((يازين شب النار .. والرمث مشموم * طلعات البر *

#1 29-04-2013, 06:34 PM

((يازين شب النار .. والرمث مشموم * طلعات البر *

((يازين شب النار .. والرمث مشموم * طلعات البر *

النار شبت والمزايين يبن الكيف

..... والي يـبـي الشاي يقلط عليه

أمس العصر في راس مرقاب عديت
قصدي أريح خاطري من ونينة

لو بالتمني يابو فيصل تمنيت
أعيش وسط البر وأنسى المدينة

مير الأسف مافادني قول ياليت
حيث إن روحي في المدينة رهينة

كثر المشاغل والشقاء وخدمة البيت
تجبرني أجلس في حياتٍ مشينه

حبيت شوف البر حبيت حبيت
لانه يزيل هموم فيني سكينه

يعجبني شوف الروض لامن تمشيت
شوف الطبيعة طب روحي الحزينة

ياماحـــلا والنار يضـــوي لهبها ,, في فيضــة فيها الحيا مابعد شــيف
في خــــــيمة منصوبة في خببها ,, ودلال صـــفر ماشريته من الســيف

{الــبــر يعجــبني إلــيا زان جــوه
.............والارض خــضرا والـسما كله اخيال
وريــح المطــر توه على الأرض تـوه
.............هتــان بــادي يشــرح الصــدر والبال
وقـام السنـافي فالضــحى وشب ضـوه
.............وغنــى عــلي مــن أعــذب الشـعر مــوال }

عشقت مـن صغـري نسيـم الهبايـب
الـبـر لاغـيـّم سـمـاء الخـيـر جــوّي

اغيـب ما كـنـي عــن الـنـاس غـايـب
واشرح معاناتي علـى جمـر ضـوّي !!:؛

يـــاهل الــولع قلبي تزايد فتوقـه...............................
قصـده يسّج بديرتن مابها أسـوار
من فوق شاصٍ يعجب اللي يسوقه...............................
................................مــجهزينه للمقاطــع والأخطـار
مضفٍ على كل الصحاري حقوقه...............................
................................تــّوه جديدٍ كل طبلونه أصفـــار
إليـــا شلع تقول يرخـــي سبــوقه ...............................
................................فــرخٍ قطامي ورّد عقب محـــدار
الطيــر والدربيــل تزهى شنوقـه...............................
.................................والعزبــه اللي زودهــا بن وبهار
أمــل التوانك لا تهمــك عروقه...............................
...............................وإضرب تهاتيه الخلا منت محتار
يحلا نسيم الصبح ساعة شروقه ...............................
..................................بــالفيضة اللي كلها نبت نـــوار
يــزين بـدع القاف بحلا طروقه ...............................
.................................بقـفــرٍ خلاء مــاطبها كـل دوار
إرم الحـطب والناس كلٍ وشوقه...............................
................................وجذ الدلال الصفر فمصالي النار
ثــم إحكر الفنجال ويزيــن ذوقه ...............................
.................................بــريةٍ يـطــرب لهــا كــل زوار
الصيــد واجــد والنشاما تحوقه...............................
................................غــزايــرٍٍ دايــم سمينات وخيــار
إرم النظــر مــافيه شئ يعوقــه...............................
................................برضِ خلاء ترتع بها دق الأبكار
العمـــر فاني والليالي تسوقــه...............................
.................................والــرازق الله والمخاليق قصّار

يا زين شوف الروض من عقب الأمطار
تلقـى بـه النـوار والنفـل والشـيـح
ينزاح ضيق الصدر لو صار ما صـار
لو كل هموم الكون بالصـدر وتصيـح

وحنا نجربع طلع لنا ذاك الحصني

^^ شوفوا المارس تبوونه

اقلطوا يالربع على المفروك

ليـت الـوزارة اطـول عطلـة الربيـع***مدة ثلاثيـن يوم مع لياليهـا

خمسة عشر يوم عنا تنقضي سريع***وايامها قلـيله ما نهتني فيها

نبي لاطاح المطـر والبرق له لميـع***والكل من له خيام راح يبنيها

تلقى الكواشيت في بر الله الوسيع***ياحلو شوف الخيام ومن سكن فيها

آلجًو زإن وحًــان وقــتٍ ( المشَاويًر ) ."

و الصًيف راحً وفارقتًــنا الرَطُوبَـة

الصبح ماحلى شبوب النار
لاصرت مرتاح ومصلي
حمست بنٍ من النيبار
تجلى الهواجيس وتسلي

كريم يا برق سرى يشعل اشعال
برق السحاب اللي ترازم رعوده

ناض وتلالا وأمطر المزن همال
والجو منعش فيه غيم وبــــروده

وسالت نفود العرق وسهول وجبال
كل الديار بفضل ربي وجــــــــوده

والعشب الاخضر والزهر سحر قتال
وطير السعد غنى تعدى حـــــدوده

يلعب طرب والجو غايم ولا زال
فكر المولع بالربيـــــــــع ووروده

ونبت الخزاما والنفل فوق ميال
ياما حلا شوفه ويازين عـــــــوده

وشوف الندى جذاب في كل الاحوال
فوق الزهور النرجسيه وجـــــوده

الذود ترعى بالمراعي وتختال
متناثره والروض الأخضر تـروده

عسى طلعاتنا كلها امطار خير وبركه

اللهم اغثنا يارب

طبعا القنص فله وشي عجيييب

شـوف الربيـع يجـدد المعنويـه
لاشفت براق المـزون الملاويـح
هـاذي غناتـي والعلـوم المديـه

ما كل رجـال ٍ يحـب المساريـح

لا صـرت فالمقنـاص بالبندقيـه

وحزامك رصاص ٍ اخشومه مطافيح

الليل طال وماحلا الليل لا طال
----------- في جال ضو والحطب مشعلينه
قدامك العزبه مع صفة دلال
----------- وبريق شاهي تونا مخدرينه

طبعا لابد من المشاوي كنوع من التغير

ياللي تقـول البـر هـو وش يبيبـه
البـر عشاقـه مـن النـاس ثلثيـن

نشتاق لـه شـوق المحـب لحبيبـه
ليا شاف معشوقه عقب ياس عاميـن

وشافوا بعضهم عقب طـول المغيبـه
ما ينوصف طعم اللقـاء بيـن قلبيـن

المصدر: منتدى همسات الغلا

((dh.dk af hgkhv >> ,hgvle lal,l * 'guhj hgfv >> lal,l hgfv hgkhv wf

29-04-2013, 07:36 PM

موضوع رائع تسلمين اختي الغاليه

29-04-2013, 07:37 PM

يعطيج العافيه
ع هالصور الحلوووه

29-04-2013, 07:40 PM

يسسسسلموو ع المرور فديتكم حبايبي

01-05-2013, 05:28 PM

أجمل بآقآتِ الشّكر, لِـ رقيّ طرحكْ.,
وتحيّة معطّـرةً بِ الورد أهديهـآ إليْـك.,
فأعجز عن تقديم شكْري لِـ شخصـك.,~
ومآكآن منّي إلآ أن أرسلهآ عبر بآقآتِ الجوريْ أنثرهـآ بين
يديك,ومن هنـآ أقدم لكْـ خآلص شكْري
وتـــقـــــــديــــــريْ لِـ سموك.,~

01-05-2013, 10:27 PM

يسسسسسسلمو ع المرور

06-05-2013, 03:06 AM

برستيج آنثى
تسلمين ي الغلا
على الطرح الجميل والراقي والمميز
جوريه تعانق رووحك الطااهره
دمتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شبة النار وتعاليل اهل البادية	عيون الكون	(همسات الرحلات البريه والقنص)	14	07-09-2013 07:53 PM
اربعه عشر عملاً تنجي من النار	تحطيم أحلامي	( همســـــات الإسلامي )	7	14-03-2013 12:44 AM

الإهداءات

((يازين شب النار .. والرمث مشموم * طلعات البر *

(همسات الرحلات البريه والقنص)