وعزي ربعي عتيبه من برقا ومن روقه

من الأرشيف

الا يالليل لو بشكي / ابشكي هاجسي للنوم
وأبصرخ لو بغى حلمي يهز القلب ويعوقه

عرفت ان السعاده كوم وثلثين الكرامه كوم
وعرفت ان الزمن مهما حدابي ماطرق طروقه

عرفت ان العمر فاني واعرف ان القدر محكوم
واعز القلب لو ينزف ولو هو عذبه شوقه

( قسم بالله لو قلبي حدابي للمهانه يوم
ولو عزم وهو قلبي لاتله واقطع عروقه )

اعرف اني الى مني طعنت بحربة المقسوم
مدام الله كتب لي شي بيجي لي يوم واذوقه

تقلدت الصبر طبعي / ولاتثر علي هموم
وامني نفسي بنفسي واعسف الفكر واسوقه

اقدر خوة الطيب ويربطني وفا وسلوم
وأعاف الكاذب التايه وعمري ماطرق طروقه

تعلمت اشلع بعزي والا ارخي نظرتي لرخوم
اشوف ان القمر عالي وتكفخ عزتي فوقه

احب الليل لامنه سهى بي عن عتاب ولوم
واحب اساهر نجومه واحب الصبح وشروقه

واحب البر ودروبه وشبة ضوه الملموم
واحب الطير لامنه كفخ واحتاست سبوقه

تعلمت اشمخ بأصلي ولا لي في الردى ملزوم
رفعتي ربي بذاتي وحكم للردي طوقه

تربينا على العزة قروم ٍ من ظهور قروم
ولا نسكت على باطل وكل ٍ ياخذ حقوقه

لطمنا هيبة العايل / شمخنا والعدو ملطوم
لنا في صفحة الهيجاء شموخ امجاد موثوقه

سلكنا منهج العزه / صبرنا والعلوم علوم
شهد خيل وشهد رمحن وسيفن شعت بروقه

طلال وقاده مسلط وصفت للقايد الزيزوم
نهارن ثار به عجه وعلت به راية الروقه

ومن بعده ابن هندي شجاعن مايهاب القوم
برز صيته اخو نوضا / رجح رايه ومنطوقه

ومن بعده الين اليوم رجالنى قدرها محشوم
وعزي ربعي عتيبه من برقا ومن روقه