دام ماهزك غيابي وش يهزك لا لفيت ؟ !

#1 23-07-2010, 05:41 PM

دام ماهزك غيابي وش يهزك لا لفيت ؟ !

وش يهمك؟ ليه غبت؟!
ووين غبت؟! وليه جيت؟!..
دام ما هزّك غيابي وش يهزك.. لا لفيت؟!
~~~
ما تعوضني دموعك .. عن صدودك .. والجحود..
ليتني ما قلت أحبك .. ليتني لك.. ماحكيت !
~~~
ليتني ما جبت طاري.. ليتني.. ريحت بالي
وليتني في مثل حبك .. بالمحبه.. ما وفيت !
~~~
كنت ما افهم بالخيانه.. كثر ما اسمع.. بالخيانه!
وكنت وافي بالمحبه.. كثر ما عني.. سليت !
~~~
وكنت أشوف الناس مثلي .. غلطتي وأكبر ذنوبي
ايه لاني بالمحبه .. في هواك انت .. ابتليت .!!
~~~
ايه لاني في عيوني كنت أشوفك شي ثاني ..
وش أشوفك شي ثاني ؟! كنت ملكك ! ما حييت..
~~~
كنت أردد في غيابك.. أجمل بيوت القصايد..
كنت أررد (من يقول اني بنسيانك.. نويت؟)
~~~
ثم أردد (وان قويت أنساك ؟ نسيانك صعب!)
وكنت أرددها بصوتي في غيابك.. بيت.. بيت..
~~~
وطحت من عيني حسايف من مكان(ن) كنت فيه
ما رقا به شخص غيرك..!! لا ولاغيرك.. رضيت !
~~~
لأنك أول شخص عندي وآخر انسان(ن) أبيه
ولأنك انت اللي ملكني ولأنك انت اللي قويت ..
~~~
يسكن بوسط الحنايا وان جرح قلبي يمون ..
ساكن(ن) وسط الخفوق وفي عيوني له مبيت..
~~~
جفني الأول فراشه وجفني الثاني غطاه..
ولو عطيته كل عمري أعتبرني ما عطيت ..!!
~~~
كنت مفرط في حناني .. وكنت مفرط بالغرام..
لين صرت انسان عادي.. في عيونك لو بكيت .!
~~~
من غلاتك ,, من قساتك ,, من جحودك للوفا ..
من ضياع سنين عمري.. وأروع أحلام(ن) بنيت..
~~~
أصبحت مثل الحطام اللي تطاير في هبوب ..!
ودي أستدرك شتاتي.. لا ضميت.. ولارويت ..!!
~~~
غير حبك.. يوم حبك .. ضيّع سنيني معاه.. !!
حسبي الله..ان صدفتك .. وحسبي الله ان طريت..
~~~
وين ما لديت وجهي.. ألمحك تضحك علي
ألمحك تضحك علي ..!! وغير ربي ما شكيت ..!!!
~~~
مات قلبي وش بقى بي؟ أسألك بالله حي؟!!!
والخفوق اللي رميته في هواك اليوم ميت ؟!!!
~~~
كيف أنسى؟!..وكيف أسلى ؟!..
أسألك بالله كيف؟؟!!
ولو اقول اني نسيتك .. يعلم الله
ما نسيت ..!!!
~~~
طعنت(ن) أدمت جروحي .. من كفوف اللي عطيته..
كل شي(ن) في حياتي... وإعتبرني ما عطيت .!!!!!!!
~~~
أكرهك ؟!! وأكره حياتي ؟!! وأكره سنيني معاك..!!
وأوعدك ما احب ثاني .. طول عمري ما حييت ..!!!
~~~
وش يهمك؟! ليه غبت ؟! و وين غبت؟! وليه جيت؟!..
دام ما هزّك غيابي؟!! .. وش يهزك.. لا لفيت؟!!!!

__________________
كثيراٌ مآ ننكسرْ وَ نٌجبرْ . .
ولكنّنآ !
نتسرعْ بـ [ تجبيـرْ
] ذلكْ الكسرْ . .
فـ نشوههْ ونحنْ نعتقـد .. بإننا جبرنآهـ وَ أصلحنآه . .
فـ كسريْ لنْ أضعْ تلكْ [ الجبيرهْ ] عليهْ الآنْ . .!
أتعلمْ لمآ . . !
كيْ اتذوقْ تلكْ المرآرهُ والألمْ لـ اتعلمْ منْ خطأيْ ..
وبعدهآ أضعْ [ الجبيرهْ ] بصمتْ وهٌدوءْ . .
وأزيحكْ أيهآ الكسرْ . . فـ قدْ أزعجنيْ مكوثكْ كثيراُ

المصدر: منتدى همسات الغلا

]hl lhi.; ydhfd ,a di.; gh gtdj ? !

23-07-2010, 05:43 PM

روووعه ماسه

ابيات عذبه وشاعريه

تسلم الايادي

كنت أردد في غيابك.. أجمل بيوت القصايد..
كنت أررد (من يقول اني بنسيانك.. نويت؟)
~~~
ثم أردد (وان قويت أنساك ؟ نسيانك صعب!)
وكنت أرددها بصوتي في غيابك.. بيت.. بيت..

23-07-2010, 05:47 PM

منور اخوي النازف

23-07-2010, 07:55 PM

كلمات حساسه ومعاني جزله وعواطف جياشه

لها حس عتب ولها حس حزن

لاهنتي ماسه على النقل وتقبلي تحياتي

24-07-2010, 02:15 PM

منوووووور اسير

24-07-2010, 02:30 PM

مشاعر جميله وقصيده جزله بمعانيها الله يعطيج العافيه اختي ماسه وماقصرتي

24-07-2010, 04:11 PM

صح لسانك ولسان شاعرها

أبيات جداا جميله

الله يعطيج العافيه

وتسلم يمينج

تقبلي تحياتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دام ما هزّك غيابي؟ وش يهزك.. لا لفيت!	جمال العتيبي	(همســــات شعر وشعراء) منقول	10	23-11-2010 08:53 AM
في ذمتك ماهز قلبك غيابي	الفرزدق	(همســــات شعر وشعراء) منقول	10	17-10-2010 11:48 AM

الإهداءات

دام ماهزك غيابي وش يهزك لا لفيت ؟ !

(همســــات شعر وشعراء) منقول