[ من حسـنها جاء ( الورد ) يخطـب رضاها .ْ~] .. | ملف عناية |

#1 06-12-2012, 05:10 PM

[ من حسـنها جاء ( الورد ) يخطـب رضاها .ْ~] .. | ملف عناية |

السلام عليكم ورحمة الله وبركاته . حسـنها الورد يخطـب رضاها .ْ~]

.

بتكلم هالمرة عن بعض الاماكن الي خلينا نقول مهضوم حقها شوي بالعناية
هي اماكن بسيطة وخطوات ابسط لكن حلو الوحدة تحس بثقة بكل شي فيها
وفي بعضها عادية وكلنا نعتني فيها لكن حبيت اذكر تجاربي فيها حسـنها الورد يخطـب رضاها .ْ~]

والشغلات الي تحتاج توضيح صورت لكم المنتجات الي استخدمها

( 1 )
اول منطقة راح ابدأ فيها ( الأذن ) :

خطوات العناية فيها سهلة جدا ومايبيلها شي
لكن اهم شي بالموضوع ماتبالغين بالعناية فيها لانها ممكن تؤدي لنتائج عكسية
بالنسبة لعنايتي فيها استخدم المسحات الطبية امسح اذني من ورا بعد الشور
وبعد استخدم اعواد الاذان لتنظيفها من برا وعشر خطوط تحت من برا
لان اذا نظفتيها من داخل راح تدخلين الشمع تدريجا لم يؤدي لانسداد الاذن
وطبعا انا مجربة هالشي ولقيت اجمل تهزيأة من دكتورتي

طيب نلخصها لكم بنقاط :
الطريقة الصحيحة لتنظيف الاذن:

هناك ثلاث طرق هي الافضل لتنظيف الاذن
1- اترك اذنك دون تنظيف فهي تقوم بواجبها وتنظف نفسها بنفسها دون اي مساعدة من الانسان

2- ان كان لا بد من التنظيف افضل طريقة هو وضع نقطتين من زيت الزيتون في الاذن كل يوم
او بحسب الحاجة و وزيت الزيتون كفيل باذابة الشمع المتراكم

3- ان كان الامر يتطلب تدخلا وتنظيفا للاذن يفضل ان يقوم بالامر الطبيب المختص بذلك

وهنا كلام للدكتور روب هيكس دكتور بريطاني لبعض النصائح المتعلقة
بالأذن وكيفية حمايتها والعناية فيها :

عندما نقوم بمحاولة التخلص من هذا الشمع فنحن لا ندفعه فقط إلى الداخل
بل نساعد على تجمده، مما يصعب كثيراً من عملية التخلص منه،
ومن ثم نصاب بانسداد الأذن ..
أما الطريقة المثلى للتخلص من الشمع فهي وضع نقطتين من زيت الزيتون
داخل كل أذن مرتين يوميا فجميع أنواع زيت الزيتون، الرخيصة والباهظة الثمن منها،
تعمل على إذابة الشمع لكن في بعض الأحيان يحتاج الأمر إلى تدخل الطبيب لسحب
الشمع المتراكم داخل الأذن ..

( 2 )
طيب نروح للشغلة الثانية الي هي العناية بالرقبة :

حسـنها الورد يخطـب رضاها .ْ~]

طبعا اول واهم شي اننا نعرف ان جلد الرقبة رقيق نوعا ما
فلازم نبعد عن الخشونة بتنظيفها لان اذا استخدمتي ليفة خشنة لها او فركتيها
بقوة راح تحمر والاحمرار هذا راح يقلب سووواد على طول : :

في نقطة مهمة بعد كثير يستخدم ماسكات للوجه يترك الرقبة وهذا غلط
لازم تحطين لهم كلهم عشان مايصير في اختلاف باللون او الملمس بينهم

وبعد بالنسبة لواقي الشمس ضروري تحطين على رقبتك منه مو بس للوجه حسـنها الورد يخطـب رضاها .ْ~]

انا استخدم لويس ويدمر وجدا مرتاحة معه من افضل الماركات الطبية
وغير معطر

ف الي تعاني من اسمرار فيها راح اقولكم طريقة التخلص منه
وبعدها العناية اليومية لها عشان نحافظ عليها :

1- اسمرار الرقبة :
نحط فازلين على الرقبة قبل ثلث ساعة من الشاور
وبعد كذا يكون عندك ليفة بودي شوب الي هي القلفز اعتبرها افضضل ليفة
بدون منازع
تفركين فيها بلططف لم يطلع الفازلين وبعد ماتطلعين تستخدمين اسكينول اي نوع
تحطينه بقطن وتنظفينها وعلى حسب درجة الاسمرار راح تلاحظين النتايج ممكن
من اول مرة وممكن من الرابعة او كذا

2-
وعشان نحافظ على عنايتنا فيها راح نذكر العناية اليومية لها :
واقي الشمس بالصباح وبعد ماترجعين جامعتك او دوامك تمسحين وجهك بتونر
او غسول مع رقبتك انا استخدم تونر N7 خفيف وحلو
ولو بشرتك جافة ترطبينها بمرطب خخالي من العطور افضل مرطب بالنسبة لي ليبوبيز طبي وسعره حلو
ولم تاخذين شاور تحطين سكراب ناعم نوعا ما مثل ستيفز وتفكرينها بنعومة وترطبينها

وبعد من العناية بالرقبة ممكن نستخدم لها ماسكات جاهزة مثل ماسكات نيفيا
جدا جدا ممتازة للوجه والرقبة خاصة ماسكة التنقية وماسك العسل راح تلاحظين
فيسك ورقبتك تلللق بعد ماسك التنقية فممكن تستخدمينها قبل المناسبات

( 3 )
العناية بالاظافر :

حسـنها الورد يخطـب رضاها .ْ~]

غالبا قوة الاظافر تعتمد على وجود الفيتامينات ونقصها بالجسم حسـنها الورد يخطـب رضاها .ْ~]

الي اظافرها فيها مثل الخطوط البيضاء هذا نقص فيتامين فلازم اول شي تعالج
هالشغلة راح اتكلم عن طريقة عناية كاملة للاظافر تقريبا هو منيكير منزلي :

نجيب وعاء نحط فيه ماي وصابون مثل ديتول ونقططة من ديتول العناية الشخصية ..
ونخلي اليدين فيه لم تلين مضبوطط مومثل بعض الصالونات ثواني ويشيلونها
بعد كذا تغسلينها وتفركينها بالفرشة الصغيرة وتكونين مجهزة وعاء ثاني
فهي ملح وزيت زيتون وليمون تفركين يدينك وتخلينه لم تتشربه البشرة وتغسلينها بالماي
الحين تقصصين اظافرك وتبردينها وتستخدمين مزيل الجلد الميت
الي يجي سائل و لونه وردي انا شريته من نزيه سعره تقريبا 13 ريال
تخلينه ع الظفر شوي وتجيب الاداة وتبدين تشيلين الجلد الميت بشكل خفييفف
بدون تجريح لسطح الظفر والي عندها الاداة الي تشيل الزائد
من اطراف الظفر تستخدمها ( انا اخاف منها )
بعد كذا تستخدمين الاداءة المربعة انا شريتها من كشك بدبي هي مجموعة اسمها ماجيك
وموجودة هالاداة المربعة عند بودي شوب حسـنها الورد يخطـب رضاها .ْ~]

وبعدها تحطين كريمك المرطب واحرصي ان تخلينه لم تتشربه البشرة
وماينع تحطين اكثر من طبقة انا استخدم الكريم والزيت الي جا مع الاداة المربعة
بفيتامين A .. : : واحيان استخدم كريم فازلين مرة جمميل

( 4 )
العناية بالرموش &

السرة : (جمعتهم مع بعض لانهم قصارpb094 )

بالنسبة للرموش اككبر غلط استخدام ماسكرا وتر بروف (مضادة للماء) بشكل يومي
لانها قوية جدا على الرموش وتطلع بصعوبة ..
فاحرصي اول شي انك تستخدمي ماسكرا خفيفة وضروووري بعد ماترجعين
من دوامك تشيلينها بمزيل ميك اب وبشكل خفيف بدون فرك قوي
انا استخدم مزيل لوريال ممتاز يشيل بشرعة وماشي معي تمام

ثاني نقطة استخدام زيت الخروع انا بصراحة استخدمته من زمان فترة ومالقيت نتيجة
فتركته وكثير يقولون انه خطر على الرموش لانه ثقيل وممكن يسبب اكياس دهينة
للامانه مادري عن صحة المعلومة لكل الواحد يبعد الشر افضل
ناوية استخدم ماسكرا مالافا موجودة عن قزاز يمدحونها كثير بتطويل وتغذية الرموش

وبعد سالفة قص الرموش عشان تطول انا من سمعت فيها ابببد ماقتعنت فيها
وكلامي حاليا اكده كثير من الاطباء ان هالشي غلطط

العناية بالسرة :
لازم نعرف انها منطقة حسسساسة ججدا واي غلط بيسوي بلوة
في شغلتين اساسية لازم ماآآآتتعمقين ابببد بتنظيفها ولازم يكون بححذر

في ثلاث طرق انا مجمعتها للعناية فيها للكن للامانة استخدمت الاولى بس :

1- تمسحين المنطقة بقطنه مبلولة ماء فاتر مع نقططة ديتول العناية الشخصية ومره مذوبه فيه او تمسحينها بالمسحة الطبية ..

2- بعود اذان تحطين شوي فاززلين ومن ( براا ) وانتي تاخذين شاور تحاولين تشيلين الاوساخ ..

3- اخلطي ملعقة صغيرة بيكربونات الصودا+ملعقة صغيرة زيت أطفال بالفنجان
ثم اغمسي الأعواد فيه ثم ابرميه داخل السرة حركة حلوزونية برفق
وأكرر بلطف ورفق ودون تعمق ثم امسحيه بالمسحة الطبية ..

( 5 )
العناية بالظهر :

حسـنها الورد يخطـب رضاها .ْ~]

سبب ظهور حبوب الظهر اما بعض الادوية او حبوب شباب عادية
بسبب تغير الهرمونات وكذا خاصة باعمار العشرين او ممكن بسبب الرطوبة
والاحتكاك او لبس الملابس الغير قطنية اونسبة القطن فيها قليل
وتكون من ضمن خيوطها او اقمشتها نايلون وكذا

فلازم نحرص اننا نلبس القططني 100%
وبالنسبة لي استخدم بودرة جونسون الغير معطرة لان ظهري مع الرطوبة
والاحتكاك يقبب كله حبوب فالبودرة تخفف هالشي وتساعد على تقليل قوة الاحتكاك
ومن الغلط فرك الظهر او الحبوب الي فيه لم تاخذين شاور لانه راح تبقع وتترك اثار فيه وممكن تزيدها

ف افضل طريقة للعناية هي :
وقت الشاور تفركينه بيدينك بشكل خفيف بالصابون ويفضل يكون طبي
او عطوره قليلة مثل صابون مذركير او صابونة بيزلين بالعسل لانها خفيففة
او صابون الكركم لانه يجفف
وبعد كذا انا استخدم محلول اسمه زينيرت هو مضاد للحبوب شبيه بمحلول ديرما تي
لكنه اخف فانا استخدمه لحبوب الظهر والوجه وكل شي
ادمنته هالمحلول يمكن هذي رابع مرة اشتريه
وانتظره لم ينشف وارطب ظهري بكريم ليبوبيز

( 6 )
اخر شي العناية بالشفايف :

حسـنها الورد يخطـب رضاها .ْ~]

انا استخدم لها سكراب بسيط الي هو احط عليها بزيت زيتون واحط عليها سكر
وافركها شوي شوي لم يذوب واغسلها وبعد كذا احط عسل
واحيان قبل النوم استخدم فازلين وششوي فكس طبعا الفازلين يكون اول طبقة
بعده الفكس واحط شوي مثل ماقلت لانه قوي
بس احرصصوا ان استخدام الفازلين يكون بالليل بسس لانه يسود
ويسمر مع الشمس او حتى الاضاءة
بالنسبة للمرطبات جربت لابيلو لكن ماعجبني حسيته تجاري جدا كله الوان ونكهات
وجربت لابيلو الاصفر الي بالصورة هو عبارة عن واقي من الشمس للشفايف
جدا سسيئ يعطي طبقة بيضضا جافة مدري وش سالفته
جربت هذا الابيض الي بالتوت عجبني ترطيبه ممرة مع ان فيه لون ونكهة لكن خليته
للجامعة والطلعات وكذا
واول مرطب بالصورة شريته من دايسو مافيه نكهة ولا لون عجبني ترطيبه
اما افضل مرطب فهو بيزلين بشمع العسل
مافيه لون وترطبيه مررة عالي وفيه حماية من الشمس ونكهته كذا نعناع على فكس
وعسل حسيته مرة شي جمميل وهو الي انا مستمرة عليه

منقووول حسـنها الورد يخطـب رضاها .ْ~]

المصدر: منتدى همسات الغلا

F lk psJkih [hx ( hg,v] ) do'Jf vqhih >XZD >> | lgt ukhdm >XZD lgt H, hg,v] phg do'Jf psJkih

07-12-2012, 06:12 PM

تسلم أنآملك على الطرح الرأئع
لآعدمنآ نورك وتوأجدك الممييز
ل أنفآسك جوريهـ

07-12-2012, 08:32 PM

شكراً لك من القلب على هذآ العطاء
بِ إنتظآر جديدك آلعذب وآلمميز ,
خآلص ودي ووردي لِ أنفآسك

08-12-2012, 02:59 PM

طررحح رائع ومميز

تسسلم اايدكك

لاعدمناا جديدكك غلاي

تحـياتي لروحكك

11-12-2012, 09:23 PM

نبض الوله
يسلمو على المرور العطر

11-12-2012, 09:23 PM

المذهله
يسلمو على المرور العطر

11-12-2012, 09:24 PM

برستيج أنثى
يسلمو على المرور العطر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لآ جيت صووب الورد ودك تلمهـ.. مآتدري إن الورد ودهـ يلمكـ..	الاداره	(همســـات الديكور و الكروشيه Crochet)	24	13-04-2013 09:43 PM
حروف على ورق الورد..	روحي حلوه	( همســـــات العام )	5	13-12-2012 04:52 PM
الورد الاحمر	نووونة	(همســــات شعر وشعراء) منقول	8	05-11-2012 04:38 PM
عاشقة الورد ..	روح الورد	(همســـات الأعضــــاء)	2	27-12-2011 12:35 PM
تشم الورد والا الورد يشمك	النازف	همســـات الكمبيوتر والانترنت والبرمجيات	15	08-08-2011 08:29 AM

الإهداءات

[ من حسـنها جاء ( الورد ) يخطـب رضاها .ْ~] .. | ملف عناية |

( همسات عالم حواء)