كل ده علشان يوم

#1 20-03-2015, 08:46 AM

كل ده علشان يوم

كل شوية تطلعولنا بحاجة جديدة
عيد الحب حرام
شم النسيم حرام
الاحتفال برأس السنة الميلادية حرام
ومش عارفة إيه حرام والتاني بدعة

طيب قلتم الاحتفال بشم النسيم ورأس السنة الميلادية علشان عقيدة ومش عارفة إيه
حتى عيد الحب فيه مشكلة
ده بنحب بعض فيه وبنفرح شوية وبنجيب هدايا لبعض ونفتكر بعض

زهقتونا وكرهتونا في كل حاجة
أعوذ بالله

ده يوم واحد ولا اتنين في السنة !!!!!!!!!!
الدنيا هتتقلب علشان احتفلت ولا خرجت ولا جبت هدية ولا قلت كل سنة وانتم طيبين
مش عايزنا نفرح ليه ؟؟؟؟؟؟

مش ده اللي بيدور في دماغ ناس كتير ؟

بس سؤال بعد إذنك علشان نعرف نكمل كلام
هو انتي معترضة علشان ده ذنب صغير ومرة واحدة في السنة وهيعدي ؟
ولا علشان مش حاسة إن فيها حاجة خالص ؟

للأسف كتير بيستصغر الذنب وبيبقى عارف إنه ذنب ويقول دي حاجة صغيرة وهتعدي
مسمعوش حديث رسول الله صلى الله عليه وسلم: " يا عائشة إياك ومحقرات الأعمال ( وفي لفظ : الذنوب ) فإن لها من الله طالبا " وفي رواية"متى يؤخذ بها صاحبها تهلكه "

وعن عبد الله بن مسعود أنَّ رسولَ اللهِ صلَّى اللهُ عليهِ وسلَّمَ قال : " إياكم ومحقراتِ الذنوبِ فإنهُنَّ يجتمعنَ على الرجلِ حتى يُهلكنَهُ إنَّ رسولَ اللهِ صلَّى اللهُ عليهِ وسلَّمَ ضرب لهنَّ مثلًا كمثلِ قومٍ نزلوا أرضَ فلاةٍ فحضر صنيعُ القومِ فجعل الرجلُ ينطلقُ فيجيءُ بالعودِ والرجلُ يجيءُ بالعودِ حتى جمعوا سوادًا فأَجَّجُوا نارًا وأنضجوا ما قذفوا فيها "
وزي مافي المثال المذكور في الحديث
صحيح العود لوحده مش هيقدر يخلي الطعام ينضج
لكن لما نجمع عيدان كتيرة أكيد النار هتبقى أكبر والطعام ينضج
بالظبط زي صغائر الذنوب

لكن هسألك سؤال انتي عرفتي أصلا منين إن الذنب صغير ؟
مش ممكن يكون كبير عند الله سبحانه وتعالى وانتي مش عارفة ؟ يقول أنس رضي الله عنه فيما رواه البخاري
رحمه الله في صحيحه : ( إنكم لتعملون أعمالاً هي أدق في أعينكم من الشعر كنا نعدها على عهد الرسول صلى الله عليه وسلم من الموبقات )

وروي عن عمر وابن عباس وغيرهما رضي اللَّه عنهم : لا كبيرة مع استغفار ، ولا صغيرة مع إصرار .

ذنب من هنا وواحد من هناك وتالت من مكان تاني وتبقى ذنوب متلتلة
وحاجة فكراها صغيرة وتطلع كبيرة وأجمع كبيرة مع كبيرة
وملاقيش غير الندم يوم لا ينفع الندم

مين اللي بيقول إيه اللي في الاحتفال بالأيام دي أصلا علشان نعتبرها ذنوب ؟

قبل ما نتكلم هفكرك بحديث رسول الله صلى الله عليه وسلم : "لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه" قلنا يا رسول الله اليهود والنصارى؟ قال: " فمن؟ "

الحديث ده لخص الموضوع ده كله
الحكاية كلها إننا بنجري وراهم دايما
نشوف بيعملوا ايه وجري نعمله من غير تفكير ومن غير ما نشوف حلال ولا حرام
ولا حتى عملوه ليه وهل إحنا محتاجين حاجة زي دي ولا لأه
مجرد تقليد أعمى

وكله كوم وعيد الحب ده كوم تاني خالص

مين بيقول خلاص نكره بعض بقى ؟

أه ياني تعبتوني معاكم

هو البديل إننا نكره بعض؟
يا نحب بعض اليوم ده يا نبقى بنكره بعض ؟

الإسلام دين الحب
منعرفش نعيش من غير حب
حب الله سبحانه وتعالى
حب الرسول صلى الله عليه وسلم
حب الزوجة والزوج
حب الأبناء
حب الأخوة
الحب في الله

المسلم ميقدرش يعيش من غير حب

لكن تعالوا نعد عيد الحب ده فيه كام حاجة
عدوا معايا

1- إبتداع عيد غير شرعي ، وليس في ديننا إلا عيدان
عن أنس – رضي الله عنه – قال : قدم النبي – صلى الله عليه وسلم – المدينة ولهم يومان يلعبون بهما فقال : " قد أبدلكم الله تعالى بهما خيراً منهمت يوم الفطر والأضحى " .

2- التشبه بشعائر النصارى وعاداتهم فيما هو من خصائصهم ، وقد قال النبي صلى الله عليه وسلم " من تشبه بقوم فهو منهم "

3- الدعوة إلى العشق والغرام والحب المحرم ، واشتغال القلب بما يضعف إيمانه ويقوي داعي الشهوة فيه .

4- إشاعة الفاحشة والرذيلة وإقامة العلاقات غير الشرعية بين أبناء المسلمين .

والله السعادة الدائمة في اتباع شرع الله
ولذة المعصية تذهب ويبقى عقابها
ومشقة الطاعة تذهب ويبقى ثوابها

المصدر: منتدى همسات الغلا

;g ]i ugahk d,l d,l ugahk

20-03-2015, 08:57 AM

جزاك الله خيرالجزاءع طرحك القيم

20-03-2015, 10:26 AM

جزاك الله خيرا

20-03-2015, 10:59 AM

جزاك الله خيرا
وبارك فيك على هذا
الموضوع الرائع

20-03-2015, 02:40 PM

الله يجزاك خير ع الطرح القيم , وفي ميزان حسناتك بإذنه تعالى
وأسأله سبحانه لي ولكم الجنه

20-03-2015, 02:46 PM

الله يجزاك خير
وجعله في ميزان حسناتك
ودي لك .

22-03-2015, 07:50 AM

جزاك الله خير
على الطرح القيم
جعلها الله في ميزان حسناتك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالو علشان نعمل موضوع منسق مع الصوت	عاشق الغاليه	حصريات الشروحات	45	12-06-2015 06:25 PM
10 نصائح لرجيم اسهل وصحي ( مسابقة اناقة الملكه)	ملاذ	(همسات التغذيه والرجيم )	10	09-03-2015 07:44 PM
ناس عندهم لحمه يعزموا ناس عندهم لحمه علشان ياكلوا لحمه	نجوى العراق	{ حصريات بأقلام الاعضاء } لم يسبق لها النشر	23	29-01-2015 08:26 PM
علشان خاطر محبتنا	وجه القمر	(همســــات المقال و الخواطر والنثر ) منقول	9	04-09-2014 08:56 AM

الإهداءات

كل ده علشان يوم

( همســـــات الإسلامي )