 الإهداءات | |
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
19-05-2016, 12:10 PM
| |||||||||||||
| |||||||||||||
 ((تجيء نعشق بعض أكثرر وأكثرر/البارت الحادي والثاني عشرر)) ツ】ઇ需البارت الحادي عشر需ઇ【ツ ღbcღ نستحي ! من شوقناا ، لاا نكشفه , و شوقناا لاا شااف له فرصه بطش " كل يوم ! يصب كااس و نرشفه و ارتويناا صح لكن ، ب االعطش ♡̷ في المستشفى فتحت نوف عيونها بعد اسبوع من دخولها للمستشفى ولاهي بداريه باللي صار لها وكانت كل جسمها مكسر وملفوفه بالشاش ولا تقدر تتحرك شافت امها واختها اللي اكبر منها تقرأ قرآن وحاولت تتكلم وتلفت انتباهم ما قدرت ردت واغمى عليها ولا فاقت إلأ بعد يومين وتكلمت واول شي سئلت عنه خالد الي انقذها امها سكتت واختها صدت عنها نوف :وش فيكم ردوا علي وش صار له انا .. وهي تحاول تتذكر نوف :اذكر اللحظه الأخيره انه رماني على المسعفين بس هو وش صار له وكانت تبكي .. ردوا علي ! امها كانت لامتها وتهديها : ياحبيبتي اذكري الله وخالد مافيه الا العافيه وقعدت تصرخ وجوها الممرضات وعطوها مهدي ونامت عند تركي وريماس جاء تركي لريماس :جهزي روحج بنروح للعنه مع الأهل كم يوم ريماس :العنه يعني بر وحوسه وانا ما احب ها الأجواء تركي رفع لها حاجبه :يعني شنو ما احب ! بتروحين بتروحين حتى امج وام خالد بيجون مع خالج بس بعدنا بكم يوم ريماس :من بيروح قبل تركي : امي وابوي وبيت خالي وخالتي وحنا لنا مكان هناك وبتاخذين راحتج ولا حد مقلق راحتج يا الشيخه وحنا كل سنه نروح نعطل هناك ولا اقدر اروح واخليج بروحج وكثري من الملابس الدافيه وترى بكره العصر ماشين ريماس:ورفيقتي ابي اتطمن عليها .. اليوم اختها اتصلت لي وقالت انها فاقت ومايصير اخليها بروحها ! تركي :خلاص انا بوديج لها بكره قبل لا نمشي وتطمني عليها واذ بغيتي تزورينها بعدين مابه مانع بس يله الحين تجهزي وشوفي وش ناقصج انا بروح اجهز شنطتي مابيج تجهزينها لي وهو طالع ريماس:ومن قالك اني بجهزها لك اصلا تركي:ادري بردج اللاذع ولسانج السليط الطويل خليني افهمج على شي انا وكل بيت خالي وخالتي حالنا واحد وكله ضحك ومزوح ونفوس خفيفه ويا ويلج لو تغلطين على أي احد منهم وترى انا وانتي بنكون قدامهم طبيعين ترى ما فات على عرسنا إلأ شهرين ريماس :وشلون تبيني اعاملهم بالله تركي:يعني مع البنات تصرفي عدل ورفعة ها الخشم وهو يحط يده على خشمها وهي دزت يده على خفيف وكمل تركي : ما ابيها منج والعجايز اللي هن امي ومرت خالي وخالتي السلام وحبة الراس دوم منج لهم ريماس:لا حول والله انا ما احب ها التجمعات تركي:لاوالله وش تحبين .. المجمعات والمغازل والأستعراض ريماس :تركي احترم الفاظك معاي واللي راح راح واذا تبيني اعتدل وياك ومع هلك على الأقل احترمني تركي:وانتي خليتي فيها احترام مع كلامج هذا جاها اتصال من اخت نوف ان نوف تبي تشوف ريماس والجازي اليوم لانها محتاجتهم ريماس سكرت منها ريماس: ممكن توديني لنوف تقول اختها انها طالبتنا انا والجازي تركي:اوكي يله اجهزي انا ناطرج بالسياره وراح .. وبدلت على السريع ولحقته وهي تبكي تركي : ليش تبكين لحين ! ريماس: نوف حالتها صعبه وايد وانا احبها وما اقدر اخليها في ظرف مثل هذا مسك تركي يد ريماس وهداها تركي :شوفي وضعها اذا هي محتاجه وجودج ما عندي مانع اخلي هلي يسبقوني ونلحقهم بعدين ريماس استانست:وووووالله !!! تركي مشكور وما قصرت وقامت تبكي تركي و هو عاده ماسك يدها ومستغرب انها ما سحبتها كالعاده تركي : أي والله وش قالوا لج ما عندي مشاعر مجرد من الأحاسيس وصلوا لمستشفى الأهلي ونزلها تركي :اخذي راحتج ومتى ما خلصتي دقي لي ريماس : ان شاء الله راح تركي للبحر ووقف يراقبه ويكلمه:اه يا بحر ليش حظي من الدنيا اني احب ها الريماس وما تكون هي اللي ابيه ! وبدأ يمشي ويفكر حسافه ها الجمال اللي الكل شافه ويمكن اكثر من واحد تمتع فيه وانا من كان عمري 15وانا اموت فيها واراقب طفولتها وتفتح شبابها وجمالها وصار يقلب في التليفون وكل ما تذكر صورتها وعيونها مسكره وشبه عاريه مات وفار دمه وقعد يصارخ لدرجة ان الناس اللي كانوا واقفين حوله عند البحر : يالشيخ شفيك ؟ هز راسه وراح منهم وهو مهموم ومقهور دخلت ريماس لغرفة نوف ولقت عندها الجازي وكل اهل نوف بس يوم شافوا رفيقاتها عندها خلوهم مع بعض ريماس:الف الحمدالله على سلامتج حبيبتي ما تشوفين شر غناتي نوف وهي تبكي:كنتوا بتاخذون عزاي لولا خالد الي انقذني وبسبة نخوته وشهامته هو اللي تدمر ريماس:وش السالفه نوف تقدرين تتكلمين ولا تعبانه حكت لهم نوف كل السالف من اول الحادث لحد ما رماها خالد للمسعفين اللي جوا كعادتهم متأخرين وان اهلها ما طمنوها عليه كله خايفين علي من ردة الفعل نوف : وبعد معناه وتعب مني عرفت ان اصابته خطيره وان بعض وجهه تشوه وكل جسمه اكيد بيصير كل هذا واكثر انفجرت السياره وهو داخلها وقامت تبكي الجازي: وشدراج انتي؟ نوف:اخواني وابوي يوم عرفوا باللي سواه لي راحوا له وهذا هم عنده وعندي بس هو جروحه خطيره وامي تقول ان امه تبكي عليه مر البكاء اكيد هي تدعي علي الحين وقعدت تصيح والجازي حضنتها وصارت تهديها نوف : يقولون الأعصاب اللي في يده ماتت وما ادري وشو بعد تمت الجازي وريماس يهدون فيها لين ارتاحت شوي ريماس : تدرين تركي اجل روحته للبر علشان اقعد وياج نوف : والله !! فديتج ياقلبي ومر الوقت بالسوالف والضحك الي تعودناه من الثلاثي المرح ودقت ريماس لتركي وفي السياره تركي : شخبارها رفيقتج ؟ ريماس : الله يكون بعونها وبعون خالد حالته اصعب من حالة نوف تركي : من خالد ؟! ريماس : الي انقذ نوف من الحادث تركي : الله يشفيهم ويعافيهم يارب راحوا أهل تركي في وقتهم المعتاد وخلوا تركي مع مرته على انه بيلحقهم بعد كم يوم بعد ثلاثة ايام من زيارة ريماس لنوف نوف : ريماس روحي مع زوجج وزين منه انه خلاج معي كل ها المده المسكين يجيبج من الصبح ويرد ياخذج في الليل روحي حبيبتي مرخوصه وهذا حق زوجج وهله ريماس :اوكي قلبي وانا بتطمن عليج كل شوي بالتليفون ودعتها وراحت منها لبيتها وجهزت اغراضها واول ما جاء تركي خذها وراح لاهله صوب عنتهم في الوكره تركي في السياره تركي : امج وام خالد والخال شاهين بعد يومين بيجون وهي استانست ان فيه حد من اهلها بيكون جنبها هناك واول ما وصلوا لقت لمة ناس كثيره تعرف معظمهم من شوفتها لهم في بيت ام تركي وبعد السلامات راحت ريماس للغرفه المخصصه لها ولتركي ولقتها غرفه صغيره بسرير متوسط وارضيه بارده ويوم جاها تركي طالعته ريماس : الغرفه لي ولك تركي هو فهم وش تقصد ورحمها : لا تخافين ريماس ما راح اخليج تنامين ع الأرض وانا بنام هناك ومد يده على كنبه صغيره ولا بجيب لي لحف وبرقد على الأرض وهو فيه ضحكه كمل : ولأني رجل جنتل ها المره بخليج تنامين على السرير ريماس:تركي ترى تعبت من الحكي الوايد والضرب في الميت حرام وقامت تبكي تركي:لا حول وش قلت الحين انا قلت لج السرير والغرفه كلها وانا بروح اجيب لي ملاحف زياده هاه وش رايج وخلي عنج البكا وان شاء الله محد ياخذ باله من ها اللحف وضحك وهو طالع وقضت ريماس مع اهل تركي احلى يومين من التمشي والسهرات على الضو هدى بنت خالة تركي وهي تناظر ل ريماس : تركي على هاللمه الحلوه وهالجو الرايق نبي لنا شله تركي يحك راسه : على كيف المدام وطالعوا ريماس الي كانت سرحانه قالت لها هدى: ها رموس ريماس وهي تصر على اسنانها : عادي يمآ اخذوا راحتكم وتوها بتقوم هدى : الجو حلو شرايج نقوم نتمشى وكانت بنت خالة تركي هدى تحاول تجذب ريماس لها بس ريماس ماكانت مرتاحه لها لأن تركي قد قال لها ان امه كانت مخططه تزوجه اياها ريماس : لا وصدت تركي : هالشله جديد العذب ويقول الشاعر يقطعك ياحب توقفعلى ماش ومن حب حلوين المظاهر بلاشي اللي يبيعون المحبين ببلاش حلوين الالسن والقلوب الغشاشي العرق لو يقصر عن المى ماعاش والشمس لو تغرب على الكون عاشي تفخر بزينك يوم تجفل وتنحاش ماتدري اني منك قانع وماشي من اول عيني ترفرف بالارماش جفن غطا والجفن الاخر فراشي مطوع لك قلب ابيض من شاش ومستدخلك بين الضلوع الهشاشي واليوم اب أنقش سر حبك بمنقاش الله ولا حب سعى فيه واشي هدى : ماشاء الله عليك .. انا رفيقاتي يحسدوني عليك مب مصدقين انك تقرب لي تركي : يبون صوره يبون توقيع ترى ماعندي مشكله انا والتفت على ريماس الي كانت صاده هدى : بتصل على رفيقتي وشل له شيله تكفى تركي يضحك : على كيف شيخة الزين لو هي راضيه .. قدددام هدى وهي تكلم ريماس : ها ريماس شرايج ؟ ريماس : مالي شغل وقامت من عندهم هدى وهي حاسه ان ريماس معصبه : خلاص مانبيه يكلمها في اليوم الثالث هب عليهم هواء ومطر قوي وجاهم برررد قارس وكان تركي يتنافض من البروده ولا نام جاته ريماس وحاولت تلحفه بلحافها الدافي بس هو رفض ريماس: تعال نام على سريرك وانا بنام مكانك ضحك عليها : روحي نامي احسن لج اذا انا ورجال ويالله يالله ومستحمل تجين انتي وترقدين مكاني والله يلقونج بكره هلج متجمده ريماس:اممممممم بقترح عليك اقراح تعال ارقد جنبي بس كل واحد يلتزم بجهته تركي فكر شوي ومع هبة هواء قويه وافق على طول وراح ونام في الجهه اللي خصصتها له وراح في احلى نومه المسكين ما صدق وعلى الساعه اربع الفجر فز على حركه غريبه فتح عينه إلأ يشوف ريماس متكوره من البرد واللحاف كله جاي صوبه واللي خلاه يقوم يدها المحذوفه على وجهه ما قدر يتحرك عشان ما يروعها وشوي شوي نزل يدها ولحفها باللحاف وتوه بينزل يتوضا ويصلي صلاة الفجر إلأ ريماس مقربه منه تبي الدفا ورقدت ملتصقه فيه تركي:اووف وشها الوهقه وش اسسوي الحين خلاها لين تعمق نومها وحركها لجهتها وشاف جزء من جسمها وتعوذ من ابليس وقام وفي نفس اللحظه رعد الرعد وابرقت السماء وطفى الكهرب إلأ بصرخة ريماس وهي مفزوعه ولوت عليه وهي ترتعد واسنانها تصتك قام يهدي فيها ويقول لها تركي: خليج مره وانتي كنج بزر وش فيج كذا تتنافضين هنيه بكت ريماس : وش اسوي من يومي بزر وانا اخاف من عمري خمس سنين وانا انام بروحي وكل ما رحت لأمي ترجعني لغرفتي يا بلفيت تبيني اعتمد على روحي تركي :وش كنتي تسوين ذيك الساعه؟ ريماس:كنت اسكر اذني واغمض عيوني وابكي لين يخلص الرعد والبرق ومن ذاك اليوم وانا اخاف تركي راح فيها من التصاقها فيه وريحتها وشعرها المنثور ,,, وهي ماخذت روحها من الموقف اللي هي فيه تذكر اللي بين يديه وضامها زوجته ومهب حرام عليه وحبه اللي تمناه من يومه صغير بغض النظر عن طريقة زواجهم ومشاكلهم وفي لحظه ضمها لصدره وشدد على ضمته وهنا انتبهت ريماس وحاولت تبتعد عنه بس هو كان ماسكها بكل قوته ريماس:تركي فكني الله يخليك تركي:ليش ريمووووو وهو يلعب بشعرها ترى انا زوجج اذا ناسيه ريماس :عارفه بس فكني تركي قربها وقعد يبوس شعرها وزاد هطول المطر وخافت ريماس من الجو المرعب اللي برا ومن حركات تركي تركي اسمعني بس هو ما خلا له مجال تتكلم وبعد كم ساعه وصل خالها شاهين وامها وباقي العايله قامت ريماس من نومها والتفت حواليها تدور على تركي ما لقته جنبها وتذكرت اللي حصل بينهم من كم ساعه وقامت تبكي وبدلت وطلعت ولقت امها وخالها وسلمت عليهم وارتاحت انهم موجودين وياها سئلها خالها :هاه قلب شاهين انتي وش اخبارج مع البرق اخبرج منتي باصحاب وياه هنيه ريماس تذكرت البرق والرعد وتركي واللي صار قامت تبكي شاهين:افا افا وش العلم وشلي يبكيج يا روحي انتي وهو ضامها إلأ بدخلة تركي سلم وسحب ريماس من حضن خالها وضمها وقال لها بصوت واطي : عن الفضايح واللي تبينه بسويه لج بس بعدين مهب الحين شاهين:وش السالف يا تركي وشفيها قمر حياتي تبكي تركي:هههههههههه ما تعرف بنت اختك دلوعه وخوافه والبارحه هبت عاصفه قويه ولا استحملتها هو قال ها الكلام وهي بكت وهي خاشه وجهها في صدره شاهين اعجبه انها خاشه وجهها في صدر تركي:اذا عاجبكم الوضع روحوا كملوه برا وقعد يضحك ويسولف لين هدت ريماس ورفعت وجهها وناظرت تركي لقته يبتسم لها وغمز لها وتفرقوا كلن راح لشي يخصه راحت ريماس تتمشى تبي تاخذ نفس وتفكر في الأحداث اللي صارت لها ومن بعيد شافت تركي يتكلم مع هدى وكان واضح انهم يناقشون موضوع ماخذ كل اهتمامهم قربت منهم وسمعته يترجاها بس ما عرفت على ايش يترجاها ريماس : آحمم صباح الخير هدى ان شاء الله ما قاطعت شي مهم بس ؟ التفتوا لها وتو هدى بتتكلم إلأ تركي مسكتها .. ◄انتهى البارت ► تبون تعرفون وش صاير ههههههههههه طيب دقايق وبنزل البارت الثاني عشر.. المصدر: منتدى همسات الغلا ((j[dx kuar fuq H;evv ,H;evvLhgfhvj hgph]d ,hgehkd uavv)) H;evv hgph]d fuq uavv)) ,H;evvLhgfhvj ,hgehkd   مرر الماووس للإستماع   |
|
19-05-2016, 12:12 PM
| #2 | |
  
 | البارت الثاني عشرઇ??・c ღ BCღ عندمآ أنآديك ليس لديَ شيء لِ أخبرك بہ هَ ! لكنيّ أعشق أنّ أستدرجك لِ تخبرينيّ منّ أنآ لديك '$$ ♡ مرهَ روحك وُ مرهَ عينيك س أنآديك دوُماً إلىَ أنّ أصبح كل مَ لديك ♥♡ عند نوف كان الوضع متأزم لأنها عرفت إن حالة خالد خطيره وان طرف وجه الأيسر مع كتفه ويده وفيه اعصاب ميته حاولت تشوفه بس لا ظروفها الصحيه تسمح ولا العادات والتقاليد ترضى بها الشي الجازي كانت تزور نوف باستمرار وفي نفس الوقت كانت تكمل تجهيز نفسها لعرسها اللي قرب وتتواصل دايما مع ريماس مها ربي جازاها بزوج ما يهتم فيها وكله سهر برا وكل ما جاها تالي الليل كانت تشوف دليل خيانته لها بس ما في يدها تسوي شي لأنه كان اختيارها وما حد جبرها عليه في العنه عند تركي وريماس وهدى ريماس:ليه تركي تسكتها خلها تقول وش كنتوا تقولون ؟! بعدين انتي صدق بنت خالته بس هو متزوج ومهب عدله في حقج تختلين به في مكان منعزل ! تركي:هدى انتي روحي الحين وفكري في الكلام اللي قلت لج عليه هدى:تركي انا قلت لك رايي ولاني مغيرته بالنسبه للموضوع وانتي ريماس افهمي الموضوع عدل قبل لا تصدرين أي حكم من احكامج عن اذنكم تركي: زين كذا اللي سوتيه وقلتيه ريماس:لا والله وشقلت انا أي واحد كان يشوفكم من بعيد بيعرف انه فيه موضوع كايد والنقاش كان محتد وانت كنت تترجاها تركي:ريماس لا تقولين انج تغارين ترى والله ما اصدقج ريماس :ههههههههههه اغار ومن منه منها وعليك انت !! ورفعت صبعها في وجهه وهو قد حذرها انها ما ترفع صبعها بهذه الطريقه قرب منها ومسك يدها إلأ انها دزته بكل قوتها ريماس : له لا تلمسني فاهم لا تلمسني ما اطيقك اكرهك سامع اكرهك تركي سكت لها عشان يعدي الموقف تركي :اسمعي يا بنت الناس انا عارف انج منصدمه من اللي صار اليوم الفجر بس كنا في موقف وصار اللي صار وتراج زوجتي ولا انتي بحرام علي ولاني معتذر منج وبعدين ليش ما قلتي لي ان غانم ما قرب منج وليش سكتي واوهمتينا انا وامج انه حطمج واعتدى عليج ريماس:ومن تكون انت عشان اقولك هاه قولي من تكون انا حاولت اشرح لأمي بس هي صدتني ولا عطتني مجال وقعدت تبكي عوره قلبه عليها وكان باين عليها العذاب والقهر والأرهاق تركي:ريماس كفايه صياح من عرفتج وانا عمري ما شفتج تضحكين ريماس:اضحك وشلون اضحك وانا اتمزق من داخلي .. امي وما تبي تفهمي واخوي ما اقدر اصارحه وبعد وخالي اللي هو ابوي ما اقدراناقشه والباقيين ما اقدر أمنهم على سري هذا تركي مسكها وضمها تركي:زين انا وين رحت قولي لي انا عارف كل شي عنج قولي فضفضي لي ريماس فكت عمرها من حضنه:وش اقول خلاص كل شي وتعرفه بعدين وش بينك وبين هدى؟ تركي:هههههه وليش تسألين ريماس:بس حب فضول بعدين لازم تحافظ على صورتي قدام هلك لو حد شافكم وش بيقول؟ تركي:محد بقايل شي وانا وهدى كله مع بعض ولولا سالفتج كان هي الحين زوجتي ريماس:احنا فيها طلقني وتزوجها تركي:رجعنا لكلام البزران ما اقدر الحين عشانج وعلى شاني واخوج لازم نصبر شوي بعدين بشوف وش اسوي ريماس:اوكي وهي تصر على اسنانها من القهر وهو يكلمها عن تخطيطاته وعن مستقبله مع بنت خالته ريماس:بس استتر عشاني تركي:وخر عنها كرامتج ومنظرج قدام الناس هو اللي هامج لكن مشاعري انا وكل شي يخصني بالطقاق ريماس:والله محد اجبرك تسوي اللي سويته تركي :اوكي خلاص اتفقنا بس انتي بعد زيلي الهم عن وجهج ولا تبينين ان حنا مهب على وفاق وعلى خلاف ابتسمي وشاركي الكل ترى اول يومين كنتي حلوه معاهم واذا على اللي صار صدقيني ما راح اقرب منج ريماس:ومن بيسمح لك اصلا تقرب مني تركي:الزمي حدودج معي واضبطي لسانج ولا والله تندمين ريماس وهي رايحه منه وملتفته عليه:وش بتسوي يعني؟ راحت وتركي مقهور منها مره يشفق عليها ومره خاطره يكسر راسها ومره تجره عاطفه صوبها غريبه ما وده بها بعد يومين وصل سيف وزوجته من العمره وقضوا وقت حلو وكانت هدى تحاول تتقرب من ريماس بس هي ما تعطيها مجال لها التقرب وكل ما جا الليل تركي ينام ع الأرض وهي كله في توجس منه واي حركه تصدر عنه تخرعها ريماس : بسم الله تركي وهو وده يذبحها لانها كل حركه والثانيه متخرعه : ياليل الشقى ما ننام يعني استغرب لان ريماس ماردت عليه لان بالعاده ترد له الكلمه بدبل .. رفع راسه يشوفها لقاها حاضنه عمرها وتبكي تركي : ليش تصيحين ؟ ريماس : لاتتحرك وايد تركي وهو فيه الضحكه : ان شاء الله اجي يمج ؟ ريماس : لالا وتلحفت في الليل يتجمعون الشباب ويلعبون ورق ويدقون عود ووناسه والبنات بعد نفس الشي هدى وهي تتابع كل حركات تركي من بعيد ريماس : شوي شوي على رقبتج لاتنكسر وطلعت ونادت تركي تركي : هلا ريما س كانت تبي تقهر هدى : مشتاقه لك وابي نتمشى شوي يصير ؟! .. تركي على طول شك والتفت ورا ريماس لقى هدى اطالعهم وهو مسك يد ريماس ورص عليها : اكيد نتمشى ليش لا ولما بعدوا شوي ريماس : هد يدي تركي : لين صار على كيفج بهدج .. وبعدين ليش هالحركات ؟ ريماس ماكان عندها أي مبرر : .. تركي : تغارين ؟ ريماس : لااااااااااا ما اغار وهدت يده وهو خلاها شوي لان عارف انها خوافه ومارح تكمل الطريق وتم واقف في مكانه وهي كل مالها وتبعد ووقفت ريماس : على بالك بخاف يعني ادل الطريق برجع بروحي .. وراحت تركض تركي : الحمد الله والشكر وهو راد سمع صراآخخخ .. انا قلت خوافه ماصدقت هههههههه وراح يركض صوب الصوت ولقاها تصيح وكانت طايحه وقعد على الارض وهو فيه الضحكه : ها مسويه انج قويه ؟ وهي كانت تحك راسها من الم الطيحه تركي بطل يده : تعالي ريماس : لا وتوها بتقوم كانت تفض ملابسها تركي جرها من يدها وقعدها : اشوف وين يعورج ؟ ريماس انجرحت جرح بسيط برجلها وطلع دم على خفيف : دم وطلع فاين وتم يمسحه ويطالعها وهي تصيح تركي : خلاص ضحكي ريماس ابتسمت على سخافتها تركي مسكها وردوا يمشون وشل لها شيله : ابسـم عسـى تبـسـم حيـاتـك ياقـايـد الخـفـرات والعـيـن عطـاك ربـي لـك غناتـك واصبحـت سيـد فـي المزايـن هنيت يا سيدي بصفاتك وانا غني بك (م) الملاييـن كـل يـوم بـي تكبـر غلاتـك والقـاك دوم بعينـي تـزيـن من الحسن سيدي شراتك مثلك فلا قد شافت العين الشمـس تخجـل مـن بهاتـك والبـدر لـك بانـواره يديـن مثـل العسـل منطـق شفاتـك ذرب ومـوزون بموازيـن والطيـب مـن اصلـك وذاتـك واضـح ولا يحتـاج تبيـيـن ياسيدي ما احلا سماتك حسـن وطيـب واصـل وديـن فقت البشر كلها بحلاتك ما ظنتي مخلوق من طيـن : هالله هالله على جو العشاق تخرعت ريماس والصقت في تركي الي استانس على الوضع التفت تركي لمصدر الصوت لقاه سيف تركي : يالله حيه وسلموا على بعض ريماس حضنت اخوها وصاحت : الحمد الله على سلامتك سيف : الله يسلمج دلوعتي كل هاذا شوق لي ريماس : طبعا ولا عندك شك ؟ سيف : ولا 1 بالميه وحبها سيف : يلا الشيخ ماتبي تعشينا ولا شسالفتك تركي : افا عليك حاضرين وانتهت اجازة الربيع اللي صار لهم في العنه عشرة ايام وكلن رد لبيته ودوامه ورجعت ريماس تتواصل مع نوف وتتطمن عليها وتساعد الجازي في تجهيزاتها في المستشفى نوف:يمه ابي اتطمن على خالد وش اخر تطوراته ام نوف: ممنوعه عنه الزياره إلأ لأقاربه وهو ميبي حد يزوره لأن وجه تقريبا مشوه مثل ما سمعت نوت نوف نيه وقالت لازم انفذها مهما صار طلعت نوف من المستشفى وهي تبي تزور خالد لكن ما حد سمح لها وبعد كم يوم كان عرس الجازي وراحن نوف وريماس ووقفن معها وكلن تمنى لهم السعاده وردت ريماس من العرس وهي مبسوطه انها شافت السعاده مرسومه على وجه الجازي وكانت تحاتي نوف من ها الشرود اللي هي فيه بسبة قلقها على خالد لقت تركي في غرفتها يراجع قضيه من قضاياه ورفع راسه من دشت قطت عباتها عنها وكانت كاشخه من قلب وقالت له ريماس : وشتسوي في غرفتي ! كان يراقب كشختها وما يبي يبين لها مدى اعجابه بها الزين:لا ابد سلامتج من ها اليوم الغرفه غرفتي وانتي روحي هناك ريماس:غريبه وليش يعني؟ تركي:بس كذا لا تناقشين روحي واخذي هدومج ولا تشغليني عن اللي في يدي ريماس:لا انا تعودت على ها الغرفه روح انت وخلني ابدل ابي انام تركي طنش لها وكمل شغله وهي واقفه على راسه راحت للكبت تبي تاخذ لها لبس ما لقت ملابسها ما فيه إ لأ ملابسه ريماس : افففف تركي ..تركي.. تركي:وبعدين معاج روحي هناك أي انا نقلت كل اغراضج هناك وخليني اخلص شغلي راحت عنه وبدلت ودخلت سريره وتلحفت إلأ تشم ريحته وغمضت عيونها وصدت شوي إلأ هو جاي صوبها ودخل السرير ونام كانت تتحرك تبي تقوم بس هو مسك يدها وثبتها جنبه وقال لها:من اليوم ورايح مابه غرف منفصله وانتي بتنامين معي هنا ريماس:لا تركي ما اقدر تركي:ليش يعني ما تقدرين ممكن توضحين لي ريماس:ما اقدر وبعدين انت بتهدني وبتتزوج هدى ... و لما جاء طاري هدى صاحت تركي قرب منها :والحين من جاب طاري هدي ولا زواجي منها؟ ريماس:انت وذاك اليوم كنت تترجاها انها ما تهدك تركي خذ راسها غصبا عنها وحطه على صدره وقال لها:بيجي يوم وبقولج كل شي بس مهب الحين تعالي نامي ريماس:ما اقدر انام جنبك وانت ..وانت .. تركي:خلي عنج الحركات والصياح ريماس:انت ناسي وشلون تزوجنا وش ظروفنا تركي:هو انتي بتخليني انسى !!! ريماس:خلاص عيل قوم وخلني ولا انا اللي بقوم وتوها قايمه إلأ هو جارها للسرير وهي تقاومه وتضربه : اكرهك اكرهك من اول وتالي تركي:عادي تعودت على كلامج السم ومسكها عشان ما تهرب وطفى النور............... اليوم الثاني راحت ريماس لنوف وهي مهدود حيلها من المشاكل وهمومها مع تركي نوف رمت على ريماس قنبله : اه يا ريماس واخيرا حبيتي تركي ريماس :لا مو صحيح انتي غلطانه ! نوف:الله يرحم والديج واضح من تصرفاتج وكلامج عنه وغيرتج وخوفج انه يكون يكون بينه وبين بنت خالته هدى شي وبعدين ليش تقاومين حبج له ترى تركي يستاهل ريماس وهي تبكي:أي حبيته وحبيت عطفه على والديه وصلة رحمه في اخته وعيالها وتصرفه وياي اخاف اذا درى عن حبي له يذلني وخاصه اني البارحه جرحته بكلام قاسي نوف:اسمعيني غيري روحج وتصرفاتج عشانه وعلى شان حبج ودافعي عنه ها الحب ولا تتخلين عنه مهما صار ريماس:اخاف يردني والله لأنتحر لو هو تجاهلني انا بروحي ما استحمل منه شي ها اليومين نوف:والله طحتي ولا حد سمى عليج لا تعقدينها وحاولي بما انج تحبينه تسوين كل شي هو يحبه تقربي من امه وابوه وسكت شوي وضحكت هههههههههه ريماس:وش فيج تضحكين مع ويهج؟ نوف:اتذكره اول كله هو في صفج ويدافع عنج كل ما هاوششج سيف ريماس:كله كنت اشوفه اسمر كحيان وكله اقل منا ماديا وانا حلوووه بزود.. ودم ضروسي الفقارى هههههههههه ما دريت ان ها الفقير بيصير حب عمري كله نوف:ايوا يا عم انبسط يا تركي من قدك القمر وحبك ريماس:يله بروح قد الوقت متأخر وانا نسيت استأذنه وهو ما اتصل فيني يشوفني وين ولا هميته ودعتها وقبل لاتطلع نوف : رمممممممموس عندي فيديوهات لتركي وهو يشل له شلات تبينهم ريماس : ايه دزززي لي اياهم على البي بي نوف غمزت لها : من عيوني وراحت لبيتها ووصلت لقت ابو تركي قاعد بروحه في الصاله ريماس : هلا عمي وين عميمه وتركي ابو تركي:والله مابي اخرعج بس ام تركي تعبت شوي ووداها تركي للمستشفى ريماس:ويه أي مستشفى بروح لهم ابو تركي:ما فيه داعي حبيبتي قدهم جايين في الطريق ودخل تركي وهو مسند امه وجابها وقعدها جنب ابوه وريماس من شافت ام تركي جات وحبتها على راسها وقعدت تسألها عن احوالها وخذتها وودتها لغرفتها وساعدتها ولا طلعت منها إ لأ وهي متطمنه عليها تركي:وينج ريماس اليوم ريماس:عند نوف تركي: عند نوف ولا جا على بالج تقولين لي ولا خلاص سيد قيدج ريماس:تركي لا تكبر الموضوع السالفه كلها بيت نوف ورديت تركي:وانا وشدراني وين رحتي؟ ريماس:وشو وشو وش تقول وانت عادك على ها الكلام ترى ما اسمح لك ؟؟ تركي:اقول اسكتي احسن لج ريماس :ليش احسن لي تركي:ريمو بس ترى واله مكهرب منج ريماس:وشلون الحين من هو اللي مضيق على الثاني وبعدين ما اسمح لك تشك فيني فهمت تركي:لا ما فهمت فهميني ريماس:اوووه الكلام معاك ضايع بروح انام احسن لي تركي مسكها وهزها هز لين حس انه تخلخلت عظامها ودزها وطاحت ع الأرض ريماس كانت مستغربه من تصرفه وتصيح :تركي ليش تسوي فيني كذا ليش تركي:اووف منج اجي البيت ما القاج والقى امي طريحة الفراش وحضرتج تفترين من مكان لمكان وفي الأخير اشوف صديقج القديم لا حول ولا قوة إلأ بالله وكمل قصدي غانم وبكل بجاحه يسألني عن أحولنا ومن دون شعور مني مسكته وعطيته ذاك الكف وقدم فيني شكوى وتخيلي عند من؟ عند اخوج وكله من اسبابج ريماس:اه وش صار بعدين؟؟ تركي:وش صار اخوج حاول يحلها وياه وديا بس الكلب رفض وكتبني تعهد بعدم التعرض له مره ثانيه واجي للبيت تعبان والقى امي تعبانه ولا القاج وشتبين يكون شعوري ناحيتج في هذه اللحظه ريماس:وانا وش ذنبي صديقتي كانت تعبانه ورحت لها ولو استأذنتك مراح تردني لأنك عارف انها تعبانه ومحتاجه وقوفي معها تركي:شوفي ريماس للمره الأخيره اقولها لج لا تطلعين من دون شوري ريماس قامت من مكانها ومسكت قلبها وها الحركه لفتت انتباه تركي : اوكي ما يصير إ لأ خاطرك طيب بعد امر وشتبي ؟ تركي هز راسه وراح عنها وهو كله استغراب من حركتها وانها ما هاوشته مثل كل مره !! ◄انتهى البارت ► تعالوا هنيييه يوم الاثنين الجاي وفالكم طيب احبتي.. | |
| مرر الماووس للإستماع |
|
19-05-2016, 12:16 PM
| #3 | |
| مساءكم سعاده ال غلاااااااااا وشحالكم عساكم بخيرررررررر السموجه ل تأخري بتزيل بارتيني لهاليوم كنت مع ام زوجي بموعد لها وللتو وصلت ونزلت البارتين وسلمت عليكم وبطلع ولي معكم لقاء يا احبتي استودعتكم الله يا الغوالي .. | |
| مرر الماووس للإستماع |
|
19-05-2016, 01:52 PM
| #4 | |
  
| تسلم ايدك ياقمر الاحداث كل بارت عن الاخر بتصير اجمل وتشد الواحد سامحيني ع التأخير الكهرباء الان جت تقييم & ختم & نشر اعجاب ونجوم يــ آلق | |
  |
|
19-05-2016, 03:35 PM
| #6 | |
| سلمت أناملك الذهبية عالطرح الرائع الذي أنار صفحات المنتدى بكل ماهو جديد لك مني أرق وأجمل التحايا على هذا التألق والأبداع والذي هو حليفك دوما" أن شاء الله  | |
  الجوري ربي يحفظك ياعمري |
|
19-05-2016, 04:08 PM
| #7 | |
| كويس انو نوف ما ماتت بس كسر خاطري خالد هو اللي اكلها اممم اتوقع نوف بتسوي المستحيلات عشان تشوف خالد ريماس وتركي لا تعليق ^_^ غيرتها من هدى واعترافها بحبها لتركي واكتشاف انو غانم ما قرب لها ممكن هذي اسباب تخليهم يستمرون في زواجهم رووووعه افكارك وتخيلاتك في علاقتهم كنت في بداية القصه على بالي الاحداث كلها متعلقه بسيف والبندري اما بقية الابطال بتكون ادوارهم بسيطه بس إلى الآن توقعي مو في محله لا اعلم هل ستكون هناك مفآجات في البارتات القادمه ^_^ وخصوصاً لسيف والبندري !!؟ الاحداث صارت ممتعه ومشوقه حبيت اسلوبك وطريقة سردك كاتبتنا ومشرفتنا الانيقه شكراً من اعماق القلب في إنتظار التكمله بشوق وحماس ورده لروحك  | |
| لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ  ربي مايحرمني منك ياميورتي |
|
| الكلمات الدلالية (Tags) |
| ((تجيء , أكثرر , الحادي , بعض , عشرر)) , وأكثرر/البارت , والثاني , نعشق |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هذي مجموعه من التلاخيص والمذكرات والمراجعات جيولوجيا للصف الحادي عشر 2012 - 2013 | سوار الياسمين | (همسات الجامعة والطلبه والطالبات) | 14 | 06-03-2014 02:34 AM |
العرض العادي
