 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
12-04-2012, 08:20 AM
| |||||||||||||||
| |||||||||||||||
 ديوان الشاعر ثامر شبيب  السلام عليكم اعضاء منتدانا الغالي،، مسائكم ,,,,, صباحكم ,,,,, جميل شاعر مميز شاعر الفراق شاعر جعل لشعرة وجود بكل مكان رغم انه مقل في ظهوره بالساحه لى انه جعل اسمه موجود في قلوبنا يقول عن نفسه / انا شاعر احاول اكتب كل ماحسه له ديوان صوتي اسمه ليلة افراق البطاقه الشخصيه للشاعر :- الاسم ../ ثامر شبيب بن مبارك الدقباسي الرشيدي الجنسيه ../ كويتي مواليد ../ 26 يناير 1979 الحالة الإجتماعيه ../ اعزب من هواياته ../ القَنصْ .. ( ويفضّل القنص بالصّقور ) كل عام وانت بخير وايامك بخيـر لايابعـدهـم كلـهـم ياغنـاتـي انت بحياتي شي ثاني عن الغيـر تقدر تقول : اجمل حدث في حياتي انت الفرح انت الوفـا والتباشيـر انت امنيه لا والله كـل امنياتـي دايم افكر لو خسرتك وش يصيـر وقول دايـم جعـل قبلـه وفاتـي من قبل اعرفك ماحسبت المخاسير واليوم شفني ماخسرتك واحاتـي اذا افترقنا بطلبك مطلـب صغيـر لاتزورني بين النعـاس ومباتـي اخاف لاجوني طيوفـك مساييـر قلطهـم قلبـي تعشـوا مماتـي ماقلت لك طبع الوجيه المسافيـر ماتغيب وان غابت ليالي وتاتـي يعني اذا بتغيب من غير تفكييـر ترجع قبل لا ينكسر لـك ثباتـي ولا اخذني معك من وين ماتسيـر مدامك الدرب الطويـل بجهاتـي لو نفترض اني وصلت السما طير احوم حومة حر والريـح عاتـي المشكلـه انـي بليـاك ماطيـر لانك جناحـي للمطيـر ونجاتـي الطيحه منك تترك اسنيـن تأثيـر من قال لك ماراح تشمت عداتـي لا والله الا طيحة الدلو في البيـر ياكبرهـا منـك الملـم شتـاتـي وص انت قلبك يذكر الحب بالخير ولا انـا والله لقضـب وصاتـي امانتك .. في داخلك شوفني غيـر وامانتي .. لقربـك قـرب ذاتـي من كثر ماخانت غـلاك التعابيـر معاك احس اصدق كلامي سكاتـي لكن تعال وخـل عنـك المعاذيـر شفني شسوي وسو عقبي سواتي ارفع يديك لمـن يـرد المقاديـر وردد ورايـه ماتقولـه شفاتـي كل عام وانت بخير وايامك بخيـر وانا معاك اعيش باقـي حياتـي ماودي اقلبها علـى راسـك الحيـن ولا ودي اسكت عنك واجرح ضميري جوني وقالوا عنـك نـاسٍ كثيريـن كلام يكبر عنـه حتـى الصغيـري قالوا نستك : وقلـت والله لتموتيـن للحين باقـي لـي بقلبـك كثيـري ابسألك وشلـون عنـي بتنسيـن ? ولحمة كتافك .. كابره بفضل خيري قالوا تبيها : وقلت يمكن من سنيـن يومه مصيرك مرتبط مـع مصيـري انتي مثل طيـرٍ كسيـر الجناحيـن جبرت كسره عقب ماهـو كسيـري ياكل من يديني سـوات المساكيـن وصد وتنكر يومه اصبـح يطيـري قالوا تخونك قلـت طبـع الردييـن طبع الخيانه من الردايـا يصيـري كل يوم وانتي الف مـره تخونيـن ماهي غريبـه خيانتـك للعشيـري ادري مع غيـري تخونيـن الحيـن وادري بعد ساعه تخونين غيـري ! ماعلي خلاف اقول اللـي ابيـه من فضل ربي علي انـي قـوي الا حبك شي مـا اقـدر عليـه كن حبك ضيف والقلـب بـدوي انت بس اللـي ابيـه ولا اجيـه عنك حظي لاوي ذراعـي لـوي صرت لي مشوار لاجيت ابتديـه ان لقيت الدرب ضيعت الخـوي رد يامنهو حياتـي فـي يديـه لا تخلينـي وانـا لـك مهتـوي ان خسرتك وين ابلقا لك شبيـه وانت من كل شي نادر تحتوي .؟ وين رايح جعل هالـزول افتديـه وانت خابرني من البعد انكـوي انت حتى الجرح منـك اشتهيـه من غلاك اضمى عذابك وارتوي انت لا سولفـت ماكنـي هنيـه التزمت الصمت كنـي منطـوي ليه اسولف لك وهي من غير ليه تعرف انك تطوي احزاني طـوي انت حبك شي مـا اقـدر عليـه كن حبك ضيف والقلـب بـدوي ياللي حرمت القلب مبطي من الصوت لاتحرمـه هالحـيـن رد الرسـالـه ايام عمري معـك لحظـات وتفـوت وش تنتظر لاضاع عمـري بدالـه ؟ يعني عشان اسمك على القلب منحوت ماعاد تسئـل ليـه وش هالنذالـه ؟ ان كان قصدك شوفتي وسط تابـوت خلنا علـى ماقيـل كلـن بفالـه !!! اليا طرى طاريـك حسيـت بالمـوت اليا متى هالحال ماهـي بحالـه .؟؟؟ من غبت وصارت غيبتك شي مثبوت والناس تنشد ليـه ثامـر لحالـه .؟ زعلان حدي منك ضايـق ومغمـوت كل من سئلني عنك ضقـت بسؤالـه عز الله اني معـك مانـي بمبخـوت امشي يمين الـدرب تمشـي شمالـه عزآآآه يالدنيا عقب بحـت الصـوت صار الرجى منك تـرد الرسالـه !!!! كل البشر في صوب وهالبنت في صوب الكامـل الله كامـلـه مــا تعـابـي ترفه وهـي تمشـي مسافـات ودروب في عـز رحـلات الشقـى والعذابـي لا من مشت في يدهـا ترفـع الثـوب كـلٍ يناديهـا وهـي تقـول مـابـي من الدلـع سميتهـا شيخـة العـوب حتـى دلعهـا منحنـي لـه اعجابـي لحقتهـا والهـرج زاهـب ومكتـوب لأي موقـف كنـت عامـل حسـابـي قلت السلام .. وردت بأيـش مطلـوب قلـت الخفـوق بخفـت الـدم ذابـي قالت وش اللي حـدك لنـاري تـذوب قلـت المشاعـر ماعليهـا عتـابـي قالـت تمثـل دور عاشـق ومحبـوب قلـت الحقيقـه افتـديـك بشبـابـي قالت اخيـر الحـب ناهـب ومنهـوب قلت انهبيني قبل مـا انقـل صوابـي قالت متى تكبر عـن الحـب وتتـوب قلت الخبل من شاف زينـك وتابـي !! قالت صراحـه مـا توقعتـك اسلـوب قلت افهم انك معجبـه فـي جوابـي ؟ فجأه عرض لي واحدٍ عرضة خـروب سلـم علـي وخاطـر البنـت طابـي جاني مطفي ضارب فياض وشطـوب ومن قو عينه قـال .. يامرحبابـي ! واخذ يسولف لي وانا فيـه مغصـوب يسئل عـن احوالـي وسبـة غيابـي مايدري انـه بعرضتـه كسـر قلـوب لا واعـذابـي مـنـه لا واعـذابـي رقد على كبدي وانا بوقـت محسـوب البنت راحـت والرجـا منـه خابـي وقفت عاجـز كنـي انسـان مغلـوب من قرد حظـي كـل هـذا جـرا بـي اتلا عهدهـا تلتفـت لفـت رعبـوب مـا الله كتبهـا قسمـةٍ فـي كتابـي اقفت تمشـى فـي مسافـات ودروب قلبي يناديها وهي تقول .. مااابـي !! راسك علامك رافعه يـوم احاجيـك الضاهر اني فوق حجمـك عطيتـك لحظه .. نبي نرجع دقيقه لماضيـك بذكـرك فـي أي حـالـه لقيـتـك كان الضيـاع ودمعتينـك تخاويـك منهار وفي عـز انهيـارك خذيتـك وارخصت عمري لجل احبك واداريك هدمت قصـر الـذل فيـك وبنيتـك كان الغـلا شمعـه تنـور لياليـك ولو اظلمت دنياك جيـت وضويتـك يالاسف كنت امدحك وافتخـر فيـك رفعت من شانـك وعليـت صيتـك كنت انت .. عندي غير ومقدر اخليك واموت واحيا ان قلت سم وفديتـك واليوم اشوفك خنت حتـى مباديـك صغرت في عيني وانا اللي هويتـك الضيـف لـو انـه عـدوٍ معاديـك غصبٍ عليك تقـدره وسـط بيتـك ياصاحبي بتمـوت مانـي براجيـك واشره علي انكـان حتـى طريتـك لاصار ذل النفس في قلـب يغليـك يلعنـك ياقلـب ٍ عشقـك وشريتـك اضحك حبيبـي دام وقتـك مسليـك باجر تموت من القهـر لا نسيتـك عادي معك أبقـا وعـادي اخليـك مثلك مثل غيـرك مجـرد صداقـه ماشوف عندي احساس متمسكٍ فيك اقل مـن عـادي معـاك العلاقـه غبتي حضرتي خافقـي مايحاتيـك القلـب مابيـن عليـك اشتياقـه انتـى تنادينـي وغيـري يناديـك والحـب منـك ماسرقتـه سراقـه لاتحسبين اللي يزعلـك يرضيـك ولاكـل طاقـه بتقـارن بطـاقـه انا ..وبس اللي اجيبك ووديـك و انتى على قربـي تجيـك الشفاقـه انا بديتك برجـع الحيـن وانهيـك انسان مثلـك سهـل جـدا فراقـه من دنيتي هالحين ببعدك وانفيـك ابعيد يااالله بعيـد كافـي طفاقـه ادري جرحتك يوم انا قلـت مابيـك والجرح يبطي لـو تغيـر مذاقـه اذا خزك احد غيري احـس بداخلـي زلـزال تصور حالتي وشلون اذا شفتك مع غيـري!!!! تخيل موقفي وعيشه خيانـه حطمـت رجـال خيانه جت من شخصٍ يعيش بوسـط تفكيـري انا اكبر مـن افراقـك ولاكـن موقفـك قتـال يحز بخاطري اوقف وشوف شلون تغييري..؟ مشيت اجاهـد الدنيـا بفرقـا تلفـت لوصـال اصددها عن اوصالك وشوفك كـل مشاويـري حزن وجه الزمن يملا حياتي والفـرح منـزال قتلت بسيفك افراحي ومـلا حزنـي تعابيـري نهاية عالمي قصـه علـى فـم العـدو تنقـال نقلها كل عدو منهم فرح فـي يـوم تدميـري عرفت شلون تلعبها معـي يالعاشـق المحتـال مصيبه ماتوقعتك تجـازي شـرك لخيـري !! خلاص اللى حصل يكفي ومات العذر والمرسال ولا به عـذر لرسلتـه يـرد للحـب تقديـري انا لي عزةٍ اكبر من ظـروفٍ تسـل الحـال اموت اهون .. ولا انظر بعين الغير تصغيري لاجيت افكـر بالوجيـه المفاليـح وفرقت بين الناس عالي و واطـي فكرّت بك ضمن الوجيه المشافيـح متقلطن ببسـاط ماهـو بساطـي علاقتي ويـاك تحتـاج توضيـح من شفت في بعض الامور اختلاطي مثلك خطا يحتاج وقفه وتصحيـح بيّن مثل تفريـق ماخـذ وعاطـي ربيت من صغري على هبة الريـح ولبست لي ثوبن كمومه اخياطـي يوم انت تلعب في يدين المراجيـح انا انطح الضيفان وافرش سماطي ماعابني لاصرت ظمن المجاريـح اغلا جروحي بين الاظلاع ساطـي العيب لاسقت القدم دون تصريـح وخليتها بـدرب الردييـن تاطـي والمشكله انك تحرث النار وتصيح اركد قبـل لافـك عنـك رباطـي خابرك ماتبعـد قريـب المراويـح زايد عن العالـم بكثـر الهياطـي اكبر طموحـك لاتعطـرت بالريـح تطلع تمشى بين شاطـي وشاطـي عندي سؤال وخابرن فيه تجريـح لاكن ضروري تسمعه بأنبساطـي ارفعك بيدي لسمـا ترجـع اطيـح قلي شسوي فيك لا صرت واطي .؟ لاتلومني لاجيت كلي مـن اقصـاي مافيـه غيـرك لاتضايقـت جيتـه جيتك ولاغيرك ذكرتـه بمسـراي جيتك وكل انسـان غيـرك نسيتـه جيتك وانا ماني بأنا تايـه الـراي جيتك وانا مدري وش اللـي بغيتـه جيتك وقلبي دقتـه تسبـق خطـاي جيتـك اقـول مفارقـك ماقويـتـه ان مر يومٍ بالعمـر منـت ويـاي اشتاق لك شـوق المسافـر لبيتـه مثل الهوا تحتاجه النـاس والمـاي يحتاج لـك قلـبٍ هـواك وهويتـه انت الوحيد اللي .. يرد بسمة اشفاي وانت والوحيد اللي .. بروحي فديته دامك معي ماقصرت يـوم دنيـاي دامي خذيتـك وش بقـا ماخذيتـه وانكان تنشدني بعد ليه انـا جـاي ابشـر بـردٍ يقنـعـك لاقريـتـه جيت اعترف بالفرق يا اخر منـاي بينك وبين اللـي عشانـك جفيتـه اني ليامن جيت لك ( همك رضاي ) واني ليامن جيت لـه ( مالقيتـه ) لاتلومني لاجيت كلي مـن اقصـاي مافيـه غيـرك لاتضايقـت جيتـه الشهره اللي وراهـا النـاس منجرفـه ماهوب اكبر طموحي مصافـح ايديهـا مانيـب جاهـل بهـا انكانهـا حرفـه اعـرف مداخيلهاواعـرف خوافيـهـا اعرفـك يادربهـا واقـول ماعـرفـه وان مر طاري لهـا صديـت طاريهـا الشعر لـولا عيـون الجـادل الترفـه والله لانسـى القصايـد مـع قوافيهـا ضيقات صدري كثيره مالهـا صرفـه من كثرها ماعرفـت شلـون ابحكيهـا اشيـاء منهـا تبـات النفـس منقرفـه ياكثـر ماحطمـت نفسـي وامانيـهـا القدس راحت إناظرهـا مـن الشرفـه وابن اليهودي يـدوّج فـي ضواحيهـا وحنا العرب ساكتين اسكـات معترفـه نشوف بالعين ارض القدس وش فيهـا والدمعه اللي مـن المسكيـن منذرفـه ماحركـت شـي بالظالـم معانيـهـا الجوع .. والبرد .. ومسكن يشبه الغرفه تقتل احـلام الفقـاره .. قبـل تحييهـا والناس صارت بجرح الناس محترفـه يارب ستـرك مـن الدنيـا وبلاويهـا والحب تطعن بصدقه .. بنت منحرفـه من كثر ماكذبـت .. تنسـى اساميهـا وبعض السوالف تغثـك مابهـا طرفـه تدبـل كبـودٍ تـدور مــن يسليـهـا مثل البشـر بعضهـم مـاودك تعرفـه زودٍ علـى ضيقتـك وجهـه يطّريهـا لا تنصدم ماعـدت شـي بحياتـي كلك على بعضك كرهتـك وعفتـك مابيك لـو انـه وجـودك غناتـي حذفت انا اسمك من سجلي وحذفتك صارت حياتي معك تشبـه مماتـي مافيـك حاجـه طيّبـه لا وصفتـك عمر الخطا ماكان نـوع بصفاتـي حتى مشيت العـام دربـك وشفتـك انا غلطـت بحـق نفسـي وذاتـي غلطه بدت من يوم جبتك وضفتـك داخل خفـوقٍ حـط حبـك مناتـي كبرك في عيني وجيـت وعرفتـك وصرت القريب اللي .. شتاته شتاتي جرفتني كلـي .. وكلـك جرفتـك لكن خسـاره منـت كفـوْ لسواتـي اللي حصـل بيّـن رداك وكشفتـك تدري بصراحه ايش غلطة حياتـي انـي نزلـت لمستـواك وعرفتـك انا لاقلت لي شلونك وانـا ضايـق اقـول بخيـر مدامك سائـلٍ عنـي اكيـد ان ضيقتـي راحـت انا من كثر ماحبك اشوفـك فـي عيونـي غيـر تضيق النفس من غيرك ولامن شفتـك ارتاحـت احبك كثر .. ماتطـري فبالـي وتشغـل التفكيـر كثر .. ماشيلـك بعينـي ونـاسٍ منهـا طاحـت احبك كثر .. ما ادمح خطـاك ان خانـك التعبيـر كثر .. ماخانت الرفقه بكتـم اسرارهـا وباحـت احبك كثـر .. صقـارٍ تولـع فـي محبـة طيـر كثر .. مادلـة الطيّـب بريحـة هيلهـا فاحـت احبك كثر .. ماحس بشعور انـي عليـك اغيـر كثر .. مازيح هالغيره عن افكـاري ولا انزاحـت احبك كثر .. مالك داخلـي حـب وغـلا وتقديـر كثر .. ماغبت عن عيني ودموع امفارقك ساحـت تصدق !! من عرفتك صرت احبك .. واكره التغيير وانا اللي كنت اعشق كل نجمـه بالسمـا لاحـت تأكد كـل ماتسئـل عـن حوالـي اكـون بخيـر مدامك سائـلٍ عنـي اكيـد ان ضيقتـي راحـت الليلـه هـذي واضحـه ليـلـة افــراق حـاولـت اعديـهـا وعـيّـت تـعـدي اظــروف ماتنـطـاق ولا راح تنـطـاق صـد القـدر ماهـو بـصـدك وصــدي تعـال اخذنـي بيـن ايـاديـك مشـتـاق قبـل انتـفـارق حــط يــدك بـيـدي بجلـس معـك ساعـه حبايـب وعشـاق مـن بعدهـا كيفـك ولـو صـرت ضـدي فيني خليـط اشـواق باشـواق باشـواق واصل معـك مـن كثـرت الشـوق حـدي ودي ألمـك واحضنـك حضنـت عـنـاق ياشـيـب عيـنـي كــل ماقـلـت ودي في خاطري .. وش خاطري ؟ خاطري ضاق الكـون كلـه ضــاق مـاهـو بـقـدي حتى الدموع اللي استحـت كبـر واخـلاق تساقطـت مـن فـوق خــدك وخــدي لوحة شعـر تبكـي علـى بيـض الاوراق بيّحـت فيهـا مـن ردى الحـظ ســدي ليلـة جفـا وافـراق مامثـلـه افــراق حـاولـت اعديـهـا وعـيّـت تـعـدي تعبت اقول لضيقتي سهـود ومهـود اليا متـى هالعـذر بيكـون عـذري البارحة يـوم اكثـر العالـم رقـود عادت علي اللي تجي منيـن مـدري الضيقة اللـي كـل ماراحـت تعـود مكانهـا مابيـن قلبـي وصــدري ناسٍ تنام مدهنة فـي دهـن عـود وناسٍ تنام مدهنـة بزيـت مقـري لاواهني اللـي حلالـة مـن الـذود تسعين وضحى كل ماضـاق يسـري يسـج معهـا كـل ماهبـت النـود يتبع مسيل السيل في القـاع يجـري ماهوب مثلي من اقرب الناس مجحود الله يسامـح مـن طعنـي بظهـري من راح ماكنه على القـاع موجـود مايدري انـه اول اسبـاب كسـري كل ماطرالي قلت مـن قلـت الفـود ياليـت منهـو راح ماعـاد يطـري لو تستحي من فعلها ايامـي السـود كان استحت مبطي ولا طال صبـري قدمـت بالموجـود لخاطـر الجـود لين التفـت ولابقـى شـي حـدري عطيت من عمري ولا شفت مـردود ياللأسف للنـاس ضيعـت عمـري واذا افرحوا واجد على طيحة العـود هذا دليـل انـه فعـل شـي يغـري بوقف لحالي واتبع الطيـب والـزود اشره علي ان صغر الوقـت كبـري ماني على بعض المخاليـق محـدود امـوت مانزَلـت للنـاس قــدري منك السموحـه والعـذر ياضنينـي النفس طابـت ليـن قلبـي عذرهـا ماعـاد باقـي شـي بينـك وبينـي وانكان لك حاجه تعـال اختصرهـا اخذت من عمـري حـلاوة سنينـي كافي علـى قلبـك اليامـن ذكرهـا غصب الفراق يصير ماهـو بدينـي اقـدار مكتوبـه ولاحـد(ن) قدرهـا توك تجي .. واتقـول انـك تبينـي وين انت يوم النفس تشكي كدرها ؟؟؟ كنـت اترجـى تتصـل يـوم فينـي كنت بحياتي غير .. قبـل اتهجرهـا خـلاص لا تتعـب قدمـك وتجينـي كنت احترم جيّتك .. وصرت احتقرها ياخوك لجروح الحشى جيت من وين ذكرتنـي هـم السنيـن وقرفـهـا شفني اعاني من هاك الوقت للحين كنـي سجيـن ودمعتـه ماذرفهـا فيني قهر مبطي له اسنين وادنيـن لرتحت نقض لي جروحي وغرفهـا ياليت كل اللي ابي ( جمع ثنتيـن ) تهون عند اللي همومـي صرفهـا او ليتها ( مهنة طموح الملاييـن ) اشقا مثل منهـو شقـا وحترفهـا اللي ابيها ( نـادره بالمزاييـن )ت رعى حقـوق الله وتحفـظ شرفهـا ملباسها حشمه عن مشاهد العيـن مستـورةٍ مابـان منهـا طرفـهـا لامن مشت تستر عن العالم الزيـن تمـر اخوهـا مغطيـه ماعرفـهـا جادل وعاقل كاملـه مابهـا شيـن متابـع الموضـه ابـد ماجرفـهـا فيها دلـع مابـان عنـد البعيديـن من قبل يسرف بي دلعهـا سرفهـا ( لو الترف يورث لنـاسٍ قريبيـن ياكثر حصة بنتهـا مـن ترفهـا ) ماقلت لك للجرح جيت انت من وين ذكرتني هـم السنيـن وقرفهـاااااا لا ملامـه لا تشـره لا عتـاب ماغدى لك شي مفروض يغـدي لا تحاسبني على اسباب الغيـاب في يدك ماصار ماكـان بيـدي لو رجعنـا وابتدينـا بالحسـاب منتهي وياك مـن قبـل ابتـدي كنت اشوفك غير لين القلب ذاب في هواك وصار ماهو بجسـدي وقتها لو لي ولد عمـره شبـاب يمكن احبك كثـر حـب ولـدي لكن اللي غاب .. يوم النور غاب شي يحداني عن ايدينـك حـدي تذكر اللي صار يا مال الذهـاب ليلةٍ ماجيت وامسيـت اوحـدي لا تغرك بسمتي وزيـن الثيـاب داخلي ضايق من الوقت الـردي السؤال اللي بقى مالـه جـواب ياكثر مامر على الجرح النـدي يا معودني على طـرد السـراب وشتبي فيني اليا ضاع جهـدي ؟ صرت انا وياك نشبه للسحـاب لا تجمعنـا تساقطنـا بــردي السحاب اليا تساقط بالاهضـاب يحيي القاع الحزيـن الجرهـدي بس حنا .. لا تساقطنـا عـذاب نكسر القلـب الكبيـر الاجـودي من عذر لاجيت كلي ولـي عـذرٍ سميـن صاحبي وشلون ماجـي ودربـك دلنـي .؟ دام لك في داخل القلـب احسـاس وحنيـن والمشاعـر كلهـا لـك وجـتـك اتلـنـي لاتخاف ان شفـت الايـام عيّـت لاتزيـن دامنـي ويـاك لظـروف وقتـك خلـنـي خلني .. يامخاوي القلب لظـروف السنيـن سيف يدك لاقسـى الوقـت قدمـك سلنـي صاحبي .. ماخفت انا الدرب لو دربي يشين من عرفـت العلـم .. لاذل ولاحـدٍ ذلنـي عزتي هـي تـاج راسـي وبالله مستعيـن وكلمتـي لـلاه دايـم عـسـاي وعلـنـي وعزتك لاصرت انا معك مرفوعـة جبيـن ماتوطـى لـو زمانـي ظـلـم وحتلـنـي اعجبك .. لاعاند الوقـت وعيـا لا يليـن مـا امـل اعنـاد وقتـي قبـل لا يملنـي اعجبك .. وابيك مثلـي الياجيتـك حزيـن بمشكلـه معارضـه جيـت ابيـك تحلنـي لاتقصـر مـع حبيـبٍ يحبـك مرتـيـن مـرةٍ بللتـك الحـب .. ومــره بلـنـي شوف حبك كنت انـا ويـن ودانـي لويـن كنت انا باخـذك كلـك .. واخذنـي كلنـي يتلنـي قلبـي علـى هرجتـك تــل واجي اسولـف لـك ولـو ماسئلتـي كنتي اصغيره .. بس اغلا مـن الكـل كنـت اتامـل خيـر لامـن كملـتـي لكن خساره مانفـع : ياعسـى وعـل صرتي مثل ورده .. كبرتـي وذبلتـي انتـى وصلتـي مرحلـه مالهـا حـل اتفه سبب لا من حصل لـك زعلتـي ان كان قلبك من تعـب عالمـي مـل محـد جبـرك انتـى بكيفـك دخلتـي ابعتبـر نفسـي مـثـل غــاديٍ دل وانتـى معايـه .. مانجحتـي فشلتـي مرضى عليك ولا على نفسـي الـذل اعادلـك بالـروح مهـمـا عملـتـي انا اخير انسان .. فـي حقـك يـزل اموت .. وانتـى بشيمتـي مانخذلتـي انـا عطيتـك مـا تعـذرت بالـقـل وانتـى بقـول الحـق فينـي بخلتـي انـا رسمتـك غيمـةٍ للبشـر ظــل اعـلا مكانـه فـي حياتـي وصلتـي كنتى بمكانـن مرتفـع تحتـك الكـل لكن خساره مـن مكانـك .. نزلتـي صدمه وعدت ولاهي منقصـه قـدري متعوّد اشيـل كثـر الحمـل بمتونـي روحي وخلي .. حياتي وحزني وكدري عيشي حياتك .. وباقي العمر من دوني خيره وجتني وصـار فراقنـا بـدري لـو انهـا خيّبـت قدامـي ضنونـي انتي ورفيقي !!! تخونوني وانا مـدري ماكنت افكر ولـو لحظـه تخونونـي كان بعيوني .. وكنتي انتي بصـدري والحين ابكي على صدري من عيونـي مافيكم اللي عرف من طيبتي غـدري ليه انتـي ويـاه بغيابـي غدرتونـي ياليت رحتي معه في صمت مـا ادري .. فرقاك احسن من اللي شفت بعيوني ياكثر شرهاتي عليـك انـت بالـذات والا علـى غيـرك تراهـا قليـلـه تعبت اجي بسكـات واروح بسكـات ساكـت وانـا متنـي حمولـه ثقيلـه مرات احـس انـي لحالـي ومـرات احـس مسنـود ٍ بجـيـش وقبيـلـه عشت بمتاهه غيـر كـل المتاهـات كانـت مفيـده بـس ماهـي جميلـه عرفت منها كيـف طعـم الخيانـات وشلون ترخصـك النفـوس الذليلـه خسرت .. لاوالله فدتـك الخسـارات ياغـلا مـن الدانـه بعينـن بخيلـه ماقلت لـك قصـة بعيـد المسافـات اللـي معـه بشتـه وسيفـه وخيلـه ضحى بهم منشـان سـود ٍ وسيعـات الله يعيـن اللـي مـفـارق خليـلـه جيتك اشيل من التعب كثـر مافـات طرقي وهـدت سـود الايـام حيلـه خذني من ايديـن الحـزن للمسـرات ليله معـك عـن الـف ليلـه وليلـه صوتك لحاله غير عن كل الاصـوات وش غير ؟ حتى الغير ماهـو مثيلـه غير انت وصوتك غير والشوق مامات وتلومنـي لاجيـت قلـبـي اشيـلـه دايم ترى اهـل القلـوب الحزينـات تنشد عن الغالي وتجـي تشتكـي لـه علاقتـي ويـاك غيـر العـلاقـات لـو كـان ماهـي ياحبيبـي طويلـه اشره على الغالي عليك انت بالـذات والا الرخيص رخيص ماني بجي لـه زهقت انـا منـك كرهتـك ومليـت تعبت مـن شكـك وكثـرة ظنونـك من كثرة اسئلتك احـس استجنيـت ياخي دخيـل الله ذبحنـي جنونـك مليون مره انت في حقـي اخطيـت لو غبت ساعه تفكـر انـي اخونـك وانـا ولا مـره خذلتـك وزلـيـت تخيّل انـي بـس عايـش اصونـك عيني تصير ان ضقت من بيتك البيت وقلبي يصير الكون لاضـاق كونـك واللي صدمنـي لا بغيتـك تخليـت وانا الذي لاضقت واحتجـت عونـك تقول لو تطلب عيوني لـك اعطيـت وش فايدة شوفي حبيبي بدونـك .؟ وطلبت منك شي عـادي وصديـت وشلون لو اني طلبتك عيونـك ؟؟؟ غرتني الدنيا وانـا اصبحـت مغـرور وحطمت قلـب اللـي غمرنـي بطيبـه اصبحت عايش خالي احساس وشعـور ماعـاد افهـم وش حبيـب وحبيـبـه غادي عن الدنيـا لـي ايـام وشهـور صارت حياتـي فـي عيونـي غريبـه ظلام لـف الكـون ماعـاد بـه نـور غربه خذت ثامـر مـن ايـدي نهيبـه بنيت بيني وبيـن نفسـي انـا سـور ابعدت نفسـي وهـذي اكبـر مصيبـه ترى الذي مايسمـع الـراي والشـور كلمـه تـودي بـه وكلمـه تجيـبـه وانا غلطـت وقلـت مانـي بمعـذور ومن يعترف بالحق محـدن يعيبـه !!! وياصاح سامحني اذا جيـت بقصـور مثلـك يسامـح لازعـل مـن قريبـه لو منت غالـي كـان مانـي بمجبـور اجي و ادوّر عنـك مـن بعـد غيبـه اقسـم بـرب البيـت ان لـزمـن دور واني بدونـك عشـت حالـه صعيبـه انام ضايـق اصبـح الصبـح مقهـور تخيّـل ان راسـي بـدا فيـه شيـبـه المسألـه ماهـي قصايـد وجمـهـور ولا هـي بعـد قصـة كرامـه وهيبـه مسرور من هالناحيـه حيـل مسـرور مرتاح في وضعي كـذا ومهتنـي بـه ماهوب اكبـر همـي اصيـر مشهـور كلن بياخـذ مـن كتـب مـن نصيبـه بس انت ارجع لي وانا اكون مشكـور واقلـب يـدي وبوسهـا وابتـدي بـه يومن معك مافيـه شاعـر وجمهـور مافيـه الا بـس حبـيـب وحبيـبـه محتاجلك حيـل والله يقطـع الحاجـه حدتني وجيـت اداري دمعـة عيونـي باين علي التعـب والضيـق وانتاجـه منهار لونـي متغيـر ماهـو بلونـي لقيتـك اللـي يصـد معقـد احجاجـه وانت اقرب الناس والغالي ومضنونـي سكـرت بابـك وقفلـتـه بمـزلاجـه قدام وجهـي وكـل النـاس شافونـي لكن على الله بديـه الضيـق وافراجـه ولا انت الله معك خابت بـك ضنونـي بلاش منك ومـن موقفـك واحراجـه رح واتبع اللي خـذوا منـي وخلونـي من صد عني تـرى مانيـب محتاجـه من دونه اعيش دامه عاش من دونـي وان قـدر الله مـع الايـام نتـواجـه تمـر مثلـك مثـل ناسـن يمـرونـي في عيوني تصير ماتسـوا ولا حاجـه من عقب ماكنت تسوا الناس في عيوني تعال اباخذك عصر ٍ احسه قريب من عصري يضايقني العصر هذا وانا ماني وسيع البـال انا وشلون احبك والاحزام الناسف بخصـري بحبك في زمن كانت فعولـه تثبـت الاقـوال رسايل عشق ينقلها الحمام الزاجل المصـري رسايل مادخلت في عالم الانتـر ولا الجـوال وقصر فاخر على ضفة نهر احلا قصر قصري وحدايق لي على مد النظر متسـوره بجبـال هنا .. لو تجتمع دنياي ماتقدر على حصـري لأني معك والدنيا اضحكة لي والزمن ما مال انا شاعرك واتفاخر بحبك وافـرح بنصـري ولكن اسمع لشاعرك بأخر بيت لك وش قال : حبيبي لا تصدقني وتشري الزاجل المصـري ترى امزح معك خلينا على الجوال راس المال يابنت وجه الخيـر بيّـن ومعـروف لـو ماتكلـم شافـت النـاس خيـره والوجه الاقشر ماهو بحاجة وصـوف يبـان حتـى للعـيـون الضـريـره من عاش يتبع خطوة المال ملهـوف رزقٍ كتبـه الله .. مافـيـه غـيـره الخوف لو ينفع .. نفع صاحب الخوف اللـي علـى حقـه يدينـه قصيـره الضعف ماغيّر قـدر نـاسٍ ضعـوف عاشت صغيره ويوم ماتـت صغيـره كلمة احبك بس مـن اربـع حـروف وتحكي احاسيـس ومشاعـر كثيـره الحب اكبر من سهـر ليـل وطيـوف ماتفهمـه حتـى القلـوب الكسيـره تدرين اصدق حب يطلع من الجـوف حب الفقير اللي عشـق لـه فقيـره احلامهم تكبر مـن ملامـس كفـوف وتكبر من اشواق العشيـر لعشيـره كنه معاها لو على ضلـع مكشـوف داخل قصـر يجمـع اميـر واميـره احساسهم صادق بلا كـذب وزيـوف كلـن يقـول اللـي يريّـح ضميـره احساس طفله عندها العيـد نفنـوف تظـن مـن تلبسـه صـارت كبيـره يابنت انا عانيـت ومرتنـي ظـروف ماريّحـت حتـى العيـون السهيـره وللحين راسي راس وكتوفي كتـوف ماغيّـرت منـي ليـالـي عسـيـره مدام فيني حيـل وعيونـي تشـوف والله معيّشـنـي بحـالـه ستـيـره والله لستقبـل علـى بابـي ضيـوف المصدر: منتدى همسات الغلا ]d,hk hgahuv ehlv afdf ehlv pd,hk  آخر تعديل النازف يوم
12-04-2012 في 09:22 AM.  |
|
12-04-2012, 08:22 AM
| #2 | |
    
 |  | |
| |
|
12-04-2012, 08:24 AM
| #3 | |
| | |
| |
|
12-04-2012, 08:27 AM
| #4 | |
| ولدي لا ملامه لا تشره لا عتاب ماغدى لك شي مفروض يغدي لا تحاسبني على اسباب الغياب في يدك ماصار ماكان بيدي لو رجعنا وابتدينا بالحساب منتهي وياك من قبل ابتدي كنت اشوفك غير لين القلب ذاب في هواك وصار ماهو بجسدي وقتها لو لي ولد عمره شباب يمكن احبك كثر حب ولدي لكن اللي غاب .. يوم النور غاب شي يحداني عن ايدينك حدي تذكر اللي صار يا مال الذهاب ليلة ماجيت وامسيت اوحدي لا تغرك بسمتي وزين الثياب داخلي ضايق من الوقت الردي السؤال اللي بقى ماله جواب ياكثر مامر على الجرح الندي يا معودني على طرد السراب وشتبي فيني اليا ضاع جهدي ؟ صرت انا وياك نشبه للسحاب لا تجمعنا تساقطنا بردي السحاب اليا تساقط بالاهضاب يحيي القاع الحزين الجرهدي بس حنا .. لا تساقطنا عذاب نكسر القلب الكبير الاجودي | |
| |
|
12-04-2012, 08:29 AM
| #5 | |
| لباس العمامه سم بسم الله ياطفل تحلم وارتفع للعز ياراعي الزعامه اقضب الهرجه وللموعد تولم قبل ترقا هامة من فوق هامه صاحبي لاصرت ماتعرف تعلم قبل تلحق لحيتك شرها وملامه ودك الرجال لامنه تكلم يثبت افعاله على موجب كلامه سالفتنا غير عن قلب وتألم لاشكى معذور من لاهب غرامه سالفتنا ضربة استاذ ومعلم شتتت فكر التلاميذ ونظامه لكن اسمع قبل اقول اسلم وسلم كل رجال وله بصمة ابهامه صاحبي بالحق لاتسكت تكلم لاتحسب حساب لباس العمامه | |
| |
|
12-04-2012, 08:32 AM
| #6 | |
| خراب بيوت ياحي والله هذاك الصوت اللى اتصل امس مشتاقي لحظة غيابه تجيب الموت وشلون لو ينوي فراقي ياراكب اللى يسمى حوت اقصاد .. والحال بك ضاقي اركب نبي .. نصيف بيروت لعيون مبرومت الساقي تدري وشنهو خراب بيوت غيابها .. وقطع الارزاقي من عقبها كني بتابوت ماعوض غيابها الباقي اللى اسمها بالحشى منحوت من حبها داخل اعماقي تقول : ان الليالي تفوت وانا انتظر لك على اشواقي ماشفتني .. كاشخه بالبوت امشي .. بثقة واحد هاقي الهيبه ماهي بلبس بشوت غيرتها بعين عشاقي من هيبتي لابست لي كوت هيبة ملك .. مر سواقي قلت : اسكتي والوعد مثبوت بكره اطفي الشوق بعناقي فديت دم الشفايا التوت الموت الاحمر ولا انذاقي خليط سكر على ياقوت صفت ثناياك براقي ياصاحبي .. اركب لبيروت لعيون مبرومت الساقي نمشي على الرجل ولا الحوت ماتفرق ان صرت مشتاقي | |
| |
|
12-04-2012, 08:36 AM
| #7 | |
| قصيدة عبس ياوقت لاتلبس مواعيدنا لبس كم لي وانا خايل واخايل واخايل الكسر حديته على الجبر والجبس والدمع حديته على الخد سايل فل القيود وبطل اقفولة الحبس خل الكويت تعايد اليوم حايل اللي تشاور راعي اللبس باللبس تبا تماريبه بنات الحمايل ام الترف والمبسم السكر الدبس عالت على قلبن لها الحب شايل من يوم ماجتني تحبس الهوى حبس تامر علي ولسانها حيل طايل وشلون تامرني وانا من بني عبس لو يحكي التاريخ فيها قبايل رح قلها لو ريقي من الضما يبس ماني بدور بالرفيق البدايل كان الزمن مايل معي وخاطره عبس ترى الزمن ماهو على طول مايل بكره تغادر ضيقة الصدر والكبس باب الاصايل ينفتح للأصايل تلقا اليدين مكسره قفولة الحبس وتلقا الكويت مصافحه يد حايل | |
| |
|
| الكلمات الدلالية (Tags) |
| الشاعر , ثامر , حيوان , شبيب |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الشاعر ثامر شبيب لا؟؟؟؟؟ | بنت حمران النواظر | (همســـات الــ YouTube) | 7 | 11-05-2014 03:23 AM |
| يابوي لآفترت عظامگ من الشيب من ابدآعآت الشاعر -{ثامر شبيب }- ..~ | رحيل! | (همســــات شعر وشعراء) منقول | 7 | 10-05-2014 05:14 PM |
| الرســآله / ثامر شبيب | بودي | (همســــات شعر وشعراء) منقول | 3 | 03-03-2012 10:18 PM |
| (( غرتني الدنيا )) ثامر شبيب | رحيل! | (همســــات شعر وشعراء) منقول | 7 | 20-01-2011 10:52 AM |
| $$$$ هي الحين..! صارت راعية بيت وام عيال{{ جديد الشاعر ثامر شبيب + شلة $$$$ | عـذبـّةٍ الآطـّبآعِ | (همســــات شعر وشعراء) منقول | 7 | 02-09-2010 05:41 AM |
العرض العادي
