قبل مااروح

#1 30-09-2015, 08:22 PM

قبل مااروح

أستاذنك بسافر أيام واجيكـ
وان طالت ايام السفر لا تحاتي
حتى و لو طولت ماني مخليك
ياللي بدونكـ ويش تسوا حياتي

تامر على حاجه؟؟ باودعكـ واليك
عسى عوض الأيام في المقبلاتِ
حتى يدي ما ودها تفارق يديك
ساكت وانا اشوف البلا في سكاتي

ما شفتني لا رحت منك التفت فيك
بلاي والله روحتي والتفاتي
لكن قبل ما اروح ودي أوصيكـ
وانت الوحيد اللي يقدر وصاتي

لاحدٍ سألك و قال لك وين مغليكـ
قل له لوازم لا قضاها بياتي
و أن طروا النسيان ماني بناسيكـ
يا راس مالي في الحياة وغناتي

و ان طروا السلوان ماني بساليكـ
طيفك معي حتى وانا في صلاتي
قلبي وهو قلبي إذا مر طاريكـ
لولا ضلوعي كان عزوا مماتي

لو جض صدري كان يمديه ياتيكـ
و يبات عندكـ ويهنا بالمباتي
أنا .. و قلبي .. و الغلا .. ساكنٍ فيكـ
و انته .. و قلبكـ .. و الغلا .. وسط ذاتي

غلاكـ مثل الحكم عند المماليكـ
أكبر طموحي .. لا .. كل أمنياتي
شف في غيابي أي حاجه تسليكـ
لأني بعدكـ أسلى مع ذكرياتي

أحاول اذكر أي شيٍ يطريكـ
واقول هو سوى وانا ذي سواتي
كني موادع كل شيٍ حواليكـ
و كني حسبت حساب حزة وفاتي

أحب لأني ما اقدر انساكـ و أبيك
و لا اقدر أخليكـ ياللي تحاتي
معنى أحب .. و ما اقدر أنسى .. و أخليكـ

يعني بدونك ويش تسوا حياتي

.

المصدر: منتدى همسات الغلا

rfg lhhv,p

30-09-2015, 08:37 PM

صح الله لسانك وعلا قدرك ابيات رائعه
كلمات في غاية الروعه والجمال
وانتقاء ذو ذآآآئقه جميله
كل الشكر على طرحك الرآآآئع
وفي انتظار ابداعك القادم بكل شوق
لك وآآآفر التقدير والاحترام..

01-10-2015, 01:33 AM

كلمآت تعبق بالحب والجمآل
وحروف صآغتهآ أنآملك الرقيقة
من الدرر والمرجآن
معزوفة رآئعة ترنمنآ بلحنهآ
داعبت أوتآر قلوبنآ
ترآقص على أنغآمهآ نبضنآ
دمت بكل الحب والخير والجمآل