 الإهداءات | |
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
02-02-2012, 02:32 PM
| ||||||||||
| ||||||||||
 مهمومه ومتضايقه ......................... السلام عليكم ورحمة الله وبركاته خواتي اليوووم موضوووعي غيررر غيرررر،، صدق اللي تحس عمرها مظايقه وحزينه او فخاطرها شي وما تحقق او مهمومه او اي شي،، فبقولها عزيزتي ما غلطتي يوم دخلتي موضوعي لانك صدق بتستفيدين وما بتطلعين الا وانتي مستانسه وبتحسين هموم الدنيا طاحت عنك،، كلنا ناس وكلنا لنا حاجاات ونمر فابتلاءات وفمشاكل وضغوط هالحياة وصدمات من ناس ومواقف تخلينا صدق نتعب ونهتم ونسكن الحزن قلوبنا،، بس عزيزتي اللي تقرين كلماتي الحين بعطيييك اشاااارات وخطوات اعتبريها شرات الدواء،، وتحتاجينه صدقيني علشان يتحققلك اللي فبالك،، كلمات وعبارات ارسلها لك من قلبي،، وكلي ثقه انها بتوصل قلبك وبتدخله علطوووول وبتسكنه،، وكلامي مب من هوى،، بالعكس من تجارب ناس حقيقيه،، حاولت قد ما اقدر اجمعهن فموضوع واحد،، لاني صدق صدق اشوفنا محتاجين له،،، خواتي: اللي عندها مشكله،، واللي تعاني من زوجها،، واللي تبى تحمل،، واللي تبى تنجح وتتخرج،، واللي تبى الرزق،، واللي تبى ربي يصلح امورها،، واللي تبى ربي يحققلها اللي فبالها واللي تبي الزوج الصالح واللي واللي ،،، الخ تعالي ويايه وانا ابصم لك بتحققين اللي تبينه ،، والطريقه وايد سهله،،، جربي طريقتي وبتلاحظين من اول يوم فرق واااااااظح فحياتك،،، يالله بنبدأ،،،، أول شي عزيزتي اباك تسجدين الحين شكر وحمدلله رب العالمين،، انه رزقك بنعمة الاسلام ورزقك هالبلاء او هالمشكله علشان يشوف صبرك ويصلح لك حالك ولا تنسين اكيد اشتاقلك ملك الملوووك،،، واباج تسترخين استرخاااء تام ووتنسين انج من اهل الدنيا،، حديثنا اليوووم غيررر حديث روووح وهمسات قلب وأنين ضمييير يشتكي ،،، كلنا نذنب ونعصي وكلنا نغلط،، وربي يقووول بما فيه معناه،، لو كانو الناس ما يذنبون،، جان ربي ياب قوووم غيرنا يذنبون فيستغفر لهم،، والله لهالكلام سلوى للخاطرررر و لو نعرف شوقه إلينا و إلى عودتنا لذبنا شوقا إليه و لعضضنا أصابعنا حتى يسيل منها الدم ندما على ما فرطنا في جنبه ملك الملوك أوحى الله لداود " يا داود لو يعلم المدبرون عنى شوقى لعودتهم ورغبتى فى توبتهم لذابو شوقا إليه يا داود هذه رغبتى فى المدبرين عنى فكيف محبتى فى المقبلين عليه " عززيزتي،، تعالي عيشي ويايه يوم واحد وجربيه وشوفي شقايل بتغير حياتج،،، تعااالي ويايه هاتي اييييدك لاتخافين اوعدك ما تنزل دموعك لانك اخترتي تقرعين باب السماء باب ملك الملوك رب العالمين تعاااااااااالي غناتي اختيه الغاليه،، جربي ويايه نرقد من وقت الساعه 10 بليل،، وخلينا ننوي نقوم الليل لا تقولين صعبه،، سهله والله اذا عندك عيال رقديهم من وقت ورقدي وياهم،، خلونا شوي بعيد عن السهر والافلام والانترنت،،، شو رايك تظبطين مبايلك وتقومين الساعه 2 ونص،، لا تقولين وايد من وقت،، نحن رقدنا اربع ساعات ونص،، ولا تنسين انه نحن اصحااااب حاجاااات نحتاج ربنا فهالووووووقت،،، ربي ينزل فالثلث الاخير في ليل ويقول هل من تائب فاغفر له وهل من سائل فاعطيه وهل من داعي فاستجيب له ،، احلى شي الليل يشهد بقصص التائبين ودموع المكروبين وفرح المهمومين بفرجهم،، كوني منهم عزززززيزتي،،، خلينا نصلي قد ما نقدر ونطول فالقيام لحد الساعه 3 وربع ويفظل لو تقرين سورة البقره فقيام الليل مفعووولها عجيب فالبركه والراحه النفسيه وتخوووز عنج العين والحسد والسحر وكل شيء سبحان الله،،، وخلو ثلث ساعه ندعي وهنيه احلى ى ى ى شي،، ربي فوووقك علطووول والملائكه حولللليييك،، حتى اني احيانا والله افتح دريشه واتريا اسمع صياح الديج ويصيح وايد هالوقت لانه يشوف الملائكه وقت السحر وهذا وقت فظيييل لدعاء،، اتذكر وحده من الاخوات تقول،، انها تسوي لنفسها اجواء وهي تصلي قيام الليل تسكر الاضواء وتشغل الابجوره وترتب الغرفه وتخليها اجواء فنتكه علشان تتهيأ عدل للصلاه،، لا تصتغرون هالشي،، سبحان الله حتى يمكن ملك مار عندك ويرفع دعوتك،، اصلن يكفي انه ربي قريب عليك ويسمع دعائك ادعيه من قلب وصيحي فظفظي له اشكيله حالك خبرييييه،، اتركي الشكوى للناس،، اقرعي باب ملك الملووووك،، لج حاجه والناس صدووج،، تبين تحملين تبين زوج صالح تبين أي شي،، ماشي مستحيل ويا ملك الملوووك ،، ادعيه باللي تبينه صيحي وحاول تصيحين واظهري افتقارك ،، ربي يسمعك ويفرح بعودتك صدقيني بيتحقق ثقي فهالشي ربك يقووول انا عند حسن ظن عبدي بي،،يقول الله عز وجل "إنى لأجدنى أستحى من عبدى يرفع الى يديه يقول يارب يارب فأردهما فتقول الملائكة الى هنا إنه ليس أهلا لتغفر له فأقول ولكنى أهل التقوى وأهل المغفرة أشهدكم إنى قد غفرت لعبدى" ناجيييييييييييييييي ملك الملوك اللي يغضب اذا ترك سؤاله،،، الزمي الدعاء وكثريه صدقيني يا ما يشهد الثلث الاخير من الليل عن قصص اللي انفرجت محنتهم وتحققلهم اللي فبالهم،،، المسلم يسأل الله تعالى من فضله، فهو يعلم أن الله تعالى يريب إليه، ويدفع عنه، وان الدعاء يفع مما نزل ومما لم ينزل وان البلاء لينزل ويلقاه الدعاء، ويعتلجان إلى يوم القيامة. يقول حكيم: ليس بفقيه من كان له عند الله حاجه ولا يقوم الليل"،، الله خلصتي الدعاء وصحتي وطلعتي كل اللي فخاطرك وانتي متيقنه لنه ربك بيستجيب،، طيحي عسجاتدك عجنبك اليمين ويلسي استغفري باصابعك عندك نص ساعه تقريبا لين يأذن الفجر استغفري وااااااايد ربك يقول " والمستغفرين بالاسحار " كثررري وايد صدقيني الاستغفار سبب فتحقيق الآمال،، ويفتح الاقفال شكت امراه اشيخ انها ما تحمل قالها الزمي قيام الليل والاستغفار في الاسحار،، فوالله ما ما مر الا 15 يوم وهي تشعر بآلام ولما كشفت وجدت نفسها حامممممل سبحانك يالله،، لا ترد من سألك ما اعظمك،،،بنسويلنا نظام بعد كلاة صلاة بنستغفر 200 مره بيكون المجموع كل يوم 1000 استغفار اظافه لاستغفار الاسحار ،، يالله شكثررر روووعه،،، اتحداج ربي ما يفرجها،، يقول الرسول صلى الله عليه وسلم" من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب،، أذن الفجر ،، الله شعور جميل نردد ورا الاذان ونرد نكرر بعض الادعيه اللي نحتاجه مره 2،، لا بأس نحن محتاجين نلزم الدعاء ونكررره فكل وقت ونصلي الفجر،، ونقرا اذكار الصباح والمساء تعطيك بركه وقوه وتفتح لك زرق،، وبتلقينها فكتاب حصن المسلم تقدرين تشترينه من تسجيلات او مكتبه ،، وفيه ادعيه لكل شي للكرب وللاستخاره ولدخول البيت ولكل شي ايي عبالج،، واذا قدرتي لا ترقدين لحد شروق الشمس واستغلي الوقت بالاستغفار والتسبيح وصلي ركعتين وبيكون لج أجر حجه وعمره تامه تامه ،، يقول الرسول -صلى الله عليه وسلم : (( من صلى الصبح في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة )) والحين ارهقتي صح،، ألله وطي راسك عالمخده وارقدي وشوفي شقايلل بيكون شعورج براااحه وانتي شكيتي ودعيتي لملك الملوووك وتترييين ربي بس يقول كن فيكووون،، وشوفي الاحلام شحلاتها اللي بتشوفينها روووعه،،، وقومي عيشي حياتك طووول اليوم بين صلاه واستغفار واطلعي واستانسي واظحكي وعيشي حياتك قحصي فالمولات واللي تبينه،، ماشي وقت للهم وللحزن ولا الظيج،، ربي بيفرج كل شي،،، صلي الظحى وتقربي لله بنوافل ولا تنسين الوتر حافظي على سورة يس قبل ما ترقدين،، لانك اذا قريتيها فليله بنية خالصه لوجه الله اصبحتي مغفوووور لك،، يالله عرظ مغررررررررري روعه،، يكفي انه القرآن يشرح الصدر والبااااااااال الزمي ركعتين حاجه كل يوم فأي وقت وداومي عليها ربي ما بيخيب ظننننك،،، الزم دعاء ذي النون" لا إله إلا انت سبحانك إني كنت من الظالمين" لا تنسين الرسوول قال من دعاه به وهو في كرب استجيب له،، لا تنسين صدقه مفعولها سحرررررررررررري ،،، واتصدقي وادعي ربج انج تصدقتي بنية ربي يرظى عليه وتقربي بدعائك له باعمالك الصالحه مثل ما سوو أهل الكهف،، والكل يعرف قصتهم،، عزيزتي هذا اللي كتبته بين سطوري وهذي خلاصة تجربها عشتها واتريا ربي يفرج همي وكربي،، وخلاصة ما وصى به الرسول صلى الله وعليه وسلم وتجارب ناس اللي صدق عاشوها وعرفو انه " ومن اعرض عن ذكري فإن له معيشة ضنكا " ربي ابتلانا واشتاق يسمع صوتنا فدعااااااااااء،، رجعووو لربنا بكل قوووووه واصرار والزمو دعااااء ثم دعاااء ثم دعااااااء واللي عندها والديها دعائهم مستجااااااب احرصي عهالشي،،، حتى لو تبينهم ما يعرفون دعائك قوليلهم بس قووولو آمييين ،، وعقب ادعي بلي تبينه فداخلك،، وخلي الأطفال يدعوون لك ،، الاطفال ما عندهم ذنوووب صغااار،، خليهم يدعون لك،، ربك ما تعرفين دعوه تصادف وقت استجابه وتنرفع وتكون سبب فانفراج محنتك وكربتك،،، ولازم نصفي قلوبنا صوب كل الناس ونرد الحقوق لاصحابها ونتسامح من اللي غلطنا عليهم وما نغتاب حد،، ترا كل هالاسباب سبب فاستجابة دعاء،، وما نستعجل اهم شي وربي يفرج همومنا وكروبنا ويحقق لنا اللي فبالنا عاجلا غير آجل لاإله إلا انت سبحانك إني كنت من الظالمين،، واسمحوووولي خواتي طولت عليكن،،، وكلنا موجودين هنيه فهالموضوووع وبنشجع بعض خواتي،، وبنتواصل بدعاااااء،، بس صدق والله يا خواتي حطي هالمعادله فبالك: الدعاء+ قيام الليل+ الاستغفار+ الصدقه + حسن الظن بالله = فرج فرج فرج وتحقيق للآمال ورضى ملك الملوووك وما تخييييلن كيف اهداءات رب العالمين عالصبر عالمصيبه،، الله عظييييم فما بالك كيف بيكون جزاءه واهدائه لك،، حتى بتنفرج محنتك وفوووقها اشياء ما توقعينها من رزق وخير وبركه،، وفي ذلك فليتنافس المتنافسووون.... موضوع من تصفحي ودعواتكن خواتي ربي يفرج كربي ويحققلي اللي فبالي ،،وجعلها الله من اهل الفردوس الاعلى يارب اللي بتنشر الموضوووع ،، اللهم آمين والحمدالله رب العالمين،،، اختكم في الله ..... منقووووووووووول للامانة المصدر: منتدى همسات الغلا lil,li ,ljqhdri >>>>>>>>>>>>>>>>>>>>>>>>> lil,li  |
|
02-02-2012, 06:07 PM
| #2 | |
 
 |  والهي كلامك عسسسل, لما قرأته شعرت براحة نفسية بداخلي , يسلمووااا كتيير على هذا الموضوع , وأن شاء الله احاول تطبيق كل ما كتبته .  | |
| |
|
02-02-2012, 06:58 PM
| #3 | |
 
| عروقي تحتويك طرح رائع ومفيد يعطيك العافية على الطرح في ميزان اعمالك ان شاءلله | |
  سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْك  |
|
02-02-2012, 09:16 PM
| #5 | |
 
| اقتباس: المشاركة الأصلية كتبت بواسطة كوناتا تشان  والهي كلامك عسسسل, لما قرأته شعرت براحة نفسية بداخلي , يسلمووااا كتيير على هذا الموضوع , وأن شاء الله احاول تطبيق كل ما كتبته . اسعدنى مرورك العطر انشاء الله اطبقين الكلام وتعلمينى النتيجه | |
| |
|
02-02-2012, 09:18 PM
| #6 | |
| اقتباس: المشاركة الأصلية كتبت بواسطة ماعاد لي خاطر عروقي تحتويك طرح رائع ومفيد يعطيك العافية على الطرح في ميزان اعمالك ان شاءلله اللهم امييييييييييييييييييييين شكراااااااا كثيرا عزيزى على هذا المرور الطيب وربي يتقبل مننا جميعا صالح الاعمال ويهدنا دائما لما يحبه ويرضاه.  | |
| |
|
02-02-2012, 09:20 PM
| #7 | |
| اقتباس: المشاركة الأصلية كتبت بواسطة معاند الجرح نصايح روعه وحلوه حيل تسلمين عروقي اسعدت كثيييييييييرا بهذا الرد الطيب عزيزى جزاك الله كل خير . | |
| |
|
| الكلمات الدلالية (Tags) |
| ......................... , مهمومه , ومتضايقه |
| |
العرض العادي
