ياريحة الجنه اشم اليوم حناك

أتصدّقين كل ما قبّلت كفّ عجوزٍ أشم رائحة الحناء وأذكرك يا رائحة الجنه
فـ كل جميل لا يليق إلا لك ِوبكِ يزهو المكان ومعكِ يحلو التحليق خارج سرب الفقد حينما أشمّ رائحتك ..!

أمّاه مهما كبر بداخلي شعور اليأس وعجزي عن تحقيقي أعدك سأمضي قدماً بلا أقدام على أصابعي ..!

يا ريحة الجنه أشمّ اليوم حنّاك
في كفّ غيرك لا حشى ماهو يْليق

ياللي ألمّ الشوق لاهبّ ذكراك
وأحتاج لك بالفرْح أوحزة الضيق

منهو يقول بيوم بعتاد فرقاك
ما سدّ منزلتك جميع المخاليق

حتى الحنين اللي عجز يوم ينساك
جر ّبغيابك موجعات الطواريق

صرت أكتبك أشعار والناس تقراك
وبعض الحقايق صدْق تحتاج تشقيق

أتذكّرك وأشمشم اشياك واشياك:
كنها لعطشانك حلا بلّة الريق

أتنفسك وأشتاق لك دوم وألقاك
موتك لمن يدراك ما اظنّه يعيق

الله يخّلي من تنّكر وخلاّك
ياللي رقيتي عاليات الشواهيق

الله يعذّب من تناسى وصاياك
دام الوصايا تطلب اليوم تحقيق

الله يجلّي من تجرّا وجلاّك
وأنتي مابين العاريات المفاهيق

والله يضيّع من يضيّع بقاياك
يا راسخه فيني مثل حطّة طويق

والله يسامح من تزّين بحنّاك
بكفوف غيرك لا حشى ماهو يليق


اليكم القصيده
كلمات : حنان العجمي
أداء مميز من: مُنشد ( آحمد الرشيدي)