]❤[ لآضآقٌ صدًريَ رحٍّتّْ للبٌر حٍّطُآبٌ ]❤[

لا ضاق صدري رحت للبر حطاب وشبيت ناري في صحاري خلاها

وسط الفياض اللي بها أزهار وأعشاب ريح الخزامى فايح(ن) في مساها

استرجع الذكرى على رأس مرقاب وأرسم لقلبي صورة(ن) ما نساهـا

دنياك تلبس لك عبايـه وجلباب وتخفـي غـدر سـود الليـال وجفاهـا

شفت القمر يوم اكتمل صار جذاب نور ليال(ن) مظلمـه فـي سماهـا

ترى العمر مثل القمر طل ثم غاب أغنـم حياتـك لا تكـدر صفاهـا

حافظ على الطاعه قبل يقفـل الباب ثـم يتبيـن صحهـا مـن خطاهـا

اليوم فعل الطيب راعيه ما خاب عند الرجال اللـي بعيـد(ن) مداهـا

الطيب يبقى يا فتى الجود لو شاب في شجرة(ن) سيل المكارم سقاهـا

والـبـيـت مـــا يـبـنـى بـــلا أوتـــاد وأطــنــاب

ومــــن لا بــنــى يـسـكــن مــــذاري هــواهــا



❤❤❤

اتـــمنى طــرحي يناال اعــجابكم