|
#1
04-12-2021, 07:57 PM
| |||||||||||||
| |||||||||||||
 وكسة الحبشــــة الحدوتة النهاردة تأتيكم برعاية الحكمة القائلة "يا نحلة لا تقرصينى ولا عاوز عسل منك " وأبطالها الحقيقيين الطمع والأستهتار اما ضحاياها كالعادة فـ .. ناس مننا من المصريين الغلابة يعنى اللى لا عرفوا راحوا ليه ولا ماتوا ليه ومختاروش اولها ولا آخرها ويحكى ان الخديوى سماعين قرر ف ليلة انبساط انه يفتح اراضى جديدة ف السوادن ويضمها لمصر ويتوسع اكتر ما كان جده عامل وانتوا عارفين طبعا ان الحاج محمد على سنكفولة ضم السودان لمصر مع الشام وغيرها وبعد ما زعل اروبا وتركيا قصقصوله ريشه وقعدوا يزحزحوه يزحزحوه لحد ما لموه ف حدود بعينها وقالوله استوب انتا واولادك واحفادك على كدا لحد ما جه اسماعيل افندى وغير المعادلة قليلا  لأن الجدع عرف من أين تؤكل الكتف وازاى يرضى اسياده ف الاستانة وف اروبا وطقت ف دماغه يتوسع ف السودان وفعلا هيضم مناطق اكتر من اللى كانت من قبل وبعدين هيقرر ياخد الصومال بالمرة وفعلا يبعت جيشه ويستولى عليها بموائمات مع الطامعين فيها لكن يفضله حد مش موافق مين اللى مش عاجبه يا شهرو ؟؟ اثيوبيا حضرتك  الجماعة ف الحبشة مكنوش موافقين بالمرة وكانوا مضايقين من توسعات الخديوى اسماعيل خصوصا لما حضرته ضم سواكن ومصوع لمصر واخد حتة اسمها سنهيت ف اقليم البوغوس وملك الحبشة تيودورس اتشال واتهبد وقال حديد وبعيد سنهيت دى تبعنا احنا وبيقولوا ان تيودورس اعلن بشكل واضح رفضه والعلاقات توترت بين مصر والحبشة وزاد وغطى لما الخديوى اسماعيل ساعد الانجليز وسمح لقواتهم بالتوغل ف اراضى السودان عشان يوصلوا للحبشة ويأدبوا سى تيودورس اللى زعل ناس من رعاياهم واعتدى على قوافلهم افلام كدا المهم وبالمختصر ابو توفيق غلط ودخل نفسه ف عركة بين دولتين ووقال ينول رضا الأروبيين والتراكوة وبالمرة اهو يكيد ملك اثيوبيا ف السكة كدا #غياظ من يومه القصد .. العركة خلصت بفوز الانجليز طبعا وانقتل تيودورس ومسك مكانه خصمه اللدود .. يوحنا وبيكتبوها ساعات يوحناس او يوحنس او يوهانس وأى كان اسمه بيتنطق ولا بيتكتب ازاى فاحنا لنا ... هنا ... وقفففففة عشان الجدع دا له حيثية وشخصية وهيعلم علينا تعليمة محترمة يا ثااااامح الحاج يوحنا او يوحناس او يوحنس او يوهانس .. الخ حكم اثيوبيا من 1872 لحد 1889 وكان بالنسبة لشعبه بطل وكان من القابه على سبيل المثال لا الحصر أسد يهوذا المنتصر ملك صهيون ملك ملوك إثيوبيا ومختار الرب وملك ملوك اثيوبيا بقى سى يوحناس هيمسك العرش من هنا ويبتدى يظهر العداء الواضح لمصر وحكومتها وخديويها من هنا ولا هامه حاجة أسد بقى بينما على مسرح الاحداث هتظهر شخصية من الشخصيات اللى بيقول المؤرخين انها غرقت الخديوى وعملتله البحر طحينة ومين بتاع الطحينة دا يا شهرو ؟؟ دا اللى اسمه منزنجر باشا المصدر: منتدى همسات الغلا ,;sm hgpfaJJJJm   آخر تعديل باربي يوم
04-12-2021 في 11:11 PM.  |
|
04-12-2021, 07:58 PM
| #2 | |
 
 | طرح في قمه الروعه والجمال سلمت اناملك ويعطيك ربي العافيه علي مجهودك في انتظار المزيدمن عطائك والمزيد من مواضيعك الرائعة والجميله | |
| فـي كفّهـا خاتـم وفـي خدّهـا خـال وفي عينهـا غيـم وعمـارات وبيـوت !! الخال شفته واضـحٍ مـن ورا الشـال والخاتـم المـاس المرصـع بيـاقـوت ماهي تشوف الشمس من ظل لــ/ ظـلال ومصيافهـا مابيـن لـنـدن وبـيـروت ومن صغر مبسمها شكى حالهـا الحـال ما تاكـل الإ اللـوز والخـوخ والتـوت!! :: |
|
05-12-2021, 02:59 AM
| #5 | |
|
 | يعطيك العافية على طرحك الرائع وجزاك الله خير الجزاء  | |
|   مثل المطر جَيِّتكـ حتى قليلكـ بهـ حياة  |
|
05-12-2021, 08:05 AM
| #6 | |
 
| طررح يفوق آلجمآل , كعآدتك إبدآع في صفحآتك , يعطيك آلعآفيـه يَ رب , وبِ إنتظآر المزيد من هذآ الفيض , لقلبك السعآده والفـ | |
   |
|
06-12-2021, 01:30 PM
| #7 | |
| مَوْضُوٌعْ فِيٍ قَمّةْ الْرَوُعَهْ لَطَالمَا كَانَتْ مَواضِيعَكْ مُتمَيّزهَ لاَ عَدِمَنَا هَذَا الْتّمِيزْ وَ رَوْعَةْ الأخَتِيارْ دُمتْ لَنَا وَدَامَ تَأَلُقَكْ الْدّائِمْ | |
.gif) |
 |
| الكلمات الدلالية (Tags) |
| الحبشــــة , نكسب |
| |
العرض العادي
