 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
07-10-2019, 01:40 PM
| #8 | |
 
 |  قصيدة يقول من عدى على روس الطوال النايفات - ضيدان بن قضعان يقول من عدى على روس الطوال النايفات من ضيقة بالصدر ثانيها وحزتها عصير يالله يأعظم الاسماء واجل من الصفات يالله ياغفور وياسميع ويابصير يارب أجرني من عذاب القبر مابعد الممات واغفر لابي وابيه واخوانه وأجرهم يامجير يارب انا عبد خلقته من تراب ومن طيب ذات ونفخت وفيه الروح وانت الي على ذلك قدير يارب انا ماخترت اكون الشاعر الي قاصيات الطرق يطرقها وتصبح له ارق من الحرير انت الذي خلقت كائن حي غير الكائنات الحمدلك والشكر والمنة وفضل الله كثير يارب انا شاعر واهيم بكل وادي من شتات وأقول مالافعل وانا مؤمن ولي قلب وضمير شاعر ويتبعني من الغاوين كثر الغاويات ذبنهم من غروربي صرت اقل من الغرير والشعر مثل السيف بو حدين وعيون البنات يالتها كانت مدى الشعار ومرسها الاخير ما كان جبت العيد والعذر البنات المترفات والعالم الله وش نواقي بالمقدر للضرير البارحه هبت علي الريح من كل الجهات حتى عرفت ان الليالي غير والوفات غير قمت اتلفت بالسنين الي غدت مني فوات وامنت ان لالعمر مهما طال فالدنيا قصير كلا يموت وينتهي والوقت يمضي هات هات ولاعاد يبقى الا الذكر ان كأن شر أو كان خير والشاعر ابقى بعد موته بالعلوم الطيبات او عكسها والوقت يأخذ والقصائد تستخير اقرب الي لهم بالبيت سبع معلقات راحوا ولازالت قصائدهم كما البدر المنير الاعشى وعمرو وطرفه بن العبد والعبسي ثبات والنابغه وابن ربيعه وابن ابي سلمى زهير والشعر فضل شاعره عمن سواه فضل وله سمات ابو الطيب وهو سقى وابي فراس امير والشعر مهمافضل الشاعر مقام ودرجات مافضله بالفعل فاليوم العبوس القمطرير اقولها وانا اعرف انها ماتلحفني العباة التي طرفها في يدي وأكمامها في يدي الوزير لكن على الله يامتم الصوم ومقيم الصلاة تدفئ الكفوف الباردات ويجبر العظم الكسير ياصحابي ياحظي المكتوب ياغلى الامنيات ياجمل الصدفات لو ماجات يالسهل العسير من صيف عام ماخذاني بعد ولا سبات وانت تجاهلني وانا وضعي من اسبابك خطير والحب ذنبا ماكيفره التجاهل والسكات واجهه فديتك واحسم الموقف يصير الي يصير ولاتعلقني على امل نجوم ساريات وابقى على قول البدو لولا العمل مات الفقير ياصحابي ياغلا السنين المقبله والماضيات ياعز واغلا من على رجلينه يسير لاتحسب اني جاهل بعض الامور الخافيات الي الي تحدك وانت مالك عن قلبي مطير ادري واقدر واتحمل واتحاشي الانفلات والا تراني في بعض الاحيان ماطيع الشوير والصبر مفتاح الفرج والقل جراح اللهات وسهيل يبدئ بالسماء ويهيج في القاع المعير وانامن الي مجدهم على ظهور المسرجات قومن مهي تشد الا جاهاه من القوم النذير وش عادحين على شأنه وش لي بالحياة ان كان نيل اسرجت افرق الجمع الغفير لعيون من حبه رسى مرسى الجبال الراسيات والا اصطفق ماكنه الا الموج فالبحر الغزير | |
 |
|
07-10-2019, 01:40 PM
| #9 | |
| قصيدة الطريق الجادل - ضيدان بن قضعان يمر القلب من دار وراء الخفجي طريق ودرب وامرك يالطريق الي لك اقادمي مصخرها واذا مريت مع ذاك الطريق الي يجيك مع غرب ذكرت احلا ليالينا من اولها لاخرها ومريت الحشاء لونت ماجذبها طرق ومريت العيون للدرب ذاخرها وشفتك في خيالي بين طيات الدفأ والقرب وناديتك فديتك خل ادينك لاتوخرها عفى الله عن ضمان من حصل الماء في الطريق وشرب وعفى الله عن ليالي ماجهلن في اواخرها عقلنا والتيطم حب المواجه يالعفيف الذرب كما موج لطم في غبة واغرق بواخرها وسقت الرجل صوبك ياحبيبي والليالي جرم ولاهتميت في ناس تبي ترفع مناخرها حبيبي ياحبيبي من سلاله الدروع وحرب ولايعشق من اصناف الجواهر كود فاخرها لاتفاخر يابعد من حط له بين الحنايا درب تفاخر وافتخر واغلا القصايد فيك اسخرها واذا مريت مع ذاك الطريق الي يجي من غرب تذكر لذة الدنيا من والها لاخرها الجادل الي يمر القلب بشارعها بين الحنايا تعدى ماطالعني تكفى مع الدمع بعروقي واتابعها واحس كانها على نفسي توزعني قامت تبعثر غلا وانجيت اجمعها اضمها واتشتت لين تجمعني بين الحنايا تثني في مرابعها كنها تقول اتحدى من يطلعني دام الحشى بيتها وانا مدلعها وش دخل القلب يزعل يوم توجعني ولاخذا رمشها رجلا يطالعها يعل رمش خذاني مايرجعني عيونها جيوش والنظره طلايعها غارت بصدري وجاجت بسيفها طعني ويوم انكفت لين قلبي من طلايعها والصبر عن خافقي ماعاد ينفعي مدهالها القلب وعيوني مراتعها اموت فيها وهي للريح تزرعني لوتدري الريح عن هذي طبايعها ماهزت غصون قلبي لين ودعني ريحانتي والغلا في القلب زارعها تشرب عروقي وترواني وتشبعني كان النحل من رحيق الورد مشبعها وانا شموخي من احلا شي جوعني والا تعانق خجلها مع تواضعها عانقت ليلي على مسراه شجعني لو ينسرى ليلها سريت بايعها بشر ولا الله عن الزله مرفعني واصبحت من عقب ماني ضدها معها ان ضاعت اضيع وان دلت تسنعني وان شفت بالعين قلبي بين اصابعها سجدت لله يالله لاتضيعني وان جات واسقتني مدامعها علمتها الدمع للعشاق وش يعني الدمع صوت الا غازل مسامعها تشوف صوتي وذا مريت تسمعني والله ماكنت اطاوعها ولا اسمعها لكنه الحب سمعني وطوعني للجادل الي شراييني شوارعها | |
| |
|
07-10-2019, 01:41 PM
| #10 | |
| قصيدة الأبراج - ضيدان بن قضعان الأبراج الدلو والميزان والقوس والحوت ماغير برج العاج تغري وصوفه وبرج بقلبي برج لولو وياقوت لا يا بعد برج الحمام ورفوفه ما يسكنه غيرك من السيف للكوت لو ينتحي راس الولد عن كتوفه علم وكيد بالمواثيق مثبوت ما هو عذر اللي يفرك كفوفه والله لا سافر لك لو ارجع بتابوت وانا من اللي ما ربوا في مروفه على الشقا لاع الهوى كل شفلوت وانتي تلوعين الحشا بالطروفه والوقت للجاحظ والايام هاروت والقلب حاتم وانتي اغلى ضيوفه يا مرحبا ترحيبة عقاب يا نوت والحي يلحق لو تحده ظروفه صوتك يكفيني عن الشرب والقوت وشوفك غناتي والحياه مخلوفه ياقوى من اللوعات واسخف من التوت وابلغ من البيت الاخير وحروفه رجل تنادينه ولا يسمع الصوت خسارة سمعه وصوته وشوفه ورجل يضمك بين اياديه ويموت والله ما يلحق حياته حسوفه | |
| |
|
07-10-2019, 01:42 PM
| #11 | |
| القصيدة التي سجن من اجلها الشاعرين ضيدان بن قضعان وسلطان السلام عليكم ورحمة الله وبركاته. تحيه طيبه وبعد: اليوم سوف أكتب لكم القصائد التي سجن من أجلها الشاعرين الكبيرين ضيدان بن قضعان العرجاني... وسلطان بن وسام الهاجري ...وكل ما حدث بينهم من مساجلات شعريه... ...وقصيدتي محمد الحارثي وبندر الودعاني ... أولا: قصيدة الشاعر سلطان بن وسام والتي كانت موجهه لضيدان عندما سافر لدولة الأمارات : بالله يأهل دبي ولا هل العين من قال تبشر به عطيته بشاره قرناس عشر سنين وأربع وعشرين الله وش فيه من الوفا والقشاره وأن قام يدرج عينه يسار ويمين مثل الخفير الي مداقش خفاره يا شيب عيني لا كفخ بالجناحين أسبق من طيار الاباتشي طياره ما هاجر الا بين خظر البساتين في ضيافة الي ما يحسب الخساره يخلي مراحين ويملى مراحين بيمنى من صدوف الليالي مجاره يمنى الكريم مبدل العسر باللين نعم نعم فزاع نمر النماره أشهر أبراج العام الأول وذالحين برجين برج أيفل وبرج التجاره وضيدان يكرم في ضيافة كريمين كنه من ال مكتوم والدار داره فندق جميرا بيتش ومالية حمر عين من مر منهم قام يمسح جداره واليوم يا ضيدان وينك وأنا وين خليتني مابين تاره وتاره أشيل ما شالت ظهور البعارين وأصد غاره واتصدى لغاره وهذه القصيده التي رد بها ضيدان على سلطان : البارحه في الدور واحد وخمسين شبيت من راس الفتيل الزقاره وكنيتها لين أمتلن الشرايين لعلها تطفي لهيب الحراره ولفتها والدمع في محجر العين والدمع ماسال لكنه رهين الأشاره أقرأ وأعيد الخط مره وثنتين وأقول من صدر تحطم عباره لبيه يا سلطان لو نازح البين يزوي سرابه ويتركز غباره غربة حاديني من الفقر والدين ماحد أبو عرام يجلب قشاره ونصيت ربي ثم نصيت السلاطين اللي تحفظ لكل رجل وقاره ومن فضل رب البيت مابين عدين بين أحمد وحمدان والعلم ساره في فلة في دبي ملكي ودورين تعلم البدوان فن الحضاره قدامها لنكن وكدلك ورنجين وفي البر عزبة وفي المدينه عماره وأن طعتني روح علي ياأحمر العين بشت الغناة ولا بشوت الأماره ومن لاعشق له وحدة من هل العين عز الله أن باقي حياته خساره وهذه قصيدة محمد الحارثي التي يهجو فيها ضيدان وسلطان : في عامنا الخامس بعد عام الألفين كم هاجسن حامي جيني زياره اليا أحتمى الهاجس وجينا محامين مثل الزناد الي تقادح شراره كلام أبن وسام مابين قوسين زود مرارته القديمه مراره وكلام مسلط شيخ كل الجمالين كله بياض وفيه رمسه سماره يا أثنين يالي بالقصيد متواصين شطار لكن غيركم بالشطاره شاطر شطير الحد ما ينتهي لين يديركم بين الفلك في مداره مير أسمعوها زبده الهرج يأثنين يا أصحابنا الي تعشقون الأثاره نعمين يأهل دبي والعين نعمين يا أهل المقر الي يذري جداره بأفعالكم كل الخلايق مقرين ولا ينجحد طيب النشاما وكاره الي كتب فيكم من المدح بيتين مدحه تجاوز وأختلف عن مساره من وين يا ضيدان وموجهن وين عفت الأماره راغبن في التجاره ترى الملوك الي على الخف والقين ثارت على البيداء بعز وجداره خلو لك خدود ولغابيب وبطين يا حيف ياناسي معاريف داره يا ما نصيت قصورهم تشكي الدين وحدن تعذر لك وجاك اعتذاره وسافرت تشكي فقر يا ساكن بين قوم تمد ولا تحسب الخساره منهم يا أبن قضعان يكفيك ثنتين يوم أن شخصك يحسبون أعتباره قصر على سطحه علم راية الدين وجيب شعار الداخلية شعاره وصفت نفسك عقب رحلتك للعين سواة من بذ العرب بالخطاره وأن كنت عايف من وطن نجد ذالحين سلم جوازك لا وصلت السفاره والمركز الي من ورى جوده يمين لازم حكومتنا تعجل قراره ويصدر بعد تعيين ضيدان تعيين لملهي تسلم ختوم الأماره ضيدان ما دامك على الراس والعين ثوب لبسته لا تقطع زراره ونرضيك لو تزعل بحاشي وشاتين وأن طولة بالحيل ددسن غماره وهذه قصيدة الشاعر بندر الودعاني وهي عباره عن اعتذار بأسم ضيدان وسلطان : واجهت في وسط الجزيره ذلولين وحده لأبن وسام ووحده لجاره محمله عذر الرجال العزيزين اللي لهم في ساحة العز غاره مرسولهم سلطان شيخ السلاطين الي فعول الطيب دايم شعاره يمناه أم الخير والعطف واللين ما نانفست يمناه الا يساره والهاجري وضيدان أول وذالحين قصيدهم دايم ثقيل عياره وفي ملوكنا كل الصحف والدواوين تفخر بهم بين البدو والحضاره على العهد باقين باقين باقين بكل ما تعنيه هذي العباره وأن كان أخطو ما تخل الموازين كبوة جواد ولا تغير مساره ولا نيب أقيم من تهز الميادين اللي لهم في الشعر بصمه وشاره لكن حاديني على القول بيتين من شخص قام يهف فوق الشراره ماهوب داري لكن الناس دارين أن كل قوم ينتقدم خياره وأن أعرف ان الشعر سيف بحدين وبعض الشعر يرجع عماره دماره هذا وأنا من صلب جد الوداعين الي يمد الجار سبة جداره وهذه الرديه بين سلطان وضيدان عندما كانا في السجن : ...ضيدان... مرحبا في حلة دونها عشرين باب المراوح فوقها والهبوب تفرها الحرار الي مواكيرها روس الهذاب حولة في نقرتن ما يقارب حرها ...سلطان... البقى يا صاحبي ما وراه الا العذاب والجريره حسبي الله على من جرها صاحبي ضيدان غرب ولا أدري ويش جاب يوم حصل خيرها ما كفاني شرها ...ضيدان... ما يبرك للحمول الثقال الا الركاب أحتمل وجنود الأسلام لله درها وأن سرى ثلثين ليلك ونجم الجدي غاب سل عيوني ليه حلو الكرى ما مرها ...سلطان... الفخر والعز بين الثريا والسحاب والمطر لو ما يضر الدير ما سرها مير قلي وش فرق المشالح والثياب أن سبحت ببحرها أو مشيت ببرها ...ضيدان... فرقها فرق أزرق الجم عن ضوح السراب السراب يوهق الضامية ويغرها البلا من شعلتن ما حسبت لها حساب واحدن منا قدحها والاخر كرها ...سلطان... ما بقى في حوض الأجرب لا طعام ولا شراب والجنوب من الجرب كل ليل يعرها لا تعاتبني عليها خطا ولا صواب في ذرى روس مطار الهوى مغترها ..ضيدان... كلبينا لقمة بين ضرس وبين ناب مير يا سلطان دك الركاب وسرها وأضرب أم جلال بالهرش يا مال الذهاب لقحة أم جلال ولا الجمل ما ضرها وهذه قصيدة سلطان التي يعتذر فيها للأمير سلطان بن عبد العزيز ويطلب عفوه : الله ولا بعض السوالف والعلوم تحمل الرجال ملا يقدره ما من وراها الا المشاكل والهموم ياعنك ما فيها من الله خيره عسا غضب خطلان الأيدي ما يدوم وعسا عمار الطيبين معمره يا سيدي سلطان قومني وأقوم وأرجو من الله ثم منك المعذره وأنا عن الزلات مانيب معصوم والعفو يا كحيلان عند المقدره أنا حفيد الي يسدون اللزوم يوم أنها كان عبوس وغبره والبيرق الخفاق من بين الرجوم وحدب السيوف مورده ومصدره بقيادة الي وحد الدولة عموم شق الطريق ووحد الله ونصره عبد العزيز الي اليا شن الهجوم من صف عدوانه تضيق المقبره اليا صفق له خشم من بين الخشوم من قوة الصفقه يطيحن عشره واصل على خوض المعارك بالعزوم وتقطعت عوص النجايب في ثره لين العلم رفرف على روس الرجوم في ضل حدب بالدمي معطره وحنا ما غيرنا العوايد والسلوم الي خلق فينا الولاء ما غيره معنا الولاء يزداد يوم بعد يوم في صدورنا حتى ولو ما نقصره وحكي الرخوم الي تروجه الرخوم والله ما غير في محبتنا شعره يا سيدي وأن راحت الأصحاب قوم أحد يسند علم وأحدن حدره فأنا دخيل حماك يا العبد الرحوم لا تستمع فينا ولد ولا رجوى مره يا مفرج الكربات يا قوي العزوم ملاج لمن ضامه زمانه وعسره أنت الذي عن زلة الجاهل تشوم واليا كسرت العظم محدن جبره محاسنك غيم ماهو مثل الغيوم اليا اصطفق برقه يسابقه مطره غيثن دومه حي يا حي القدوم يروي الفياض الجرد اليا الله أومره ويا سيدي محدن من الطيب محروم قلت نعم عن الرجال مدوره ولا أنت مثل طويق من بين الحزوم كلن تذرى في حيوده وشجره تبي الحقيقه يا عسى عمرك يدوم شعر ما يكتب فيك ما فيه ثمره ...وعفا عنهم الأمير سلطان وتم الأفراج عنهم ... وهذه قصيده الشاعر سلطان ردا على الشاعر محمد الحارثي : أضرب على قوقل وعطني علومه مالك ومال مجمعين الكلامي واليا غدى لأسما الرياجيل حومه فالمعمعه مثل الجراد التهامي أحدن يبيع رخيص وأحدن يسومه تحصل أسمي مع كبار الأسامي بشعر اليا مر الخشوم معرومه يطيح من عوج الخشوم العرامي وقل للمغفل لا يواصل هجومه ترى نضامه يختلف عن نضامي ما بيني وبينه نقاش وخصومه مخاصم الجهال عيب وحرامي لعل جسمه يسترنه هدومه ويجوز عن طرد الهوى والغرامي شعره يغذيه الترف والنعومه أرهف من النسمه وريش النعامي وشعري بحر ما كل رجل يعومه أنشد خلف وأنشد رشيد الزلامي قل منهو الي ما تثنى عزومه اليا أحتمى الميقاف والشعر حامي مثل السحاب الي ترادم غيومه من يحتمي دوره عداه الملامي في موقف محدن يخلي لزومه كلن تلفت للفشق والحزامي أحدن تفاخر به ربوعه وقومه وأحدن مع الزحمه عليه السلامي هذي رساله مبهمه ومختومه مع جزيل الشكر والاحترامي | |
| |
|
07-10-2019, 01:42 PM
| #12 | |
| قصيدة ليت الحزن في عين دار الجديده - ضيدان بن قضعان مرثية قالها ضيدان بن منصور بن قضعان في الشيخ عبدالله بن بعيث شيخ شمل ال الحمراء بني هاجر رحمه الله ليت الحزن في عين دار الجديده ونقول حزن مرنا مثل الاحزان لكن حزن اليوم حاله فريده حزن شمل كل القبايل والاوطان حزن شمل يام بديده بديده من قبل لايشمل مداغيش قحطان حزن على شيخ علومه مجيده يفرح به ضعوف ويتاما وضيفان راعي يمين ماتمد الزهيده يشهد على قولي طراقي وجيران عبدالله بن بعيث محزم عظيده لاظاعة الهقوات بفلان وفلان شيخ ال الحمرا فالسنين الشديده كم فرج الكربه وكم سد ديان وكم من سجين فالدجاء فك قيده وأعتق رقبة إللي بلا أعمام وإخوان ياحلفنا ياطيبين العقيده ياصادقين الحلف مره وعجمان عزالله انه راح منكم فقيده شيخ جمع شيخه ومسجد وقران ولملم شمل ربعه بعينه وبيده وخلد لهم في قمة المجد عنوان الراس قاسي والمشابح بعيده والقلب لين والعطيات سفطان لوكل شيخ ياصل إللي يريده ماميز الله شيخ من بين شيخان من حبه الله حببه في عبيده ومن يعمل المعروف يجزا بالاحسان يالله عسى الروح الفقيده شهيده وعسى عوضنا في طويلين الايمان عواله إللي كل منهم وليده مقدامهم فهد وخالد ومشعان روس الحرار النادرات العنيده تخريجهم من مدرسة طير حوران يالله عسى عقب الحياة السعيده تجعل له الجنه مقر وعنوان | |
| |
|
07-10-2019, 01:43 PM
| #13 | |
| قصيدة فله وخدامه ولكزس وجوال_ ضيدان بن قضعان بعد الفقر حطت شريحة و جوال يسعد مسا جوالها و الشريحة كانت تجيني تشتكي قلة المال و تصيح لا جا طاري الفقر صيحة تقول أبويه دايم الدوم رحال و أمي كبيرة سن دايم طريحة و أنت الوحيد اللي لك القلب ميال دايم يصارحني و أنا له صريحة طفلة و أنا معشوقها بين الأطفال جريح حب و طاح له في جريحة كنا سوى نرسم على التربة امال و أحلام تقتلها الحياة الشحيحة كم دمعة كانت على الخد تنهال و إذا نزلت ضاقت علي الفسيحة الله كم صرخة .. و همسة .. و موال الله كم جادت علينا القريحة الله كم بيت كتبناه يختال و أقول أنا ضيدان و أنتي مليحة نخيل لو ما ف السماء برق و خيال و انكذب الأيام لو هي صحيحة و تقول لا حطيت لك بشت و عقال و سخر لك الرحمن عيشه مريحة أخاف تتركني على عثرة الفال للفقر و وجيه الحياة القبيحة و حبيتها بين الخلائق و الأزوال حب يطول الوقت محد يزيحة و سلمتها قلب تباريه الأهوال و طاح الخفوق و طيحة القلب طيحة راحت و خلتني مع القيل و القال شاعر صواديف الدهر تستبيحة و دار الزمان و غير الحال بالحال و جاها الزمان بكل ورده و شيحة فلة و خدامة و لكزس و جوال و أنا عجزت ادفع رسوم الشريحة | |
| |
|
07-10-2019, 01:43 PM
| #14 | |
| قصيدة يا بحر جده - ضيدان بن قضعان حزين والله اني حزين وخاطري مكسور لو اضحك واتظاهر بالسعاده يابحر جده وانا يا بحر يوم اصد واخفى دمعتي معذور لك الله يابحر صدت والصده هي الصده اخاف تقول عني يابحر ضيدان بن منصور في يوم من الايام ودموعه على خده وانا مابن حي الله بشر يكشف لك المستور انا رجل يموت ولادرت الامواج عن سده و لاقاف ماقف ماهوب قدي لاطغى المغرور انا قد الكلام وماقفي قدي وانا قده و اباقف وابتسم لواني حزين وخاطري مكسور الين الله يفرجها علينا يابحر جده | |
| |
|
| الكلمات الدلالية (Tags) |
| (ضيدان , الشاعر , بن , ديوتن , قضعان) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أماه لكي في قلوب الشعراء مكانة { مسابقة أمي جنتي } مع رحيق الجنة | مبارك آل ضرمان | ( همسات أعز الحبايب الأم ) | 7 | 03-03-2020 11:06 AM |
| نور الدين ومريم الزناريه | الفارس المصرى | (همســــات قصص وروايات) | 8 | 12-02-2019 12:05 AM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
| اللغه العربيه للصف العاشرالفصل الثاني مبسطه ومختصره | سوار الياسمين | (همسات الجامعة والطلبه والطالبات) | 15 | 06-03-2014 02:35 AM |
العرض العادي
