يا لمصايب ليه يومك في وليفي تفجعيني... بقلمي

ودي ابكي ودي اصرخ ياعزومي ساعديني=
ودي احكي للقصيد الي أبحياتي قد لقيت

ودي الحن حزوني لين اترجم هم فيني =
ودي انسج من الآ مي ما كتبت وماقريت

وعزتي تابه عليه شف دموعي تشتكيني =
دست قلبي وتبسم عن همومي مادريت

ياجروحي غصب عني سامحيني وعذريني =
وصبري صبرٍ جميل لاتقولي ليت ليت

ليه اولول ليه اشمت كل عاذل مايبيني=
ونت يامضنون عيني لاتظن اني سليت

كل لحظه أفتكرها ما تنسيني سنيني=
روح ياروحي فديتك بعد عمري حي ميت


أذكر الصوره تقلي طالعيها وذكريني=
قلت لك مني وعد داخل عيوني بقيت

لي ثمان سنين طيفك كل ليل يعتريني=
ونت قلي كيف وضعك لاحضرت ولا سريت

ايه صادق ادري انك في شعورك محتويني=
وكل ما قلبك ندهلي فز قلبي قمت جيت

وكل مالهاجس رثعبي ازهمك قلت أحتريني=
للامل فديار عمري منهدم مليون بيت

الليالي والقلم وي الورق يا سامعيني=
شاهده بعد المفارق ما نعست وما غفيت


يالمصايب ليه يومك في وليفي تفجعيني=
لو حصلي ما حصلي ما قطعت وما عزيت

يا رياح الهم هبي ثابته ما تطرحيني=
شامخه مثل النخل مايهزني ريحٍ عنيت

واثقه مالي ومال الي بهرجه مقتفيني=
ايه احبه بالمحبه ما زللت وما خطيت

رمـــــ الهوى ـــــــــــادية