ما هو بكيفـك ..

ياشين لا جيـت تقطـع لا توادعنـي
ليتك تحـس الـواع شلـون تأثيـره

يا ماخذ(ن) حب اللي فيني وسمعنـي
حب(ن) على كبر صعب ابدله بغيره

ابحتفظ فيـك وادري منـت بنافعني
يمكن مع الوقت أقول محبتـك خيره

والله تدري وش اللي معـك دافعنـي
اني معاك انت امارس اخـر الغيـره

واحب فيك البـرود اللـي يقاطعنـي
لو ما تكلمت صمتك صعـب تفسيـره

يااللي عليك البشر شوفهـا تقاطعنـي
منين ما اوجه الهقـوات لـك سيـره

ياشينها من الخـوى قولتـك قاطعنـي
ما غير شره ولا انت بشايف(ن) خيره

ياشينهـا منـك لا جيـت توزعني
في عذرك اللي على هالظرف تجيـره

شوف كبر صبر البشر ما عاد يوسعني
واكبر هموم العباد اشوفهـا صغيـره

وش جاك مني خطـا يومـك تبيعنـي
في سوقها عليك اسوقها لـك جيـره

انا اذكر انـك يومـن تقـول دلعني
القلـب هانـت علشانـك مشاويره

يا مشغل (ن) القلب بين تحبني ويعني
شي يقـول اعـذره واقبـل معاذيره

قلت احتفظ فيك وادري منت بنااافعني
يمكن مع الوقت اقول محبتـك خيـره

/

الشاعر : حمد السعيد