أبيات جميله جدا

أرقا مع القمرا واحول مـع الليـل
وابني على صدر الثرى منزلن لـي
أسرج على كف القدر صهوة الخيل
واقول يارجـل افطنـي لا تزلـي
اسهر على دله من البن و الهيـل
واذكر ليالن فـي زمانـن امولـي
ابكي على حالـي واردد مواويـل
واقـول ياقلـب العنـا لا تمـلـي
اصبر كما صبر الركايب على الشيل
اللي بثقـل احمالهـا مـا تكلـي
ويلك عرفت الحب ويلك منه ويـل
ويل الرضيع اللي عن امـه يتلـي
جوه الجماعه ثم شدوه بـا لحيـل
وودوا نعشهـا للمطـوع يصلـي
والا كما اللي قد جرف عشها السيل
من فوق ضلعن شامخن وامتعلـي
وعيالها وسطه تشـوف الغرابيـل
وهي على الضفه وياعيـن هلـي
تبكي على حظ النـدم و البهاذيـل
والصـدر بالبيـدا تحكـه ابغلـي
لين انها صـارت بقايـا شماليـل
وللذاريـات تقـول تكفيـن شلـي