خَلّكْ معي يا نجْم في الفلْك دوّار

#1 30-10-2022, 09:14 PM

خَلّكْ معي يا نجْم في الفلْك دوّار

...

خَلّكْ معي يا نجْم في الفلْك دوّار
تَوّ الغروب وْأوّل الليل تَوّه
إغْرِسْ بجَنْب الضِّلْع في صدري أزهار
يا الغيث إنْعِشْ روض قلبي وْرَوّه
دامك معي بَارْقى عنيدات الاخطار
إْقبل وْقَلْبي لك حنان وْمروّه
يا من خذاني بين الاقمار مسيار
ما لي على بِعْد أبْرَقْ الضوّ قوّه
كل ما تقلِّب شوفها فيك الانظار
دعيت من قلبٍ على الخير نَوّه
يا الله عسى يبقى القمر وجه الانوار
لا غادَرْ العليا ولا غاب ضَوّه
لا غَيَّر الله موقعه بين الاقمار
وْلا غيّمت سِحْب السماوات جَوّه
يا من تَرَكْ من نوره بْعيني آثار
عندك خفوقي وْلى بيرضيك سَوّه
بس اعْرِف انّك نَجْم في الفلْك دوّار
وان الغروب وْأوّل الليل تَوّه

المصدر: منتدى همسات الغلا

oQg~;X lud dh k[Xl td hgtgX; ],~hv lun hgtgX; dh oQg~;X ],~hv td ,[ug