أنتِ أنا ولا أنا أنت وش راح يفرق ؟!

#1 13-09-2012, 01:29 AM

أنتِ أنا ولا أنا أنت وش راح يفرق ؟!

أنا .. الشخص اللي يغليك

بالجسد والروح
{ إذا ضاقت بك الدنيا
تعـآل أرتاح في قربي }
أنا فيني الهوى عايش
وباب الغلا لك مفتـوح
ودروب الناس لو طالت
ترى أقربها لك { دربي }
أنا دايم ترى في غـلاي
لك مفضوح
{ أنا ..وافـي مع الوافي }
والخاين يجي ويروح
أنا الإحساس هو ذاتـي
وسرك أبد ما ابوح
لأن { الصدق } هو طبعي
وهو زادي وشربي

" أناوانتِ "
تعاهدنا .. تواعدنا ..
على { دروب الوفاء } .. نمشي وننسى
هم .. ماضينا
ونعيش بصدق حاضرنا ..
" أناوانتِ "
بكل دروب دنيانا
لنافرحه "
لنابسمه "
لنادمعه "
لنا بعروقنا بصمة
" أناوانتِ "
اذا في يوم خانتنا ظروف أيامنا الصعبة ..
بنينا وقت حاضرنا
ونقلب اوراق عشناها ..
ونقرأ أعمارنا فيها وكل لحظات
فاتتنا .. بدون بسمه هجرناها
" أناوانتِ "
عشنا وقت يطول الشرح
عن وصفه ..
فرح "
سعاده "
حزن "
دموع"
زعل "
عتاب "
وكل أيـامنا الحلو
"أناوأنتِ "
عسى الله لايفرقنا ..
وتبقى
{ عروق الوفا }
فيـنا ..
ونعيش باقي هاالدنيا
و كل لحظه
بتجمعنا بداخلنا لها معنى ..
" أناوانتِ "
صداقتنا تفوق الوصف ..
لاشاعر و لاكاتب بيوصف صدق صحبتنا ..
بيعجزكل راوي عن روايتها ..
{ اخوه } بدون دم يجمعنا
صداقه عليها الكل يحسدنا ..

{ أشتاق لك } يابهجة الروح وأغليك
وارجي وصالك وانتظر واتحراك
باب الأمل يابلسم الجرح يدعيك
ولو طالت الأيام مادله ولا أنساك
كل الأماني في حروفي تناجيك
أهواك من راسك الى حد ماطاك ..
ياسلوتي ياعشقي أنا { مغرم فيك }
وأحلى الليالي باللقاء ساعة ارضاك
[ أحلى التواصل يوم كفي باياديك ]
وانظر لعيونك واتحلا محيّاك
سهمك رماني بالهوى دون تشكيك
واضن سهمي يامنى الروح مااخطاك
{ لك الوفاء } والشوق من قلب هاويك
واعداك ياحُبي فدا بسمة اشفاك
وصلك هواي وغايتي في تغليك
ياعشقي طبع الوفا ساس مبداك
{ انت الغرام ونبض الأشواق يرضيك
وكل الجوارح ياهوى البال تهواك }

ليتك تشوفين اللي { يحبك ويغليك }
ليتك تشوفين حجم الغـلا في عيونه
ليتك تحسين بقلبه كيف يعطيك
من صادق إحساسه لأجل أنك تصونينه ..
{ غلاك فوق وفوق } وصار شاريك
وصرتي كل شي بدنيته وأنتِ محبوبه
دايم يحبك دايم هو يراضيك
هواكِ بكل أشكال الحب ولونه ..
ما أظن احد في الكون { مثلي يراعيك }
ولا أظن قلب عشق مثل قلبي وفنونه
بـ { أغلى الجـواهر } حبيبتي باسميك
لو يبتعد عني قلبك أموت من دونه ..

[ تبسم ] واترك جروحك على جنب الزمن وارتاح
حرام تطيح من عينك على شان الزمن دمعه ..
انا برجوك لاتزعل ولاتزيد الجراح جراح
تبسم واترك جروحك { على شاني } بلا رجعه
انا ادري صعب تنسى ولكن الامل ما راح ..
ولو راح الامل يبقى في تالي من الالم متعه
ابيك اقوى من عنادي ولو جاك الكلام رماح
وابي تشعل من جنونك على طاري الغلا شمعه
{ وابي تذكر ليالينا ليالي شوقنا الفضّاح }
وابي تسهر على شاني وتذكر ليلة الجمعه
[ احبك ] والغلا يترجم جنوني والغلا ذباح
غرام يكشف شعور الجنون ومسألة وضعه
كتبت الشعر لعيونك لقيتك للقصيد وشاح
لقيتك لحروفي سوالف عشقي ونبعه
{ ابيك اقوى من جروحك } تحدى هالزمن وارتاح
لأن الدنيا ما تسوى ومايسوى هالزمن دمعه

مهما حبيبي بينا يحصل { فـراق }
أنـا على عهدك ولا كنت سالي ..
تعال واطفي لاهب { الشوق } حرّاق
ذوّب معالـيق الحشا بالكمالي
البال في بعدك بعد ابد ما راق
صبحي وليلي فيك مشغول بالي ..
قلبي من بعادك يا عمري ترى ضاق
[ احس بين الناس كني لحالي ]
ما طـاق قلبي بعدك بعيد ما طاق
{ زولك معايه } ما يفارق خيالي
الحب لك يا نور عـيني والأشواق
فاقت يا عمري كل حد احتمالي
{ مشتاق لك } بآصيح مشتاق مشتـاق
متى تبادر يالغلا بالوصـالي ..

يا بعد عمري تدلل [ واطلب اعيوني فـداك ..
ولو طلبت العمر كله قلت لك لبيك جـاك
{ انت اغلا من عشقته } وانت في قلبي ملاك
يشهد الله من غلاتك سرت اغلي اللي غلاك
لو ادور الكون كله ماملا عينـي { سـواك }
ساحر قلبي وعقلي والبلا بسمـة شفاك
{ إن بعدت ازداد شوقي } وكل يوم فيّ طراك
وإن قربت اشعلت ناري في هواك ..
كل يوم وكل ساعه { انتظر لحظة لقاك }
يكفي اشوفك وسط قلبي زيدا والله غـلاك ..

{ في قربك الأيـآم عيد } ..
والشوق .. لك دآيم يزيد
هوآك لو هو ينتهي
برجع { أح ـبك } من جديد
معآك شفت الهنآ
ونسيت أيآم العنآ
الله [ يآحظي ] بحبـي
وفيك يآحظي أنـآ .. }

تعال ] اجلس وسط صدري وبدّد وحشة الوجدان
واذا حسّيت بالوحدة تسلّى و { رتب ضلوعي }
ابك تطالع بعينك شكثر قلبي عليك ولهان
تشوفه ينبض باسمك وينادي { آه يا شوقي }

ياقلب | وصيتك | على اللي يحبـك
اللي وفى لك بالغـلا لا تخونه ..
ياقلب حلفتك بـ | ربـك |
حطه بعيونك دامك أنت عيونه ..

صحيح إنّا { تبــآعدنا }
و موج الهم غرّقنا
ولكن رغم حالتنـا
{ نظل قراب ومشتـاقين }
حبيبي والزمن قاسي
يشتت دايم إحساسي
دخيلك يا أعز ناسي
أبي نفرق عن الباقين ..

صراحه قالها قلبي ..[احبّك إيه أنـا قـوّه ]..
{ أحبّك يافرح عمري } ولك قلبي نظر عينـي.
أحبّك ] ياضوا دربي وحبّك لي سقـا روّه..
ويجمعنا عهد باقي عهد إنّك توافينـي..
ترا مثلك انا قلبي بغيـره ينكوي كـوّه..
{ ولا ودّي احد غيري بحبّك لي يساوينـي }..

هات { همك على همي } بضمه
إنسى دموعك والألم
همك معي لا تبتأس
[ قلبي كبير ] بيوسعه

لغيركَ مستحيل { أشكي }
وأبين له عن أوجاعي ..
أنا ما أبغى [ بهالدنيا ]
سواك أحدٍ يواسيني ..

أنتِ أنا ولا أنا أنت ِ !
وش راح يفرق ؟!
على العموم : { الله يخلينا لنا }

{ لبي الوفا } وأنا الوفا لك تكونت ..
لبي الحنين اللي حوى [ النور والضي ]..

وش يفيد [ البنادول ] ؟!
لاصار يوجعني من { الشوق } راسي !

أبيك دآيم بخير وخآطرك { رآايق }
[ ترآ لا ضقت ].. قلبي حيل يوجعني

المصدر: منتدى همسات الغلا

HkjA Hkh ,gh Hkj ,a vhp dtvr ?! gkh Hkj HkjA dtvr vhp ,gh ,a

13-09-2012, 02:27 AM

ميارا
تسلمين يالغلا
على الطرح الجميل والمميز
جوريه تعانق رووحك الطااهره
دمتي

13-09-2012, 03:37 AM

رووووووعــــــهـ <3
يسلمــوو خيتــوو ..
و يعطيـج العـآافيــهـ ..

ودي =)

13-09-2012, 08:47 AM

روووووووووووووووعه يالغلا
سلمتِ ع انتقاائك الحلووو
طبتِ

13-09-2012, 09:55 AM

الاخيره اهداء مني لج

تسلم ايدج حبيبتي ع ام ام اس الروعه
عساج ع القوه

13-09-2012, 12:58 PM

13-09-2012, 10:10 PM

اقتباس:

المشاركة الأصلية كتبت بواسطة فــوكسيه

الاخيره اهداء مني لج
تسلم ايدج حبيبتي ع ام ام اس الروعه
عساج ع القوه

شكرا صديقتي الغاليه

الله لايحرمني من صداقتج واخوتج

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أيتهَآ ألأنثى أنتِ لؤلؤةَ فَلآ تستَعجلِي ألخُروجَة مِن ألصَدفَةَ	غربة مشاعر	( همســـــات العام )	21	07-12-2012 10:40 AM
أنتِ الـبـدايـات وأخـر ساحـل ومينا ..~	عازف الشوق	(همســـات الديكور و الكروشيه Crochet)	9	17-06-2012 01:15 AM
من أنتِ..؟ من أنا..؟ ومن نكون..؟	الجازي	(همسات مدونات الأعضاء [ blog ] )	10	09-12-2011 01:33 AM
آنتِ وَحدِڪْ وَآلِآ أنآ لِغيًرٍڪْ ضرٍيًرٍ !!	âβễệҝ 8ŕЬy	(همســــات شعر وشعراء) منقول	11	04-11-2011 11:26 AM
ڪْلِ أمة محمدِ بخيًرٍ إلآ أنتِ ..!!	âβễệҝ 8ŕЬy	( همســـــات الإسلامي )	3	31-10-2011 11:45 PM

الإهداءات

أنتِ أنا ولا أنا أنت وش راح يفرق ؟!

همسات الأيفون و الأندرويد وسوشيال ميديا