في معزل(ن) عن جميع الخلق وازعاجه .. ما اسمع من الناس لو تكثر لجالجها.
ماغير اهوجس تقول مضيع(ن) حاجه .. اخذ واسند على روحي واهرجها.
وادوج لو كان ما رجلي بدواجه .. ادله النفس لين الله يفرجها.
تفرج لعين اللي اغفت بسوهاجه .. تجهز عليه الطواري لين تزعجها.
نوب(ن) سهرها شديد ونوب نهاجه .. ومره تكن الدمع ومره تزعجها.
عليك ياللي بقلبي كن وهاجه .. وهاج نار هوى الغربي يسرجها.
ابو ثمان تشاد اللولو لعاجه .. كن البرد يوم تضحك في مفالجها.
يا روح روحي وجرح القلب وعلاجه .. الطف بحال(ن) عليك الهم سالجها.
قلبي يناجيك باسلوب الهوى ناجه .. يشكي لك الحال داخلها وخارجها.
اما التفت لي و تم الوصل بمواجه .. ولا بلاها عشره هذي نتايجها.
وش ينفعك من حنين القلب وخلاجه .. وجرحي اسبابها انت ولا تعالجها.
اتمنى ان تنال اعجابكم..
dhlg rgf(k) ds[ ,tdi ],gh[i >> ggahuv : uf]hggi fk u,k j[ldud
الإهداءات
19-11-2010, 10:36 PM
المواضيع المتشابهه 
يامل قلب(ن) يسج وفيه دولاجه .. للشاعر : عبدالله بن عون .. تجميعي 
العرض العادي
