|
#1
17-04-2016, 09:11 AM
| |||||||||||||
| |||||||||||||
 السائق  في احد القصور الجميلة في مدينة الرياض يعيش أبو صالح وعائلته الكبيرة في قصرين متجاورين فزوجته ام صالح وأولادها في قصر وزوجته ام محمد في قصر وهو مقسم وقته بينهن بالليل اما بالنهار فهو في شركته العملاقة ويدير اضخم المشاريع التجارية في البلد وفي يوم من الأيام وهو منهمك في العمل اتصلت فيه ابنته عبير لتخبره ان سائقها الخاص هرب ويلزمها سائق بديل لانها مرتبطة بالجامعة وكانت عبير اميرة والدها ولا يرفض لها طلب اتصل على مدير مكتبه وقال الان تدبر لعبير سواق بحث المدير عن سائق في الشركة وخارجها من كل الجنسيات ولم يجد اتصل على أبو صالح وقال والله ياطويل العمر مالقيت عصب أبو صالح وقال وش هالحتسي تجيب لعبير سواق من تحت الأرض تورط المدير وقعد يفكر وأخيرا لقى فكرة حلوة بس مايدري يوافق أبو صالح ولا مايوافق دخل على أبو صالح وقال تقبلون سواق سعودي قال أبو صالح ان كانك ضامنه ماعليش قال المدير مضمون ياطويل العمر قال أبو صالح خلاص جبه اتصل المدير على بدر شاب سعودي عاطل عن العمل بعد ماخلص الجامعة مالقى وظيفة رغم انه قدم أوراقه على كل الدوائر والشركات وكان جوابهم حط اوراقك وبنتصل عليك ولا احد اتصل قال له المدير عندي لك وظيفة فرح بدر يحسبه بيوظفه في الشركة بس لما اخبره انه سواق عند عائلة أبو صالح انصدم بس اضطر يوافق لانه هو المعيل لوالدته واخوته بعد وفاة والده ومعاش والده لايكفيهم حضر لمقر الشركة لمقابلة أبو صالح وتكلم معه واعجب أبو صالح في كلامه واحترامه له وثقافته وهندامه وقال اكيد بيصلح لعبير تغير وجه بدر وقال من أولها كذا وش بيصلح لعبير كلب شاريه لها ضحك على مضض وسكت وبعد انتهاء الدوام ذهب مع أبو صالح للقصر وعندما دخل القصر هاله مارأى ضخامة الأبواب والممرات بين الاشجار والمداخل والاعمدة الرخامية العملاقة واللوحات المذهبة والنوافير والسجاد الفاخر في كل مكان دخلوا على الصالون ونادى أبو صالح ابنته عبير لترى سائقها لانهم عائلة متحررة لاتتغطى نسائهم ويجيزون الاختلاط في مناسباتهم عكس بدر وعائلته حضرت عبير وكانت فائقة الجمال وجلست بالقرب من والدها قال والدها هذا سواقك ياعبير مالقيت الا هالولد انقهر بدر وشعر بالاهانة ولكنه اقنع نفسه ان هذا هو الواقع استمر مطئطئ الراس فلم يسبق له ان يجلس بحظور امرأة ليست من محارمه ضحكت عبير بصوت عالي وقالت ياحليله سعودي مالقيت غيره يبه تغير وجه بدر ولكنه كظم غيظه فلقمة العيش مرة قال أبو صالح للشغالة ودي بدر لغرفة السواق ذهبت الشغالة امامه حتى وصلوا للغرفة وعندما دخل هاله مارأى غرفة مجهزة بكل وسائل الراحة مكيف سبيلت تلفزيون شاشة بلازما سرير فاخر حمام جميل فاخذ يصور كل شي ويرسل لاصدقائه يوهمهم انه مسافر وهذي غرفته بالفندق نام ليلته براحة وهدوء لابعوض يؤرقه ولا ضجيج اخوانه يزعجه وعند الساعة السابعة سمع طرق عنيف على باب غرفته قام مسرعا ظناً منه انه أبو صالح ولكنه وجد الشغالة فقالت بنبرة حادة عبير اجلس سيارة غسل وجهه بسرعة وفرش اسنانه ولبس ثوبه وحط غترته على كتفه وعقاله على راسه وجا يركض للسيارة ركب وشغل السيارة وقال صباح الخير اعذريني راحت علي نومه عبير مارفعت نظرها من تيلفونها ولا ردت عليه تمتم بينه وبين نفسه شكلها دمها ثقيل وصلت للجامعة ومانزلت وهو مايدري انه لازم يفتح لها الباب جلس شوي والتفت عليها قال تفضلي وصلنا قالت ادري وصلنا بس حضرتك مافتحت لي الباب علشان اتفضل قال ايييييه اسف ونزل وفتح لها الباب ونزلت ومشى وقبل مايرجع للقصر مر بيتهم علشان يسلم على امه ويعطيها فلوس لان أبو صالح عطاه مبلغ وقال جهز نفسك فيه وطلعت امه معه وشافت سيارة عبير وقامت تدعي لها قال بس يمه دمها ثقيل وشايفة نفسها قالت امه هذا لون التجار رجع بدر لعرفته في القصر وافطر ونام ساعتين وحط المنبه على الساعة 11 قال لا اتأخر على هالعلة مالي خلقها الساعة 12 وهو قدام الجامعة طلعت عبير مع صديقاتها ويوم شافن بدر انهبلن لانه وسيم وكشخة وقالت وحدة عبير هذا اخوك قالت عبير لا وع هذا السواق انقهر بدر وقال في نفسه شكلي ذابحها ذابحها وهم في الطريق قالت مر محل ايس كريم وعطته 500 ريال وجاب الطلبات ورجع لها الفلوس قالت خلهم لك جا بيتكلم قالت اف لاتناقشني وقعدت تاكل ايسكريمها المرة ذي ماتحلطم بدر لانه كسب كم ميه وصلوا للبيت وفتح لها الباب ونزلت وتركت شنطتها قال شنطتك ياطويلة العمر التفتت عليه وقالت يعني انا اللي اشيلها انت وديها للشغالة قال في نفسة هذي ماتسوي شي ودى الشنطه للشغالة وعطته غداه وراح لغرفته وتغدا ونام والمغرب طلعت عبير للمول وقابلت صديقاتها ورجعت الساعة 10 وهكذا وبدر حس بانتماء للبيت وصار يسوي أي شي ويشرف على الزرع ويجيب طلبات ام صالح وطلبات المطبخ ويودي البنات الصغار للملاهي والمطاعم كأنه اخ لهم واعجب ام صالح ودايم تمدحه عند أبو صالح فقرر يزود راتبه علشان يرغبه في الشغل ومايتركهم لانه صار يعتمد عليه اذا سافر ويثق فيه ومايبي احد يدخل بيوته الا بدر واستمر على هذا الوضع سته شهور عطلت المدارس وقرروا يسافرون لاوربا كالعادة طلب أبو صالح من بدر يجهز جواز سفره علشان يسافر مع العائلة لانه لايستطيع السفر فرح بدر أخيرا بيسافر لباريس سافروا وسكنوا في افخم الفنادق وكان بدر هو اللي يجهز كل شي وصار يجلس معهم على الطاولة في المطاعم ويسولف عليهم وينكت ويستهبل وهذا شي غريب عندهم حتى أطفالهم وحبوه كلهم وتعلقوا فيه كأنه اخ لهم لان مالهم أولاد كبار وهالسفرة قربته من عبير اكثر وصار يسولف معها مباشرة رغم ان كلامها قليل الا انه يشعر بسعادة لاتكلمت معه اما هي فكان عادي عندها لانها متعوده على التملق والمدح والتقدير لكونها جميلة أولا ولأنها ثرية جلسوا في باريس شهر وفي روما 15 يوم من اجمل أيام عمر بدر رجعو للرياض وللروتين الممل وهو خلاص تعلق في عبير وصار يفكر فيها ليل ونهار ويخترع الحجج علشان يكلمها مرة كلمها علشان يسألها عن مقادير طبخة اعجبته ويبي يعلم امه بطريقتها ضحكت عبير وقالت مالقيت الا انا تسألها عن الطبخ مااعرف وسكرت السماعة في وجهه بس الان ماعاد يتحلطم عليها لانه حبها الا يتنح وهو مبتسم لمجرد انه سمع صوتها وهكذا حتى في ليلة من الليالي سمع عندهم صراخ وطاخ وطيخ وراح يركض يحسب عندهم حرامي الا ام صالح وعيالها الصغار تحت قالت الصالة اللي فوق فيها فار مسوين هالازعاج علشان فار ياعيال النعمة اخذ المكنسة وطلع فوق وطاخ طاخ الا هو قاتل الفار طبعا بعد ماحاس الصالة وقلب لكراسي والكنبات جت الشغالة وشالت الفار ونظفت المكان بس ماتقدر ترجع الكراسي نادت بدر يساعدها كانوا الجميع رجعوا لغرفهم جا بدر قعد يساعد الشغالة في ترتيب الصالة وعيونة تلف تدور عبير شوي الاهي طالعة من غرفتها وتفاجأت بوجود بدر فوق قالت بدر وش عندك هنا هو فهى ومعاد رد قالت الشغالة هذا فيه فار قالت فار وانحاشت هنا بدر وده يزنط الشغالة ماصدق انها طلعت رتب باقي الكراسي وراح لغرفته وهالنظرة السريعة لعبير كفيلة تعيشه ليلته سعيد وقعد يدعي كل ليلة عساه يجيهم فار يارب وفي احدى الليالي ماجاه نوم وطلع من غرفته الا هو يشوف شخص عند الكراسي اللي في جلسة الحديقة اخذ عصى غليظة وراح ناحيته على باله حرامي وبعد ماقرب مرة الا هي عبير قاعدة تطقطق في جوالها ويوم شافته خافت وقالت وش اللي مصحيك هالحزة قال افكر قالت وش تفكر فيه ايه هنا انبسط قال اكيد بجلس معها قال لا مو قته قالت اذا مافيك نوم اجلس نسولف قال هاه أخاف لا قالت يابن الحلال اقعد بس ولاتقعد تأ تأ ماصدق وجلس وقعد يسولف عليها وانه يحب وحده وماعنده اذن الفجر قالت بيصحى ابوي وراحت وقعد يمتر الحديقة رايح جاي لانه متوقع انها تطل عليه وفي كل ليلة تجلس تسمع سواليفة وتضحك من قلبها على حكيه وقال ذالبلهى شكلها ماراح تفهم اني احبها وش اسوي وش اسوي قال مافيه الا اسوي نفسي مريض علشان تحن علي جلس يوم ماطلع تتصل مايرد قلقت وارسلت الشغالة تشوفه وينه جته الشغالة وماقام من السرير ويسوي نفسة يكح ومخنوق راحت الشغالة وقالت هذا بدر موت صاحت عبير وجت تركض لغرفته ويوم دخلت الا هو مامات ويطالع فيها وانهارت عند الباب تبكي وجاها ركض بس مايقدر يقرب منها ووقف وقال عبير حياتي وشفيك وقفت بكى وبققت عيونها وقالت احسبك مت الشغالة تقول موت هنا حس انها تحبه قال بسم الله عليك انا مافيني الا العافية ولو ادري انك بتجين كان مت من زمان قالت بعد الشر عليك يوووه هالكلمة خلته يرقص سامري قعدوا يسولفون على الدرج قالت بطلب لك الدكتور قال انتي دكتوري وطبيبة قلبي قالت وش تقول قال عبير انا معاد اقدر اخبي انا احبك انهبلت وانحاشت للقصر وهو قعد يلوم نفسه وقال هالحين بتكرهني ولا بيطردوني ولا ولا قعدت كم يوم ماتطلع علشان ماتقابله وهو مايدري وش فيها وفي يوم اتصلت فيه واعترفت له انها بعد تحبه بس هالحب محكوم عليه بالفشل لان ابوها ماراح يزوجها من سواق وهي اللي يخطبونها عيال التجار وترفضهم واتفقوا يحبون بعض بالسر بدون مااحد يدري علشان مايفرقونهم وفي يوم أبو عبير ناداها وهو فرحان وقال ولد فان اكبر تاجر في البلد خطبك وامها قامت تزغرط وتقول عاد هذا ماينرفض ياعبير قامت تبكي وتقول انا ماافكر في الزواج الان قال ابوها معك وقت فكري على مهلك وراح عبير تعبت عليهم ودوها لاكبر المستشفيات بس تبكي وماتاكل وخاف ابوها انها تموت وقال خلاص ياعبير معاد افكر ازوجك ولا أوافق على احد الا اللي تبين بس انتي اسلمي جلست كم يوم في المستشفى وطلعت وفرح بدر بسلامتها وقالت له رح اخطبني من ابوي الان قال أخاف مايوافق ويطردني من الشغل ومعاد اشوفك قالت سو اللي اقولك عليه يوم جا أبو صالح المغرب للبيت استأذن بدر وقال أبو صالح تعال يابدر انت ولدنا فرح بدر وقال هذي علوم تبشر بخير ودخل وقال ابيك في موضوع مهم ومن هالكلام قال أبو صالح تكلم يابدر تبي فلوس قال لا ياطويل العمر ابي اخطب عبير قال أبو صالح وش تقول انت صاحي انت عارف عبير مين أقول قم انقلع بس وحط المفتيح وتوكل على الله انصدم بدر وتوه بيطلع الا الصياح فوق ويركض أبو صالح وبدر وراه الا عبير قاطعة شرايين يدها تبي تنتحر وامها والشغالة يمسكون يدها ويربطونها تساعدوا وشالها وودوها للمستشفى وانقذوها في اخر لحظة ويوم فتحت عيونها الا ابوها يبكي ويقول خلاص ياعبير بجوزك بدر فرحت وقامت واتصلت على بدر تزف له الخبر السعيد بس مارد وخافت وقام قلبها يدق واتصلت مرة ثانية وثالثة وانهارت اعصابها وقامت تبكي وأهلها انهبلوا وقالوا بتنجن وكلم ابوها مدير مكتبه وقال دور بدر وجبه لي من تحت الأرض قال بدر معاد يبي يشتغل سواق قال مابيه سواق بزوجه عبير بس هاته انت راح المدير لبيتهم ولقاه في حالة يرثى لها يبكي ولا ياكل وامه تقول ولدي صابته عين ولا مسحور جاه وعلمه وقال احلف وحلف له وقام ولبس وحلق وراح لهم واستقبلته عبير بابتسامة حب كخطيب لها وليس كسائق وتزوجو وعاشو في تبات ونبات وخلفو صبيان وبنات وعاشو في القصر الذي شهد حبهم المصدر: منتدى همسات الغلا hgshzr   آخر تعديل مها الرياض يوم
17-04-2016 في 09:24 AM.  |
|
17-04-2016, 09:50 AM
| #2 | |
  
 | وجدتُ صيآغة الحرف فَ آبدعتي راق لي متصفحكِ العطر بالجوري سَلِمتي على هذه الكلمآت وسَلمت لنآ شخصكِ الراقي بِ جديدكِ وبانتظار ابداع وتميز آخر لكِ ارق تحية ومدائن الياسمين | |
  |
|
17-04-2016, 09:52 AM
| #3 | |
| مها الرياض ماشاءالله تبارك الله ايش تركتي بغيرك مبدعه في الشعر والقصص تسلم الانامل ويسلم الاحساس شكرا لك بنت بلادي وفخر همسات تحياتي و احترامي | |
    |
|
17-04-2016, 10:16 AM
| #4 | |
| لي عودة ان شاء الله.. وبدايتها اكيد القصة حلوووة. كيف لا وهي لكاتبتنا وشاعرتنا الحالمة مها الرياض... سرجع لها ان شاء الله.. الوعد مر هنا مستعجل.. | |
| """ "" " : إنني لا أحتاج من الآخرين سوى أن يفهموني ..! إنني أعطي الآخرين من نفسي حتى أشعر ... بالكفاية ثم أعطي مما يتبقى لدي..! إنني أمنح نفسي مجالاً للحياة بأن أصنع الهدوء..إنني ادع الآخرين كي يكونوا ذواتهم..! إنني أستمتع بالاختلاف بيني وبين الآخرين ولا يدفعني ذلك إلى إثارة النزاعات معهم ..! : |
|
17-04-2016, 10:24 AM
| #6 | |
| يؤؤه ضحكت الين ما فطست الله يسعدك مها على هالقصة رهييبه وربي قريتها كللها وناسه وربي انظر قصتك الجايه ويارب تكون قصت نوافوبنت الجيران هههههههههه  هههههههههههه | |
| هههههههههههه |
|
17-04-2016, 10:50 AM
| #7 | |
 
 | والله قصة ولا الف ليلة وليلة يامها حلوة القصة اندمجت فيها للنهاية حتى فيها معاني جميلة وذكرتني بالقصص الرومانسية القديمة والنهايات السعيدة المهم بداياتك رائعة جدا استمري كاتبتنا وشاعرتنا مها ونحن متابعينك بشوق تحيتي والتقدير  | |
| |
 |
| الكلمات الدلالية (Tags) |
| السائق |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اسئلة الجولة الثالثة ... | فتنة حرف | (همسات المسابقات والفعاليات ) | 56 | 22-03-2016 12:28 PM |
| بالصور.. "لكزس" تكشف النقاب عن سيارتها الرياضية | البرنس مديح ال قطب | ( همســـات السيارات والدرجات الناريه) | 6 | 10-05-2015 08:46 PM |
| "لكزس" تكشف النقاب عن سيارتها الرياضية rcf | بتي | ( همســـات السيارات والدرجات الناريه) | 14 | 25-02-2015 04:57 AM |
| السائق اختطف بائعة الخضار | Kassab | (همســـــات الحوادث والغرائب ) | 10 | 25-02-2015 04:11 AM |
العرض العادي
