غيدا مملوحة وصايف كل ما فيها يثير

#1 12-05-2013, 01:11 PM

غيدا مملوحة وصايف كل ما فيها يثير

رفرفت كل المشاعر يومك اقبلتي عليه
تؤمني باللي خلقنا كل ما اقبلتي اطير

ما صدق من قال ان الارض فيها جاذبيه
ابك انا حلقت فوق الشمس والبدر المنير

لا حشى ماهي بكذبه كني بك قلتي قويه
كيف اجل لو قلت ان الكون في كفك صغير

والسبب لا جيت ادور للسبب قلت برويه
طيبه والقلب ابيض كلها احساس وضمير

سيدة حسن وجمال وشيطنة طفله شقيه
غيدا مملوحة وصايف كل ما فيها يثير

عذرا ما دنس شرفها وقتنا اللي زاد غيه
مسلمه ترفع يدين وتدعي بالثلث الاخير

حاتميه في المشاعر اشهد انها حاتميه
في ابتسامتها احبك في تذمرها اغير

شالها مروج الرياض لثامها نجد العذيه
في عبايتها احتشام وفي نعومتها حرير

سلطنة عشق وحنان وفوق كل هذا عنزيه
راعي العليا تعزوى باسمها واقبل يغير

كل هذا فيك واكثر يا العيون النرجسيه
جبتي راسي لين صار الحب في غيرك ضرير

لو تجي من كل قبيله اشرف واجمل صبيه
ووقفوا في صف واحد واجتمع جمعن غفير

وقيل اختار وتمنى كلهن لجلك عطيه
قلت اختار الاميره جوهرة قلب الامير

مابه قصور فبنات الناس بس الوايليه
ملحها سكر وسكر ملحها عين الغدير

لا تلوميني تراني بحبي الصادق اذيه
ودي حتى الطير يدري ليش انا بحبك اسير

لو بغيتيني لعيونك ارقى برج الفيصليه
وارمي نفسي بطيب خاطر فدوى لعيونك يصير

ايه انا راعيك والراعي عن احوال الرعيه
بين مسئول ومحاسب عن صغير وعن كبير

واسئلك بالله لو شفتي على خالد رديه
حاسبيني قبل الاقي حساب في قبري عسير

حاسبيني ليش اهديتك من ضلوعي هديه
حاسبيني كيف واسيتك وانا دمعي غزير

كان حبي لك ذنوب وغمرة اشواقي خطيه
فسجلي عندك انا مذنب ولا بالحب خير

وارفعي جلسة مشاعر ما بقى فيها قضيه
ورجعي لي قلب لازم قبل لا يعشق يشير

وذبي عن قلبي علاقة حب جابت لي المنيه
ودوري لك عشق ثاني يقدر ان شافك يطير

راقت لي حيل

المصدر: منتدى همسات الغلا

yd]h llg,pm ,whdt ;g lh tdih dedv gh dedv yd]h tdih ,whdt