 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
|
#1
03-05-2010, 04:32 PM
| |||||||||
| |||||||||
 •.ياناس جاني تالـي الـليـل جــوال {بسم الله الرحمن الرحيم} •.ياناس جاني تالـي الـليـل جــوال وانا على شاهي وبسكـوت ديمـة الرقم بايخ لكـن الــصــوت قــتـال كنــه مثل صـوت المذيعـة حليمـة قــالت مساء الخير يـا طيّـب الفـال قـلـت ارحــبـي تــرحيبـةٍ مستديمـة بـالـعــود والصفـري ودلـة وفنجـال واجـبـك يا بنت الأصـول الكريمـة وردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـــا بـعـــد كــنــي بــدونـك يتيمـة مـــن يـوم قـالـتهـا تزلزلـت زلـزال مــن فجعتي كنـي مسـوي جريمـة قلت ارفعي صوتك ترى مابه ارسال كـــذاب لــكـنّ المصيبـة عظيمـة قالت أقول اسمع ترى هرجنـا طـال مــمكـن تصاحبنـي ترانـي وسيمـة واسمي الحقيقي أول حروفـه الـدال لــكـــن يسمّونـي البنـات الزعيمـة صحيح أحب الفخفخة واعشق المال لكـن ترانـي طــاهــرة مستقيـمـة ما عندي امغازل ولا( لعب يهّـال ) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفــقـــر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والــديـن بـالآلاف والبنـك شغّـال يــاكـل فـلـوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـــــم شــي إن النوايـا سليـمـة لابــد تـفـهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة يا بـنــت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقتفى عرضها بيد الأنـذال والله مــا يــبـقـى لهـا أي قيـمـة قالت تبي ولاّ فـ خـلّك علـى جـال مهوب ناقصـني نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حــتـى يـعـلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة انشاء الله اعجبتكم وشكرا  المصدر: منتدى همسات الغلا •>dhkhs [hkd jhgJd hgJgdJg [JJ,hg  http://www.youtube.com/watch?v=9cwXao9c4QY اسألك باللي فتني فيك صارحني؟ هو انت صادق معي والا تسلا بي!! آخر تعديل ((زقرتيه)) يوم
03-05-2010 في 04:35 PM.  |
|
03-05-2010, 05:05 PM
| #2 |
  |  الرقم بايخ لكـن الــصــوت قــتـال كنــه مثل صـوت المذيعـة حليمـة هههههههههههههاي الله الله روووعه بصراحه صح الله لسانج ولسان قايلها لاعدمنا هالطله يالغاليه ^~^ منوره |
| |
|
03-05-2010, 05:11 PM
| #3 |
 | نورت الصفحه في بوح قلمك يسلموو |
| |
|
03-05-2010, 07:13 PM
| #4 |
| | ابيات قمه في الروعه وشي فيه روح الفكاهه الله يعطيج العافيه وصح لسانج ولسان قايلها بدايه لج اختي العزيزه رائعه وانتمنا هذي المواضيع الشيقه وماننحرم منها انشا الله |
| |
|
04-05-2010, 01:19 AM
| #5 |
| | اأإآلله يعطيج اأإآلعاأإآفيه .. |
| |
|
04-05-2010, 12:49 PM
| #6 |
| | يسلمووووووو والله زقرتيه |
| |
|
04-05-2010, 11:59 PM
| #7 |
 | صحيح أحب الفخفخة واعشق المال لكـن ترانـي طــاهــرة مستقيـمـة ما عندي امغازل ولا( لعب يهّـال ) ما عندي إلا في الشرف والحشيمـة هي ما تبي منه شي بس شكلها تبي الزوااااااج واعتقد ان الابيات واضحه بس هو فكر في الايام هاذي والبنت ممكن تحبه |
| |
|
 |
| |
| كاتب الموضوع | ((زقرتيه)) | مشاركات | 6 | المشاهدات | 1666 | 
|  |  | انشر الموضوع |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أحبه موت ياناس.. | ۶ــــــنــــﻮدهـ | (همســــات شعر وشعراء) منقول | 8 | 23-10-2010 04:24 AM |
| اشوفك يابحر كنك تلم امواجك وبتروح ..بعد بدري على الضيقه ترا ما قلت وش جاني | آلزين | (همســــات شعر وشعراء) منقول | 4 | 14-10-2010 01:42 AM |
| اهداء جاني على الخاص وانا له ممنون ومشكور | عبدالرحمن حسن | (همســـات الــ YouTube) | 15 | 29-05-2010 11:56 PM |
| ياناس حبايبي نسوني | الحمادي 511 | (همســـات الــ YouTube) | 7 | 29-04-2010 04:59 PM |
| ياناس شوقي لهم | مجنونتك | (همســـات الــ YouTube) | 3 | 11-04-2010 05:56 PM |
 |
العرض العادي
