البشـآير !

#1 14-02-2012, 08:24 PM

البشـآير !

بشاير
شيب عيني كل ما صاحت بشاير
صاحن جروحٍ وسط قلبي نديّه
لا لمحت الدمع وسط العين حاير
ضاق وسع الكون يا يمّا عليّه
من عزيزٍ علّته باقصى الضماير
تنتل عروق الحشا صبْح وعشيّه
واعذابي كل ما صبّحت زاير
ينكوي قلبي ولا مليون كيّه
من لحم جسمه تغذّى كل واير
حيّه عروقه ولا هي صدْق حيّه
واوجودي وجد من سوى الكباير
من قبل توبته وافتْه المنيّه
ما نفَعْه بوقتها هل العباير
بين سكراته يصارع كل سيّه
أو وجود اللي من الاعدام ناير
ذابحٍ أخوه والذمه بريه
صوّب الرشاش ثمن جاه طاير
حرقته بالروح حرقه داخليّه
وإلا أنا مالي سوى مزّ الزقاير
أشرب الدخان وآعن المطيّه
يالله إنك لا تعاقب فالصغاير
ضاعت الحيله وأنا كلي أسيّه
رحمتك يارب كان الوقت جاير
ما حدٍ غيرك دعيته بالمسيّه
تشفي الغالي وأنا أسوق البشاير
طالبك يا خالقٍ كل البريّه
ضاعت افراحي وأنا اطالع بشاير
عجّل برحمتْك فرّجها عليه

للشـآعـر :
خـآلد الموؤيهـآن .< ي لبـى :>
المصدر: منتدى همسات الغلا

hgfaJNdv !