يَا أَبَتِ افْعَلْ مَا تُؤْمَرُ،، إحنا فيـــن من ده

يَا أَبَتِ افْعَلْ مَا تُؤْمَرُ،، إحنا فيـــن من ده ؟؟



يا أبتِ افعل ما تؤمر

مين قال الكلام ده

سيدنا إسماعيل قال لسيدنا إبراهيم لما سيدنا إبراهيم شاف رؤيا إنه بيذبح إبنه

ومعروف إن رؤية الأنبياء بتتحقق بالظبط بدون تغيير

فسيدنا إبراهيم شعر ده أمر إلهي ولازم ينفذه

ده إبنه

ده اللي جاله بعد طول إنتظار

وبعد ما كبر وبلغ معه السعي جاله الأمر بذبح إبنه

أكيد عارفين عاطفة الأبوة

طيب سيدنا إبراهيم عمل إيه

هل قال لا لا مش هقول لأبني إزاااااااي أدبحه؟؟

لأ ده أمر إلهي مفيش فيه نقاش حتي لو في إبنه

حتي لو أغلي حاجة عنده

راح قاله يا بني إني أري في المنام أني أذبحك

شوفوا رد سيدنا إسماعيل

ياتري قاله إيه ده إزاي دي

إيه الظلم ده

وإشمعنـــا انا

ده انا نبي

لا لا مقدرش

هل قال ربنا ظالم وحاشا لله

هل قال إيه التعقيد ده

قال هية دي أخرة الدين واللي بيتدينوا

لاااااااااا

قال علطول يا أبتِ إفعل ما تؤمر ستجدني إن شاء الله من الصابريـــن

يااااااااااااااه مفيش نقاش خلاص الأمر نزل مفيش كلام

مفيش جدال

مفيش محاولة حتي سيدنا إبراهيم يتوسل لربنا يرفع الأمر ده

لااااااااااااااا

يا أبتي إفعل ما تؤمر

يا أبتي اللي ربنا أمرك بيه إعمله وهتلاقيني صابر مش معترض

ياااااااااااااااااه كم أبكاني هذا الرد



لما الواحد يتخيل الأمة دلوقتي

تيجي تكلم الأخت يا أختي إلبسي الحجاب

ده ربنا أمر بيه ونساء المؤمنين المحتشمات العفيفات لبسوا الحجاب ما بالنا إحنا

تقولك لأ لما أقتنع الأول

انا لسة صغيرة

انا خايفة من الناس

يا أختي يا حبيبتي مفيش حد هينفعك والله الناس اللي خايفة منهم أول من

هيتخلي عندك لما تقفي قدام ربنا وتتسألي عن الحجاب

والموت يا حبيبتي مش بيعرف لا صغير ولا كبير

والرسايل قدامك كتيييير

ليه يا أختي مش قادرة تنفذي كلام ربنا

ليييييييه

سيدنا إسماعيل جاله الأمر بالذبببببببببببببح مش حاجة يعملها حاجة سهلة

وقال ساعتها يا أبتي إفعل ما تؤمر

وإنتي مش قادرة تقولي لنفسك يا نفسي إفعلي ما تؤمري

ده غير سبحان الله أمر ربنا بالحجاب ليكِ حفظ وصون ليكِ من مهانة ولا ذل

ولا تعب

راااااااااااحة وتاج ليكِ علشان تكوني ملكة

مش عايزة تكوني ملكة



واللي بيحبوا حب حرام اللي بيكلم واحدة وبتكلم واحد

نقولهم إبعدوا عن بعض علشان ده بيغضب ربنا

علشان ربنا غيووور

عن أَبَي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ: ((إِنَّ اللَّهَ يَغَارُ وَغَيْرَةُ اللَّهِ أَنْ يَأْتِيَ الْمُؤْمِنُ مَا حَرَّمَ اللَّهُ)) البخاري

والأمر بيد الله مش بإيدكم

ممكن تفضلوا تحبوا بعض بالشكل ده وتعصوا ربنا وفي النهاية النصيب مش يجمعكم

مهما عملتوا لو مش لبعض مش هتكونوا مدام ربنا مش رايد

طيب خلينا محضر خير بلاش التشائم ده

لا خلاص من نصيب بعض

لو فعلا من نصيب بعض طيب ليه مش ناخد الحاجة دي برضا ربنا

ليه ربنا من فوق سبع سموات بينظر ليكم بغضب

ليه مش نسيب أي حاجة تغضب ربنا وربنا هيعوضنا خيرا منها

ده ربنا كريم جدااااااا كرمه فوق الوصف

هتقولوا أصل الحب ده في القلب صعب دي مشاعر مرة واحدة تتمحي كده
إزاي ؟؟

هقولكم مش تمحوا حاجة بس خلوها برضا ربنا ولما تكونوا قادرين تخلوها في محلها يبقي هو ده فعلا وقتها وقتها

يبقي في إطار الزواج الشرعي اللي ربنا إرتضاه لينا

وعلي فكرة مفيش حاجة صعبة اللي يستعين بالله هيقدر يعمل أي حاجة

سيدنا إسماعيل قال يا أبتي إفعل ما تؤمر

مش قال إزاي أسيبها ولا إزاي أسيبه

مقدرش مقدرش إنتوا بتتكلموا في إيه

طيب ليه

مش تقولوا لأنفسكم إفعلي ما تؤمري

وربنا علي يقين هيعوضكم

ربنا وعد اللي هيسيب حاجة لله ربنا هيعوضه أحسن منها بكتير

مش واثقين في وعد الله لييييييييه؟؟

ليه مش عارفين نفهم نتعامل مع ربنا إزاي أو بمعني أصح مش عايزين

طيب شوف الموضوع ده كده

واللي بيسمع أغاني تقوله سيب الأغاني والله دي بتورث النفاق في القلب

وعمر القرآن والأغاني ما يجتمعوا في قلب واحد

شوف موضعه كده في القرآن

قال تعالى: {وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُواً أُولَئِكَ لَهُمْ عَذَابٌ مُهِينٌ} [لقمان:6].


ده غير ضنك العيشة اللي هيعيشه

((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))[طه:124-126]،

يقولك لا مش قادر إزااااااي ده بتخليني أنسي همومي

دي بتسلي وقتي

هل ربنا وصف في القرآن إنه بيحب أهل الأغاني والأغاني

لأ طبعا

لكن وصف إنه بيحب أهل القرآن والقرآن كلام الله

لو الأغاني حاجة كويسة كان ربنا مدحها

لكن هي تأثيرها سئ جداااا علي القلب

سيدنا إسماعيل لما جاله الأمر بالذبح قال يا أبتي إفعل ما تؤمر

مقالش لأ مقدرش دي بتعبر عن مشاعري وبعيش معاها أحلي لحظات

ليه مش نقول يا نفس إفعلي ما تؤمري



وأختي اللي بتتنمص وتفضل تلعب في حواجبها علشان شكلها يبقي جميل

حتي لو هتبقي ملعونة من ربنا

لأن الرسول عليه الصلاة والسلام ذكر

وروى أبو داود (4170) عَنْ ابْنِ عَبَّاسٍ رضي الله عنهما قَالَ : ( لُعِنَتْ الْوَاصِلَةُ وَالْمُسْتَوْصِلَةُ وَالنَّامِصَةُ وَالْمُتَنَمِّصَةُ وَالْوَاشِمَةُ وَالْمُسْتَوْشِمَةُ مِنْ غَيْرِ دَاءٍ ) والحديث صححه الألباني في صحيح أبي داود .

ولازم تعرفي يا أختي إن حواجبك دول هما أكتر حاجة

مناسبة لوجهك ولما بتغيري فيهم بتشوهي شكلك

أيوة بجد ربنا خلقك بالشكل المتناسق علي بعضه بالشكل ده

لو غيرتي حاجة مش هيتناسب علي الباقي

هتقولي لأ كلامك مش صح لما بعملهم بيبقي شكل حلو

طيب ماشي لو إفترضنا علي كلامك كده

ترضي طيب إنك تبقي مطرودة من رحمة ربنا علشان حاجة زي كده

أيوة اللي تعمل كده ملعونة واللعن هو الطرد من رحمة ربنا

ولا علشان ترضي زوجك

طيب لا طاعة لمخلوق في معصية الخالق

إيه حجتك بعد كده

يا أختي الحبيبة قولي لنفسك يا نفس إفعلي ما تؤمري حتي لو علي حساب نفسي

وربنا أكيد هيكرمك وهيعوضك خيرا

حتي لو الناس وبخوكِ أصبري

شوفتي لما سيدنا إسماعيل لما جاله الأمر بالذبح مش يسيب حاجة سهله

قال لأبيه يا أبتي إفعل ما تؤمر ستجدني إن شاء الله من الصابرين


عايزين يا جماعة أي حاجة بتبعدنا عن ربنا أي حاجة بتغضب ربنا

نسيبها فورا بدون نقاش إمتثالا لأوامر ربنا

والله إحنا الخسرانين ممكن تتمتع في الدنيا شوية لكن برده مش علطول

لأن ربنا قال

لااااازم هتعيش الضنك ده

وبجد والله إحنا الكسبانين لما هنرضي ربنا

يا جمااااااااااااااااعة عيشوا الإستسلااااااااااااااام

ربنا بيقولكم مش تشيلوا هم

وإنتوا عايزين تشيلوا الهم لازم عايزين كده

أيوة هم مش بتعصوا ربنا مش شايلين فوق راسكم هموم الدنيا كلها

وربنا بيقولكم انا متكفل بكل حاجة بس إنت إعمل اللي يرضيني

ربنا بيقولكم هرضيكم

وإنتوا عايزين تعذبوا نفسكم

ليه بس مش نصبر فترة قليلة نروض أنفسنا بعدها الأمور هتكون سهلة جدااااااا وميسرة

لكن مش عايزين نتعب شوية للأسف

لأ عايزين نفووووق يا جماعة

عايزين نقول بالظبط زي ما سيدنا إسماعيل رد علي سيدنا إبراهيم

يا أبتي إفعل ما تؤمر ستجدني إن شاء الله من الصابرين

عايزين نقول يااااااااااارب هنعمل اللي هتأمرنا بيه وهتلاقينا صابرين علطول

علشان إحنا بنحبك أوووووووووي يارب

علشان مفيش حاجة وحشة بتيجي منك يارب

علشان يارب إنت أرحم بينا من أمنا ومن أنفسنا


علشان التعامل معاك بيريح النفس خالص

وفي النهاااااااااااية بإذن الله هنكون كسبانين

هاااااااااا بإذن الله ناخد الشعار ده علطول في حياتنا

يارب هعمل اللي تؤمر بيه وهتلاقيني علطول من الصابرين

ونسأل الله الإعانة علطول علشان مش هنقدر بنفسنا نعمل أي حاجة غير لما ربنا يعينا