فمآن الله يآ عشق ٍ حفظته بـــ آلضلوع سنين ..~

#1 09-05-2013, 04:29 AM

فمآن الله يآ عشق ٍ حفظته بـــ آلضلوع سنين ..~

مدخل ..!
بكى حزن الشوارع من حنيـن خطـاي
بدونك هالعمر رمضـى ، وانـا حافـي

وحشت اغلى الأماكن في وطـن منفـاي
تحمّلنـي سـلام ؛ وشوقـهـا خـافـي

نجي نقطف زهر .. يسـراك فـي يمنـاي
ومرّ العام ، واصبـح هالزهـر سافـي !

تعال .. وطبّب جروحي ، وعـزّ بكـاي
تعال ابذل سبـب .. والله هـو الشافـي

كثير اهمس باِذن طفل انتظارك : "جـاي"
تعبت المح بعينـه : "صاحبـك جافـي"

وهنت .. وجيـت ادوّر للمشاعـر راي
يوقّـد لـي فتيـل سراجـي الطـافـي

- إن مرك الليل : جـمّـع له ، هواجيسك
.......... وإن ملّك الليل: دوّر ، صـبحك التايــه

مادام ، ودتك لـحـدود الظمــا عيسـك
.......... بعض النهايات ، لحظة حسـم وبدايـه

من يخـذلك ، ما يفكر ، كيف احاسيــسك
.......... دام الوسيله ، تبررها له الـغـايــه

تنسـى .. ولكن صــدماتك : نواقيسـك
.......... واقسى التجارب مريره ، لكن : مرايـه

الوهم ، كذاب ، لو شـكل تـضاريسك
.......... والشمس ، ميلادها ، لأوهامك ، نهـايـه

من علّم البوح ، عن لهفة قراطيسك
.......... من سلّم النزف في وجدانك ، الرايـه

تـمـدد الحزن ، في داخل ، قواميسـك
.......... لو ماكتبته ، كتبك .. بعشق وهوايه

يمرك الليل .. ماتدري فوانيسك
.......... والصبح لو يوعدك عن عالمك .. تايه

الا ياطير كم غرّك على حدْ السما سمّار
وكم خانك من أحبابك كريم وصحت من دونه !!

غسلت ايدك من اصحابك ورقصت الاماني زار؟!
تبي تعرف من اللي طاح ومن اللي تأثم ظنونه؟!

تعال أعلمك كيف الحنين اليا غدا مسمار !
وكيف الليل لادكّه وبلّلْ دمعك جفونه!!

تعال أعلمك كيف الحبايب لاغدوا كفّار
يصرون الوفا ملح وعلى جرحك يذرونه !

تعال أعلمك كيف الغياب اليا غدا جبّار!
وحط أبهامك بحلق الوداع وصكّت سنونه!

تعبت أدري ! رموك أدري ! على بساط الوجع زوّار
جفوك وهمّك البارح على دمعك يحدّونه!

وأنا ياطير من خيّر شقاه من الشقا وأختار
يجرْ الآه من جب الحنين و تشرب عيونه !

وأنا صوت الحصاد اللي بكى في حنجرة بذّار
تعداه المطر يسال عليه وروح بدونه !!

وأنا هاك البسيط اللي زرع.. سدر وحمامه طار
وشرّع كل آهات الغياب وناحت غصونه

وأنا يا صاحبي مولى الحنين وربعه الفجّار
يسنون الوتد هم وعلى صدره يدقّونه

يمر الريح في جوفه غناوي و يحِدى مزمار
ويبكي داخله طفل وتمنى لو يهدنونه

وأنا اللي كسّر شداده برجوى صيدته للنار
طفت ناره وضاع اللي رجاه وكلت متونه !

وأنا ياطير لو تسأل عن اللي صار أو ماصار
تعال وشوف بعيونك جزايه كيف يوفونه ؟!

حملت أوزارهم طيبه وعابوا حملي الأوزار
تعشوا لحمي البارح ولا زالوا يلوكونه !!

على كبر الخوي لا طاح.. تجي كلمة ( أفآآآآ ) منشار
وتبكي المرجله صاحب قصر ثوبه عن ردونه

واذا ياطير غنوا لك على حد السما سمار
تعوذ همك لـــ ربك .. تعوذ لا يغنونه !!

مو غريبة ..
لا خذانا البعد لأبعد..
القلوب أحيان محتاجة لـ راحة
والصراحة ..
صرت محتاج أبعد أكثر..
ما لقيت أنقى من الوحدة ولا أجمل
إنك المبعد بجرحك
وإنك أقرب من بعيد ....وأنك أبعد من قريب
وأنّك الصانع من الـ لاشي شي ....وإنك الزاهد بـ غيّ
وإنّك الأكثر علو
منت محتاج لـ غلو
لأنك الساكن بقلب المعدمين الأبسط الأقرب لنبضك ,
تدري إنت أن الشعور الصادق أبلغ ,
وأن طعمك في عيون الناس سكّر ,
وأن أجملك إبتعادك
وأنك أجمل في غنائك ,
وإن حكي الصامت أبلغ ,
عاد تدري , في غياب الوعي وشـ عذر المحابر ؟
أنها قدرت تكابر ,
وآنا محتاج أبعد أكثر ,
عن حديث المنهكين البالغين من التعب حد السقوط ,
عن بقايا أرواح يسكنها القنوط ,
عن مساحة ما بقى فيها لـ أحلامي مساحة ,
القلوب أحيان محتاجة لـ راحة ,
يا أحبّة ,
كان عذري ما وصل حدّ العفو عذراً عليه ,
ياااااا أحبّة ,
يااااا أحبّة ,
أكره أقرب قلب منكم ,
أكره أصدق قلب فيكم ,
لأنّي إن حبّيت شؤم لمن أحبّه ,
لأنّي أفقد أي شي إن قلت أبيه ,
كان عذري ما وصل حدّ العفو عذراً عليه ,
مو غريبة ,
لا بكى المرغم على المنفى دياره ,
حس جاره ,
ذكرياته ,
أمنياته ,
كل شيٍ كان يسوى في حياته ,
مو غريبة
مو غريبة

الغريب إنّي كثر ما أبعد أحبّك ..

أجمل اللي عرفت بهالحيـاة رحلـو
غيّبوا غيبة الضحكة بوقـت العـزا

كنّ قلبي غريـمٍ عـن ديـاره جلـو
كل ما جاه علمٍ عـن ضعنهـم غـزا

أبذروني غلا حتـى بلغـت الغلـو
وأحصدوا دمعتي يوم المفارق جـزا

كان ودّك تطيح فطيحـةٍ مـن علـو
أجمل الشعر شـيٍ تكتبـه مـن وزا

ياحادي العيس ليت العيس ما مـدّت
على وحى الصوت يوم يدوّه الساقي

أسمع حنين الزمل وقلوبهـم شـدّت
وأتلحّف الصبر غصب وتلفح أشواقي

حسيت كنّي طلل ل : سنين قد عدّت
ما هو بوقتي ولا تسمح لي أخلاقـي

أتبع لي أرواح يوم أقبل لها صـدّت
لو كان ما يستريح الدمـع بأوراقـي

سلّمت للبعد يوم أقفيـت مـا قـدّت
قميص فرقاي من تستطعـم عناقـي

بكره جفيته وعيـن البارحـة سـدّت
عن كل حزنٍ جديد يـراود أعماقـي

ياهيه ماعاد فينـي قلـب .. لانـدّت
ورود الأحلام قل ماعاد بـه باقـي

حمامة الروح لأعشاش الصدر ردّت
وأبكسر جناحها لو تطـري فراقـي

قصايد الوجـد لا جابـت ولا ودّت
باهت غروبي وباهت مثله إشراقـي

الحين يا من ل : عينٍ كل مـا لـدّت
كنّه تدوّر لوسواس الشعـر راقـي

هذا هو الصدق وضعون الجفى مدّت
عسى الغياب الطويل يموّت أشواقي

.
.
الـلـيـل وجـهــة .. ضـيــاع وهــــاذي .. الــديــره .. !
مـديـنـة .. أشـبــاح .. تـشـبـه .. لـمّــة .. أحـبـابـه .. !

مـلامـحـه صـمــت .. وعـيـونـه بـهــا .. حــيــره .. !
مـن نظرتـه .. تكتشـف .. مــا أخـفـاه .. بـبثيـابـه .. !

غـريــب [ هـــذا الـغـريـب ] النـسـمـه .. أتـثـيــره ..
!أرق .. نسمـة .. هـوى .. تنسـاب .. تعـثـى / بــه .. !

مــا كـنّـه إلا .. غـصــن .. طـــارت عصـافـيـره .. !
عـن ..خضرتـه .. بدلّـت .. خضـرتـه .. بالغـابـه .. !

لـــوحّ ..لـهــا .. يـــوم خـــان الـوجــد .. تعـبـيـره .. !
وطارت ..وهي ... بالخضيرا .. تفتق .. إصوابه .. !

صــوّت..[ تعـالـي ] ولـكـن .. فـضـلّـت.. غـيــره .. !
أتـصـدق ... إنــه ..غـصـن .. مشـتـاق .. غيّـابـه .. !

كــم لــه .. يعـقـل الـرحـول .. ويـشـعـب أبـعـيـره .. !
وكـم .. لليـل .. مــر أبعيـونـه .. مُــر .. بـأهـدآبـه .. !

مـــلّ ..الـسـفـر وأشـتـكــت .. مــنّــه مـشـاويــره .. !
خطـوتـه .. كـانـت عـلـى .. الأسفـلـت .. مرتـابـه .. !

مــن كـثـر ما..يـقـطـع الـديّــان .. فـــي .. سـيــره .. !
رقّـت .. دروب الوهـن ..مـن .. حافـر .. إركابـه .. !

يحـمـل عـلـى .. كاهـلـه .. صـبـره / وتقـصـيـره .. !
وفـي .. شنطتـه .. حــزن نــايٍ .. مــا .. تغنـآبـه .. !

أمـتـاره .. أتـطـول .. الـيــا .. طـــال .. تفـكـيـره .. !
كــنّ الطـريـق .. إيتـطـاول .. لا .. تـمـشـا / بـــه .. !

مــشــى .. يــتــل الــقــدم .. ويــقــدمّ .. الـخــيــره ..
!لـعـل .. يلـقـى .. وطــن .. يـرتـاح .. بـ.. إتـرابـه .. !

فـيّـتـه ..عـــن قـيــض هـــذا الـوآقــع .. أتـجـيــره ..
!من .. لآهب .. الشمس .. واليا .. سـال .. جلبابـه .. !

يـلـقــى بــــه .. الــحــب .. لا قــلّــت .. دنـانـيــره ..
!و .. عن نفطه الخام .. تغني .. خامة .. أصحابـه .. !

عـلـمـه .. أبــيــض .. يــرفــرف لــــه ولـغــيــره ..!
اليا .. أطرقته .. الهبـوب .. أرتاحـت .. أعصابـه .. !

يـزبـنـه .. حـســب الـسـلــوم الأولــــه .. جــيــره .. !
دخـيـل ... طــلاّب .. راســه .. يفـتـل .. أشـنـابـه .. !

ذبـــح .. ذبـيــح .. وجـــلا .. والـعـالـم .. أتـديــره ..!
كـلٍِ .. علـى .. شـرب .. دمّـه .. سـن ... مخلابـه .. !

يـــارب هـــذا .. الـغـصـن .. الممـتـلـي .. حـيــره ..!
وش دبـرتـه .. فـالهـمـوم ... الـلـي ... تفـيـا / بــه .. !

ياه يا صبح الحنين
لا تخبّا وسط صوتي
فكّني
خلني أتظاهر إني مبتسم
خلني متماسك
وخلك حزين
جيت بدري
جيت افضفض عنك صدري
يا جريح
جيت أدوّر فيك راحه
ليه تبغاني أطيح
يعني عاد القاها منّك
وإلاّ منّه
يا مُعين الصابرين ..!

فمان الله يا قلب ٍ غمرني بلطفه وطيبه
فمان الله يا عشق ٍ حفظته بالضلوع سنين

لو اقدر أحبس الدمعه عشانك وأجمع الخيبه
قدرت أمشي لو حمولي كبيره بالقسا واللين

وأنا والله لو بحسب جمايل وقتي وعيبه
حسبت إنه لفابك لي ولكنّه خذاك الحين

أحبك كثر ما شانت وجيه وطاحت مصيبه
أحبك كثر ما عاشت مواويل السعف والطين

أحبك كثر ما ينبض خفوقي وإنت تدري به
أحبك كثر ما طعنت غيابك توجع السكين

يغيب البال ما كن الليالي ضاقت بذيبه
لو إنه جاع للصوت الطويل وجرّة المقفين

طواه الضيم لكنّه طواه وهيبته هيبه
رغم لؤم المدينه والمباني وغفلة الصاحين

فمان الله لو غصّت عيوني بدمعة الطيبه
وأنا واقف على باب الفراق أتسوّله : مسكين

عشان الله إذا عندك بقايا تضحيه جيبه
ترى ضاقت بي أنفاسي ولا أدري أروح لمين ..!

أروح لمين
أروح لمين
وأنا كل ما هدا قلبي
وخفف من بكاه
تبين ..!

مخرج ..!
دايم الصمت موحش ياسكون الكـلام
ودايم الحظ طايح يالطريق الـعـثـر
:
كان هـ الخوف غربـه في عيون الزحـام
وكنت اعد الامـاني ماعرفت شـ كثر
:
فوق هم اغترابي والمطر والظـلام
كان وجه التخيّل والمسافه بـثـر
:
رغم ذلك مشيت ولا ذخرت المـلام
للخطاوي وقلبي ما لقيت الاثـر
:
قلت ابضم وجهك بالخيال وانااام
يمكن اكتب وصالك في حروفي نـثـر

المصدر: منتدى همسات الغلا

tlNk hggi dN uar S pt/ji fJJJ Ngqg,u skdk >>Z Ngqg,u hggi fJJJ ]l pt/ji skdk uar