الحب الخالد قصة في فصول الفصل الاول

بسم الله الرحمن الرحيم
وبه نستعين
الحب الخالد
الفصل الاول
بطل قصتنا الدكتور هاشم من مواليد آوآخر الستينات من القرن العشرين فى مدينة شندي ؟ والده الحاج محمد مدرس لغة عربية من الذين درسوا فى بخت الرضا ؟ ترعرع الدكتور هاشم فى شندي ارض المهد ذات التاريخ العريق الحافل باالبطولات التى سطرها رجالها البواسل حتى الصف التاني ابتدائي ؟ ثم تم نقل والده للعمل فى الرصيرص حيث ارض مملكة الفونج بلد الملك بادي ابوشلوخ دولة الاسلام الاولى فى السودان ؟ وهناك تعرف الدكتور هاشم على طبيعة الارض الساحرة وفنون اهلها السمر ؟ وبعد ثلاثة سنوات نقل والده للعمل فى جنوب الوطن الي جوبا الخلابة وهناك عاش اجمل سنوات عمره حيث الخضرة فى كل مكان واشجار المنقة التى تملا كل شبر من ارض جوبا وضواحيها ؟ ومنها تم نقل والده الى كسلا شرق السودان لمد عام من اجل تاسيس مكتب تعليم خاص باللغة العربية ومن هناك ؟ تم نقله الى اواسط السودان والى منطقة كردفان بلد الجمال والبطولات المشرقة حيث شيكان تاج بطولات السودان ومهد تحرير الوطن السودان من ايدى المستعمر ؟ انها بلد اهل كل السودان حيث تجد فيها كل اجناس شعب السودان ؟ الشايقي والدنقلاوي والدنكاوي والشرقاوي والفوراوي وكل هؤلاء هم اساس كردفان ؟ من تلك الثقافات الاصيلة تشكلت شخصية الدكتور هاشم لهذا كان يقول دوما لكل من يجالسه انا وبكل فخر ابن السوادن الكبير من شماله ومن جنوبه ومن شرقه ومن غربه ومن وسطه ؟ ومن كردفان كان يسافر والده الى غرب السودان لانه اصبح مفتش تعليم ومشرف على مكاتب التعليم فى دارفور الفاشر ونيالا والجنينة ؟ وفى خور طقت العريقة اكمل الدكتور هاشم الثانوية ومنها الى جامعة الخرطوم كلية الطب اكمل تعليمه الجامعي وتخرج طبيب امتياز ؟ وعمل لمدة خمسة سنوات فى اغلب مستشفيات السودان المختلفة ولاانه عاش فى تلك المناطق فكان عمله اعادة لذكريات الطفولة والصبا ؟ وبعد فترة العمل بعث الى بريطانيا للتخصص ؟ وحتى تلك الفترة لم يتزوج رغم الحاح ابوه وامه ولكن كان عذره هو يريد ان يتخصص ؟ وكانت فترته فى لندن قد فتحت افاق جديدة عليه فى المعرفة والعلوم ولكنه كان متسلح بقيمه السمحة الاصيلة والتى كان قد اكتسبها من خلال طفولته ودراسته فى بقاع السودان المختلفة وايضاً فترة عمله فى مستشفيات السودان باالمدن والارياف ؟ وكانت فترة لندن علم ؟ وكان فى كل شهر يعمل ندوة الى الطلاب من السودان وزملاءه من عدة بلدان آخرى عربية وافرايقية واروبية ؟ وكان فى تلك الندوات يشرح مناخ السودان لهم وطبيعة اهله وكان هناك ايضاً بعض زملاءه من الطلاب الانجليز الذين عمل اباهم فى السودان ومنهم من زار السودان ؟ وحتى بعض زملاءه من ابناء السودان كانوا يستفيدون من تلك الندوات لاانهم لم يحظوا بمثل تلك التجربة الحية التى عاشها هو فى مناطق السودان ؟ وبعد مرور اربعة سنوات دراسة نال شهادة التخصص ونال ايضاً صداقات من اغلب زملاءه الذين درسو معه من مختلف دول العالم عاد للوطن دكتور كبير متخصص ؟ وقال له والده اها خلاص ياوالدى بعد دا الزواج اخواتك اتنين اتزوجن واخوك مصطفى خلاص كلها خمسة شهور ويتزوج اها رايك شنو نخلي زواجكم واحد وطبعا امه كانت موجودة ؟ طوالى قالت برى بدوا اولادي عين خليه يكون زواجو يا قبل اخوه او وبعده ؟ وقال الدكتور هاشم خلاص يمة بعد زواج اخوي مصطفى طوالى بتزوج انا ؟ وتساله امه اها يا والدي عندك عروسة ولا انا افتش ليك واحدة ؟ ويرد الدكتور هاشم كدى خليها حسع بعد زواج مصطفى نشوف ؟ ويتدخل والده والله كلام الحاجة امك هو عين العقل ؟ ويقول الدكتور هاشم لوالده طيب ياابوي كل شى فى اوانه ؟ وهنا تذكر الدكتور هاشم زميلته فى الجامعة والتى كانت تاخذ منه المحاضرات التى لم تحضرها وكانت حتي التخرج لم تتزوج وعند عودته سال عنها وعرف انها الان تعمل فى احد المستشفيات الخاصة تخصص نساء وولادة ولم تتزوج حتى الان وخطرت فى باله فكرة الاتصال بها والسوال عن احوالها ان شاء الله لو كان فى العمر بقية نكمل