عايز ابقى شاعر

#1 03-11-2021, 08:57 PM

عايز ابقى شاعر

عايز ابقى شاعر

عايز ابقى شاعر
واقول كلام محدش قالوا قَبلي
وامشي يشاوروا بأيديهم
ويقولوا دا ولد قِبلي

جنوبي
ومادد جذري في توبي
الجلابيه بلدي وشالي جَلَدي

وكل حرف فيكي يا دنيا طاب لي
ما تدقوا طبلي
وخلوا مزمارنا يِسَمَع
زرعة الوادي وجبلي

يا دنيا وماشيه بكيفك
ومعليه كل واطي
والشريف يطاطي علشان
ما تسوي في يوم شريفك
يا دنيا وذلانا برغيفك
وناسيه إن الرب عاطي
وعدله ميزان يمحي حيفك وزيفك
وياما سألته في جوف الليالي عدله
وحقي جاب لي

عايز ابقى شاعر
واقول كلام محدش قالوا قبلي

سبحانه
معروف بعدله وميزانه
وكل مكتوب بيجيلك فى اوانه
حتى اللي امنوا
واللى هانوا واللى خانوا
واللي دبحوا في عز الفرحه حلمي
واللي شالوا عني حملي
متفصلين فى توبي
وكل واحد في مكانه خيوط وملضومه
مابين وقعه وبين قومه
وبين فرحة قلبي فى دقه
وبين دقات بتبكي همومه

توبي ومتفصل على قدي
على قد راحتي وسعادتي
وعلى قد شقاي وكدي
وياما قالوا الدنيا تاخد
وياما قالوا الدنيا تدي

وانا صعيدي وواخد خيوط توبي
من توب جدي
خليفه والخليفه فى توبها نضيفه
واسمع كلام اللى يسامرني
ومن حروفه اعرف صدقه
من كدبه وزيفه
واعرف الدمعه الخبيثه
وياما بكتني دمعه شريفه

ويا نخل على راس الغيطان
والهوى بيلاعب جريدك
مين داق من سباطك رطب
من غير ما تجرحه شوكة جريدك
انا ياما سهرت الليالي
علشان اشوف طلعك
وطلعك عالى على اللي فى الهوى يريدك
وياللي عاشق كلامي اسمعني
هزيدك

انا اصلا مليش في الشعر

مليش في الشعر والابيات
ولا لحن القصيده ولا بحورها

مليش في فرحة البدايات
ولا نهايه بتدور علي دورها

انا يدوب حروف بتبات
تنادي في عتمة الاحلام نورها

مليش في الوزن والتفاعيل
مليش في العين ان قالت ليل
ولو طلع في الكلام مواويل
اكيد هتميل الكلمه علي جذورها

معروف اصل الكلام والفصل
ولا لينا في التقليد واحنا الاصل
وياريتنا بالقصايد نولنا الوصل
يا بلاد بعيده ومعلين سورها

مليش في القهر ولا احساسه
ولا بيعته ولا اشتريت ناسه
وحداني وحنين قلبي وناسه
وعقلي في راسي بيوزنها

وطول ليله شوقي مخاويني
واخدني معاه وبناره كاويني
وانا سنيني قصاد عيني
بتفصل همومي علي دموعها

يا حروف عاصيه وعاصياني
البحور قاسيه وحارماني
وعلي شطوط هواكي حِرماني
ولا رماني فى جنه اشوف حورها

مليش في الشعر اي قصيده
مع ان الهوى حكايات بتتغنى
وانا عمري عدى ولا استنى
ولا شاف دمعتي سعيده
ولا سألها ولا م الخدود شالها
وسابها غرقانه على خدودها

ومن جنبها اهو مر وفات
مليش في الشعر والابيات
ولا تبات حروفي في اوجاعها
ولا تشهد علينا في الروايات
اشعار احنا اللى كاتبينها

انا سايب للقصيد ناسه
خدوا فرحه واحساسه
والكل داوى من الهوى جرحه
والوجع ساب لي

عايز ابقى شاعر واقول كلام
محدش قالوا قبلي

ياسر ابراهيم خليفه

المصدر: منتدى همسات الغلا

uhd. hfrn ahuv ahuv

03-11-2021, 09:03 PM

شاعرنا المبدع ياسر ابراهيم
حرف جميل خلاب
لاحرمنا منك آبدآ..
ولآمن ابدآعك..
بآنتظار جديدك المتميز
دمت بسعآدهـ
مودتي واحترامي
تقييم ختم ونشر

03-11-2021, 09:26 PM

‏‎حروفك جميله ومميزه
‏‎تسلم آناملك
‏‎سنبقى نترقب دومآ جديدك
‏‎لروحك باقة من الورد

03-11-2021, 10:04 PM

أهلاً وسهلاً بصعيد مصر تصدق ياسر
اني سافرت للصعيد ورحت لقنا
واسوان وسوهاج والفيوم
ياسر ابو ابراهيم
أه داه الجمال دا كله وتقول عاوز اكون شاعر
خليت أه بقى ياسر
أخي ياسر بحر عميق وشاعرنا المحبوب
وفيت وكفيت ابن النيل وابن مصر العظمى
ماشاء الله عليك صح لسانك وعلا شانك
حبيبنا ياسر المحبوب وابيات شوق
وعز وفخر لمصر والأجداد مصر الحب كله
مصر الحضارات
مافيش كلمات نقولها ياسر اكلتها علينا
ياعز غالي وتراني احب المزح كثير
والله يديم المحبة بيننا جميعاً

03-11-2021, 10:49 PM

من جمال صياغة كلماتك وافكارك وقفت مشاعري حائرة وصمتت حروفي فكيف يُرد على هكذا فن راقي يالِــجمال ما تراه عيناي هززت كياني وزلزلت ما كان راكدا منذ سنين لك من قلبي كل الود و الاحترام على جمال ابداعك

03-11-2021, 11:04 PM

الله الله يامبدع

تغوص في عمق المعاني
فتهدينا الشعر أغاني

الشاعر المبدع والفذ
أخي بكاء بلا دموع

كـ الدر النفيس
توالت قوافيكـ
ونعمت بـ بريقها الفاتن
ومعانيها الساحرة
صح لسانكـ
ودام لنا هذا الانسكاب الفاخر

04-11-2021, 03:48 AM

تتلعثم حروف الابجديات
أمام روائع بوحك الساحر
نرحل بين سحابات السماء
بحثا عن رد يليق برقي حرفك
أهديك بمداد البحار
و أنغام هدير الأمواج
أجمل الأمنيات
لك رفرفة فراشات
ملئها أمنيات سعيدة
ربي يسسعدك

.
.

عايز ابقى شاعر

❀ حصريات بأقلام الاعضاء لم يسبق لها النشر ❀