جربت هذا الإحساس . . ؟

جربت هذا الإحساس . . ؟

/



مشاكل الدنيا ماتخلص .. الكل عنده هموم .. الكل بعض الاحيان يتضايق .. مشاكل .. عقبات .. تحدي .. مستقبل .. ابتلاء ..

مرات الواحد يصير له هالشي .. يقول لازم اغير جو .. بطلع اسافر برا .. بطلع اتمشى .. بقابل كم واحد من اصحابه .. بلعب .. بشوف فلم .. يسوي اي شي عشان ينسى ضيقته وهمومه ..

حتى مرات الانسان يلجأ لناس قريبين منه يشكيلهم .. او حتى يمكن يشكي لناس مجرد تسمع له وبعد فتره بسيطه تجاهله بكل بساطه ..

فيه شي واحد بهالعالم .. الي فعلا يحسسك انو فيه احد يفهمك ويحس فيك ويسمعك ويرغب طلباتك ويعطيك ماتتمنى .. ويختار لك الطريق الصحيح ويبعدك عن الشر .. يحفظك .. يهديك .. ويرزقك .. يشرح صدرك ويسعد قلبك .. يبعد عنك جميع الهموم والمشاكل ..

الله

لما تشكو لله .. وانت ساجد .. ما اعظم هذا الاحساس .. تطلع له كل همومك ومشاكلك .. تشكو له وتدعوه تعلمه بكل الي خاطرك فيه.. تدمع عينك.. وتضل ساجد ولا ترفع من سجودك حتى يطلع الي بقلبك وخاطرك له .. حتى لو ضليت ساجد ربع ساعه او اكثر .. بعدها تحس بالراحه العجيبه والطمانينه ..

جربت هذا الاحساس ؟

المصدر: منتدى همسات الغلا