 الإهداءات | |
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
05-05-2016, 06:27 AM
| |||||||||||||
| |||||||||||||
 ((تجيء نعشق بعض اكثرر واكثرر//البارت الثالث والرابع)) ツ】ઇ需البارت الثالث需ઇ【ツ ღbcღ المآآضي لم يعد موجودآ وغداآ : لمّ يآتي بعد لذآ / ف اليوم هو الاهم لندن البندري تصيح بحضن جدتها البندري : يممآ احنى لازم نغير هالمكان الجده وهي فاهمه : الي تشوفينه يممآ وانا ادري ان الاجار غالي عليج البندري : لو الاقي شغل بس كان انحلت كل مشاكلنا الجده : سيف .. وتبي تكمل وقاطعتها البندري : يمممآ خلاص سكري الموضوع البندري وهي من مكتب اجار للثاني وتحاول تلقى سعر مناسب ، وفي الاخير قررت بعد المشاورات مع الجده .. البندري وهي ترتب اغراضها في الشنطه البندري : هذا المكان الي شهد على كل شي حلو ومر في حياتي وياك يا سيف ... ولا تحاتي ياسيف ولا تشك ببقى احبكك لين ذاك الي ينبض يوقف وتفقدني ومسحت دموعها وراحت للجده البندري : ها الحلوه جاهزه عشان نطلع ؟! الجده : انا جاهزه يالغاليه البندري حبتها على راسها ودزت القاري رايحه للشقه الجديده في الدوحه: قامت ام سيف من نومها ع المغربيه كا العاده ولا لقت ولدها ولا بنتها ولا همها ها الشي عادي أجرت إتصالاتها الغراميه وهات يا سوالف الغزل تواعدت لطيفه" ام سيف" مع جوها اللي اسمه نايف يروحون يتمشون في اللؤلؤه وخذها نايف يعشيها على البحر كانت ها الأم طايره وهي تعيش ها الأجواء العاطفيه اللي ما عاشتها في شبابها وكان نايف صغير في الثلاثين وكان مستغلها وهي الهبلاء مصدقه انه يحبها وممكن يتزوجها لطيفه : حبيبي نايف : ياعيونه انتي لطيفه وهي مستحيه من نظرات نايف: فديت عيونك نايف : امريني ياقلبي لطيفه: بعد مانخلص عشاء ابي اخذ لك عطور على ذوقي من هيرمز نايف : لولو حبيبتي ماصار لج اسبوع من خذتي لي عطور ، لا ماله داعي انا مابي اكلف عليج لطيفه وهي مسويه نفسها زعلانه وصاده نايف : والله يالغاليه مابي اكلف عليج !! لطيفه : مب احنى واحد نايف وهو يقعد جنبها ويمسك يدها ويحبها : أي واحد لطيفه : عيل لاتزعلني منك نايف وهويأشر على عيونه : من عيوني واستمرت علاقة لطيفه ونايف على هالحال رجع تركي لغرفته مهموم من اللي شافه من شباك غرفته المقابل لبيت صديقه سيف وبا الذات غرفة ريماس اللي كل ليل سهر ولا هي مهتمه بسمعة اخوها ولا خالها قعد يفكر وشلون يردعها بدون ما يخسر اخو عمره سيف وليش هو متعلق في وهم وسراب متعلق في ناس تنظر لك نظره دونيه وكان يفكر وهو متسند على طرف الشباك إلأ يشوف سيارة نايف واقفه عند باب الفيلا وشاف ام سيف تنزل منها بكل دلع وصوت الضحكه واصل لحد عنده مات من القهر: ما خلصنا من بنتج تطلعين لنا انتي يا العجوز المتصابيه ! الله يكون بعونك يا سيف والله انك ما تستاهل وش أسوي ما اقدر اتدخل وبأي صفه ولا اقدر اغثك واقولك.. لطيفه بدلع : نيوفي ادخل معاي نايف : ييييآريت بس انتي عارفه عندي دوام من الصبح لطيفه : بس اوعدني المره الثانيه نسهر عندي بالبيت نايف : ما ارد الغاليه اذا طلبتني تركي وهو منقهر من وقاحتهم : الله ياخذك يالحيوان ونزل تركي يبي يتدخل بالموضوع بس كان نايف قده محرك بالسياره تركي : ما اقول الا الله يستر من الجاي لندن البندري بعد ماوقعت العقد خذت مفتاح الغرفه وهي شايله هم بكرآ وفي الممر .. الجده : يا يمه انا مب مرتاحه للمكان احس بالضيق بعد ذاك الوسع البندري : ان شاء الله بعد ماتتحسن الاوضاع شوي راح ننقل ولا انا مرتاحه .. الله كريم ولقت باب الشقه ... مفتوح ! وتاكدت من رقم الشقه وطلع صحيح .. دقت الباب وطلعت لها جوي : نعم ؟ البندري ردت عليها بالانجليزي .. البندري : هاذي رقم الشقه الي انا مأجرتها من دقايق .. يمكن الرسبشن غلطانيين اسمحي لي على الازعاج !! جوي : ما اتوقع انكم غلطانين .. تفضلوا البندري : لا اكيد احنى غلطانيين جوي : لا .. انتوا لكم الغرفه الي دايما الرسبشن يأجرونها للضيوف الجدد .. تفضلوا البندري وهي مب مستوعبه الي قاعد يصير .. خذت الجده ونزلت للرسبشن وكلمت موظفة الاستقبال وفهمت منها ان لها غرفه وحمامها في الشقه انصدمت البندري بس هي وقعت العقد !! راحت للشقه مره ثانيه وحطت اغراضها مؤقت لين تحل الموضوع الدوحه في يوم من الايام كان شاهين اخو لطيفه وخال العيال دايم المرور على بيت اخته عشان يتطمن عليهم ويشوف وش قاصرهم ويحسسهم انه موجود في نفس اليوم كانت لطيفه مواعده نايف يجيها الفيلا ويدخل من باب الخدم ويسهر معها في بيتها لين الصبح ولامن شاف ولا من درى ومن تعاسة حظها تزامن مروره لبيت اخته مع وصول نايف وهو يتسحب رايح صوب البيت ودخل ويسكر الباب وراه وشافه شاهين وفار الدم في راسه على باله حرامي ! ومد يده واخذ مسدسه من سيارته ودخل ركض للبيت لقى الباب مسكر من الداخل توه بيدق الباب تذكر ان الشخص دخل من الباب الخلفي راح له لقاه مسكرومقفول !! هنا لعب الشيطان براسه اكيد فيه حد مسهل له الدخول شك با الخدامتين الموجودات داخل وتوه بينط من السور ...... إ لأ حس بيد على كتفه التفت لقاه تركي تركي جره بشويش : تعال معي حاول شاهين يبعد تركي عنه ما كان يبيه يعرف باللي ممكن يكون صاير داخل شاهين :تركي روح لبيتكم وش تبي جاي هنيه في تالي الليل ؟؟ تركي:لأني شفت اللي انت شفته ولاني مخليك بروحك وتراني اخوك واخو سيف وخال عيالك ماني بغريب !! تساعدوا وطب تركي بمساعدة شاهين راح تركي وفتح له الباب وترجاه تركي يبعد المسدس تركي: لا تستعجل وتذكر ان اختك وبنتها داخل أي تصرف خاطي يمكن يضرهم (كان تركي حاس باللي بيصير وكان راحم زوج اخته من اللي بيشوفه داخل) شاهين :انت شقاعد تقول فيه رجال داخل بيت اختي ولازم ياخذ جزاه وشلون دخل ها النذل على محارمي !! دخل للبيت ركض وسيده لملحق الخدم ودق الباب بكل قوته ودخل عليهم غرفهم وقعد يدور على الريال ما لقاه راح ركض للبيت ومن غرفه لغرفه وبدون سابق انذار دخل غرفة ريماس بكل اندفاعه ومن وراه تركي تروعت ريماس كانت تسولف في تليفونها طاح من يدها من الخوف وشافت خالها قدامها وفي يده مسدس ومن وراه تركي فتش بعيونه عن اللي يدور عليه ما لقاه هنيه طاح قلبه يعني الرجل في غرفة اخته ! التفت لريماس المتخرعه ومبلمه وبملابس النوم وان تركي واقف وراه التفت الأ تركي صاد منهم قط خالها عليها أي شي لقاه قدامه شاهين : اقفلي على روحج ويا ويلج تطلعين من الغرفه وسكر عليها الباب وراح لغرفة اخته والشياطين كلهم قدامه دز الباب وكان مقفول بكل قوته ما فتح اول الأمر بس بقوة تركي وشاهين مع بعض انفتح وانصدم من الشوفه اللي شافها اخته قاعد في السرير بملابس خليعه ورجل غريب قاعد جنبها خذ مسدسه واطلق منه رصاصه على الرجال وتوه بيثورفي اخته دزه تركي بعيد عنها وراحت الرصاصه في الطوفه مشهد فظيع على اخ انه يشوف اخته الوحيده اللي يحبها كل ها الحب راح لها وجرها من السرير من شعرها ويكفخ فيها ويرفسها وتركي يحاول انه يبعده منها لكن ما قدر له وهو في ثورة هيجانه كان يركلها برجوله هنا جاتهم ريماس ويوم شافت القتيل والدم وخالها وهو يضرب امها بها الوحشيه قامت تصارخ وتبي تفك خالها من امها .. دفعها خالها بقووه ووقعت بالارض في هذه اللحظات كان نايف بين الحياه والموت وكان المسدس مرمي جنبه مهب ببعيد عنه مد يده وخذه وصوبه صوبهم كلهم واطلق الرصاصه الأخيره اللي في المسدس وبعدها طاح المسدس من يده وودع الحياه يا ترى تتوقعون استقرت الرصاصه في من شاهين ولا تركي ولا ريماس؟!! ◄انتهى البارت ► المصدر: منتدى همسات الغلا ((j[dx kuar fuq h;evv ,h;evvLLhgfhvj hgehge ,hgvhfu)) hgehge h;evv fuq ,hgvhfu)) ,h;evvLLhgfhvj   مرر الماووس للإستماع   |
|
05-05-2016, 06:28 AM
| #2 | |
  
 | ツ】ઇ需البارت الرابع需ઇ【ツ ღbcღ ليسَ لنآ إلآ : الخيآل ، فقد يوآسينآ $ ويسآعدنآ علىَ اكمال حيآتنا جلسّه ةة في الخيآل مع مَن نُحب .. قد تغنينآ عن ألم بُعد : آلمسآفه ةة # نُريدهم ، ولكن ! الدوحه الرصاصه اللي اطلقها نايف قبل ما يتوفى كانت بتكون في تركي لكن شاهين تبنه له في اخر لحظه ....! ووخره وجات الرصاصه فيه وطاح يتخبط في دمه .. لطيفه وريماس قعدن يصارخن من الخوف ركض تركي وتلاحقه وحط راس شاهين ف حضنه صرخ عليهن تركي :خلاص اسكتوا شوي خلوني اعرف وش اسوي وشلون ا تصرف ! لطيفه كانت مصدومه من موتة نايف وطيحة اخوها في دمه قامت تنتف في شعرها وتلطم خدودها اخوها وكنه مات وفضيحه مقبله عليها لا محاله .. لطيفه: وش سويت في روحي ووبيتي وولدي وبنتي أه يا ربي وقامت خذت بنتها لأول مره في حياتها لصدرها وضمتها عشان متخليها تشوف اكثر من اللي شافته تركي كان يعاين شاهين لقاه عايش والرصاصه مهب في مقتل بس لازم ينقله للمستشفي بسرعه لأن شكله نزف كثير وسوا اتصالاته والتفت لهم تركي :اسمعوني عدل ومن المصلحه العامه كلامنا يكون مرتب ومتفق عليه ولا رحنا ملح كلنا انا اتصلت على الأسعاف عشان ننقل شاهين والشرطه بس لازم تسمعوني عدل وتقولون اللي بقوله لكم ترى من تجي الشرطه بينتشر الخبر والفضيحه بتملأ البلاد لطيفه وهي تناشق والعبره ذابحتها : قول تركي واللي بتقوله بنسويه وقامت تبي تبدل ثيابها قال لها تركي: لا لاتبدلين خليج كذا بس تستري بشي ساتر عشان الشرطه لجات بتحكم لج مهب عليج ريماس توها تتنبه للي صاير :وشلون يعني ؟ قربت من راس خالها وحطتها في حضنها وقعدت تبكي تركي : لا تتفاولين عليه ترى خالج بخير ان شاء الله الرصاصه جات ولله الحمد في الكتف وكانت موجهه للقلب بس ربج سلم إسمعن ما عاد به وقت هذا ومد يده لنايف المتوفي من نص ساعه كان جاي يعتدي عليكم وانتي ام سيف استغثتي فيني وبالصدفه اخوج كان جاي كعادته يتطمن عليكم واخوج دافع عن شرفه يوم شافه مشقق ثيابج وانتي كنت تقاومينه قتله واللي جاج من ضرب وركل من شاهين بننسبه له هو على اساس انه كان مبيت النيه على اغتصابج وانج قاومتيه والتفت على ريماس وكمل : وانتي ريماس سمعتي الصراخ وجيتي ولا تكثرين في الحكي اخاف تخربين السالفه كلها وانه من بعد شاهين ما قتله رمى المسدس يبي يهديكم مدرى ان نايف عاده عايش فمد يده وخذ المسدسه وصوبه على شاهين عشان ينتقم لروحه لو تبون الستر لا تزيدون على كلامي ومع صوت الاسعاف الي وصل للبيت تركي : يله ترى الشرطه والأسعاف وصلوا قام وساعد الأسعاف في نقل شاهين مع المسعفين وتو تركي بيركب مع شاهين فتح شاهين عينه قاله وصوته مختفي : لا لا خلك مع اختي وبنتها ودافع عنهم تراك محامي وخلك معهم كن سيف وانا موجودين سامعني وشوف اختك وعيالها وطمنهم علي وعند المحقق تركي شرح لهم كل الي صار المحقق:وانت وشاهين وش سويتوا؟ تركي :والله أي شخص في مكان شاهين بيسوي اللي سواه واكثر المحقق :واحنى بعد ما استجوبنا ام سيف وبنتها واجمعوا على نفس الكلام خلاص الحين بنطلع بس اكيد عادنا بنحتاج لهم في أي سوؤال تركي :عادي ومن حقكم طيب واهل القتيل متى بتبلغونهم ؟ المحقق : بعد شوي ولازم يجون يستلمونه عشان يدفنونه وطلع المحقق من بيت سيف وقد طلع الصبح وكان ها المحقق يعرف سيف وسمعته النظيفه وراعى ها الشي وهو يحقق مع والدته واخته تركي وهو طالع تركي :انا بروح لبيت اختي لازم تعرف الي صار لشاهين وانتي ام سيف ما ابي أي احد يعرف بها الشي يكفي احنا الأربعه وتحملوا يصبحون خمسه لأن الخمسه ممكن يكونون سته وسبعه فاهمين علي ؟ لطيفه هزت بإجابيه ونزلت راسها وطلع من عندهن وكانت ريماس شبه مخدره ومسبهه من اللي عاشته وشافته وكانت ترتجف من الجاي ومن الخوف على خالها قامت من حضن امها وراحت لغرفتها وسكرتها عليها وضمت روحها وقعدت تبكي بعد اسبوع تم اغلاق ملف القضيه بسبة شطارة المحامي تركي وشهادة الخدم والجيران انهم سمعوا صراخ واستغاثه وبا النسبه لأهل نايف تنازلوا عن حقهم لأن القضيه راكبه ولدهم وانصاد با الجرم المشهود وبكذا انتهت القضيه لصالح ال سيف حاول شاهين يدفع مبلغ مالي لأهل القتيل لكن ابو نايف رفض شاهين بعد ما شاف نفسه انه بخير ويقدر يطلع من المستشفى طلع وراح مباشره لبيت اخته قعد معاهم وبدون مايطالع في عيون لطيفه شاهين:اسمعن بدون ما اكثر في الحكي بتلمون اغراضكم وبيتروحون معي لبيتي وبدون ما احذركم ما ابي زوجتي واهلها يعرفون باللي صار فهمتن ولا لا؟؟ لطيفه :شاهين ابي اتكلم معاك وتبي تكمل ... شاهين : ما ابي اسمع صوتج وترى بكلمج قدام زوجتي واهلها وبس وتحاشيني احسن لج واذا شفتيني اتكلم معاج فهذا عشان سيف وريماس ولا انتي معاد لج مكانه عندي لطيفه :شاهين اسمعني الله يخليك اسمعني ا شاهين وواضح التعب في وجه : لا تخليني ارفع صوتي اكثر ترى جروحي توجعني فلا توجعيني زود قومي قدامي ومن يوم ورايح ما لج طلعه ولا دخله إ لأبشوري سامعه ؟ لطيفه وهي تصيح : ان شاء الله شاهين يكمل وهو يصر على اسنانه : انا زين مني ما ذبحتج وانتي ريماس من جامعتج للبيت واي مكان تبين تروحين له انا اوديج له برسم الخدمه سامعه يمه ؟ ريماس راحت واحضنت خالها ريماس : اللي تامر به احنا حاضرين له لطيفه :شاهين اسمعني بس دقايق ارجوك ولدي ما ابيه يعرف شاهين :من صدقج انتي افجعه فيج يكفي فجيعتي انا وبنتج فيج لطيفه تترجاه : والي يسلمك والله اسفه وادري اني مهما قلت مراح تسامحني بس انا محتاجتك تسمعني وتسامحني مالي غيرك يا اخوي شاهين:اقصري الحكي و الحين يله قدامي على بيتي لين يجي ولدج وبعدها لي معج قعده .. فان بليتم فاستتروا وستري عمرج وانتبهي لبيتج وبنتج قعدت تبكي قدامه وهو صاد عنها وقلبه يتقطع عليها مهما يكون هذه اخته العوده اللي يحبها ودوم هي في نظره فوق شاهين : الله يسامحج لطيفه هدتيني وهديتي حيلي معاج وخذهم ووداهم لبيته وخلود ماقصرت وياهم ما خلت شي ناقصهم وكل هذا حز في خاطر لطيفه اللي كانت تنظر نظره دونيه لخلود وأهلها ريماس في هذه الأثناء كلمت غانم وقالت له انها بتنقطع عنه كم يوم لأنها بتسافر مع امها وخالها واول ما ترد بتتصل فيه واضبت ريماس روحاتها للجامعه مع صديقاتها واثبتت لخالها انها قد المسؤليه ولكن كلها كم يوم وردت ريمه لعادتها القديمه وراعي الطبيع ما يجوز عن طبعه ردت تكلم غانم بس وما كانت تقدرتشوفه مثل اول كل يوم صارت تطلع من الجامعه الصبح وترد قبل انتهاء الدوام الجامعي وكانت علاقة ريماس بامها زفت ونظرات احتقار وكل ما جات الأم تبي تقعد معها ابتعدت عنها وخلتها با النسبه لصديقات ريماس كانوا يزورونها في بيت خالها الجازي ونوف كانوا كله ينصحونها انها تقطع علاقتها بغانم لأنهم سمعوا عنه كلام مهب زين بس هي مهي ماصدقتهم لين جاتها مها وقالت لها: ريماس ترى غانم ولد منطقتنا واعرفه زين ماله امان ريماس :اوه منج انتي الثانيه كله حاطه دوبج من دوب ها الغانم لا يكون بس تبينه ولا حصل لج مها:احترمي نفسج شنوا أبيه وما ابيه انا ماني راعية ها السوالف والحركات ريماس:يعني انا راعية سوالف وحركات في نظرج الجازي:بنات اذكروا الله وخلوا عنكم الشيطان بعيد ريماس :شوفيها وش تقول حضرتها نوف:ما تقصد شي ولا شلون مها؟ مها :انتوا تعرفون اني احبكم كلكم بس ريماس كله حاطتني اني ما احبها ريماس :خلاص فكوها خلون ننبسط فكوها تعالوا نرقص شوي وحطت اغنيه من اغاني البوم فهد الكبيسي الاخير " كلي حلالك " .. وقامن كلهن يرقصن ويضحكن ولا كن شي صاير في لحظه راحت مها لتليفونها وصورت ريماس وهي تتنكس وترقص بكل النشوه والأنسجام وكانت تردد مع الكبيسي : كلي حلالك " قلبي وعيني اسكن هنا ولا هنا حياك حبك عن الدنيا مكفيني والناس مابيها وانا وياك لا طعم ولا لون العيشه بدونك ياعساني فدوه ياعمري لعيونك وراحت صوب نوف والجازي وكنها تصورهم وهي ما صورتهم بس ! كل اللي كنت تبيه ريماس وهي ترقص وعشان ما تخليهم يشكون فيها قالت لنوف صوريني ابي احتفظ ها الصور للذكرى اما غانم منتشي ومستانس من علاقته بريماس وشيبي اكثر بنوته حلوه وغنيه وبرستيج وكان يكشخ بها قدام ربعه يواعدهم يشوفونه من بعيد وهو قاعد مع ملكة ها الجمال وكان يبي من علاقته بريماس اكثر من اللي هي تقدمه له بس هي دايما توقفه عند حده وكان منقهر من تصرفاتها وشلون بنت هوى ولا تعطيه اللي يعطونه البنت اللي مثلها بس هو هدى اللعب شوى ونوى لها على نيه وخطط لها وعشان ما يخليها تشك فيه ولا تخاف من حركاته يا ترى وش خطط ها الغانم لريماس ؟! تابعوني ◄انتهى البارت ► | |
| مرر الماووس للإستماع |
|
05-05-2016, 06:32 AM
| #3 | |
| صباحكم الخير همسات الغلاااا وشحالكم احبتي عساكم طيبييين هذا هو موعدي معكم وكما وعدتكم نزلت لكم بارتيني لهاليوم / يوم الخميس / وكما قلت انا بنزل لكم كل يومي ( الاثنين + الخميس ) وكما هو معروف بيكون موعدنا المقبل الاثنين الجاي وبما اني بكون مسافره ف التمس منكم المعذره بنزل لكم بارتيني صباح يوم الثلاثاء متمنيه لكم قراءه ممتعه معي ومع ابطالي واي استفسار واي انتقاد اتقبله ولكم مني ارق الامنيات واجملها معي اختكم اسكن عيوني | |
| مرر الماووس للإستماع
التعديل الأخير تم بواسطة اسكن عيوني ; 05-05-2016 الساعة 12:44 PM |
|
05-05-2016, 12:18 PM
| #4 | |
  
| سلمتي يالحبيبه وسلم ابداعك قصه رائعه وتشد الانتباه تروحي وترجعي بالسلامه بانتظارك بشوق للبارت التالي تقييم & نشر & ختم اعجاب & نجوم | |
  |
|
05-05-2016, 12:46 PM
| #5 | |
| هلا وكل الغلا وسلة حلا لج ريحانة بغداد نورتيني يا قلبي بمرورج العذب ودي وجزيل شكري لمرورج ومتابعتج وتقيمج وتثبيتج لقصتي ووضعها بالتنبيهات لا خلا ولا عدم منج عزيزتي وان شاء الله اكون معكم يوم الثلاثاء صباحا.. | |
| مرر الماووس للإستماع |
|
05-05-2016, 12:56 PM
| #6 | |
| اسكن قرأت البارت الثالث واتوقع الرصاصه استقرت في ريماس كي يخيم الحزن أكثر على المشهد ابدعتي بل كلمة إبداع لاتوصف قدرك شكراً لك اشركتينا معك في هذا الجمال تسلم اناملك اسكن عيوني نجومي وتقييمي وقليل في حقك تحياتي و إحترامي | |
    |
|
05-05-2016, 02:38 PM
| #7 | |
| سلمت أناملك الذهبية عالطرح الرائع الذي أنار صفحات المنتدى بكل ماهو جديد لك مني أرق وأجمل التحايا على هذا التألق والأبداع والذي هو حليفك دوما" أن شاء الله  | |
  الجوري ربي يحفظك ياعمري |
|
| الكلمات الدلالية (Tags) |
| ((تجيء , الثالث , اكثرر , بعض , والرابع)) , واكثرر//البارت , نعشق |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الموسوعه الشامله لفتاوي مناسك الحج | روميساء | (همسات الحج والعمره) | 50 | 18-01-2018 09:08 AM |
| " اللهم رب هذه الدعوة التامة | ذابت نجوم الليل | ( همســـــات الإسلامي ) | 15 | 09-02-2016 05:47 PM |
| ماأريدك الليله هنا ( التتمه ) الجزئين الثالث والرابع | حمامة الغار | حصريات الروايات والقصص القصيره | 35 | 11-09-2014 05:06 PM |
| برج لندن | غلا الكويت | (همسـات السياحة واشهر الفنادق) | 29 | 27-03-2014 09:26 PM |
| شباب فرنسا يتربّعون على عرش الزعامة العالمية وغانا تحرم العراق من المركز الثالث | نايفـ . | ( همســـات الرياضه) | 7 | 07-08-2013 03:36 AM |
العرض العادي
