 الإهداءات | |
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
16-05-2016, 11:12 AM
| |||||||||||||
| |||||||||||||
 ((تجيء نعشق بعض أكثرر وأكثرر//البارت التاسع والعاشر)) ・・البارت التاسع ??ઇ??・c ღ BCღ ٺبقى اﻟذكَريآت دروسّآ في حَيآٺنآ . . ۅ يصبحَ اﻟغآئبون مٌجرد أمثلہ في اليوم الثاني من وصول سيف جات لطيفه لريماس في غرفتها .. لطيفه : تركي اليوم جاي يخطب ريماس :يمه ماني متقبلته والله مااقدر!! لطيفه :ريماس يمه خلاص لا فات الفوت ما عاد ينفع الصوت مالج إلأ هذا الحل من بعد ذيك الصور خلاص ريماس:يمه والله انه ... وكانت تبي تصارحها بشي بس امها سكتتها لطيفه: ريماس يمه حبي يدج وجه وقفا والله لو اني مكان تركي ما اخذج ريماس : يمه ليش تقولين لي ها الكلام تراني بنتج؟ لطيفه:بعد اللي صار لي ولج المفروض ما عاد نرفع روسنا ولا اصواتنا ولا عيونا والحين اسمعي وافقي اول ما يسألج اخوج عن رايج ولا والله لأاقوله كل شي وهي اصلا خاربه خاربه قامت ريماس تبكي وهزت راسها موافقه على كلام امها جاهم تركي وخطب ريماس من سيف هو وابوه ورحب فيهم سيف: هذي الساعه المباركه يا اخو عمري والله لو انها توافق لأزفها لك الحين بس عطني مهله هذه اختي الوحيده ويتيمه وملزوم علي اخذ شورها والله اني ازكيك عندها تركي في خاطره:اه يا سيف يا ليتها اللي في بالي كان انا الحين اسعد بشر في ها الدنيا سيف وهو يضحك:هيييي اخونا في الله والله انك ما تنرد وثق ان اختي اذا رفضتك هي الخسرانه تركي: فديت خشمك وهذا ظني فيك يا اخو عمري انت وبعد ما راحوا راح سيف لأخته وبلغها بالخبر وهو فرحان فرحه غير شكل البندري :هاه العروس وش رايج؟ لطيفه :وش رايها اكيد موافقه ما تشوفونها ساكته سيف:ريماس ارجوج حبيبتي لا تردين الحين علي اذا كنتي تبين تفكرين فكري ترى علاقتي بتركي اغلى شي طلعت به من الدنيا ولا ابي أي شي يكدرها لا انتي ولا أي شي ترفضين احسن الحين ولا انج تاخذينه وتردين لي زعلانه لطيفه:ليش يبه تتفاول على اختك سيف :شوفيها من جيت وهي ساكته ومنزله راسها ريماس:لا سيف بس افكر وترى اخته قد كلمتني من كم يوم وفكرت سيف:وهاه وش رايج يا صغيرتي الحلوه ريماس:شورك وهداية الله وصاحت ورمت روحها على صدر اخوها سيف:لا حول اول مره اشوف وحده موافقه على العرس وتصيح اقول جدتي ام خالد يوم خطبت البندري صاحت كذا الجده:يوه صاحت وترددت بعدين هديتها ووافقت سيف وهو يطالع البندري بنص عين:ترددت وشلون ؟ الجده:لا تقعد تطالعها وكنك تهدد ترددت كانت خايفه تروح بها للدوحه وتخليني في لندن سيف:اها كذا معليه .. ريماس قلبي هذه سنة الحياه وترى تركي شاريج من زمان من عادنا صغار كله اصيده وهو يطالعج من بعيد لبعيد وعمره مراح يقهرج ولا يضيمج ريماس:خلاص سيف حددوا الوقت اللي تبونه وخاصه اني في اجازه الحين واستانست ام سيف وزغرطت وكلها يومين واملكوا وعرض سيف على تركي انه يدخل ويشوف عروسه الا ان تركي رفض تركي : خلها لبكرا مره وحده اشوفها بالحفله والبسها الشبكه والخاتم سيف وهو فرحان اكثر من تركي : الي ودك وراح بارك لأخته سيف وهو يشل ريماس ويدور فيها : مبروكككك ياقلب سيف ريماس وهي ضامه اخوها سيف نزلها : شفيها الفرحه بعيونج مطفيه ؟! انا قمت اشك !! هناك تركي وانتي هني شسالفتكم ؟ ريماس : سلامة راسك والله انا خايفه من الزواج وهذاطبيعي بس وايد بفقدكم وقعدت تصيح سيف : يالدلوعه كله تبين تصيحين وبس .. ترى بيتنا مايبعد عن بيتهم الا حذفة حصاه واذا رفض بسس سوي الو لبابا سيف وانا اشوف شغلي وياه ريماس : لا خلا ولاعدم وحبت راسه اليوم الثاني كان الكل فرحان ومبسوط وخاصه ام تركي وبنتها خلود وابتدت الحفله بالدي جي ونزلت العروس مع نوف والجازي وكانوا فرحانين لها ولا يدرون بعلتها بس كانن مستغربات وشلون وكيف وافقت على تركي كذا بدون مقدمات وهن عارفات شعورها ناحيته ! كانت ريماس لابسه فستان ناعم لونه احمر المرجاني وبالنص بروش كان يلمع والي يميز الفستان ، كان القسم الي فوق ينتهي بطبقات فوق بعضها كأنه قطعتين وكانت حاطه ميك اب دخاني الي كان بارز جمال عيونها اما نوف والجازي كانوا ماخذين فساتينهم من فرزاتشي ، وبعد ماسلمت على الكل قعدت على الكرسي وقامت نوف والجازي ورقصوا لخاطر ريماس على كم اغنيه بعد ساعه جاء سيف وتركي وقعده جنب اخته وطالعهم وهو فرحان وطلع تركي كان يطالع ريماس وهو مبهور بجمالها وكان يقول يا حسافه عليج وعلى ها الجمال اللي الكل تمتع به ريماس :من اوليتها القهر والضرب تحت الحزام تركي :لا والله يا اخت الغالي بس كلمه وقلتها .. ويوم شاف الناس تناظره قرب منها ومسك يدها وقام يتبسم ريماس:عسى ما شر وشلي حل عليك .. وكانت تبي تسحب يدها تركي :هههههههه اضحكي ترى كل العيون علينا ولازم نقدم لهم عرض استعراضي يرضيهم قعد يسولف وياها وعيونه في عيونها وماسك يدها ولبسها العقد .. وكانت المصوره تصور كل لحظاتهم ويا بعض " الي طلب المصوره الجازي مع ان ريماس كانت رافضه الا ان الجازي اصرت على تصوير اغلى اللحظات في حياة كل عروس " وكانت المصوره تطلب من تركي يطالعها وهي تصوره وهو يلبسها العقد والدبله وباس يدها وجاته لطيفه وضمته وحبته وقالت له كلمه في اذنه ورفع راسه لها وطالعها شوي تركي : على ذا الخشم ولو اللي طلبتيه روحي كان ما اغليتها عليج قامت وحبته مره ثانيه تحت انظار بنتها المستغربه من حركة امها وكلها فضول تبي تعرف هي وش قالت له !! تركي : زين عمتي انا فيني شله لطيفه : نجيب لك المايك افا عليك تركي : ياريت وجابوا المايك وقامت نوف تبي تصور ولاحظها تركي والتفت على ريماس وشل لها الشيله ماهو بكفو الوقت حبك يمحيه يالي تخاف صروف الايام تمحاه ارتاح دام ان المواصل يقويـــه انت انت وانا انا وقلبي هو وياه حتى ولو بتغيب ذكراك تكفيه ياواحد تكفي عن الناس ذكراه حبك على رملة خفوقي مواطيه ورياح عذلي عنك ماتمسح خطاه والي يعذل القلب عن درب غاليه فالله وان مابلا الموالي فـ يبـــلاه اخفيه يا بالفيت والحال يبديه ادنات واحد ينظر الحال يقراه مخفيه فيه ومعتني به وحاميه عن كل عين ودها تنزل حماه قلب يحبك والهواء الذرب ماليه كانك مكذبني بعينك تحلاه والتفت على نوف وقال : اخاف ريماس تغار وضحك بأستهزاء وراح لريماس ونوف تضحك : هههههههه ووقفها وحبها وباس خدها وطول في البوسه وهي مبهوته من ها الحركه ودزته من دون ما حد يحس بها وفي نهاية الليل استأذن تركي وهله وراحوا وريماس ومرة اخوها قعدوا سوالف وضحك طبعا كله من قبل البندري ولا ريماس كان عقلها في وادي ثاني اليوم الثاني اتصلت ريماس على تليفون مها تبي تتأكد من شي معين هي شاكه فيه غير كلام تركي ان غانم بيتزوج مها بعد شهرين وكان تليفون مها كله مقفل واتصلت في رفيقاتها نوف والجازي وجابتهم عندها واسئلتهم اذا كانت مها تتواصل وياهم ! ريماس وهى توجه كلامها للجازي ونوف:وين مها وليش تليفونها كله مقفل الجازي وهي متردده:مدري ليش هي ما كلمتج ولا باركت لج ريماس: لا قولوا لي وش صاير حاسه ان فيه شي الجازي:مدري وشلون اقولج ريماس:قولي ولا تترددين الجازي:مدري وش اقول ها الأسبوع صار حدثين عمري ما تخيلت انهم يسيرون ريماي :إلأ وهم ! الجازي:خطبتج لتركي اللي انتي ما تطقينه ولا تواطنينه بعيشة الله وخطبة مها ل........ ل.......لــ غانم ريماس:وشو يعني الكلام اللي وصلني صحيح الجازي :ريماس ممكن تفهمينا وش اللي صار احنا ربعج ومها بعد وش صار ريماس وهي مصدومه ريماس :اقول بنات يله بنروح بيت مها لازم اتأكد من شي وبعدين بقول لكم كل شي نوف :ريماس اهدي شوي وشلون تروحين لها وهي عارفه بحبج لخطيبها اكيد بيسير بينكم هواش ريماس :لاتحاتون بس يله امشوا معي وراحوا لبيت مها ودخلتهم الخدامه للمجلس وراحت تنادي مها جاتهم مها وهي في قمة كشختها ورحبت بهم وهي تطالع ريماس وتلعب بدبلتها بشكل واضح ريماس:ممكن توضحين لي وش صار يامها مها:وش صار يعني ولا شي غانم وخطبني ووافقت فيها شي ريماس:ليش يا مها وانتي تعرفين اللي بيني وبينه مها:وش اللي بينج وبينه لعبه ووانتهت ويوم بغى العرس فكر فيني ووافقت ريماس:انتي يا الحقيره تتكلمين عني كذا مها:بعدين احمدي ربج ان تركي فكر يتنازل وياخذ بقايا غيره ريماس قامت من مكانها وطبت في بطن مها وهات يا تكفخ وجر شعور والجازي ونوف يحاولون يفكون من بينهم ما به امل كل وحده كانت ماسكه الثانيه بكل قوتها وبعد ما فككوهن ريماس:ليش يا مها ها الحقد والغيره مني وهي تحاول تفك نوف منها عشان اطب على مها مره ثانيه مها:أي حقد واي غيره ههههههههه وش اسوي اذا شبع منج ومل واتجه للي عرف انه بتحفظه ريماس:اسكتي يا احقر من عرفت مها:هي انتي اسكتي واحترمي روحج لا اخلي فضيحتج على كل لسان الجازي:أي فضيحه اذكروا الله تراكم خوات مها :صورها وهي في حضن زوجي وصورتها وهي ترقص ريماس هنيه تأكدت من شكوكها :يعني انتي اللي عطتيه الفيديو يوم كنت ارقص وياج ومع نوف والجازي وعطتيها النذل عشان يستغلها ضدي مها:هذه نتيجة استهتارج بعمرج وبسمعة هلج الجازي ونوف ممكن تفهمونا وش ساير ريماس وهي تطالع مها:ها الحقيره اللي تتدعي صداقتي صورتني اذا تذكرون يوم كنا نرقص وعطتها الحقير اللي على شاكلتها واستغلها ضدي وقامت دزت نوف وطبت في بطنها مره ثانيه وفككوهم مها :هههههههه بعد قولي لهم وش صار معج وياه يوم صورج تبين نسخه من الصور هنا طاش الدم في راس ريماس وما عاد قدرت تستحمل كلام مها قامت عليها تضربها وخذتها نوف بحضنها نوف : ريماس اذكري الله .. وكانت تقرأ عليها عشان تهدأ وياخذون شنظهم ويلبسون عباياتهم طالعين وتوهم بيطلعون قالت مها للجازي :اقول انتبهي لبدر ترى ريماس تحب كل شي مهب لها ريماس:عسى ما شر يا الملفوظه والله ما حد يحب ياخذ اللي مهب له غيرج ولا غانم من متى انتبه لج ولا فكر كله يعيب على وجهج اللي على قولته ممسوح منه الجمال مها :نصيحه لوجه الله انتبهي لتركي وامسكيه بيديج واسنانج والله انه نشمي اللي خذج الجازي :خلصنا من ها الموضوع يله ريماس خلينا نمشي وهم في الطريق اشرحت لهم غانم وش سوى فيها نوف:لا لا الحقير النذل ليش دمرج كذا الجازي حسبي الله ونعم الوكيل فيه وتركي وش سوى ريماس:وش سوى شوفت عيونكم عشان حبه لسيف انقذ سمعتي وانه بيطلقني بعد سنه وقال كلام كريه ما ينطاق الجازي :يا ويلي عليج ريموووووووو الله يكون بعونج وبكت ريماس عمرها والجاي وحددوا العرس بناء على رغبة ريماس بعد شهر تبي تسبق مها وغانم وكان عرسها قبلهم باسبوع ◄انتهى البارت ► دقايق وبنزل البارت العاشر.. المصدر: منتدى همسات الغلا ((j[dx kuar fuq H;evv ,H;evvLLhgfhvj hgjhsu ,hguhav)) H;evv hgjhsu fuq ,H;evvLLhgfhvj ,hguhav))   مرر الماووس للإستماع   |
|
16-05-2016, 11:17 AM
| #2 | |
  
 | ツ】ઇ需البارتالعاشر需ઇ【ツ ღbcღ و ﻋﺳىىَ من دﻋاا ﻋﻟﯾﻧا ﺑاﻟﻓراق تفقد ﻋﯾونهه ﻣع الاياام نعمهة بصرهاا كتارا وتطورت العلاقه بين الجازي وبدر وطلب منها انه يتقدم لها بعد ما تخلص من دورتها بدر : شرايج ؟ الجازي وهي مستحيه : على هواك بدر : خلاص عطيني رقم الوالد .. وعطته بدر : يلا الحين قدامي الجازي رفعت له حاجب : ها ؟ بدر داخ من عيونها : يآ لبيه الجازي ضحكت من الاحراج وراحت للكلاس وقبل عرس ريماس تخرجن البنات الثلاث وفي خلال ها الشهر كان تركي ما يشوف ريماس ارسل لها مهرها وهي والبندري ونوف والجازي قسموا على بعض المشتريات وفي اللؤلؤه كانوا البنات مع ريماس كانت تاخذ لها شناط من الch وعلى ذوق البندري الي خذت لها 3 الوان فلاشيه مع الشوز البندري : خلونا نقعد انهد حيلي ريماس : هذا وانتي بالشهور الاولى تتدلعين البندري : هههههههه ايه دلعوني ولا بنادي سيوفي نوف : عشتوو وهي ادزها من كتفها يلا زين خلونا نقعد بالكوفي الي برى وين الجازي ؟؟ البندري : المفهيه هاذي وراها سالفه ريماس : بنتصل فيها بس خلونا نقعد لاتولد علين علينا وقعدوا بالكوفي وكانت عيون شلة الشباب الي قدامهم عليهم وما ارتاحت البندري من هالقعده البندري : استغفر الله تونا ماقلنا بسم الله الا ووعيونهم مبققه شدعوى مب شايفين بنات من قبل ريماس : مايقامون جمالي البندري : عيب عليج انتي حرم تركي الحين المفروض مايطلع منج مثل هالكلام ولا شلون نوف ؟ نوف : اكيد اكيد وهي تغمز لريماس واتصلت على الجازي .. الو الجازي بصوت ناعم : الو نوف : جزززززززززززوي !! الجازي وهي تقصر على صوت الفون : هلا حبيبتي نوف : حبيبتي ! الجازي : انا مشغوله شوي وبجيكم نوف : مشغوله ! الجازي : يلا باي نوف وعلى راسها اكبر استفهام: باي !! البندري : شفيج نوف شكلج يموت ضحك هههههههه نوف : لا الجازي عندها علم ههههههههههه قاعده تتدلع وتقول لي حبيبتي .. وهي اطالع طاولة الشباب نوف : رموس شوفي مب هاي عبدالعزيز صديق تركي وهي من سمعت اسم تركي طالعت الطاوله : ماذكر اني شفته بمكان وانتي شعرفج فيه ؟ نوف : لحظه بتأكد وكلمت عبدالعزيز بالبلاك بيري البندري : وبعدين انتوا ماتستحون ؟ احترموني شوي ولا كأني موجوده بينكم ريماس : شقاعده تقولين الاخت نوف متيمة جريح المحبه الي هو زوجي المصون البندري : هههههههههههه نوف : بنننننات طلع هو وبعد ماطلبوا الكوفي .. وصل تركي لعبدالعزيز وباقي الشله عبد العزيز : تروكك شوف البنات الي مقابلينا ترى من معجبينك تركي : توم كروز وانا مادري عبدالعزيز وهو يدزه : يارررررررررريال وكان تركي بيطيح من الكرسي من دفاشة عبدالعزيز : صدق منت كفو ادزني وانا معرس جديد البندري : يلا بنات مشينا البنات : يلا وهم قايمين مروا على طوالة الشباب وقال عبد العزيز لهم : صوبببنا عاد التفت البندري للطاوله وشافت تركي كان منزل راسه يطالع الفون واشهقت ورفع تركي راسه وشافها وانصدم عبدالعزيز على صوته : يآلبيه شهالجمال الي عليج تركي ضرب رجل عبد العزيز عبدالعزيز : آآآآآآيي شفيك وتوه بيقوم وراهم تركي عطى عبدالعزيز نظره وقال : الاهل عبدالعزيز بهت وقعد وهو منحرج : انا انا اسف بسس والله لو ما التفتوا وسكت لانه حس انه بيجيب العيد تركي ضحك وهو مقهور : قمنا قمنا الجازي وبدر بدر : شفيج متوتره الجازي : البنات افقدوني ومابيهم يطنزون علي بدر : زين خلصتي العصير الجازي : ايه بدر : يلا قمنا ومن مجمع للثاني قدروا يجهزون ريماس بأرقى التجهيزات واما خلود جهزت جناح تركي بكل اغراض ريماس ويوم العرس كانوا حاجزين في ارقى القاعات وصرفت على عرسها كل شي راقي وفخم تبي تحرق قلب مها لأنها عارفه ان غانم امكانياته ما تساعده وكانت الترتيب العام بلون الاوف وايت وهاذا كله ذوق ريماس وكانت فيه شاشتين عرض .. كان يعرض فيها صور لريماس ولتركي .. وكانت نوف والجازي مطقمين بالبس لكن الالوان تختلف وكانوا ماخذين الموديل من كليب مريام فارس الاخير وكانت نوف لابسه الذهبي اما الجازي كانت فضي والبندري كانت مفصله شي ناعم وكان الحمال مبين عليها والي كان مخليها احلى وكانوا بالاستقبال يستقبلون المعازيم نوف : جزوي والي يرحم والديج شيكي على السيرفس لاتخلينهم الجازي : اوكي وبمر على رموس لو محتاجه شي نوف : اوكي وانا بنطر البنات وجايتكم ان شاءالله وكان السيرفس قايمين بشغلهم بأكمل وجه والتوزيعات كانت من ارقى الفنادق والجازي بعد ماشيكت عليهم راحت لريماس الجازي وهي معجبه بشكل صديقتها : وآووو كانت ريماس لابسه فستان ابيض ومدخله فيه ورد اسود وكان بطريقه راقيه وحلوه وكان تصميم الفستان شغل وحده قطريه ريماس : شرايج ؟ الجازي : مالج حل !! ودخلت نوف : وآآآآآو شهالزين ياحظ تركي فيج وبعد ماصوروا معاها كانت نوف محضره فلم قصير قبل دخلت ريماس .. وكان الفيديو عباره عن صور لريماس وهي صغيره ومدخله صوت لشلة تركي فالبدايه كان يعد القصيده ومع دخلت ريماس بدأ الشله .. وعقبها دخلت ريماس ودخلت ريماس على ايقاعات هادئه وكلها شجن ونعومه يشبه لرقتها وجمالها .. وكانوا البنات حولها والكل انبهر من ها الزين اللي ماله مثيل لدرجة ان الفرقه قعدت تقول حارس حارس الله يحرس ها الزين وقعدت والكل جاها نقطها ورقص لها وصور وياها وكانت عيونها تدور على مها جاتها امها وقرت عليها : اضحكي ريماس وهي في عيونها دموع : ان شاء الله وبعد ما جات زفة الرجال وزفوا تركي كان عبد العزيز يقول عبد العزيز : نجيب لك المايك تكفى وحشنيصوتك تركي : مصخناها ترى سلم وانقلع لاني ميت تعب رجوليمبشايلتني عبدالعزيز وهو يرمش بعيونه : افاا انا الحب انقلع الحين تركي وهو يضم عبدالعزيز : احبك عبدالعزيز : لا وخر استحي تركي وهو يضحك عبدالعزيز وهو يضمه اكثر : مبروكك منك المال ومنها العيال وبعد ماطلعوا الشباب بقى سيف مع تركي وبعد ماصوروا سلم سيف على ريماس سيف : هالله هالله بالحبيب ريماس وهي تصيح : ان شاء الله وضمها لصدره وقرأ عليها المعوذات واستأذن وهو عند الباب وقفته البندري سيف : عفوا ما اكلم بنات وهو فيه الضحكه البندري : سيوفففف وتوها بتروح سيف سحبها من يدها : ياعيونه انتي ترى اشلج ونروح البيت البندري : تعال نصور ويا بعض سيف : من عيوني على الكوشه قعد تركي يضحك للكل ويهمس لعروسه وماسك اليد والكل كان يدعي لهم با السعاده وجاتهم لطيفه وساعدت ريماس انها توقف ومسكتهم يد بعض .. وكانت تقط عليهم فلوس لين وصلوا الباب وقبل ما يطلعون العرسان وعند الباب وقفتهم مره متغشيه وقالت : مبروك ولو انه عرس مهب مبروك تركي :نعم اختي وش قلتي : اقول الله يعينك على ما ابتلاك يا تركي ولا هذه من ياخذها تركي:تهبين وتخسين من انتي اصلا عشان تقولين ها الكلام على عمه من عماتج مها:هههههههههه عمتك انت ولا انا افتكيت منها ريماس:لهدرجه وصل حقدج يا مها جايه يوم عرسي عشان تسميني تركي:لحظه حبيبتي ريمووووو بستدعي لها رجا الأمن مها :هههههههه عشتوا ريموووووو حبيبي اوكيه يله اخليكم والله لا يهنيكم ههههههه ولا انتم معزومين تركي:روحي لا بارك الله فيج ولا رجال خطبج وبيبتلي بها الحقد اللي تارس قلبج راحت مها وهي تضحك ضحكه كلها حقد وشر وقرب تركي سيارته وركب ريماس وراحوا لبيتهم على طول وهناك استقبلهم ابو تركي وهو يبارك لهم ووسع لهم الدرب وصعدوا للطابق الثاني وراحت اقعدت على أي كرسي صادفها وكانت مدنعه وهو يكلمها وهي ما ترد عليه لين جاء جنبها ورفع راسها وشاف عيونها مليانه دموع واي دموع دموع ذل ودموع قهر وحزن تركي:هذه مها صديقتج اللي خذها رفيقج السابق هاه ريماس طالعته ولا ردت عليه حاول يكلمها وهي ابد مبلمه ولا مجيب لتركي ويوم شافها ما ترد قال لها تركي : اقول قومي روحي لغرفتج طالعته :وش تقول أي غرفه تركي :الثانيه قومي روحي وخليني ارتاح تراني تعبان كلي ومنتهي قامت تسحب عمرها سحب ويوم فتحت باب الغرفه انصدمت من اللي شافته ريماس : شنو ذيه؟ تركي : وهو يأشر : فراش وهني الحمام غرفتج شنو يعني ريماس:هذه غرفه هذه ممر ولا سمه أي شي إ لأ إنك تسميها غرفه تركي:هذا الحاصل ريماس:انا ريماس انام في هني ! تركي:ما ضيعج إلأ ها الأنا والغرور ريماس :بس المفترض اني عروس وبنت ناس اغنياء وتكون في النهايه غرفتي في بيت زوجي ها الشي تركي:شسوي بج اذا تذكرين انا جيتج خلال الملكه وكنت جايب كم كتالوج ابيج تختارين أي شي على ذوقج تنامين فيه خلال ها السنه بس انتي ما رضيتي تنزلين لي من برجج العاجي ريماس :أي انا اقتنعت بذوق اختك خلود وخلاص وشوله بعد غرفه وكتالوجات تركي :وخلود عدلت لج غرفتي ومثل منتي شايفه انا مهب متعود انام مع حد ريماس:والحل في نظرك تركي :والله نامي هنا وش فيها نومة الأرض حلوه اهم شي فراش وثير وحمام فيه كل مستلزماتج وها الكبت فيه كل اغراضج ريماس:لا والله الأ انت تعال انت ونام هنا وخلني انام ع السرير تركي:سوري ما اقدر والحين يله تدبري امورج وانا تعبان حدي وابي انام ريماس:بس انا ما اعرف انام ع الأرض ومن بكره بجيب غرفتي اللي ببيتنا هنا تركي:لا والله وشتبين هلج ولا هلي يقولون عني ريماس :مهب شغلي تركي:اسمعي يا بنت الناس لا تنسين ان حنا عرسان والمفروض ان حنا ننام في غرفه وحده وشتبينهم يقولون اذا شافوج من ثاني يوم تتصرفين ها التصرف ريماس:خلاص زين تصرف انت وجيب لي غرفة نوم ما اعتقد انك فقير ومن بقادر تجيب لي غرفه تركي:نعم اقدر اجيب لج غرفه بس مهب ها اليومين اصبري شوي اذا لهوو الأهل عني وعنج بجيب ،،وعلى فكره ابي منج حسن التصرف مع ابوي وامي ولا ابيهم يسمعون صوتج مرتفع ريماس:وانا وشدخلني في ابوك وامك؟ تركي:المره السنعه تقول عن ام زوجها وابوه ا:يبه ويمه ولا خالتي مهب كذا حاف والحين تصبحين على خير واحلام سعيده يا عروس وطلع وسكر الباب تمت ريماس واقفه مده وهي تفكر في صاير لها وتذكرت غانم وقعدت تدعي عليه وهي تبدل وحاولت تنام ما جاها نوم وعلى الفجر غفت عينها من كثرة الصياح والتعب استمرت حياة تركي وريماس ماشيه قدام الكل على احسن ما يكون العصاري ولين الليل طلعات وعزايم من الأهل ولا بروحهم من رفضت شهر العسل وهي كله رقاد في النهار والعصر تطلع مع تركي وكل طلعه تنتهي بهواش وكل ما زارت بيت اهلها تحسرت على ايام العز والدلع والطلعات والحريه كانت الجازي ونوف يزورون ريماس ويخففون عليها وينصحونها بحسن معاملة تركي ريماس:رحتوا لعرس الملعونه مها الجازي :لا هي ارسلت لنا بطايق دعوه بس منبي نروح من بعد اللي سوته فيج خليها عنج وانتبهي لعمرج وبعدين كلها ايام وبيجي عرسي يله همتكن معي ابيكم تساعدوني ريماس ابشري نعين ونعاون والحين خلونها نطلع نغير جو شوي انخنقت من مقابل ها الشياب الجازي :اسأذنتي تركي انج بتطلعين ريماس :لا وليش اسأذن بالله الجازي:انتي الحين في ذمته ولازم تشورينه في كل شي يخصكم ريماس:يله بلا حكي فاضي قومن خلونا نطلع مثل اول وراحت مع رفيقاتها وتغدن برا وتمشن وعلى الساعه ست المغرب ردت وصعدت على طول لغرفتها لقت تركي قاعد في غرفة مكتبه يطالع له اوراق ويوم شافها داخله جاها تركي:هلا هلا وين كنتي حضرتج ريماس:يعني وين كنت مع رفيقاتي تغدينا برا وحلينا وتمشينا شوي في المجمع وردينا تركي:وما فكرتي تستأذنين مني ريماس:ليش يعني وانا وين رحت تركي: إسئلي روحج وين رحتي؟ ريماس:نغمة صوتك وكلامك ما يعجبني تركي:عمره ما اعجبج اسمعيني والله لو ها الموقف تكرر مره ثانيه ما يجيج خير ولازم تعرفين انج وحده مشكوك في طلعاتها ودخلاتها ريماس:ما اسمحلك تحاكيني بها الأسلوب تركي:لا وشبتسوين يعني كانت تكلمه ويدها مرفوعه لأنه شكك فيهاوقربت تبي تضربه مسكها من يدها ولاتها لها وكنه بيكسرها تركي :كم مره قلت لج لا ترفعين صوتج ولا يدج هذه لأكسرها لج ريماس:والله ما تقدر تكسرها وكل ما قال لها كلمه ردتها دبل والعن لين قالت له ريماس: اذا كنت رجال طلقني بس انت مهب رجال جاها وعطاها ذاك الكف اللي اثرت اصابعه على خدها هنا ريماس تجمدت ولا عاد قدرت تفكر جاته وقعدت تضرب فيه وتحاول انها ترفسه وشلون انه تجرأيضربها وشلون انه يشكك فيها دزها على الأرض صوب فراشها عشان ما تتعور وطلع وراح لغرفته حزن للحاله اللي وصلوا لها وانه مد يده عليها بس هي اللي استفزته وخلته يطلع عن طوره في بيت سيف كانت الحياه هاديه وماشيه على احسن ما يكون بين سيف والبندري كله يدلعها ويحاول يعوضها عن اللي صار لها وخاصه انها بعض المرات تقوم مفزوعه وكله عرقانه ولسئلها وش فيج تقوله نفس الحلم اللي اصلا مهب حلم واقع اغتصاب قدام عيني سيف:عندي اقتراح حبيبتي وشرايج نروح عمره ترتاحين وتريحين اعصابج في بيت ربج البندري وهي لاصقه فيه وترتجف من ها الحلم المتكرر :يا زين ها الأقتراح أي والله محتاجه اروح للعمره واتفقوا انهم يرحون ها الأسبوع وام خالد وام سيف كله مع بعض وسوالف وبعض المرات تجيهم ام تركي ويقضون نهارهم في التقهوي والضحك بالنسبه لشاهين وموقفه من اخته ابتدأ من بعد ما شاف منها ها الألتزام وها الروح الحلوه مع العجوز ام خالد وطلبت منه يكون محرمها تبي تحج وهو وافق وهم شوي مبسوط منها نوف توظفت في الخارجيه بما انها خريجة قانون والجازي مدرسة رسم بما انها خريجة الفنون الجميله وريماس ما بغت تتوظف كل حياتها نوم وهواش وتذمر من المحيطين بها واللي شغلها ها اليومين عرس الجازي كله تروح معها ومع نوف يتشرون طبعا من بعد شور تركي عقب ذاك الكف ما عاد تجرأت تطلع من دون علمه وكان هو اللي يوديها لبيت الجازي ولا بيت نوف وكم مره عزمها ع الغذا ولا العشاء برا بس هي ترفض ولا تفتح معه باب للنقاش من بعد اخر موقف بالنسبه لمها وغانم تزوجوا بس غانم كان بكل مره يصدم مها بتصرفاته ما فات على عرسهم الأ اسبوعين وشمت في ثيابه عطر نسائي وكله مكالمات بصوت هامس ومن تجيه يغير النغمه بس ما تقدر تناقشه تخاف انه بعدين يجاهر باللي هو الحين خاشه واللي حاز في نفسها كلامه عن وسامته وجمالها المتوسط وانه ياما عرف وعاشر ملكات جمال وكل ما تناقشت معه سفه لها وطلع ومن يومها هي مستسلمه لقضاء ربها وصابره مها : هذه حوبتج يا ريماس فيني ولا انا وين وغانم وين في يوم كانت نوف راده من دوامها ع الساعه ثنتين الظهر وصار لها حادث فضيع وكان المتسبب فيه ولد مراهق طالع من دون علم هله من مدرسته وخلا الدريول وساق بكل سرعه وصدمهم وكان منظر السياره وهي مقلوبه ينبئ انه اللي داخلها اكيد مات وجوا رجال الفزعه وانقذوا الدريول نوف بس نوف كان موقفها صعب وطلبوا الأسعاف بس على ما يجي الأسعاف ها البنت بتروح فيها هذا كان كلام واحد من رجال الفزعه وكانوا يسمعون انينها المتواصل وكانت ريحة البترول منتشره والأنفجار حاصل لا محاله وكا ها الرجل اللي اسمه خالد يحاول انه يدخل للسياره من أي جهه بس ما فيه مدخل ولقى له فتحه بسيطه وكان بيدخل منها إ لأ ربعه ماسكينه ويقولون له :ارجع يا خالد والله ما تقدر تدخل وحتى لو دخلت منت بقادر تطلعها وتطلع المكان ضيق وبيشتعل بس هو ما سمع كلامهم وحشر روحه لين وصل لنوف مد يده لها وهو يسحبها بشويش وهي تبكي وتون وتتشهد على روحها وقالت له نوف :روح يا اخوي انا محشوره بين الحديد ولو جريتني راح اتقطع وانت لا تخسر عمرك اطلع ع الأقل واحد يموت روح شوف حتى يدي ما تقدر تحركها اكثر وخالد ما كنه يسمعها قال لها: ساعديني بس وحاولي ترفعين روحج صوبي شوفيني تعالي تعالي وهي تبي تساعده بس كلش ما تقدر وشم ريحة البترول اكثر وعرف وش بيصير فكان انه دفع جسمه بين الحديد والزجاج وقرب منها بسرعه ونجح انه ينتشلها وكان عارف انه اوجعها بحركته السريعه بس ما كان قدامه غير ها الشي سحبها وكورها في صدره وكان يهديها بكل الكلام اللي يقولونه في هذه اللحظات وكان يبي يحميها من الزجاج المتناثر وشوي شوي بيطلعون من المنفذ الأ العالم تصرخ : اطلع اطلع السياره اشتعلت وكانوا يبون يساعدونه خالد: قربوا شوي ومدوا يديكم اخذوها مني بسرعه وقربوا منه وهم يستعجلونه لأنه خلاص الأنفجار صار وكانت نوف حاسه بكل شي وقالت له : والله لو الله احياني واحياك اني ارد لك جميلك واذا الله خذ امانته اطلب لي الجنه وكانت تبكي شبابه وشبابها وغمضت عيونها وهي تشوف النار وهي شابه فيها وفيه وتشهدت وصوت الأنفجار حطم اذنها ◄انتهى البارت ► تعالوا هنا يوم الخميس وفالكم طيب.. | |
| مرر الماووس للإستماع |
|
16-05-2016, 11:18 AM
| #3 | |
| مساكم الله بالخيررررررر ال همسات الغلااااااااا تفضلوا بارتيني تبع هاليوم متمنيه لكم اطيب الاوقات معي ومع ابطالي | |
| مرر الماووس للإستماع |
|
16-05-2016, 01:22 PM
| #4 | |
  
| مساءج عسل ياقلبي البارتين يجننو روعه الاحداث وتسلسلها يعطيج العافيه ع التميز بتأليف القصص الطويله سلامتج الف سلامه ياعيوني تقييم & ختم & نشر اعجاب ونجوم ولا يكفي لسموك | |
  |
|
16-05-2016, 01:55 PM
| #5 | |
| هلا وكل الغلا والله بصديقتي الغاليه ريحانة بغداد اشكرج يا نبضي لمرورج الحلو وختمج ونشرج لها بالتنبيهات ولتقيمج وربي يسلمج يا غلاااي وجعلني ما افقدج يا غلاااتي محبتي لروحج الحلوه حلوتي .. | |
| مرر الماووس للإستماع |
|
16-05-2016, 02:37 PM
| #6 | |
| بارت جميل سلمت الايادي جميله لاحرمنا الله منك تقديري وتقييمي   | |
| اللهم اشفي عبدالرحمن شفاً لايغادر سقماً .. والبسه لباس العافيه الحياه لاتتوقف عند حدث معين!! نحن من نتوقف علىَ سبيل الألم : قطعه من قلبيَ في أحَد القبور |
|
| الكلمات الدلالية (Tags) |
| ((تجيء , أكثرر , التاسع , بعض , وأكثرر//البارت , والعاشر)) , نعشق |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| السؤال التاسع من مسابقة الحج والعمره لـعام 1436هـ | ذابت نجوم الليل | (همسات المسابقات والفعاليات ) | 9 | 18-09-2015 11:46 PM |
العرض العادي
