 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
|
#1
16-04-2014, 05:03 PM
| ||||||||||||
| ||||||||||||
 موسوعة تضم جديد فهد المساعد ومعظم قصائده الجميلة  حين تتحدث عن شاعراً بحجم العطاء .. و بإمتداد الغيم فأنت هنا بحاجه ماســّه إلى ذاكرة الشمس .. وبساطة ليل الصحراء .. شآعر مبّدع بمعنى الكلمه .. قالو العذال والعذال مرضى وش بلا حالك من الاشواق قاضي قلت يهجرني حبيبي لين يرضى علموا الظالم ترى المظلوم راضي من الديوان الجديد 2011 = عزة ظمأ ..،*،.. اللـي بعـد ماغـاب عنـكـم بكـيـتــوه..! ـــــ كـم صـار لـه مـعـكـم ولحـدٍ درابـه .. ياليتـكـم ملتـوا عـلـيـه وسـألتـــوه ,, ـــــ ســؤالكـم يمـكـن يغـيّـر جـــوابــه .. لكـن خذيـتـوا كـل شـي وتركتـوه ,, ـــــ لضيقـــتـة ولعـزلـتـه واغـتـرابـه .. اليـوم بـس اليـوم يعـنــي فـقـدتــوه..! ـــــ وهو له سنه من يوم ما اقفت ركابه .. لو كان فيكم خير .. كنتوا ذكرتوه ,, ـــــ قبل الزمن يسرق ملامح شبابه .. يعني عشانه ما اشتكى .. ما سمعتوه ..! ـــــ هذا الخطأ اللي ما حسبتوا حسابه .. ما قد عرض شكواه حتى على أخوه ,, ـــــ شلون اجل يشكي عليكم صوابه ؟ طبعه يموت ولا ألحق الغيم مشروه ,, ـــــ عــزة ظـمـأ .. ولا مـذّلـة سحـابـه ؟ اقفى .. عساه مجار من كل مكروه ,, ـــــ راسه عزيز .. وراس ماله ثيابه .. وعفّة يديه اللي خذاها من أبوه ,, ـــــ و صبره على جوعه وقلّة زهابه .. خلّه يتوه بكيفه .. احسن ولا يتوه ,, ـــــ بـ يدين ناسٍ شرعها شرع غابه .. الذيب فيها من سلك درب مشبوه ,, ـــــ واللي ما هو ذيبٍ كلته الذيابه.. يا ما أنبنى من حلم فينا وهدّوه ,, ـــــ وقتٍ غريب وناسٍ أكثر غرابه .. صدق القناعة كنز .. لكن هم أفنوه,, ـــــ و حتى الأصابـع علمـوها تشابــه .. ما دام صوتك من ورى الباب مسفوه ,, ـــــ يا ريـح هـدّي باب مـن سـدّ بابــه .. والصاحب اللي غاب لو هم تناسوه ,, ـــــ قـولــي لـهـم لا يفـرحـون بغيابـه .. هـم حصّـلوا في غيابه اللي تمـنّـوه ,, ـــــ بس الوعد لا من برى من صوابه.. كــل مـافــي الأرض يـنــذر بالـمـفـارق والـغـيـاب اللقـا .. والشمـس .. وحـروف الرسايـل .. والقبـور وش بقى يوم أكتشفـت أن آخـر الـدرب السـراب ؟! والبحـر دمـع لسـواحـل هـاجـرت عنـهـا الطـيـور ! مالحزني صوت ؟ .. مدري هـو خطـأ والا صـواب ! بـس أعـرف أنـي حـزيـن وصـوتـي الليـلـه جـهـور مـن يدّثـر صـوتـي الليـلـه ويكـسـب لــه ثــواب ؟ !مالـهـا يالشـعـر غـيـرك أنــت .. ياجـبـر الـكـسـور يكـفـي أنــي .. لابكـيـت بـدونـك أشـعـر بـإرتـيـاب وكل ماأبكي فيك .. أشوفك لي .. عن اللي فيّ .. سور أدري بـيـوتـك عـرايــا .. لـكــن أوزانـــك ثـيــاب لـبّـس جـروحـي مــن أحـزانـك وألبّـسـك الـصـدور كـــان يـامــا كـــان والنـسـيـان لـلـعـشّـاق بــــاب عاشـق ٍ لاشـدّ درفـة بــاب .. صــاح بــلا شـعـور : يقـدر النسـيـان يـنـزع غـصـن مــن فــوق الـتـراب بــــس مـايـقــدر يــقــرّب لـلـتــراب ولـلــجــذور كيـف أبنسـى ذكـريـات الطـيـش الأول .. والشـبـاب ورفـقـة اللـيـل العتيـقـه .. وأول الفـجـر الـطـهـور والمـواعـيـد وشغـبـهـا .. والـولــه قـبــل الـعـتـاب وساعـة ٍ كــم كـنـت أحــاول فــي عقاربـهـا تــدور والمكـان الـلـي وهــن سقـفـه مــن الفـرقـا وشــاب مــن بـعـد مـاكـان يحضّـنـا مـثــل طـفــل ٍ غـيــور والمـطـر لا لــوّن الـشــارع .. وقـلـنـا للـسـحـاب :بـلـلّ أيديـنـا .. تــرى الـعـشّـاق أيـاديـهـم زهـــور كيـف أبنسـى والـريـاض لسيـرتـي مـثـل الكـتـاب !حافظتنـي بيـت بـيـت .. و حــي حــي .. و دوُر دوُر مــن كـثـر ماكـنـت أدوّر فــي شوارعـهـا جــواب : هو صحيح الحب أعمـى ! أو عيـون النـاس عـور ؟! كنت أشوف الحـب عـذب .. وهـم يشوفونـه عـذاب !كـان هــذا الـحـب ســر ! .. وقلـتـه وكـلـي ســرور علمّـونـي فـــي المـديـنـه كـيــف لاحـبـيـت أهـــاب لـكـن القـريـه قمـرهـا قــال : كُـــن لـلـحـب نـــور فـي بـلادي كنـت عاشـق .. بـس شاعـر بإغـتـراب ! ليـن صـرت الشـاعـر الـلـي تعشـقـه كــل البـحـور علمّيـنـي يالقصـايـد هـــو خـطــأ والا صـــواب ؟! لارفضـت أنـسـى عـيـون ٍ عشتـهـا شـعـر وشـعـور هذا أنـا لحالـي .. هزيـل الحـال .. وأشعـر بإكتئـاب كــن قلـبـي جــال بـحـر ٍ هـاجـرت عـنـه الـطـيـور أجـرع الفرقـا وأقـول الحـب عــذب .. وللـعـذاب . .كــل قـلـب ٍ لاحـرمـه الـوقـت مــن خـلّـه .. يـبــور وليـن هـذا اليـوم أدوّر فـي المديـنـه عــن جــواب : ليـه فـي شرعـك .. يكـون الحـب معنـى للفجـور ؟! ================= 2011 كوكتيل يحبني واحبـه اكثر من الحب ومن لا تزوج منهو يحب..جاحد كانه يبيني مثل ماانا ابيه يارب نعيش انا وياه في بيت وآحـــد ***** من قسوتك خليتني كل مااشتقت اغمض عيوني على شان اتخيلك ***** انا اذكرانك كنت خايف مع الوقت ترجع وتلقاني كبرت ونسيتك هذا انا حيت وشفت وش كثر انا اشتقت وشفتك ولكن للاسف مالقيتك ***** يارب ساعدنا على انفسنا والهمها تسلك دروب تقواها عجزنا نقوي انفسنا بـ انفسنا انت الذي يارب تقواها **** انا سعيد انك بديتي تعرفين اني افكرفيك في كل حزه لكن حزين انك عجزتي تحسين اللي احسه حب ولا معزه ******* من جلسنا والبحر يبعد ويقرب وكل ماايبعد شويه تعاتبينه كنت مستغرب عتابك بس الاغرب انك تسوين شي تكـرهينه ******* ودي اقول الله يصبحك بـ الخير لكنك انت الصبح والخير والنور صوتك شذا ورد ونسيم ونواوير ووجهك سوالف فجر واسرار وبحور ********** ياللي تسب الناس منتب ولد ناس سوالفك ماهيب منا وفينا مـالله خلقنا مدهل لكل بلاس الله يعافيكم ولا يبتلينا ***** شل كفوفك عن يدي لابارك الله في كفوفك انت وش سويت فيني جعلها ماتسوى لك قبل اشوفك كنت ادور عذر ماودي اشوفك ويوم شفتك صرت ادور عذر فيه اقدر اجي لك ***** لاحبك اخترته ولااخترت فرقاك الحب صدفه لكن الفراق اختيارك بس اذكر اني اخترت في مره انساك ولقيت كل الذاكره في انتظارك*** سكة الذكرى الحزينة - . مرني طيفك..وطيفك صاحبي ما أدري عدوي؟! جايبٍ صوتك..وصوتك سكة الذكرى الحزينه قال: انا جوي تكدر..قلت:ماهو كثر جوي قال:فرقانا غبينه..قلت: واكثر من غبينه قال:انا بـ..أموت من غيبتك،قل لي ويش اسوي؟! قلت:أنا ابغي الموت في غيبتك، قل لي بس وينه؟! قبل ترحل كنت أقول:بيسرح أيام ويضوي مثل ماعودني اليا اشتقت له جابه حنينه بس هـ..المرة ثمان شهور وضلوعي تدوي كل يوم أشتاق لك..يعلن أبو الشوق وسنينه كل ماعشمت قلبي..قال:ياضلوعي تقوي..؟! ورحت أنا وياه نرقب رجعة اللي فاقدينه نوب أقول:اليا رجع بكون في قمة هدوي ونوب أقول: إلا بزعل..وأتلى مابيني وبينه..! كل يوم اجلس على جال البحر وأقول: ((توي)) لاسألني: مافقـدت الحلم في لمسة يديـنه؟! مادريت إن البحر ماقـال لأمواجـه: ((تروي)) ومادريت إن ((الغرق))هو حجة غياب السفينه مادريت..أومابغيت أدري..ولا أدري وش بـ..أسوي لو رجعت وشفت طيفك في الممرات الحزينه؟! وين ابنسى؟!..وأنت طيفك(صاحبي مأدري عدوي) مارضي يترك لغيره شـبر واحد في المديـــنه...! الريح و الناي = ليلـة فـراق و بــرد و بــروق و ريــاح وصوت المطر يفصل اخطاها عن خطاي نقـرب .. وتنبـت فـالوطـى بيننـا رمـاح حـتــى تلاقينـا..لـقـا الـريــح والـنــاي آخـر لـقـا يـغـزل مــن الغيـمـة وشــاح وأول لقـا يمضـي .. بــلا مـوعـد جــاي مسحـت عـن وجناتـهـا صـبـر وجــراح وأنـا جراحـي كانـت أكبـر مــن بـكـاي قـلـت أذكـريـنـي مـاهـمـا بـــارق ولاح وأيّــاك تبكيـنـي تــرى الـدمـع نـسّــاي إذا سألـوك النـاس .. قولـي لـهـم : راح بالـك يـجـي طــاري وداعــي وفـرقـاي ترى الفراق الموحـش .. فـراق الأرواح أمـا الجسـد لـو غـبـت تحيـيـه ذكــراي صـدّت .. و فـي وجناتهـا الـدمـع ذبــاح وأنــا أعـتـذر لعيونـهـا عــن سـوايـاي تبكـي وأنـا أمسـح دمعهـا كــل مـاطـاح كنـت أحسـب كفوفـي بتمـسـح خطـايـاي لـو اجرحتنـي وقتـهـا .. يمـكـن أرتــاح لكـنـهـا.. وبــــدون كـلـمــة ولا راي .. أقفـت تـوّدع عمـرهـا الـلـي مـعـي راح وأقبـلـت أودّع عقبـهـا عـمـري الـجـاي يااطهر نفس = لا صـــرتي قريبه تلاشت همومي وأذا بــعــدتي صــرح الأفـراح ينهار تزعجني ظروفي وتنهش عزومي حظي شحيح وزفرة أنفاسك أمطار يا أطهر نفـٌـس وياي حتى فـ نومي وأليا سليتك كن تحت القــدم نــــار يا هيـبه الطاووس يـا أطهر حلومي مثل المطر والهم في صدري غبـار يـا أشهى ثغر من ثغرك أزريت أصومي ريقك عسل عطني من شـفاك تذكار يا كــبــر حظـي فـيـك بالله قـومــي أبـرتـوي قــدك ولــو صــار مــا صــار ..! يا بنت قومي واسكني فالمحــانــي البيت بـيـتك سوره ضلوع صدري قلـبـي وقـلـبـك من جـفانا يــعـانـي يا لبى قلبك يا بـعـد كل عــمـــري ================= زحمة الصمت في زحام الصمت غربة عمـر تـاه تاهت الكلمه على شفـاه الجـراح والبكى عيني غدت عينـي فضـاه بلل اوراقي عمـر حلمـه سـراح وابتدى ينسج عنى عمـري ضمـاه حيرتي خطوه علـى سكـة بـراح ون سالت الوقت عن فرحـي لقـاه صد واقفى ليـه مـدري ليـه راح هو شقى حظي رمـى عمـري وراه ولا هـو ذنبـي طعنـي واستـراح وين ابلقى الحل كيف ارسم نجـاه لي عمر ثاني وانـا كلـي جـراح اشطب احساسي وكيف اشطب عناه والعنى جرحه خـذا قلبـي مـراح آآآه يـا حظـي وانـا لا قـلـت آآآه شفت في عينك رضى صمت انشراح ================== فناجيل الغرام البارحه مدت فناجيلها لي جو الغرام بوصلها جو ثاني تحكي معاي وبحكيها نبرة الغي اللي فرقها عن جميع الغواني سالتها ياغاليه هو بقى حي يعرف مشاعر وصلنا والاماني ردت علي وصوتها كنه الضي يملا مشاعرها الغلا والحناني الحب لو عاش بغيابك ولاشي ماله ابد في غيبتك اي معاني قلت الغلى مايجمع الناس يامي قالت بلا قلت اخر العمر فاني الوصل مابيني وبينك كما الري يروي عروق القلب بين المحاني ====================== سؤال = لاتكّـدر خاطـرك ضيقـة حبيبـك يــوم قــال ايـه أحبـك يابعدهـم بـس أنـا ويــن آغــدي ضيقتـي ماهيـب بـس اليـوم يابنـت الحـلال ضيقتـي لهـا ثـلاث سنيـن تاكـل مــن يــدي ضيقتـي مافـي وفاهـا يابعـد عمـري جــدال كـل ليلـه تبـسـط يديـهـا وتـفـرش مـرقـدي ودي أسكت بس أعرف الحظ لامن مال .. ماللي متى والصمت ينهش في ضلوعي وجسدي شوفة عيونك..هموم وضيق خلـق وقـل حـال وش أسـوي دام حظـي يابـعـد عـمـري ردي هي كـذا عيشـة حبيبـك لـو تظاهـر بال كمـالأقـرب أيامـه سـعـاده بعـدهـا بـعـد الـجـدي هي كذا وأنتي بكيفـك ..مابقـى فيهـا سـؤال فيـه دمعـه فـي عيونـي تنتهـي أو تبتـدي؟! كلـهـا مابـيـن كلـمـة روح أو كلـمـة تـعــال كلمـةٍ فيهـا أضيـع ..وكلـمـةٍ منـهـا آهـتـدي هذا كل اللـي بقوله..وأعـذري قـل الوصـال والله أدري بك زعلتي بـس أنـا ويـن آغـدي ==================== التفاصيل الصغيرة - ازعل عليك احيان وأزعل على نفسي قبل ماأزعل عليك وأرضى عليك احيان وأرضى على الدنيا وانا راضي عليك وأنت عمرك مازعلت .. وماعتبت ... ومارضيت أزعل علي لو كذب أعتب علي لو كذب هذي التفاصيل الصغيره اللي تخلينا نحب ماأحب انا ازعل عليك ازعل انا لأني احب *** ياأدفى من حروف الشعر ياأرق من حلم السنين إذا تركتك تنتظر حسسني إن انتا حزين مابي تقول مسامحك قل : ماأبيك وإذا رجعت اصالحك أبعد يديك أنا انجرح قبل اجرحك وأبكي عليك لكن أبي مره تحس وشلون أنا أمووت فيك هي التفاصيل الصغيره اللي تخلينا نحب ماأحب أنا أقسى عليك أقسى أنا لأني أحب *** أدري فيك تموت فيني وأنا ميت من برودك لي متى وانتا تبيني وماتحسسني بوجودك ايه ... حسسني بوجودك لمّ صوتي بعثر حكاية سكوتي لاتخلي الحب يفقد همسك العذب ويمووت قل احبك .. قل احبك بأعلى صوت انا مليت السكوت *** ياإبتسامة قلبي ولهفة حنينه ياشقاه وياحنانه يابعد كل المسافات الحزينه معك امانه الدروب اللي مشينا .. لاتضيع ونغترب بالتفاصيل الصغيره نقدر نعيش ونحب غمازتين و سلة = أشتاق / لك وأوقف على مطلع شعر قلته خبال وراق / لك وأدوّرك أنا أذكر أني قلت / لك الشعر هذا مايليق .. وجاوبت ِ : لكن لاق / لك * * * شيطانه أنتي ماتحبي من بناتي الا بنتي اللي أنتي فيها بنتي كم صار لك يابنتي ماعاد بيّنتي مدري ليه ! .. يا أنتي كنتي منتي انتي يوم شفتك ! والا شفتك .. يوم انتي منتي كنتي أنتي ! موسوعة تضم جديد فهد المساعد ومعظم قصائده الجميلة المصدر: منتدى همسات الغلا l,s,um jql []d] ti] hglshu] ,lu/l rwhz]i hg[ldgm hglwhu] hg]gdgm jqg d[d] ti] ,Hu/l آخر تعديل العنود الغامدي يوم
16-04-2014 في 05:16 PM.  |
|
16-04-2014, 05:21 PM
| #2 |
  |  تابع جديد فهد المساعد  يا اجمل من عيون خل ٍ ينتظر خله بغمازتين وسله فيها سحاب وعيد وطيور مبتله * * * آه لو تجي .. تسقيني الحب الغزير وأخذها بيديها وأطير .. مدري لـ وين !؟ لكن أطير .. ومتى ماينهكنا الهوى أذوب وتذوب .. وتمرنا أسراب الغيوم وأصير أنا غيمه وتصير هي غيمه وأسيل أنا فـ وادي وتسيل في وادي وأقول للمفرق : محدٍ سأل عني أو مر من حولك ويقول لي المفرق : أسمع سراب أصوات فيها من هطولك وأظنها كانت لـ أهل ٍ ينادولك وأصيح به : تكفى يامفرق الوادي أنا هنا مليت مادلني أصحاب ولا دلّني غادي قبل انطفي وأجف (خذني على بلادي) ====================== ======================== يـوم هـبّ الـوقـت وأعمـانـي عجـاجـه الفـرج عيّـا .. وأنــا بالصـبـر راهــي ويـوم مـال وطــال ميـلـه وأعوجـاجـه رحــت أدوّر شـــي ٍ يـشــد إنتـبـاهـي وشفـت زولـك مقبـل ٍ مـثـل إنفـراجـه كـنّـه الـلـي جـايـبٍ عــزّي و جـاهــي يــاه ياضيـقـات صــدري وإبتـهـاجـه تذكر آخـر مـرة ٍ شفتـك ..متـى هـي !! صاحـبـك مــن يومـهـا زاد إحتـيـاجـه وأمتطـى ظهـر المصـايـب والـدواهـي سـولـف الليـلـه عـلـى قلـبـي و نـاجـه من بقى لـي غيـرك أفخـر بـه وأباهـي يابـعـد مــن كـــدّر غـيـابـي مـزاجــه ويابعـد مــن مــرّت حـروفـه شفـاهـي رغـم حـيـرة قلـبـك ورغــم إنزعـاجـه الـزمـن .. ماغـيّـر احسـاسـه تجـاهـي ورغـم وحشـة بعـدك وقـسـوة سيـاجـه كـل حـاجـه فـيـك ظـلّـت مـثـل مـاهـي الخـجـل فــي وجـهـك أول مـنـتـواجـه والبـراءه فـي عيونـك وأنــت سـاهـي وبسمتـك لامــن بغـيـت تـقـول حـاجـه وغيرتـك لاشـفـت كـنّـي عـنـك لاهــي قبـل أشوفـك .. والزمـن عاقـد حجاجـه أسأله : وش فيك ؟! وألقى العذر واهي ويـوم شفتـك قلـت للوقـت وعجـاجـه :هيـه ياللـي فـي طعونـك كنـت راهــي أنـت لــو غـيّـرت فيـنـا ألــف حـاجـه القـلـوب البـيـض تبـقـى مـثـل مـاهـي ================================== أحـدٍ طمـوحـه مــن قصـايـدة خــوّه و أحد ٍ طموحه خوة الجـدي وسهيـل أناأشـهـد إن الشـعـر تـالـي تـشـوّه شعـار جيلـي شوهـوا سمعـة الجيـل مـا بـيـن شـيـخ ٍيحـفـظ الله سـمـوّه ريشـه ضعيـف وطيـروه المهابـيـل ومـابـيـن شـحــاذ ٍ بـلـيــا مــــروه لو"أبرهه"عايـش مـدح عنـده الفيـل والمشكلـه حـتـى الخطـيـب المـفـوّه اليـوم جـازت لـه لحـون المـواويـل وأعلـن علـى محـق القوافـي غـلـوّه مايدري أن حتى الشعر فيـه تسبيـل ناس ٍ ضعوف و تحسب الضعف قوه يطري علـي لا شفتهـا كذبـة أبريـل حتيش لـو هـي فـي المناصـب تبـوه ما طهّـر المـاء حنظلـة وادي النيـل وأن ظـن منهـم واحـد أنــي عــدوّه تكفـون قولولـه تـرى ظـنـه خبـيـل قـاع الجبـل مـا ينحسـد مــن عـلـوّه للي يعرف الحصن من كـدّش الخيـل لـكــن كــــذا لله حـبـيــت أنــــوه و أقبل مثل فجـر فهـق عتمـة الليـل يــوم إن كــلٍ يفتـخـر لــه بـخــوه أنا خـوي الشعـر والجـدي و سهيـل [============================= تـغـيّــرت بــنـــت الـضــلــوع الـمـهـاديــف تـغـيّــرت والله .. وانـــــا فـــــي رجــاهـــا مدري متى ؟! أو وين ؟! أو ليه ؟! أو كيف ! ؟لــكــن اعــــرف أنـــــه تـغّــيــر غــلاهـــا هــــي سـلـمـتـنـي لـلــزمــن والـصــواديــف وانــــا اتـذّكـرهــا .. ولا اذكــــر خـطــاهــا شهـور .. كــن غيابـهـا فــي الـصـدر ضـيـف مــافــيــه ضـــلـــعٍ مــاتــقــوّس وراهــــــا حـاولـت فيـهـا تـرجــع .. وقـلــت : يـاحـيـف هــو مــن مـتــى والأرض تـنـكـر سـمـاهـا ؟! كـم كـان وجـه الحـزن فــي عيـونـك مخـيـف !كــم كـنـت أواســي دمـعـتـك فـــي شـقـاهـا ! نسـيـتـي أمـــواج الـزمــن والـعـواصـيـف ؟! وضـلـوعـي الـلــي كــــم غـفـيـتـي وراهــــا ودعـتـي الـبـحـر .. ورمـيـتـي المـجـاديـف ؟! مــن وصـلـك هـــذي الـشـواطـي سـواهــا ؟! يــامــا كـتـبـتـك فــــوق روس الـمـشـاريــف قــصــايــدٍ مــــــر الــســحــاب وقـــراهـــا ويـــوم الـمـطـر مـــرّت عـلـيـه الـسـوالـيـف حــــوّل يــبــي ضـحـكـتـك تـسـقـيـه مــاهــا ويـامــا انجـرحـتـي مـــن فـــراق المـوالـيـف وقــســـوة قــلـــوب الـراحـلـيــن وجـفــاهــا طـيـب عـلامـك كــل ماارسـلـت لـــك طـيــف عــــــوّد عـــلـــيّ بــدمــعــةٍ مـابـكــاهــا !! حــقـــك عـلــيّــه يـالــعــروق الـمـلاهـيــف دام الــســوالـــف واصـــلــــه مـنـتـهــاهــا الله عـطـاهـا مـــن هـنــا لآخــــر الـصـيــف إن عــــــوّدت لـلــقــلــب .. والا نــســاهـــا ================================== الـيـوم صـوتـي ينـاسـب لحـظـة الـفـرقـا كـانـك تبيـنـا نتـفـارق .. خـلّـهـا اللـيـلـه مـن ينتظـره الشقـى .. لـو ينتظـر يشـقـى دام الشقـا ينتظرنـي .. ليـه مااجـي لـه ؟! ياقلبـي المنتظـر .. مكتـوب لــك تبـقـى ..محـروم حتـى مـن اللـي كنـت تشـكـي لــه خــل المـراكـب تسـيـر ..و ودّع الـغـرقـا في موادع الحمْل .. راحـة مـن هـو يشيلـه الـلـي يــدّور عـــذر لـفـراقـي .. بيـلـقـى يامن نويـت المفـارق .. قبـل تمشـي لـه .. أرحـل مـن احلامـي اللـي قلـت لـك ترقـى ومن روحي اللي ماعاد اعرف من هي له !! ومن دفترك .. وأرتباك خطوطه الزرقـا ..ومن كل ضحكه , ودمعـه .. فـي تفاصيلـه أرحـل .. و خـذ ذكرياتـك معـك .. لاتبقـى ساعدنـي أرجـع لنفسـي كــان لــك حيـلـه علمتـك الوصـل .. علمـنـي عـلـى الفـرقـا محتـاج لـي قلـب .. يشبـه قلبـك .. الليـلـه الاسرار = يا رفيـف المـاء .. وفجـر العيـد .. وأحـزان الموانـي يا أكثـر أهـل الأرض طيبـة قلـب .. وأسـرار دفينـه المـكـان الـلـي هـنـا .. ملـيـان ضحـكـات ، وأغـانـي والكـلام الـلـي بغـيـت أقــول .. يحـتـاج ل سكيـنـه ! شوفـي الركـن البعيـد هـنـاك .. كـنـه صــدر حـانـي هــذا هــو الـلـي يلـيـق ب شـاعـر وبـنـت حزيـنـه! أنـسـي الـشـارع ، وعتـمـات الـزوايــا، والمـبـانـي هـاتـي يـديـنـك نـلــف الـغـيـم ونـشـكـل مـديـنـه !! عنـدي الليـلـة كــلام وصـمـت .. وأخــاف الثـوانـي تظلمـه .. أو تظلـم اللـي فـيـه كــم ضـاعـت سنيـنـه بـــس لازم تسـمـعـيـن الــلــي أبــــي ولا تــرانــي لو ب أعيده لك .. نسيت .. ورحت أقـول اللـي تبينـه شـي واحـد قبـل مـا أبـدأ .. مـا أبـي أي شــي ثـانـي يخطر ف بالك .. وأنا أكشـف لـك شعـور تجهلينـه ! إن أنـا .. وبكـل مــا تحمـلـه "أحـبـك" مــن معـانـي كنت،وراح أبقى أحبك .. لين .. مدري وش هو لينه !! بــس والله مـاقـدرت أنـســى .. ولا هـمــي نـسـانـي لا ذكــرت إنـسـان .. فـيـه أســرار مابيـنـك وبيـنـه كــل مــا تـطـري عـلـي فـكــرة هـــواك الأولانـــي أشـعـر إنــي أنطـعـن ملـيـون مـــره مـــن يـديـنـه! أشـعـر إن عيـونـك.. الله مــا خلـقـهـا إلا عـشـانـي كيـف كانـت تبتسـم لـه؟!.. قولـي إنـك تخدعيـنـه !! صـورة إنـه كـان يمـسـح دمـعـك .. تـزلـزل كيـانـي وكيـف كــان يـلـم شـعـرك .. ويتبعـثـر فــي يميـنـه حتـى اسـمـك يــوم رحــت أدلله .. حـظـي رمـانـي..بنفـس الاسـم اللـي يقـول .. بذمتـك ماهـي غبينـه !؟ وكنـي الـلـي .. كــل مــا أنـاديـك بـالاسـم الفـلانـي أطـلـب النسـيـان .. يـتـرك مـنـه شــي تذكريـنـه !! لا تظنـيـنـي أنـانــي .. لا .. أنـــا مـانـيـب أنـانــي لـو سلمـت مـن الغـرق . بأمـوت فـي ظهـر السفينـه! يـا إنـي مـا أكمـل وأعانـي .. أو أكمـل ثـم أعـانـي. .كل ما اسمع طاري اسمه .. أو تجي عيني فـي عينـه! أينـا كـان الضحيـه ؟.. وأينـا اللـي كــان جـانـي ؟ مــدري !.. ولـكــن قـــراري لازم إنـــك تقبلـيـنـه: مـثـل مــا أكــره فـكـرة إنــه واحــدٍ يـاخـذ مكـانـي مـا أقـدر أجلـس فـي مكـان إنسـان.. كنتـي تعشقينـه! [سحاااابه جـف الكـلام ومـدت يدينـهـا فــوق : .... أخترت هذي .. وأنت شف لك سحابه قلت .. ويديني تحتضنها مثل طـوق .. : أخـتـرت هــذي هــذي أكـثـر رحـابـه هـذي دفـا صـوتٍ مـن الـبـرد مخـنـوق هذي ســؤالٍ نـصـف عـمـري جـوابـه هـذي هـي اللـي عرّفتنـي علـى الشـوق ـذي قـدر .. ماكنـت حـاسـب حسـابـه قطعـة حـزن فـي جيـب بالـي ومشقـوق هومضـة فـرح فـي عيـون نـاسٍ غـلابـه أن سولفـت فـي ثغـرهـا لمـعـة بــروق وإن سرّحـت فـي عيونهـا صمـت غابـه واليا اضحكت نورٍ من الفجـر مسـروق والـيـا بـكـت تـحـزن عليـهـا الـكـآبـه حبـي لـهـا لــوأدري ان فـيـه مخـلـوق قـدّ حـبّ مثلـه .. قـلـت : "ياللغـرابـه" هالآدمي مـن ويـن لـه قلـب وعـروق؟! والصبـر هالمسكيـن مـن ويـن جـابـه؟ وأنــا أتكـلّـم .. ردّت عيـونـهـا فـــوق ثم تمتمت : من هي هالأكثـر رحابـه؟؟ قلـت ويديـنـي تحتضنـهـا مـثـل طــوق فــي ذمـتـي ماشـفـت غـيـرك سحـابـه تعاااااال من عز نومـي صحيـت وشفـت فـي عينـي دمـع تـهـادى عـلـى جفـنـي وأنــا غـافـي سـتـرت دمـعـي بـكـمـي قـبــل يغـريـنـي وأخـذت هـذا الجسـد مــن بـاقـي لحـافـي وسـريـت تـايـه ورا خـطـوات رجلـيـنـي لا الوجه وجهي ولا أوصافي هي أوصافي أمـشــي وأقـــول لطـريـقـي لا تـوديـنـي لعيـون نـاس تـبـي تــدري عــن الخـافـي أمـانـتـك.. خـلـهـا مـــا بـيـنـك وبـيـنـي خـابـرك يـالـدرب خــوة عـمـر وسنـافـي مــا ودي الـنــاس تـــدري وش يبكـيـنـي كـرامـة النـفـس ورث أبــوي وأسـلافـي أمشـي وأحـس الخنـاجـر فــي شراييـنـي والبـرد يمـشـي وراي وينـهـش اطـرافـي وحـيــد والـلـيــل بــردونــه يغـطـيـنـي تـقـول كــن الـبـلـد روح بـهــا الـسـافـي إليـن مـا أوحـيـت لــي صــوت يناديـنـي صوت أعرفه مثـل مـا أجهـل وش خلافـي قـمــت أتـلـفــت وانــــادي لا تخـلـيـنـي ما غيـره.. الصـوت هـذا صوتـك الدافـي ولمحت زولك مـن أقصـى الـدرب لافينـي مـدري وش اقـول لكـن حـي هــا الـلافـي تعـال.. شـف غيبتـك كيـف أثـرت فيـنـي تعال.. شفني وأنـا أغـرق عقـب مجدافـي تـعـال.. خـذنـي ورحـبـي مــن عناويـنـي تعبـت أعـدي علـى جـمـرك وأنــا حـافـي تعـال واقطـف بصـوتـك زهــرة سنيـنـي كــل المواعـيـد عقـبـك شمـعـهـا طـافــي تـعـال وازرع خـصـل شـعـرك بكفـيـنـي بضمـهـا لـيـن أحـــس بلـيـلـك الـظـافـي تعـال وشفيـك خايـف؟ أنــت ناسيـنـي ؟قطـعـت صـوتـي علـيـك وطــال ميقـافـي حتـى بـديـت أشـعـر أن الـحـب معميـنـي وان أنـت حلـم عثـى فيـنـي وأنــا غـافـي لـكـن أمـانـة تــرى الـلـي فــي كافـيـنـي إن رحـت منـك كـذا مــا رحــت متعـافـي بـصــدق الـحـلـم وأحـــذر لا تصحـيـنـي فــي خـاطـري كلمتـيـن إن قلتـهـا كـافـي أمانـة الله علـيـك إن غـبـت عــن عيـنـي لا يكـون قلبـك مثـل قلـب الـزمـن جـافـي مــع كــل دمـعـة تـذكـر رعـشـة يديـنـي ومـع كـل ضحـكـة تـذكـر قلـبـي الـوافـي =========================== العذر == يعنـي كــذا يــاأم الـوفـا والمحـبـه كــذا المـحـبـة والـوفــاء يـاوفـيـه أغـيــب عـنــك أيـــام ولا أتـنـبّـه إلا وانــا أشـوفـك زعلـتـي عـلـيـه وش زعلك ؟ وش هز قلبك وشبه ؟ يعني عشاني غبت صارت قضيـه ! يـاام القـوام اللـي مـن أدنـاة هـبـه يـمـيـل كـــن الـخـيـزران أدمـيــه وأم العيـون اللـي مـن يخـاف ربــه يـذكـر عـلـيـه الله ويـذكــر نـبـيـه إن كنـت مخـطـي فالخـطـا مايجـبـه إلا العـذر وانـا اعتـرف بالخطـيـه وهذي بعـد مـن فـوق الأعـذار حبـه لاتـزعـلـيـن الله يـخـلـيـك لــيـــه الطفل و المحارم = كــــان في وسط المدينه... طفلٍ أكبر من سنــــينه.. والده مات بحنــــانه.. ولاقعد يندب زمانه... صادق هموم الشوارع .. يمسح الدمـــع ويصارع .. طفل لكن كان بارع .. مات ابوه وجا مكانه ... يمسح أطراف القوايل عن جبينه .. يبعد الشمس ويطاردها بيدينه.. طفل أحزانه معالم.. طيب وسمح ومسالم.. يمشي ويطوح بصوته .. يبغى قـــوت أمه وقوته .. المحارم....المحارم....المحارم .. المحارم....المحارم....المحارم .. ولا أقبل الليل ..ورحل وجه النهار .. راح لامه مثل الأطفال الصغار .. وأرتمى في ...حضنها .. أرتمى في....جفنها .. أرتمى في....حزنها.. وقامت امه تبكي لضيعة سنينه .. وصـــــاح...يمه ليه يــاعمري حزينه؟ .. دمعتك يالغاليه والله ثمينه .. تحسبين أني حزين؟ .. لا..وراسك ما ألين .. من لقى هذا الحنين .. ينسى حزنه.. ينسى همه... ينسى حتى العمر كله.. دامــــك أنتي تحترينه.. وفي صباح من صباحات الضياع .. الحزن قدر يقول له الوداع .. نـــــــــادت أمه...ماسمع .. صـــــاحت أمه...مانفع .. طـــــاحت أمه...مارجع .. الصغير اللي ملى الدنيا صراع... مـــــــات ....من كثر الوجع ========================== اعز انسان صـوّت حبيبـي وقبـل أقــول ياعـونـك شكى جروحه ورحت أشكي له طعونـي يقـول مقـدر أعيـش اليـوم مـن دونــك وأقـول حتـى ولـو ماعشـت مـن دونـي يمكن أنـا اكـون أعـز إنسـان فعيونـك بـس انـت والله كــل الـنـاس فعيـونـي لا صـرت ربعـي وداري فيّـة جفـونـك وش دخّـل النـاس خـل النـاس يجفونـي يكفينـي إن انـت لا مـن قلـت وشلونـك تطيـب كـل الجـروح ويختـلـف لـونـي وإن كـان منتـب مصدقنـي علـى هونـك تعـال وطـالـع دروبــي ويــن ودونــي أصبحـت أجامـل عـداي اللـي يحبونـك وأكـره مشاهـد عـداك الـلـي يحبـونـي ومن كثر ما احب واكره عنك واصونك أصبحت دفتر مشاعر وأنـت مضمونـي إن غبـت عنـي شعـرت بلـذة طعـونـك وإن شفت زولك شعرت بقيمـه عيونـي ============= |
| |
|
16-04-2014, 05:29 PM
| #3 |
| |  دفتر اوجاعي اكتـب واسلّـي خـاطـري ب(الكتـابـه )كود التهـي فـي نظـم الابيـات وانسـاه واثـر القصـايـد مـنـه قـامـت تشـابـه مـن ويـن اقلّـب دفتـر اوجاعـي الـقـاه هــذي قصـيـده قلـتـهـا فـــي عـتـابـه وهــذي قصـيـده قلتـهـا يــوم فـرقــاه وذيــك القصـيـده قالـهـا مــن عـذابـه يكتـب قصيـدٍ منكـسـر بــس مـااحـلاه ويقـول: (( جابـه كـان تقـدر تجابـه)) واقـول شعـرك لعـن ابـو مــن تـحـداه ويروح يضحك مـا اقتنـع فـي الاجابـه ويقول: (( شعرك زين بطّـل محابـاه)) واقـول: ((طبعـا زيـن لأنــك زهـابـه لاصرت روح البيت وش لون تبغاه))؟ والـيـوم ذاك الـوقـت جـمّــع شـبـابـه واقفـي ولاادري صاحبـي ويـن وداه؟ رضــيــت مــــدري ذل ولا مـهـابــه ابـعـد واهــلّ الـدمـع لأيـــام ذكـــراه الشـعـر واللـيـل وبـيـاض السـحـابـه والضحـك والحـظ الــردي والمعـانـاه كـلّــش يـذكـرنــي بــوقــتٍ غــدابــه ياويـن أبرمـي هالجسـد فـيـه وانـسـاه =============== يبه يبه وانـا بعـد اثنعـش عـام حسيـت انــي قــدرت اقــول شــيٍ كتمـتـه ابطى قصيدي ماانكتب فيك وابطيت اجـر صوتـي وارجـع اجـر صمتـه ماودي اكتب بيت وانـدم علـى بيـت ماهوب شعـر الشعـر كانـي زهمتـه الشعر كانه ماانحنى لـيّّ .. ماجيـت ان مـاعــزم مرثـيـتـك مـاعـزمـتـه ان ماكتبته باازرق الدمـع وابكيـت كـل الـجـروح المبطـيـه مارحمـتـه يبه وانـا مـن بعـدك ابـو التناهيـت مـامــر طـعــمٍ لـلـحـزن مانهـمـتـه يبه ( يبه ) كلمه وانا كل مااوحيـت كلمة ( يبه ) صديـت والوقـت لمتـه يبه ( يبـه ) كلمـه وانـا كـم تمنيـت اهـدم بهـا وابنـي بهـا اللـي هدمتـه يبه وانـا لاضقـت رحـت وتهجيـت ركــون بـيـتٍ ضــم حـلـمٍ حلـمـتـه يـومـك تعلمـنـي الامــن تحـاكـيـت درس الحيـاه اللـي كبـرت وفهمـتـه هـنـاك كـانـت دلـتــك لاتقـهـويـت وهنـاك كـان يسـاق طيـبٍ حشمـتـه وهنـاك ايـه اذكرنـي هنـاك خليـت طـفـلٍ مــلا بالـدمـع دربٍ رسمـتـه هنـاك جانـي علمـك انــك توفـيـت وهنـاك خاويـت الشقـا واحتزمـتـه واليـوم قلـت اليـوم يومـي ومـديـت كف القصيـد وطـاح شعـر ونظمتـه لكن بعد صمت اثنعـش عـام حسيـت انـي عجـزت اقـول شـيٍ كتمـتـه !! ================ مشاوير ياقلـب طـالـت قسـوتـك وأنــت لـيّـن في قسوتك ياقلب ويش انـت لاقـي !؟ الـلـي تـعـدّى عـمـر مـاهـوب هـيّــن والعالـم الله كـم مـن العـمـر بـاقـي ! يمكـن يطـول .. ويمكـن اليـوم أعـيّـن موتـي .. ويبـكـون الحبـايـب فـراقـي وش عاد أسوي وسط قبري وأزيّن ؟ !لاجفت عروق .. وعيـون .. وسواقـي لا عـاد بـه فـرصـة عـشـان آتحـيّـن ولا عـاد بـه زفـرة وأفــك اختنـاقـي بـاكـر وكــل الـلـي سـتـرتـه يـبـيّـن وانـا عـلـى هالـحـال مـيّـس وهـاقـي مــدري مـتـى يهـديـنـي الله وأديّـــن وأكف عـن بعـض المشاويـر ساقـي ! =============== وحده بوحده - يـاغـايـبـه وان كــــان فـيـهــا جـمـالــه تـجـمّـلـي يــــاام الــحــلا والـظـفـايــر بالله شـوفــي صـاحـبـك كـيــف حــالــه شوفيـه فـي غيبـتـك وشـلـون صـايـر ؟! صـارت حياتـه ضيـق خلـق .. و بطـالـه هم .. وسهر .. واوراق شعر .. وزقاير !! يعـنـي حبـيـبـك صـــار حـالـتـه حـالــه مـابـاقــي الا انــــه يـــــدّن الـعـبـايــر الله لامـــنّــــه ذكـــــــر مـامــضــالــه قــبــل الــدوايــر مـاتـجــر الــدوايـــر يـــوم الطـفـولـه والـشـقــا والـجـهـالـه يــوم الكـبـايـر فـــي عـيـونـه صـغـايـر ايــــام كــــان مـعــانــده راس مــالـــه ويـســوق لـهـبــال الـشـقــاوه بـشـايــر يـامـا امتـلـى بـالـحـب والـطـيـش بـالــه ويـامـا امتـلـت مــن شخبطـتـه العـوايـر يكـتـب علـيـهـا : ( عـاشـقـك للثـمـالـه ) ويـخـطّ توقيـعـه : ( جـريـح الضمـايـر ) يـامـا اشتـكـاه ابــوك فــي بـيـت خـالـه ويـامـا تحـصّـل مــن هـــواك الـعـزايـر مـــره حـلــف بــأنــه يـبّـطــل هـبـالــه وقـبـل يكـمّـل .. فــك اخـــوه السـتـايـر ثـــم طـالــع الـشـبـاك.. لـيـنـك قـبـالــه وفـي اقـل مـن لمـح البصـر جـاك طـايـر عـلــى صـغــر سـنــه مـمّـيــل عـقـالــه كـااشــخ ونـاســي لايـصــك الـزرايــر لاشــافــك يـتـمـتــم لـحــالــه فـحــالــه لـعـيـون هالـشـوفـه تـهــون الـخـسـايـر ولاشـــاف زول ابـــوك حـــذّف نـعـالـه الـحـب جـايـر .. لـكــن الـعــود جـايــر طـفـلٍ يـتـيـم ورغـــم الأحـــزان دالـــه مـايـدري ان حـظـه مــع الـوقــت بـايــر كنـتـي طمـوحـه .. كنـتـي أغـلـى حـلالـه كنـتـي وصـرتـي بــس يـــاام الظـفـايـر طـفـلٍ زرع مــن ضحكـتـك فــي خيـالـه لـيـن اثـمـرت شـعــرٍ هـزالــه حـرايــر لاتتـركـيـنـه فــــي غـيــابــك لـحــالــه بالله شـوفــي كـيــف هالـطـفـل صـايــر ووحــده بـوحـده كـــان عـنــدك عـدالــه اتبّـطـلـي غـيـبـه .. و ابـطّــل زقــايــر ============ المواني - حبيـبـي دام انــا أصــلاً حبـيـبـك وانـــت والـفـنـي اجل وشفيـك تزعـل يـوم افضفـض وانفـض ايامـي؟ انا لولاك.. قلـت : "ان الزمـن بامـوت مـا انصفنـي" وانـا لـولا الزمـن مـا كنـت اهوجـس وانــت قـدامـي هـي الدنيـا كـذا .. لا جـيـت ارتّــب للـكـرى جفـنـي تكـاثـر غفـوتـي حـتـى تصـيـر ابـعـد مــن احـلامـي هـي الدنيـا كـذا .. و ان كـان مـا صدّقتنـي .. شفنـي شف عيوني .. وشف وش لـون جلـدي يستـر عظامـي شف..أو.. لا.. لا تشوف.. ان كان ودّك صدق تعرفني تتـبّـع سيـرتـي .. او سـكـتّـي .. او جـــرّة اقـدامــي تتّـبـعـنـي واذا مــرّيــت دمــعـــي لا تـضـاعـفـنـي تـعـدّ بخطوتـيـن وشــف طمـوحـي كـيــف مـتـرامـي هـنـا طـحـت.. وهـنـا حـظـي عثر..وهـنـاك وقفّـنـي وهـنـا مــاردّوا الـلـي كـنــت انـاديـهـم بـالآسـامـي تـهـجّـى فالـمـوانـي لـيــن تـقــرا سـالـفـة سـفـنــي تتبّعـنـي مــن اول جــرح واتــرك عـنــك هـنـدامـي وانـا اقـول : "ان تشـوف اللـي يحـدّك مـا تحلّفنـي.... وش اللـي حدّنـي ابقـى علـى جـال النهـر ظـامـي" امـانــه بـــس لا تـزعــل عــلــيّ .. ولا تخـالـفـنـي لـو ابكيتـك مـن همومـي .. او ابكيـتـك مــن هيـامـي انــا لولاك..قـلـت: "الـوقـت هـــذا مـــا يشـرّفـنـي" ولـولا الوقـت قلـت انـي خذيـت اكبـر مـن احلامـي ! ========== نديم الجرح حبيبـي جيـت اقـدّم لــك هـديـة عـيـد مـيـلادك وانـا متأكـد انـي لـو نسيتـك مانـقـص قــدري ولـكـن قـلـت ادوّر أي شــيّ ينـاسـب ّعـيـادك تصفحّـت الهدايـا ليـن ضـاق بشوفهـا صـدري أبــي شــي ٍ يجمّلـنـي مـعـك لا فــاح ريـنـادك مابـي شـي ٍ أمـدّه والخجـل مـن فوقـي وحـدري وقلت آشوف بعـض النـاس قبـل يحـل ميعـادك وش اللـي مـن هداياهـم يليـق بوجهـك البـدري بعضهم جاب ورد .. وشفت كل الـورد مافـادك وانا اصلا أعتبر من جاب ذاك الورد مايدري ! لأن الـورد لـو مــازاد بـيـن إيـديـك مــازادك تركت الورد ذبلان .. وذكرت اللي سروا بدري هديتهـم قفـص وطيـور .. قلـت فعـيـد مـيـلادك اسوّي مثلهم واهديك طيـر ٍ فـي قفـص صـدري ====== ليييييييييه الـبـاب هــذا بــاب بيـتـك .. بــس مــا يفـتـح علـيـه! الـبـاب هــذا لـــو فتـحـتـه .. تنـفـتـح لـــيّ الـحـيـاه وانــا وراه .. احــسّ كـــنّ الـدمــع تخنـقـنـي يـديــه احـــسّ كـنّــه حـــدّ مـنـفـى .. والـوطــن كـلّــه وراه صوتك وحشني يا وطن .. وأحتـرت ويـن القـاه فيـه؟ !وأمسيت اغني به .. وانا اللّـي كنـت اغنّـي لـه معـاه ! وحشني صوتك يا وطن .. وأمسيت اغنّي : ليه؟..ليه؟ ·ليـه الكـلام اللـي نقـول يـمـوت فــي سـكـة صــداه؟! لـيـه الـدوايـر تنتـهـي مــع دربـهـا الـلـي تبـتـديـه؟ !ليـه الشـوارع ساكتـه .. والـنـاس كــلٍ فــي هــواه؟! لـيـه اليـديـن تـصـدّ عــن شــيٍٍ تبـيـه وتشتـهـيـه؟! ..يــوم العـيـون تسـابـق الجـايـع عـلـى لقـمـة عـشــاه! علمّتنـي فـي صـف (أول حـبـك) .. ان اكـبـر سفـيـه... . الـلـي اذا حــسّ بـغـلا خـلّــه يـفــرّط فـــي غـــلاه طيّـب علامـك .. كـل مـا زدتــك غــلا .. تــزداد تـيـه آهــات والله يــا وطن..حـتـى ولــو مــا قـلــت : "آه" ======= القصائد والغلا لعن ابو بعـض القصايـد كـان مافيهـا حـلا مـا تــروح الا و تـتـرك للحنـايـا جلجـلـه تبتـدي مثـل المـزون اللـي تسولـف للـكـلا و لا خذت قامـت تـرزّم مثـل شهـبٌ منزلـه فوق صدر الشاعر اللي عن طواريقه جـلا لين شاف اخـت القصايـد بالقصايـد مقبلـه يا هلا ب اخت القصايد كثر شوقي يا هـلا اقلطـي بيـن الحنايـا وافهقـي جمـر الـولـه كل ضلـعٍ مـن ضلوعـي حافـظٍ درس الـولا مثل حفظـك للعفـاف و للشـرف يـا مذهلـه سولفـي كـذا السوالـف تنسـمـع و الا فــلا وان=بغيتينـي اسولـف .. اسألينـي اسئلـه اسألينـي وابتديهـا .. بالنـهـار الـلـي تــلا ليلة ان الجرح يقرا فـي الضلـوع البسملـه واسأليني عن زمانـي كـم شـرب فـيّ وكـلا انتهـي مـن مشكلـه والقـى وراهـا مشكـلـه المشاكـل بهذلتنـي فـي غيابـك ... والـبـلا ما لقيـت اللـي احـط السـر عنـده وازهلـه كل مااسمع (كيف حالك) ينقبض جفني على دمعـةٍ تبغـى تقـول الحـال دمـع و مهـزلـه وابلع العبره واقـول : بخيـر والهـم انجـلا و آخـر الهـرج آتلعثـم فيـه وانقـض أولـه ليه غبتي .. ليه غبتي وانتي اللـي مـا مـلا عيني الا همـس صوتـك فـي زمـان البلبلـه ياه شفتي وين راح البال بالشعـر وسـلا ؟ قمت اعااتب فيك وانتي ف الضلـوع مـدلله لنّـي ماصـدّقـت نـرجـع للقصـايـد والـغـلا بعد ذاك اليـوم يـوم اجنبـت وانتـي مشملـه ايـه ماصدّقـت لـكـن ياعسـانـي مــا خــلا اقلطـي بيـن الحنايـا وافهقـي جـمـر الـولـه ============= با يعها مـا كــل ضحـكـه تـهـزّ القـلـب يشبعـهـا ومــا كــل دمـعـه تـمـرّ العـيـن تبكـيـهـا من شاف ضحكـة زمانـي قـال : "بايعهـا" مـا يـدري انـي فقيـرٍ مـا اقــدر اشريـهـا يـا الـلـي نثـرتـي سنـيـنٍ كـنـت اجمّعـهـا تكفـيـن هـــذي حـصــاد الـعـمـر لمّـيـهـا كــم كـنـت اهــدّد بــك الدنـيـا والوّعـهـا كــل مــا اذكرتني..واذكّـرهـا وانسّـيـهـا بيديـنـك الـلـي احــس وكــن اصابـعـهـا تقول : "بـدري علـى الضيقـه وطاريهـا" بعيـونـك الـلــي انـاديـهـا وانـــا مـعـهـا الـلّــه يـاكــم زعـلـتـي يـــوم انـاديـهــا كنـتـي تحسبيـنـي اســرح عــن مدامعـهـا وانــا مــا غـيـر اتهـجّـى رحلـتـي فيـهـا اي واللّـه اذكـر عيـونـك يــوم اطالعـهـا اقـــرا بـهــا انـشــودةٍ كــنّــا نغـنـيـهـا كـانـت تــروح وتـهـجّ الـبــال واتبـعـهـا تـاخـذ عيـونـي مــن الـحــزن وتـودّيـهـا لايــام كـنـت ارمــي بدنـيـاي واجدعـهـا أيـام مـا .. كـنـت اكحّلـهـا.. ولا اعميـهـا طـفـلٍ سـلاحـه دمـوعـه يــوم يـزرعـهـا مـن فــوق خــدّه وكــفّ ابــوه يرضيـهـا اكـبـر هـمـومـه مـــن دروسٍ يراجـعـهـا واقصـى طموحـه مـتـى ينـجـح ويرميـهـا طـفـلٍ وكـــل امنـيـاتـه كـــان مطمـعـهـا يكـبـر وتكـبـر هـنـوفٍ كـــان يرجـيـهـا كبَرْت..و كبْرَت.. وضعت..وخفت اضيّعها خلّـيـت هـمّـي رضـاهـا يـــوم اداريـهــا كـل مــا طعـنّـي زمـانـي رحــت ادلّعـهـا يـوم الزمـن مـا تـرك لـي غـيـر اياديـهـا مـا كنـت افكّـر تجـي فـي يـوم واسمعـهـا تقـلـب حيـاتـي مــن اعـلاهــا لواطـيـهـا حـتـى اقبـلـت تبـكـي الدمـعـه وتردعـهـا ثــم قالـت..وكـن مـوتـي بـيـن اشافيـهـا: "جيـتـك أحـلّـف عيـونـك قـبـل اودّعـهـا مـا اشـوف دمعـة عتبـهـا لـيـن اخلّيـهـا" تـبـغـى تـــروح وتخلـيـنـي واطـاوعـهـا تبغاني اسكـت واقـول : "اللّـه يهْديهـا!!" يـــا أول احـــلام روحٍ كــــان دافـعـهــا انـــك سـنـدهـا وحـاضـرهـا وماضـيـهـا يـا سنينـي اللـي قضيـت العـمـر اجمّعـهـا يـــا ذكـريـاتـي مـــن اولـهــا لتـالـيـهـا لا تتركـيـنـي اعـيــش الـعـمـر بـايـعـهـا ضحكة زمانـي بدونـك مـا اقـدر اشريهـا ============ كانت هذه آخر قصيده نشرت للشاعر طلال العبدالعزيز الرشيد ( رحمه الله ) صديـق الطفولـة وش جـرى لــك مــع الايــام هــي انصـفـت دنـيـاك ولا انــت بــك مـثـلـي فـقـدنــا مـلامـحـنـا مــثــل ســايــر الانــــام عـبـث بـنـا جـــور الـزمــن والـزمــن يـبـلـي وقـفـنـا جـمـيـع وبيـنـنـا حــاجــز الاعــــوام صعيـب وصولـي لـك وياصعـب لــك وصـلـي وانـا اشـوف فـي وجهـك طريـقٍ غشـاه عـتـام وذاك الـنـخـل واشـــوف دارك ودار اهــلــي وسـدرةٍ هـي اكــرم مــن اهــل بيتـهـا الـلـوام وفي وجهك اصحابي .. عصى مدرسي .. فصلي وعـــودٍٍ كـبـيــرٍ ودايــــم فـالـظــلال يــنــام فـــي ذكـريـاتـي لـــه بـعــد مـلـمـح وجــلــي وســورٍٍ كتبـنـا فـيـه ذكــرى عـبـث واوهـــام ولــي فــي عيـونـك صــورةٍٍ زانـهــا جـهـلـي بـثــوبٍٍ تـبـلـل بالـمـطـر والـتــراب وشــــام وانـا احـب اسيـر العـب وهـي حافـيـةٍ رجـلـي انـا وانـت طفـل وطفـل دايـم رضـا وخـصـام بكـانـا سـهـل والضحـكـة امــرٍ بـعـد سـهـلـي دعـانــي بـوجـهـك نــــادهٍ يــنــده الاحــــلام معـه رمـحٍ مـدري هـو علـي غاضـبٍ او لجلـي انـا كيـف ابـاصـل والامــل خـلـف مــو قــدام كثـيـر الاســى والسـهـد يـامـن فـعــل فـعـلـي وهـــنــــا مـــجــــاراة الــشــاعـــر فـــهــــد الـمــســاعــد لــــهــــا .. فقـيـد الرجـولـه ويــن حـطـت بــك الأقــدام؟ انـــا مـــا تخيـلـتـك تـــزور الـلـحـد قـبـلــي عقـيـد الطنـايـا شـيـخ شـمّـر ذرى المـنـضـام حفـيـد الجـنـازه بـلــوة الـلــي بـــلا المـبـلـي عقـيـدٍ لقـومـك.. بــس تبـكـي عـلـيـك أقـــوام مـن الساحـل الشـرقـي الــى السـاحـل القبـلـي أنـا لا ذكـرتـك طــاح راســي عـلـى الأكـمـام اسولـف لقلـبـي عـنـك.. وأبـكـي عـلـى مهـلـي أسـولـف عــن أول مــرةٍٍ جـيـت قـبـل الـعــا مو شفتـك بعيـنـي مـثـل مــا كـنـت فــي عقـلـي اميـر و عظـيـم و شـاعـر و فــارس و مـقـدام سجّـلّ البـيـاض الـلـي بنـقـش الـذهـب مطـلـي سنـافـي شـهـم فــزاع .. لا قــام يـعـنـي قـــام يغـيـث الضـعـوف ولا يـقـول الـوبــل وبـلــي طــلال .. الشهـامـه نكّـسـت عقـبـك الأعـــلام الا مـن قتـل خيّـال .. وش نفعـة ( الرجلـي؟ ) طــلال .. الأوادم كلـهـا مــن لـحــم و عـظــام تعيـش و تمـوت بصـمـت .. تـالـي ورى متـلـي عداك انت يـا مـن عشـت عمـرك عظيـم اشمـام وقفـت فمماتـك تنتـخـي: (مــن نــوى قتـلـي؟) رحيـلـك بـنـى للـحـزن وســط القـلـوب خـيـام و وداعـك جعـل كــف الـثـرى بالـدمـع ممـلـي عسـى مـن لبسـت لخشيـتـه فرمـضـان إحــرام و دعيته يا رب اكرم نهـار الحشـر نزلـي ) يعـوّضـك عــن دنـيـاً بـهــا حـاســد و نـمّــام و يرفـع مقـامـك عــن مـقـام الـبـرى السفـلـي ===== غربة اعياد يـا رجفتـي.. والـبـرد يبـغـى لــه بــلاد يـا غربتـي.. والعـيـد طعـمـه بــلا روح الـيـوم عـيـد.. وليـلـة الـبــارح سـهــاد ماعدت ذاك الطفل .. ابو ضحك و مزوح كـن السهـر .. ياخـذ مـن عيـونـي رقــاد وكـن القلـق .. ياخـذ مـن لسانـي الـبـوح امشي.. وأحسّ الناس مـن حولـي أجسـاد وأغيب في صمتي .. وأشارف على النوح أهـيـم فــي صـدفـه عـلـى غـيـر ميـعـاد مـن كثـر يـاسـي قـلـت للـوقـت مسـمـوح ما ادري اتوه.. او اهتـدي.. بـس الوكـاد منفـاي مـا ادري موطني..حذفـة جــروح غريـب.. تايـه.. وان لفـى صـوت نشّـاد قلت : "ايه هـذي غربـة أعيـادي تلـوح" اكـذب واسمّـي غربتـي (غـربـة أعـيـاد )لكن عسى اللّـه يرحـم الحـال والـروح .. دام الجسـد فـي بـلاد والقلـب فــي بــلاد والله ل(احصّـل) غربتـي ويـن مـا اروح ================ حكاية المينا اضمـن لـي ان البحـر مــا فـيـه حـوريّـه وأضمـن لـك انـه يـكـون حكـايـة الميـنـا الـلّـه يـرحــم جـــدارٍ كـــان لـــه فـيّــه وكـانـت تسـمّـي عليـنـا كــل مــا جـيـنـا نـرمـي تعـبـنـا علـيـهـا كـــل عـصـريّـه نـتـبـع قـدرنــا .. وتتـبـعـنـا خـطـاويـنـا انـا .. وذاك .. وهـذاك .. وكانـت بنيّـه.... تطّـلّ مــن جرحـهـا .. وتبـشّـرّه فيـنـا كل مـا استـلان الزمـان احـدٍ.. بكـت هيّـه وكـل مـا استهـان المكـان احـدٍ.. تباكيـنـا وفـي يـوم كـان الـدفـا صــوت الشمالـيـ هنـادت : "حبيبـي".. وجينـا نرفـع ايديـنـا خـلّـت يديـهـم وجـتـنـي وانـكـسـر فـيّــه صوت ..وصدى صوت : "تكفى لا تخلينا" رجـعـت الــمّ الشـتـات وضـاعـت يـديّـه كـل مــا جمعـتـه تبعـثّـر تـحـت اساميـنـا ورحـنـا نـعـدّي .. وكــلٍ عبـرتـه حـيّــه حـتــى الـزوايــا بكـتـنـا يـــوم عـدّيـنـا انـــا وذاك وهـــذاك.. وكـانــت بـنـيّــه وقـبـل نتـفـارق كتـبـت الـلــي يعـزيـنـا: "اضمـن لـي ان البحـر مـا فـيـه حـوريّـه واضمـن لـك انـه يظـل حكـايـة الميـنـا" =================== |
| |
|
16-04-2014, 05:39 PM
| #4 |
 | *** أدري فيك تموت فيني وأنا ميت من برودك لي متى وانتا تبيني وماتحسسني بوجودك ايه ... حسسني بوجودك لمّ صوتي بعثر حكاية سكوتي لاتخلي الحب يفقد همسك العذب ويمووت قل احبك .. قل احبك بأعلى صوت انا مليت السكوت *** تسلم ايدينك شاعر رائع تقيم+اعجاب الف شكر |
| |
|
16-04-2014, 05:43 PM
| #5 |
| | كذبة كبيرة  اتعـبـتـنـي عـيـونــي قــــدّ مــاهــي بـصـيــره واتعـبـتـهـا يـديـنــي قــــدّ مــاهـــي جــفـــول قلـت : "خيـره".. ولكـن وينهـا و ويـن خيـره؟ !لا عـيـونــي تــكـــفّ.. ولا يـديــنــي تــنـــول هيه.. ويـن انـت يـا للـي كـان مـا فيـه غيـره؟ !يـفـهـم الـلــي اقـولــه قـبــل حـتــى لا اقـــول رحــت ادوّر حبـيـبٍ مثـلـك ابـغــى استـشـيـره واثـــر مــــا كــــل زولٍ يـنـتـعـوّض ب(زول) جـيـت نـــاسٍ تـــزوّد حـيــرة الـقـلـب حـيــره قـلـت : "اطـيـع الـزمـان وكــل شــدّه تـــزول" قالـوا : "العمـر يكبـر".. قلـت : "كـذبـه كبـيـره عمـر الانسـان يصـغـر كــل مــا هــو يـطـول" قالوا : "الشعر بيت".. وقلت : "انا الشعر ديره... .اعـقـل الـلـي سكنـهـا فـيـه طـيــش مـهـبـول" قـالـوا : "الـلـي فقـيـر يـحـب وحـــده فـقـيـره" قـلـت : "والـلـي يـحـبّ يـحـب وحــده خـجـول" قـالـوا : "و ذيــك هــيّ الأولــه والأخـيـره ؟ " قلت : "ما ادري.. او ادري بس ما ابغى اقول".. ================= القلوب الطيبة يادلال ان ضاع صوتي لايضيع اللـي بقـى لاتضيع الصـورة اللـي فـي خيالـك يـادلال يابعـد طـول المسـافـة والكـلافـة والشـقـا يابعـد كـل الحيـاة وكــل مـاجـاب الخـيـال مـاورى سـود الليـالـي والـفـراق إلااللـقـا وش تبين بهالدموع الزرق يابنت الحـلال؟ اتركي عنـك الدمـوع وخلـي الحـزن يهقـى ان مـالـه فالقـلـوب الطيـبـة أيــة مـجــال كلهـا جـرح ونشـوف اللـيـل لامـنـه اتـقـى في جلال الصبح جعل الصبح مايلقى جـلال اقبلـي قبـل نتفـارق والوصـال ابـو النـقـا ودي آخـذك بيدينـك والنقـا ولـد الـوصـال اقبلـي واليـوم يـوم الشعـر كـانـه مـارقـى يم ذيـك الغيمـة اللـي كنهـا (طلبـة تعـال ) لايجي باكـر يغنـي : (ياسقـى الله وسقـى )كل شي ان طـال زال الا القصايـد ماتـزال لعن ابو ذكرى القصايد كان ذكراهـا محقـا كـل بيـت وذكرياتـه فـي ملامحهـا سـؤال : وينها اللي كنت انا والصبح ويديها اشققا؟ اي فال اللـي رمانـي فـي خيالـك اي فـال؟ آه كان الشعر راح ورحتي انتـي وش بقـى مابقى لي غير اجر الصوت وأسري يادلال ============= نبض القصيد ماطرق جفن المحبه رمش مالـه فـي السهـر وما لمس نبض القصيـدة شاعـر جاهـا كـذا والله اني لاتعزوى واضرب حصون الخطر لوعـرف ورد المحبـه كيـف يلعـب بالـشـذا ياسحابه صيـف منهـا مابعـد شفـت المطـر مغريـه مثـل الطمـوح ومشغلـه مثـل الـقـذا رحلـتـي شـابـت تمـنـى مبتـداهـا بالـخـبـر والنهايـه ضـاع وقتـي بيـن هــذا هــو وذا ياكبـر حـظ السعـادة طـول عمـره ماصغـر منهـو الـلـي لاعرفـهـا مابغـاهـا لــه غــذا ماعرفـت الا جـروح مالـهـا غـيـر الصـبـر دام وقتـي لاعطانـي جــرح يبـطـي مـاخـذا بين جرح وبين خوف وبيـن طعنـات القـدر طــب ياحـظـي تـخـيـر أو تـغـيـر يـــاوذا وانــت يالـلـي لــو اقــول احـبـك ماتـسـر فـي كلـمـة فــي خفـوقـي يرتكبـهـا لاهــذا ماملـى عيـن المحبـه غيـر وجهـك والسهـر فـوق نبـض مـن نضمتـه مابعـد قلـتـه كــذا ===================== ليل ياليل ليـل ياليـل .. يـوم النـاس سمّـوك ليـل هو عشان السهر وإلا عشان المنام ..؟ شف عيوني وشف وشلون جسمي نحيل لعنبو هالغرام إن كان هـذا الغـرام ..! آه ياقلـبـي الـلـي مابـقـى فـيـك حـيـل من كثر ماطـواك الشـوق ولـد الحـرام قلـت لـك لاتمـيـل إن طعتـنـي لاتمـيـل بس هـذا أنـت ملـت وماسمعـت الكـلام يــوم ذيــك الصبـيـة أم ذاك الجـديـل جت تهادى وتمشـي مثـل مشـي الحمـام إنكسـرت وقعـدت تـحـط فــيّ وتشـيـل لين رحـت وخذتنـي فـي طريـق الهيـام قبـل أسلـم عليهـا كنـت عـابـر سبـيـل وصرت ديرة غرام وعشق بعد السـلام كنت اقول : أي حب وأي خـل ٍ وخليـل الـهـوى مــاوراه إلا التـعـب والـمـلام لكن اليـوم شفنـي ضعـت وأكبـر دليـل اني امشي واهذري( إبتسام .. إبتسام ) ======================= يا صاحبي ياصاحـبـي بالله خـــل التـغـلـي وقـت التغلـي والـدلـع ذاك ولــى ماعـاد معنـا وقـت تربـط واحلّـي دامه عدو الحـب بالصـوت علّـى خذها صريحه .. حط نفسك محلي ادمح لك الـزلاّت قـدر وتغلّـى ؟ ولّـي حـيـاةٍ جـابـت الــذل ولّــي لابـو حيـاةٍ صـرت فيهـا تسـلـى قولولـه انـي بنسحـب منـه كـلّـي خلـوه يـدري ( مـن تغلّـى يخلّـى) زمان الدجى بـعـد التـعـب عـــودّت مـثــل أي إنـســان بأنسـى همومـي .. مـثـل ماالـنـاس ناسـيـن قعـدت أقـلّـب فــي الفـضـاء كــوم بـلـدان من شاشـة لشاشـة و لا أدري علـى ويـن ! قلـت أنـبـش هـمـوم و كوالـيـس الأوطــا نو أشــوف هاللاهـيـن فــي ويــش لاهـيـن أول قـنـاة .. و فـلـم عــن قـصـة أخــوان حـبّّـوا فـتـاة و فـرقــت بـيــن الاثـنـيـن ! ثانـي قنـاة .. و وجـه .. أو لوحـة ألــوان مـن لبسهـا .. وش لبسهـا ؟ ربـك يعـيـن ! ثالث قناة .. و رقص .. واضواء .. وألحان أجـسـاد معـروضـة مـــن يـديــن لـيـديـن رابـع قنـاة .. وشــاب مــن بـيـن نـسـوان يشـرح لهـن بإمعـان عــن مـوضـة ألفـيـن خـامـس قـنـاة .. و مــن صـبـايـا لـفـنـان لا والله إلا زغــــردي يـــــا فـلـسـطـيـن سـادس .. وسابـع .. كلـهـا حمـلـة أعــلا نثامـن .. و تاسـع .. مثـل بـاقـي العنـاويـن عـاشـر قـنـاة .. ومنـظـر يـهـزّ الأبـــدان مـن شوفتـه ضـاقـت عـلـى دمـعـي العـيـن قبـلـه وأنــا تـحـت الغـمـا بـيـن جـــدران حـول الحطـب وأقسـى علـى البـرد ويليـن بعـده وأنـا تـحـت السـمـاء فــوق طـوفـان وأحــس فــي صــدري ســواة البـراكـيـن منـظـر طـفـل ديـنـه نـسـخ كــل الأديــان مسـلـم يـعـرف الله قـبـل ينـطـق الـسـيـن منـظـر طـفــل مـسـلـم مـشــرّد ومـنـهـانبـيـن المـطـر والـبـرد والـجـوع والطـيـن عـاري وخايـف .. لأن كـم طـفـل عـريـا نفــي مـثـل عـمـره وانـدفـن قـبـل يـومـيـن جـايـع ومــن كـثــر القـنـاعـة والايـمــا نيسـكـت ويـقـرا الـحـمـد ويـقــول آمـيــن صوتـه عتـاب .. ورعشـة ايدينـه احـزان و نـظـرة عيـونـه مـثـل طـعـن السكاكـيـن فـي قلـب مــن لــه قـلـب مفـعـم بالايـمـا نوفي عيـن مـن لـه فـي زمـان الدجـى عيـن يــا الله يـالـلـي عـنــدك الـنــاس سـيّــان تّجّـار .. وضعـوف .. وعبيـد .. وسلاطيـن حـنّـا عبـيـدك .. وأنــت ياعـالـي الـشــأن أدرى بـخـبـث و غـطـرسـات الـمـلاعـيـن يـــارب تـدحــر كـيــد عُـبّــاد الاوثــــان و تـعــزّ نـــاسٍ هـمّـهـا نـصــرة الـديــن ============== رساله لن تصل ياصاحبي جيتك أشكي لك مـن أحوالـي جيت .. وما دامك رفيقي ليه اطولهـا؟! العلـم ومافيـه يــا أول وآخــر أمـالـي عندي رساله ولا أدري كيـف أوصلهـا للـي سبتنـي وانــا مــن قبلـهـا سـالـي أبيـك تـوقـف مـعـي وتــروح تسألـهـا وش فيهـا تفتـح علـي أبــواب عـذالـي وتحـمّـل النـفـس حـاجـه مــا تحمّـلـهـا وش فيهـا رغـم الوفـا تتركنـي لحـالـي وأنـا لجفاهـا تـركـت الدنـيـا بأكملـهـا إن كـان هـذا زعـل .. علمّهـا يالغـالـي ماكـان قـصـدي ورب البـيـت ازعلـهـا علمّـهـا والـلـي يخـلـي قلـبـك الخـالـي عن ضيقتي .. وين وصلت من تجاهلهـا علمّهـا كـم لـي وانــا ماشـلـت جـوالـي كـلـه علـشـان مـــا أقـلّــب رسايـلـهـا وعلمهـا وشلـون لا مـرت عـلـى بـالـي أروح وأضـــم صـورتـهــا واقـبّـلـهـا وعلمها كيف أنشغل عن كثـرة أشغالـي وأسـرح وأغـمـض عيـونـي واتخيلـهـا علمها عني .. وعـن همـي .. وغربالـي علمهـا عـن كــل حـاجـه فــي تجهلـهـا وإن شفتها دنّقـت .. تبكـي علـى حالـي إنسـى الكـلام .. وتذّكّـر كلمـه و قلـهـا قل : شاعرك يعتذر .. ويعاهدك تالي ..إنــه يـرتـب حسابـاتـه مـــن أولـهــا ويقول : حتى القصيد اللـي علـى بالـي والله مـا عــاد أكتـبـه كـانـه يزعلـهـا تمنيت موتك اللـي بقـا لـي فــي غيـابـك .. سكـوتـك واللـي فقـدتـه مــن غيـابـك .. حنـانـك عـــذرك مـعــك لوخـبـرونـي بـمـوتـك وحقـي عليـك ان كـان عــذرك زمـانـك ماكـان موعـد .. وأعـذرك لــو يفـوتـك أنــا انتـظـرت العـمـر كـلـه عـشـانـك غبت ورضيت .. وبعدها .. غاب صوتك وأبطيت أكـذب .. مـن يقولـون : خانـك بالله كـيـف تـحـس فــي طـعـم قـوتــك لامن ذكرت إنسـان .. خنتـه .. وصانـك مـاكــن قـلـبـه واحـــد مـــن بـيـوتــك مـن تحـت سقفـه كـم شعـرت بأمـانـك؟ وراك خلـيـتـه .. لعـتـمـة سـكـوتــك؟ وأنـا مــا غـيـر أعشـمـه فــي حنـانـك فــي غيـبـتـك يـاكــم تمـنـيـت مـوتــك أقـل شـي .. أرتــاح وأعــرف مكـانـك ================= بنت الشعر ياقصيـدي شـد حيلـك وأخـذ مـن جـورك عـدالـه وأنفـض غـبـارك وطــوّح باللـحـون السامـريـه أبشـر بعلـم ٍ تـسـرّ الـبـال رشـفـه مــن زلالــه أبـشـر بعـلـمٍ يجـيـب أقـصـاك ويــردك عـلـيّـه أبشر ب( ريف الضلوع العوج ) جت منها رساله رجـعـتـنـي لـلـحـيــاه وذكـرّتــنــي بـالـمـنـيـه أكتبت فيها : (( مـن سهـول الشمـال ومـن جبالـه _لأرض الأحباب وبلاد الحب _ إلى نجد العذيـه من صبيّـه عـاث فيهـا الوقـت وأعياهـا أحتمالـه للحبـيـب الـلـي يطـيـح فغيبـتـه دمــع الصـبـيـه يالحبيب أن مرّك أسمي في الرسالـه وأنـت دالـه أعتبـر هـاك الرسـالـه طـيـش بـنـت ٍ نرجسـيـه وأن قريت أسمـي وطاحـت دمعتـك قبـل الكمالـه كمّـل السطـر الأخيـر وبلّـغ الشعـر الوصـيـه )) وأكتبـت لـي فآخـر سطـور الغـلا سطـر ٍ لحالـه بشّـرت فـي القصيـد وجـت تسـوق الشعـر لـيّـه ياقصيـدي وأنـت عـم القلـب وجـروحـي خـوالـه لاتـــردّى ماخـبـرتـك يـاولــد راعـــي رديّــــه أقــدح الشـعـر وتـوّلـم مـانـبـي لأحـــدٍ جـمـالـه مالـهـا غـيـر المـسـاري والـحـروف الأبـجـديـه دامهـا لعـيـون بـنـت الشـعـر والحـسـن ودلالــه والله أن يـقـال فيـهـا الشـعـر وتسـوقـه حـمـيّـه العـنـود الـلـي تـذّكــر واحـــدٍ مـاغــاب بـالــه بالقـصـايـد والـرسـايـل وأسـمـهـا والمـقـدريـه كيف تسألني عن أسم ٍ هـزّ لـه غصـن وحـدا لـه شاعـر ٍ مـن طـول صمتـه ماهقـيـت ألـقـاه فـيّـه ليتها تسـأل جنـوب القلـب عـن صحـراء شمالـه كـم بقـت رغـم الهبـايـب فــي قفـاريـه الخلـيّـه وأن بغـت تسـأل قصيـدي جعـل يفـداهـا خيـالـه تـقـلـط هـنـيّـا وتـبـشـر بالـسـعـد والشـاعـريـه القصيد أن كـان ماانصـف شاعـره لاجـا مجالـه وش نبـي بـه يـوم نكتـب فـيـه ونحـطـه قضـيّـه ============= بسم الله عليك جـيــت فـــي لـيـلـة وداعـــه تـايــهٍ بــيــن الـبـيــوت وصحت : "وينك؟!.. جيت اوادع عمري اللي ضاع فيك" مــا سمـعـت الا صــدى صـوتـه وكـــان آرقّ صـــوت ينطـق اسمي..ثـم يهمـس : "مـن متـى وانـا احتـريـك؟!" قـلـت وهـمـومـي تـغـافـل زفـــرة الـحــزن وتـفــوت :" هـذا انـا جيتك..يـا ليـت المـوت جـانـي قـبـل اجـيـك" بـعـدهـا يـــا دوب عـــدّت عـبـرتــه حــــد الـسـكــوت قــال وعـيـونـه تـغــارق دمـــع : "بـســم الله عـلـيـك" قلـت : "يـا ابـن النـاس عـادي مـاورى هالـمـوت مــوت وش وراهـــا لا فـقــدت عـيـونـك ولـمـسـة يـديــك"؟ ==================== برد واحباب وايام هـب الشمـال وفـزّ بـيـن المحـاديـب طفـل ٍ علـى خـدّه مشـاريـه وعـتـاب والبـرد شبّـع جــرد الأيــام تعـذيـب وأنـا ضحيـة بـرد وأيــام وأحـبـاب ياليـل مالـي غيـر حضنـك معـازيـب خلك معي لاشحّـت وجيـه الأصحـاب ماعـاد هـي لحيـة غــرام ومكاتـيـب لاوالله الا قرّبـت صــوب الأهــداب يابنـت يـاأم الضحكـه أم المعاطـيـب لامـاك ذنـب وشاعـرك مابعـد تــاب مرّت ثلاث سنيـن ياأغلـى الرعابيـب والريـح تشـكـي للشبابـيـك والـبـاب مـرّت ثـلاث سنيـن بـيـن المراقـيـب عدّيتـهـا يابـنـت مـرقــاب مـرقــاب فـي ذمّـتـي مـاعـاد أودي ولااجـيـب حتـى الشعـر مـاعـاد ودّى ولاجــاب يابنـت عنـدي كلمـةٍ تقـطـع الجـيـبب اقولهـا لـو ماحسبتـي لـهـا حـسـاب طـرد المقّفـي مثـل طـرد العـذاريـب وأنا تعبـت أبلـع مشاريـه الأعـراب أمـا تعالـي وأقطعـي دابــر الـريـب والا انسي أني كنت انا وانتي أحباب ============ الغربه أي والله أن شوفـتـه تسـتـاهـل عـنــادي الـلـي عشـانـه تـركـت الــدار والتـربـه مـااقـول لــك شوفـتـه نستّـنـي بـــلادي لـكـنّـهـا يـافـهــد نـسـتّـنــي الـغــربــه وش عاد لو قلـت عنـي ضايـع وغـادي ؟ وش أبـركـه مــن ضـيـاعٍ دلّـنـي دربــه تبغانـي ارجـع ! وأنـا ياصعـب معـوادي مــادام هـمّـي نسـانـي وأنـقـلـع سـربــه الهـم هاللـي تـشـوف انــه عـلـيّ بــادي ياليتـك تشـوف كيـف يصيـر فـي قـربـه الله يـحـرم ... عـيـونـي لّـــذة رقـــادي أنّي معه .. مااعـرف حزنـي ولااشعربـه هرجـك فـوادي وأنـا ياخـوك فــي وادي الله يـخـلّـيـك ... حــالـــي لاتـعّــذربــه راضي بحالي كذا ... واللـي يجـي عـادي لعيـون منهـو ركـز فــي قلـبـي الحـربـه بصوته , شقاوته , مزحه , طبعه الهادي يمـلا علـيّ الفضـا .. مـن شرقـه لغـربـه يكفينـي أنــه غــدا هــو شـربـي وزادي أو تقـدر تقـول أنـا الـلـي زاده وشـربـه ياخي أذا الحـب عيـب ! فشفنـي آنـادي : سجل ..... أنا من عرف عيبـه وجاهربـه وسـجّـل هـنـا كلـمـةٍ تستـاهـل عـنــادي بقولهـا قبـل أسـافـر وأتــرك التـربـه : والله ماأقسـى مـن الغربـه عــن بــلادي الا .. شعوري وانـا فـي بـلادي بالغربـه ================ القرايا القرايـا ساكنتـنـا لــو سكـنّـا فــي المديـنـه ياكثـر مافـي المدينـه نـاس تسكنـهـا قـرايـا مثل انا لامـن شعـرت أنـي بحاجـه للسكينـه رحت يـم القريـه اللـي قدرهـا بيـن الحنايـا قريتـي واليـوم جيتـك شاعـر ٍ هـزّه حنيـنـه للوجـيـه وللبـيـوت وللـسـوالـف والحـكـايـا قريتي انا فهـد .. فهـد .. فهـد ماتذكرينـه ؟! أسألي عنـي بيـوت الطيـن ونقـوش الزوايـا ياسقى الله قبل اسافـر عنـك يالـدار الثمينـه يوم انا طفل يشـوف عيـوب جدرانـك مزايـا يوم انـا طفـل ٍ يمـر اليـوم ماشـاف الغبينـه الضحى وسط المدارس والشفق بين المطايـا ياسقى الله يوم كنـت الريـح والدنيـا سفينـه قبـل مالدنيـا تكـون الريـح والسفـن البرايـا يـوم ابـوي الله يبيحـه كـان ياخذنـا بيديـنـه يم ذاك المسجـد اللـي فيـه مـن ريحـه بقايـا ياسقى الله او بلاش ازيد هـذا الطيـن طينـه لي هنـا والعمـر مابـه متسّـع لاهـل الرزايـا قريتي مانيب انا اول من رجع لك وسط عينه دمعتـيـن ٍ كنـهـا لبيـوتـك ونـاســك مـرايــا القرايـا سالفـة اهـل القرايـا فــي المديـنـه والمدينـه سالفـة اهـل المدينـه فـي القـرايـا ============ المراسيل- أقـول : يمـكـن تنـفـرج فــي المقابـيـل و لا ادري الا الأرض تحـتـي تـهـايـل و بعـد التعـب والهـم والحـط والشـيـل تـوّي عـرفـت ان البـخـت كــان مـايـل مـع ذاك ابـو ذيـك الرمـوش المظاليـل ذاك الغريـب اللـي عمـل بــي عمـايـل جـتـنـي مراسـيـلـه تـشــبّ القـنـاديـل و معـهـا ســـؤالٍ جـاوبـتـه النـحـايـل يقول : ( كيف الحال بعد المراسيل ؟ )و اقول ( مثـل الحـال قبـل الرسايـل ) عمـر الكتابـه مــا تجـيـب المواصـيـل ريّــح مكاتيـبـك تــرى الـشـك زايــل ان مـا حصـل همـس وحنـان وتعالـيـل واعاتـبـك لـيـن الـمـح الـدمـع سـايــل و اجلس واسولف عـن زمـان البهاذيـل و انسـى السوالـف لا نسفـت الجـدايـل كـذا يصيـر الحـب والـوصـل واللـيـل وكـذا ادري انـك مـا نسـيـت الجمـايـل امــا كــذا والا اتــرك الـحـظ للـمـيـل واتركنـي فـوق الارض تحـتـي تهـايـل ================= الناااس ياصاحـبـي لاتـجـي وتـقـولـي قـالــوا لـو قلـت ماقـلـت غـيـر الله يجازيـهـم لاشفـت بعـض الأوادم لـلـردى مـالـوا نفضتـهـم مــن عيـونـي قـبـل اخليـهـم يكفيـنـي الـقـدر نلـتـه يــوم مانـالـواا لا .. او اقـول مابغـى اجيـب طاريهـم ماقول غير انـت لامـن حطـوا وشالـوا تـعــوذ بـرحـمـه الله مـــن اسامـيـهـم وذكرهم ان الاعمار ان طالت وطالـوا الخـالـد الـذكـر والا الـمـوت قافـيـهـم اما انت ياقلب لو صالـوا بـك وجالـو اخلك مثل ماانـت لاتشـره علـى ايديهـم النـاس مـن خلـقـت الدنـيـا ومـازالـوا عـيـال رجّــال لـكــن فـيـهـم وفـيـهـم وذولاك من عرض ناس ٍ مالي ان مالوا الا اني اسكت ,, واقول : الله يجازيهم ================= التوبه تطيـح دمعـه واسلـم للفضـا مـوقـي وارفع يدين الذنوب وتظلـم أعماقـي اشـوف قبـري يمـر بوحشتـه فوقـي وتصير كل الحياة أضيق من أخلاقي يانفـس طالـت ليـالـي غيّـنـا فـوقـي كـم قلـت يالله وقلـتـي تـونـا بـاقـي يالمزنـه اللـي تحـن لغيثـهـا نـوقـي تعبـت أخيلـك وأقـول نياقـي نياقـي تعبت ياما تعبـت و ضاعـت حقوقـي ياما ندمت وردمـت الذنـب فأوراقـي ياما سكـت وتركـت البـوح لعروقـي أخاف أسولف وأخيب هقـوة الهاقـي أخاف ابوح ويخون الصمت منطوقي وأقـول شـي يحـث النـاس لفـراقـي يالله وأنت المـلاذ إن مسنـي عوقـي وأنا ذنوبي جهـد مـن راسـي لساقـي يالله تغفـر خطـاي وترحـم وتـوقـي عظمي نهار الحساب وتقبل إعتاقـي |
| |
|
16-04-2014, 05:46 PM
| #6 | |
| |
| |
| |
|
16-04-2014, 06:05 PM
| #7 |
| |  أسعدالله روحك بكل ماتود ياغلا أشكرك على طيب تواجدك طوق من الياسمين يعانق روحك ودام نبض قلمك يشعشع بصفحاتي ويشجعني طول الله عمرك ياهلا وغلا فيك |
| |
|
| الكلمات الدلالية (Tags) |
| موسوعة , المصاعد , الدليلة , تضل , يجيد , فهد , وأعظم , قصائده |
 |
| |
| كاتب الموضوع | العنود الغامدي | مشاركات | 13 | المشاهدات | 3811 | 
|  |  | انشر الموضوع |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يوم إحترقت دفاتر الحب وإنتحرت المراهقة الجميلة | كريم بدارالكرام | ( همســـــات العام ) | 22 | 22-10-2013 08:27 AM |
| صور ومعلومات عن بحيرة افغانستان الجميلة 2014 | الاداره | (همسـات السياحة واشهر الفنادق) | 10 | 03-10-2013 03:44 PM |
 |
العرض العادي
