الحمد لله في زحام من النعم

#1 31-07-2022, 09:14 PM

الحمد لله في زحام من النعم

♡▪︎ الحمد لله في زحام من النعم▪︎♡

بقالى ساعة بلف بالعربية عشان ألاقي ماكينة atm فاضية عشان أعرف أسحب فلوس ومش لاقي،،، يا إما عطلااانة يازحمة جداااا..

مشيت كتييير عشان ألاقي وآخر مازهقت لقيت واحدة خفيفة شوية

نزلت متأفف جدا إني هقف في الطابور ..المهم وقفت ...

لاحظت الراجل اللى قدامى حد في أوائل الخمسينات من عمره ومن الطبقة المطحونة...الراجل كان عرقان وجسمه بيتنفض مع إن الجو مش حر ولا حاجة بس ماركزتش اوى معاه ....

بعد شويه لقيته بيقولى " هستأذنك بس تحجزلى المكان عشان مش قادر أقف وخايف اقعد يروح عليا دورى"
فقلت له اتفضل ودورك محجوز....

الراجل قعد على الرصيف اللى جنبي وبدأ ينشف العرق اللى مغرقه ورافع إيديه للسما وبيقول "يارب أنا ماينفعش خالص أعيا،، النهار ده بالذات خد بإيدى بس لحد بكره يارب "

الراجل كان بيتوسل لربنا انه مايتعبش بطريقة لفتت انتباهى ...قربت منه وسألته "أنت كويس؟"

قالى كلمه هزتنى بجد "الحمد لله فى زحام من النعم "

بقوله واضح انك تعبان طيب ماتروح لأقرب دكتور ...

لقيت الراجل عينيه دمعت وهو بيقولى ماينفعش أتعب يا أستاذ دى رفاهيه انا مش أدها ...
أنا زوجتى متوفية من 8 سنين وعندى 4 ولاد كبيرهم فى الكلية ومحتاج مصاريف كليته النهارده ووعدته انى هقبض وأروحله الجامعة أديهم له ...التلاتة التانيين في ثانوى واعدادى وكتر خير والدتى كانت بتراعى ولادي بعد موت مراتي ...

لكن دلوقتي أمى كمان مريضة مرض موت وبراعيها هى وعيالى.

أنا موظف حكومة مرتبى 2700 جنية وبشتغل بعد الضهر عامل توصيل مطعم بألفين جنية وكل ده مش ملاحق على البيت والولاد والدروس ومصاريف علاج والدتي ....

صاحب البيت كاسر عليا إيجار متأخر وآخر معاد النهارده عشان ياخد نص فلوسه بعد محايلات منى ومن الجيران عشان ما يرميش عفشي وأمي المريضة وعيالي في الشارع

أنا وقفت قدام كلام الراجل مش عارف أقول إيه ....

الراجل عنده كل ده وبيقولى"الحمد لله فى زحام من النعم "

وأنا اللى ظروفي أحسن منه مليون مرة متضايق ومخنوق ...كأنه ادانى قلم على وشي وقالى انت جاحد بنعم ربنا ...

المهم بعد ما صرف الفلوس أخدته المستشفي بعد محايلات منى وأصريت أستناه وأوصله بيته بالعربية ...عشان اتفاجئ بمفاجأة أكبر ...

والدته ف التمانين من عمرها وكفيفة وراقدة على فراش الموت وكل كلامها الحمد لله على نعمه والشكر لله على واسع فضله ...

بصيت حواليا أشوف واسع فضل الله اللى بتشكره عليه لقيت بيت عبارة عن دور أرضي حيطانه أكل عليها الزمان وشرب وكله رطوبة

الفرش سريرين ودولاب وكنبتين بلدى وحصيرة ..

لسه ببص حواليا لقيت الباب بيخبط وطلع كلامه حقيقي كان صاحب البيت عاوز فلوسه وداخل يزعق ويتوعد ويهدد بطرده...

المهم بعد تدخل منى ورفض شديد من الراجل المحترم ده اللى علمنى درس عمرى
كان رافض تماما انى أدفع الفلوس بتاعت الإيجار
دفعت الفلوس لصاحب البيت ومعاهم إيجار سنة مقدم وأخدت منه إيصالات الإيجار واديتها له ...

الراجل فضل يعيط زى الأطفال ويقولى " انت طلعتلى منين ؟...أنا طول الليل ما نمتش وعمال أصلى وأدعى ربنا يسترنى وما اتفضحش قدام الجيران في الشارع"

قلتله ربنا عطل لك 4 ماكينات صرافة وزحم 6 ماكينات تانيين عشان يبعتنى ليك
وبعتك انت كمان ليا عشان تعلمنى أتأدب مع ربنا في إبتلائي. ..

الحمد لله في سائر الأحوال

ادعوا الله وأنتم موقنون بالإجابة

مديح

المصدر: منتدى همسات الغلا

hgpl] ggi td .phl lk hgkul lNY H, hgpl] hgkul wdhl td

31-07-2022, 09:52 PM

ذَائِقَة مُتَمَيِّزَة
واختِيَار مُوفَّق
يعطِيكـ العَافِيَة
عَلى هَذَا { الطَّرْح } الجَمِيل
وجَزَاكـ اللهُ خَيرًا
عَلى جُهُودِكـ المُثمِرَة فِي أرْوِقَة المُنتَدَى
‏

31-07-2022, 10:28 PM

ألف شكر لك على الطرح القيّم

بوركت جهودك الرائعة

تحية وامتنان

31-07-2022, 11:57 PM

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
لكـ خالص احترامي

01-08-2022, 04:23 PM

هلا وغلا
اخوتى الغاليين
اسعدنى ان تكونوا هنا فى متصفحي
الروعة والجمال تكمن في روحكم الطاهرة
الروعة والجمال تكمن في مشاعركم الصادقة
للعلم اخوتى لازال نزفكم وردكم يستهويني
فلا تحرموا عيناي من لذة النظر لحرفكم الساحر
الله لاحرمني منكم ولا من وصلكم
ربي يسعدكم أينما كانت وجهتكم
دُمتم في حفظ الرحمن ورعايته
لكم منا
باقات انجوانا
يسلمواااااااااااااااااااااا

القيصر العاشق
البـــــــ مديح آل قطب ــــــــــرنس

01-08-2022, 09:22 PM

سلمت يداك على روعة الطرح
وسلم لنا ذوقك الراقي على جمال الاختيار ..
لك ولحضورك الجميل كل الشكر والتقدير ..
اسأل الباري لك سعادة دائمة ..
ودي وتقديري لسموك
ميوره

02-08-2022, 02:21 AM

مَوْضُوٌعْ فِيٍ قَمّةْ الْرَوُعَهْ
لَطَالمَا كَانَتْ مَواضِيعَكْ مُتمَيّزهَ
لاَ عَدِمَنَا هَذَا الْتّمِيزْ وَ رَوْعَةْ الأخَتِيارْ
دُمتْ لَنَا وَدَامَ تَأَلُقَكْ الْدّائِمْ

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قراءة فى كتاب الإنصاف لابن عبد البر	ابو عبد الله	( همســـــات الإسلامي )	10	16-06-2019 11:03 PM
كيفية إصلاح جفاف اليدين والقدمين والجسم والوجه والشفاه والعاب البشرة	زهرة الياسمين	( همسات عالم حواء)	10	28-03-2015 02:23 PM
تفسير سورة الفاتحة ((( لابن كثير))))	قطرات احزان	(همسات القرآن الكريم وتفسيره )	11	06-09-2013 07:02 PM
إعجازات قرآنية في وظائف جلدية	قطرات احزان	(همسات القرآن الكريم وتفسيره )	10	06-09-2013 06:59 PM
بالحمد تدوم النعم	تحطيم أحلامي	( همســـــات الإسلامي )	7	14-03-2013 12:40 AM

الإهداءات

الحمد لله في زحام من النعم

( همســـــات العام )