـده ويـا صُــــــبـرك وياوسع صدري على صدك ويا صُبري وياطول عمـرك بذاكـــــــرتـي وياكُبـرك وياشيب عيني بشيّب عــــاد ذا كــــُبـري والله لون حمل صبري فوقـك..ان تبرك والله ولو تعتذر منـت بعلـى خــــــــبـري ان ما جبرك الغلا ما اقدر على جـــبـرك ياللي على ارض الوفـا ما شبرك بشبري تـــزعل وترجع وتـلقانـي عــــلـى خبـرك وانا انكسر لك واجـــــيـك ادوّر لــجبـري طـــيفك وذكــــراك طـيلـة غيبتـــك سبـرك وشـــــوقي لشوفتك طيلة غيبتـك سبـري امـــــحق وليف ومحبه والا اقــول ابـرك حسبي عليك اعشقك وانت اتحفر قــبري 10ـ أن لم تكن / تكوني شاعر/هـ ..هل لديكـ محاولات لكتابهـ الشعر؟؟! للاسف لا 11ـ أذا كنت شاعر فشاركنا بأحدى قصائدك ولو ببيت واحد ؟!! ليس لدي اي محاولات شعريه 12ـ هـل مر يووم تمنيت ان تكوون /ي شاعر/هـ؟؟! اتمنى 13ـ مارأيك بقسم الشعر في منتدى همسات الغلا؟!! من اجمل الاقسام وابدعها 14ـ اكتب /ي شعر عتب..فرح..حزن..رومنسي..دعاء ،؛، .. لا ضاقت الدنيـــا .. ،؛، لا ضاقت الدنيا عليك وتشاويت .. .. خلق الله اللي فالرخا كان واجد ومن العرب والصوت والثوب مليت .. .. وقامت عليك هموم بأقعا تراجد فارفع يديك لخالقك لا توضيت .. .. وادعو تراك أقرب إليا صرت ساجد ووقت من أوقاتك للأوقات توقيت .. .. وسجل لنفسك في المساجد تواجد وأبشر بفزعة حامي الدين والبيت .. .. إليا هجدك من الهواجيس هاجد اللي يميت الحي ثم يحيي الميت .. .. لرضاه شف كثر البشر بالمساجد 15ـ من المبدعين بالشعرمن الاعضاء اذكر3فقط؟؟!! دقات قلبي / الجموح / سمو الاميره / بنت روق 16ـ اذا قالوا لك من هوشاعر منتدى همسات الغلا ؟؟ كان هناك شعراء ولكن للاسف افتقدانهم لكن عندنا بنت روق 17ـ لديكـ مساحهـ بلا حدوود أمتعنا بقصيدهـ على ذوقكـ؟؟! ،؛،.. الــبـارحـــة ..،؛، البارحة ربي كتب لي ومريت .. ..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت وضحكت ماأبغي الناس تدري يبالفيت .. .. لكنها غصبٍ على العين ساحت حارت دموعي في عيوني وصديت .. .. وأرمشت مابيها تبين .. وطاحت وعقبه برق في العين براق .. واسقيت .. .. خدي ووناتي بصدري تلاحت وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت عرفت كيف الحي يفرق عن الميت .. .. وعرفت قيمة نعمتي يوم راحت قولوله اني عقب بعده تدانيت .. .. ورجلي عن دروب المعافين شاحت البعد نار وطاعة العذل كبريت .. .. يقصر على بعده .. ترى الكبد فاحت 18ـ اهدي بيت شعر للاحد الاعضاء؟؟!! اهداء لجميع اعضاء همسات الغلا ،؛،.. يالله عفوك ..،؛، يالله عفوك يوم تصفية الحساب .. .. يوم حصاد لما زرعنا في السنين يوم الحشر قرب ولا معنا زهاب .. .. اليوم في الدنيا وبكرة راحلين نجني ذنوب ونرتجي عفو وثواب .. .. وعلى نصر ربي لنا مستعجلين تدرون ليه آمالنا كنها سراب .. .. تدرون ليه النصر سيف الأوليين الأوليين أعمالهم وفق الكتاب .. .. قاموا عليه وباعوا الدنيا بدين وحنا غفلنا بين مالذ وطاب .. .. والنصر سيف ما يسله غافلين نصبح على شوف انتهاكات وخراب .. .. ونمسي على دمع وتنهات وونين بصدورنا شي تذوب اله الهضاب .. .. وأفعالنا والواقع رياح .. وطحين وعلى العيون من الفتن مثل الضباب .. .. معد درينا من يسار ومن يمين ما للضيف الا الدعا لو ما يجاب .. .. ما غيره الا الشوف مكتوف اليدين يالله زلزل تحت الأعداء التراب .. .. والطف بنا واحقن دماء المسلمين ندعوك يا قادر على جعل السحاب .. .. جيش لنصرة قلة مستضعفين أغرقهم بنوع من أنواع العقاب .. .. غرق الغلام اللي يحسب انه فطين لوما عصى نوح نجا به في رحاب .. .. سفينته وأمضى معه في العمر حين لكنه اختار الخساره والذهاب .. .. اصنع بهم صنعك به وانت المتين والا اخذهم يا مجري سود الحقاب .. .. أخذ العجوز اللي بقت في الغابرين ذوقهم اللهم أنواع العذاب .. .. اللي عثوا في أرضك أمن المفسدين وألطف بمن لبسوا من التقوى ثياب .. .. عبادك المستهدفين المتقين تكالبت عليهم أنياب الذئاب .. .. ولا غير عونك يا معين الصابرين من بينهم شيبه يعجزون الشباب .. .. من وقفته من طولها في الركعتين ومن بينهم بنت تون بلا حجاب .. .. أحجابها لفوا به الجرح المكين وطفل عن عيون أمه الثنتين غاب .. .. تبكيه عين وتلتفت لأخيه عين من هول ما يجري لهم شاب الغراب .. .. يا وسع حلمك وانت ما فوقك مدين أدعيك وانت ادرى بحال أهل المصاب .. .. وأمد كفي لك يا أكرم الأكرمين الف شكر لكم ع الدعوه الراقيه |
 |
|
22-06-2012, 05:30 AM
| #23 |
 | باكـ بعد انقطااع دام لي اسبوعين نرجع للموضوع ونحركه شويات ونستضيف اختنا عهود واختها |
| |
|
24-06-2012, 04:48 PM
| #24 |
| | اقتباس: المشاركة الأصلية كتبت بواسطة دنيـــا الولـهـ  باكـ بعد انقطااع دام لي اسبوعين نرجع للموضوع ونحركه شويات ونستضيف اختنا عهود واختها شكرآدنيااااع الاختيآرك كلك ذوق  |
| |
|
| الكلمات الدلالية (Tags) |
| ..! , القصيد , تحت , عضو , في , ضيافه |
 |
| |
| كاتب الموضوع | دنيـــا الولـهـ | مشاركات | 23 | المشاهدات | 2455 | 
|  |  | انشر الموضوع |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بــ أحساس القصيد بسألك ... (( من أنت ))؟؟! | حدة نظر | (همســــات شعر وشعراء) منقول | 8 | 23-11-2011 09:04 PM |
 |
العرض العادي
