طاوعك قلبك تغيب وتهجـرأحبابـك

#1 11-04-2014, 10:26 AM

طاوعك قلبك تغيب وتهجـرأحبابـك

طاوعك قلبك تغيب وتهجـرأحبابـك
تنسـى غلاهـم وتتركهـم وتنساهـم

حرام تترك خفـوق يشكـي غيابـك
وأنته بقلبي اعـز النـاس واغلاهـم

ناديت والصوت لا شـدك ولا جابك
يا سيدي يا عديـل الـروح يـا فاهـم

وانت بوجه اشتياقـي تغلـق ابوابـك
وانا اقرب الناس من قلبك وأوفاهـم

نسيت حتى تقول اشفيك وش صابـك
يوم الألم عـذب عروقـي واشقاهـم

بديت ناس علـى ناسـك واصحابـك
ما اتعبـت نفسـك تدورهـم وتلقاهـم

نامت عيونـك ونـام الليـل باهدابـك
والي شكوا غيبتك ذالنـوم مـا جاهم

زادوا على جرحهم كم جرح باسبابـك
وان اقبل الليل صوت الجرح صحاهم

أرسل لك عتاب قلبي و أحسب حسابك
وأبياتي البيض دايـم باسمـك ابداهـم

يجبرني الشوق يجبرني على عتابـك
واتمنى تقرا وتعـزف قبـل تقراهـم

لمت الخفوق الي اذا قابلك هـلا بـك
يا اطيب الناس في عينـي وأغلاهـم

طاوعك قلبك تغيب وتهجـر أحبابـك
تنسـى غلاهـم وتتركهـم وتنساهـم

المصدر: منتدى همسات الغلا

'h,u; rgf; jydf ,ji[JvHpfhfJ; fydf ,ji[JvHpfhfJ; 'h,u; rgf;