ابوي غصبني عليك ..!!

يقولون اللي عقله براسه يعرف خلاصه
وهذا له دخل ايضاً على عزة نفسه
عاد تدرون فيه بعض الناس عقولهم مريضه
يعني عادي لا سمع انها مجبوره عليه يصر اكثر
انه يتزوجها عشان اسباب تافهه ويمكن بعضكم يعرف هالأسباب
~
بس أنا اكمل المشوار اتزوجها
لان عشان اسباب واقعيه
ممكن انها مغصوبه وما تبيني سمعت عني كلام
وراح احاول ابين لها نظره ثانيه يوم اكون وياها واثبت العكس لها
افكر واحاول اعرف عنها كل شي طبعاً
والشي الثاني والاهم ان ( الحب ) يجي بعد الزواج
ياما ناس تزوجو وما يواطنون بعض ويكرهون بعض وحياتهم الحين سعيده الحمدالله
لان هذه حياة زوجية وشريكة حياة وتربية أبناء وحفظ نفس وبيت ومال
لانه شي اكيد يكون هناك نقل كلام او جذب أودجل أو غيرها
~
ولاكن بالنهايه إذا كل محاولاتي ما تفيد معاها ولا تساعد حياتنا بشكل كامل مع بعض
الله يستر عليها ويوفقها وأنا الله يوفقني ولكن أترك وقت للتفكير لها ولي وإن كان تفكيرها وتصرفاتها
مستمره على هالمنوال المغصوبه , حياتي وسعادتي ما توقف عليها
وكذالك حياتها هي وسعادتها ماهي واقفه علي أنا
~
الله يعطيج العافيه حلم موضوع جداً جميل بالمناقشه والدردشه الطيفه بين الاخوان
تسلم ايدج وعسى ما ننحرم منها ومن لذة مواضيعها
دمتي بكل وود ومحبه