حبيبي .... غير

.
.
حبيبي يابعد قلبي تحيه مني وتقدير
تحية ود من قلبي.. لقلبك دام تحلا.. لي


..
حبيبي ياهوى قلبي مساء حبك صباح الخير
تحيه شامله مني امسيها على الغالي

.
.
اشوفك وكل ما شفتك تزيد بناظري تنوير
ألا يالله صبرني على حب (ن) بدا تالي

.
.
ألا ياناس حبي له تعدي مستوى التفكير
اشوفه طار في عقلي ونجمه بالسما عالي

.
.
ألا ياكيف.. وحبي له تعدى مستوى التعبير
تراكيب اللغة عجزت توصف شي في بالي

.
.
اشوفه في ميادين المحبه عن العذاري غير
أسلهم كل ماشفته وانسى من الوله حالي

.
.
بهز بنظرة عيونه واشوف بنظرته تشفير
تفك ارقام سريه بقلب (ن) هايم وسالي

.
.
أنا من نظرة عيونك اشوف بنظرتك تبشير
تبشرني بغرام (ن) لك دخل في قلبي الخالي

.
.
يا زهرة في بساتيني كفا.. يكفيني التعطير
كفا بلسم دخل قلبي وفاح وبدل أحوالي

.
.
حبيبي مقصر بوصفك وعساك تمرر التقصير
أحاول ارسم اوصافك ولكن ما تهيا.. لي

.
.
حبيبي ارفق بحالي ترى حبك بقلبي غير
اخاف الحب يذبحني يصير الحب قتالي