اللهـه يجاَزي من يسوي سواتكـ

#1 19-03-2013, 03:59 PM

اللهـه يجاَزي من يسوي سواتكـ

الله يجازي.. من يسوّي سواتك
.. وبذنوب من سوّى سواتك.. يجازيك
مشيت درب الثقل.. وتحبّ ذاتك
.. ما تدري إنه.. للمهالك يوديك
وغرّك جمالك.. يا خسارة حلاتك
.. ما تدري.. إن ما غير طبعك يحليك
بتقول زينك.. يشفع لسيئاتك
.. الحسن ما هو عن وفاء الحب.. يعفيك
لو التواضع والوفاء.. من سماتك
..بعت الحبايب كلهم دين.. وأشريك
لكن عجزت أغيرك.. يا جراتك
..على الغياب.. اللي بلا عذر ينجيك
خطاي.. في توضيح وشّي غلاتك
.. وخطاك.. في توضيح وشّو تغليك
وشلون توصيني.. وتنسى وصاتك؟
..وتصدّ عن صوت(ن).. تقطّع يناديك
ما فاتك التجريح.. والعذر فاتك
..وتبغي رضاي الحين..؟ ما عاد يمديك
صحيح أحبّك.. بس هذي جزاتك
..بعلمك درس(ن).. يفيدك ويحييك
تدري وش أبيض من خفوقك.. عباتك!
..وتدري وش اللي غرني.. نظرتي فيك
أدري بتستغرب.. تصبّر وجاتك
.. قصيدة(ن) من واحد.. (كان) يبغيك
وتبغي تناظر وأنت عايش مماتك..؟
.. شف وحدتك.. والناس تجلس حواليك
وتبغي تشوف أشجع رجل في حياتك..؟
...شفني.. وأنا راحل على كثر ما أغليك

المصدر: منتدى همسات الغلا

hggiJi d[hQ.d lk ds,d s,hj;J H, hggiJi d[hQ.d p.kd s,hj;J

19-03-2013, 05:03 PM

جزاك الله خير

19-03-2013, 07:12 PM

صح لسان من قاااال

وتسلم دياتك ع النقل الباذخ

يعطيك الف عافية غلاتي

دمتي ودام نبض قلبك
...~

19-03-2013, 10:44 PM

المتفائلهه

نورتي ^__^ خيتو

19-03-2013, 11:10 PM

صصح لسسآنك
وسسلمت الآنامل ع هالآبيات الرائعة

19-03-2013, 11:19 PM

لعيونك أسهر..

تسلمييين غـــلآتي ع القصيده

الرووعه لآ عدمنآ جديدك الممميز..~

19-03-2013, 11:32 PM

طرح في قمه الروووعه
تنتقى اطروحاتك بدقة وذوق!
دخلت إلى صفحآتكَ
وأنا أعلم أني سأستقبل بين يدي ..
فكر وبلاغة ..وقلما .. مشرقا
فلك من قلبي كل الشكر
ودام لنا نبض قلمك
لاحرمنااا جديدك
لك/ى ودي واحترامي
كنت هنا.

الإهداءات

اللهـه يجاَزي من يسوي سواتكـ

(همســــات شعر وشعراء) منقول