( كافي . سعود العنزي )

صارت الوحده اجمل اوقاتي ..

قبل كنت اقول ( مريض ) الي يبعد عن الناس


ويفضل انه يقعد بـ ( الوحده )


بس اكتشفت ان ( الوحده ) صارت اجمل اوقاتي


صحيح ان ( الوحده قاتله ) وتسبب مضره كبيره لـ صحة الانسان


بس اهـ شقول و شخلي


شفتو ( السلام عليكم )


صارت الصدمات من النااس مثلها يعني بدال ما يقولك : سلام عليكم :


يمر بجنبك : يضربك بصدمه : ويمشي


ما صار فيه : لا مقدر هذا ولد عمي او بنت خالتي او ولد اخوي او صديقي :

ولا صار فيه تقدير لـ الانسانيه


:: صدمات ::


والله هاالدنيا غرريبه


:: صدمات ::


وبكل سهوله تقعد تسولف وتبرر موقفك وتعطيهم الي داخل قلبك بكل نيه صافيه

واخر شي يقولون لك : انت حاقد : طبعاً صدمه فهموك غلط

وتروح كل كلماتك وافعالك وانجازاتك لهم : سسسراب : ولا بين بعيونهم


:: صدمات ::


صرت احب اجلس بـ ساعات بيني و بين نفسي

بعيد عن مشاكل الناس و هموم الناس و صدمات الناس

على حسب مزاجهم يخلونك : انسان بعيونهم كبير :

وساعات متى ما حبو يضربونك بصدمه يخلونك : اصغر ما خلق ربي :


:: صدمات ::


وصصار الحب مخلوط بالصدمات بـ اشكال و انواع

صدمات من الجذب : صدمات من التسليه بالمشاعر
صدمات من النفاق : صدمات من الرحيل
و صدمات و صدمات و صدمات و صدمات


:: صدمات ::

لاحد يلومني على الساعات الي اقضيها بالوحده عن الناس

والله هالقلب تعب .. تعب .. تعب

و نبضه هالقلب بيوقف من هالصدمات


:: صدمات ::


ماكو لها وقت معين ولا لها زمان و مكان

فجاه ما تدري بنفسك يمكن اول ما تقوم من النوم

ولا تحوشك صدمه من اخوك ولا من مسج وصلك على الفون من صديق

ولا من خبر سمعته عن حبيبتك ولا عن ابوك ولا تصرف ولد خالك ولا عمك


:: صدمات ::


انت تدري وغيرك يدري ان الاشاعات تضربني من كل مكان

وساكت وصامت ما تدري من وين مصدرها ومنو الي يستفيد فيها

وكل فتره و فتره توصلك اشاعه عليك وتسسكت و الصمت مثل بركان بداخلك

وفجاه تشوف وتاكد ان الي كان يطلع الاشاعات عليك ( اقرب الناس لك )


:: صدمات ::


ولا الي تذكر اجمل ايامه وياك واجمل مواقف وعشره جت على الزينه و الشينه

كليتو من صحن واحد ونمتو بـ سرير واحد تلبسون لبس واحد حطيتو روسكم على مخده وحده

واخر شي يومه توظف و اخذ موتر بـ سنة 2013 قلة اتصالاته و خفت جياته لك

وانت تدري ان الصدمه قاعد تقرب لك خطوه ب خطوه وستقبلها


:: صدمات ::


يوم تقعد بينك و بين نفسك و تراجع افعالك و اخطائك و تصرفاتك

تحس و تشعر ان الوحده هي مصدر تركيزك على الي حولك

وتراجع افعالهم وكلامهم وتصرفاتهم


:: صدمات ::


ويوم توصلك اتهامات من ابوك ولا عمك ولا امك

على اشياء انت ما سويتها ويقعدون يفرغون كل ما فيهم عليك

صدمه لك شلون يشوفونك بهالطريقه وانت عمرك ما فكرت تسوي الي اغضبهم

ما بتوصل اني اسوي هالاشياء وضايقكم وليش تشوفوني جذي وتعتبروني غبي لهدرجه


:: صدمات ::


الله يكفينا شر الصدمات ويبعدنا عنها

والله يحفظنا ويحرسنا بعيونه الي ما تنام


( لا احلل النقل دون ذكر المصدر همسات الغلا )

بـ قلم ( سعود العنزي )