" النيه " ~ بـ قلمي

الحمد لله والصلاة والسلام على رسول الله وعلى آله وصحبه


أما بعـد:


سلام عليكم ورحمة الله وبركاته




علاقات وهميه




تتميز على وجهة نظري الشخصي بـ نوعين

النوع الاول شخص يلعب او يمثل بعلاقه وهميه
انه فايض الاحساس وانه يحب والخ والخ
وبالنهاية تطلع العلاقه مقتبسه من مسرحية شيكسبير

المهم ما راح اتكلم عن النوع الاول هذا لان صغير العقل صار يعرف
بالامور هذي ويعرف ان اكو استغلال وخيانه وفراق والخ والخ ^



بتكلم بنوعيه ثانيه حق الطريق ثاني حق العلاقات الوهميه
الي هو انك ما تدري عن نفسك وفجاه انت مرتبط بـ علاقه ؟؟
كيف صارت بالاساس عشان تخلوني احب واعشق واموت .. !!

خلوني اقولكم ماهي العلاقه الوهميه بـ طريق ثاني

~~~

بقولكم اجزاء عشان اوضح المعنى احسن ما اكثر كلام لكم
وبالاخر ماحد فهم على مقصدي او اسلوبي بالكتابه

~~~

حياتي بالمنتدى

أنا شخص اخاف الله واخاف على عرض خواتي
ادخل المنتدى اتصفح افيد استفيد مع اخواني
الي عشت معاهم عشرة عمر .. حلوين ؟
يعني بالاساس انا حاط امر براسي ان مالي بالحب ولا خرابيطه

وطبعاً بكل منتديات لابد نحصل بنات ونشوفهم حسبت خواتنا واكثر
وبعد الشي هذا لابد نحصل بعض الفئات الي عقولها صغار
ميزة الرسائل الخاصه تساعد على امور خاصه بين الاعضاء بطريقه
لا تغضب الله وترضي النفوس بـ استخدامها مثل ما احنا عارفين

لاكن يوم نجي حنا نتراسل مع اخت لنا برسالة خاصه ؟
بموضوع خاص وهام يتعلق بـ المنتدى او بـ امور مشاكل عائليه
او تشارك في بعض المواضيع ونخطط ل تحسين المنتدى
بـ امور تذهل الاعضاء من مفاجات

اتوقع اني طولتها عدل ؟؟

يوم احد من الاطفال او صغار العقول يشوفني اني
اتصفح رسالة الاخت : فلانه : رساله خاصه
تنسج عنده افكار ان تربطنا علاقه حب ؟
لاحد يضحك ترا صج الامور هذي تمشي للاسف

فجاه يعبي لسانه رصاص او ايدينه ويقوم يستعد ل اطلاق الاشاعات

اليوم يا شباب شفت سعود طايح مع فلانه رسائل خاصه
شكلهم يحبون بعض وما يبون احد يدري ؟؟
" ويجي شخص ثاني يعني مصدوم يا حياتي "
احللللف متى شفتهم درييييت والله حسيت فيهم ؟؟
والاول يحلف اي والله انا اشوف اسلوبها والخ والخ

ويتم نهش لحمنا من عندهم

لاكن ما يهم كلامهم لا يودي ولا يجيب

" ليش الواحد ما يصفي نيته "

صعبه ولا تحس بالغيره بعرف جد موضوع يقهر

يعني تنقهر ليش فلانه ترسل رسالة خاصه حق فلان وانا لا ؟؟

اوكي إذا يقهرك قولي انا ارسلك باليوم الف رساله بس

لا تشوه سمعة البنت او الرجال بسبة تفكيرك " القذر "

مو بس بالمنتديات حتى بالشغل بالدوام بكل مكان

لازم النيه تكون صافيه ليش تسبب بـ قذاره في لسانك او كتابتك

يا اختي ويا اخي الكرام

تأملو هالـ ثلاث كلمات بالله عليكم

" على نياتكم ترزقون "

اقعدو بينكم وبين نفسكم وفكرو بالي ظلمتوه

(( إن الله لا ينظر إلى صوركم ولا إلى أجسامكم ولكن ينظر إلى قلوبكم وأعمالكم ))

بالي شوهتو سمعته وبالي دمرتو حياته بسبة كلمه

والي تفارقتو عشان تفكير شخص ثالث

انا بشكل عام اؤمن به

لان الله سبحانه يقول

(ومن يتق الله يجعل له مخرجا ويرزقه من حيث لا يحتسب)

والتقوى محلها القلب والقلب محل النيه

قال صل الله عليه وسلم : نية المؤمن أبلغ من عمله.

لاحد يفكر ان النيه شي صغير ومالها قيمه بالحياة

وماخذ راحته بهالدنيا ولا يحسبلها الف حساب

حبايبي اي تفكير عن النيات ما تفيدك لا تكلم فيها

حتى لو شفت 2 يحبون شنو تستفيد تكون المذيع ل علاقتهم ؟

خففو من سوء الظن بالنيه يجب ان الواحد يخلي نيته طاهره بالاعمال

لا تربط نيتك بـ امور الناس وحياتهم وعلاقاتهم


الله يعطينا الصحه والعافيه ويحسن اعمالنا ويرفع اعمالنا بكل خير

هذا موضوعي الـ 2 من كتاباتي الشخصيه

واتمنى ان يعجبكم وكالعاده كثرة الكلام ما اتركها هههههه

كل الوود والمحبه يا الغاليين

اخوكم : سعود العنزي