دموع واشواق من رحم الفراق

حارت دموعي وسط عيني وصديت=صديت عنهم والفت الشوف غادي
مابيه يلمحني وبالعين لديت=واظهرت لي ونه من اقصا فؤادي
وقال وشبك ياهوا البال ونيت=انا بوادي وانت رايح بوادي
اخاف معنا ماهتنيت وتسليت=والحب في قلبك خفيف/ن وعادي
قلت ان لي صاحب له شهور بالبيت=مريض مايعرف شراب/ن وزادي
صدفه ذكرته واشعل الوجد وانحيت=مابيك تلمحني ودمعي يقادي
وحاولت اخبي عنهم الشوق وازريت=والنار شبة في فؤادي وقادي
وضميتها ضمه وفيها تماديت=وبانت خفايا الحب بعد العنادي

وطاب السهر من بعد معهم تهنيت=واسرجت لفحول القصايد جوادي
الصاحب الي كل ماقبلت واقفيت=اشوف زوله كنه النجم بادي
ويابعد عمري من عنا البعد مليت=وحبك وسط قلبي تمكن وسادي
متى على الله طايرتنا ترنزيت=واقلع على متن السحب من بلادي
واسرح مع اوقاتي بعد ماتعنيت=اما على الاسواق والا النوادي

المصدر: منتدى همسات الغلا