مرحبا باللي القلب لجلـه حيل كاويني ..

#1 16-12-2024, 09:32 AM

مرحبا باللي القلب لجلـه حيل كاويني ..

.. تذكر يوم أقولك جسد يحتوي روحين ..

.. وأوعدك ما أخليك وتوعد ما تخليني ..

.. أذكر يومها أشوف بالدنيا بس اثنـين ..

.. قلبي اللي يحبك وقلبك اللي يحويني ..

.. بعدها بأيام شفت ايدك تحتضن ايدين ..

.. وانصدمت يوم شفت إنها غير ايديني ..

.. سكت لجل خاطرك وقلت مرحبا بالزين ..

.. مرحبا باللي القلب لجلـه حيل كاويني ..

.. مر يوم واسبوع وشهر وبعدها شهرين ..

.. وهو لازال مايدري بإني شفته بعيني ..

.. وأخاف إني أقوله له خاين وينجرح بعدين ..

.. وأخاف أسكت وبسكوتي صمتي حيل يشقيني ..

.. واجهته وأنا أبكي والعين تحتضن العين ..

.. سألته : ليه تنسـاني ؟ وإلا ماكنت تغليني ؟؟

.. سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..

.. سحبت وجهه و مسحت الدمع على الخدين ..

.. وقلت له والله أحبك ولو إنك تخليني ..!

.. سكت فتره وقال لي : لازلتي تحبين ؟؟

.. بعد اللي تشوفينه لا زلتي تحبيني ؟؟

.. ابتسمت وقلت أجل ماعرفت للحين ..

.. إني أحبك حيل واللي يرضيك يرضيني ..

.. سكت فتره وأنا أعاود فرحة بقت لسنين ..

.. وتركته وتركت حبه اللي بقى فيني ..

.. وصارت الدمعـة إذا هلّت أقول أهلين ..

.. والبسمة هجرتني ونست دربها فيني ..

.. بعدها بـأيام سمعت خبر والله شين ..

.. سمعت إنه مـاااات وهو يطلب يلاقيني ..

.. ويوم إني رحت .. وصيته لي بورقتين ..

.. الأولى بها اسمي كتب بدمه يغليني ..

.. والثانيه يقول فيها: أبي أوضحلك شيئين ..

.. الأول أحبك حيل وماسكن غيرك شراييني ..

.. والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتَبْكِينِي ..

.. كل اللي أبيه إنك بالخير لي تدعين ..

.. وإنك بالشهر مره بقبري تزوريني ..

.. واللي أبيك تعرفيه ومهم إنك تعرفين ..

.. اللي شفتيها معي كانت بموتي تبشّرني ..

.. انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..

.. تكفين لا تظنين إني خنتك ياالغلا تكفين ..

.. وإذا لازلتي تحبيني دايم بـالخير ذكريني ..

.. سكت وقلت : ياليتني ظليت معك يازين ..

.. وشفت الموت ياخذك مني ولاكذا تخليني ..

.. تظنون إني نسيت أو الدمع جف بالعين ؟

.. لا والله إلين اليوم وهو معي يخاويني ..

.. لو تدور الدنيـا ولو تمر بعدها سنين ..

.. ما نسيته لو أشوف أحفـااادي حواليني ..
المصدر: منتدى همسات الغلا

lvpfh fhggd hgrgf g[gJi pdg ;h,dkd >> gdgJi lvpfh hgrgf fhggd pdg

16-12-2024, 12:26 PM

طرح في قمة
ابداع
سلمت يدينك

18-12-2024, 02:23 AM

.. تظنون إني نسيت أو الدمع جف بالعين ؟

.. لا والله إلين اليوم وهو معي يخاويني ..

.. لو تدور الدنيـا ولو تمر بعدها سنين ..

.. ما نسيته لو أشوف أحفـااادي حواليني ..

صح لسان قايلها ولاهانت يمين ناقلها
وربي يعطيك الف عافيه
دمتي بوود الله يحفظك

يوم أمس, 12:29 PM

دامت..صفحاتكـ..بهذا..الرُقي
بانتظــآآر.. قـآآدمِكـ.. الأجمل
كــــــل ..الـــوود..بعبق.. الــوورد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أسوء أنواع المشروبات لصحة القلب	ذابت نجوم الليل	(همســـات الصحه والطب)	14	29-11-2022 06:29 AM
نظرات في هذا القلب الطيب	البرنس مديح ال قطب	( همســـــات العام )	9	01-12-2021 05:39 PM
نظرات من درر في القلب الطيب	البرنس مديح ال قطب	( همســـــات العام )	12	20-10-2021 08:55 PM
للقلب والروح سرهم الخاص	ميارا	(همســـات الصحه والطب)	15	13-05-2014 03:26 AM
أعراض مرض القلب ومعلومات عن أمراض القلب	اداوي جروح	(همســـات الصحه والطب)	15	09-02-2014 01:31 AM

الإهداءات

مرحبا باللي القلب لجلـه حيل كاويني ..

(همســــات المقال و الخواطر والنثر ) منقول