االغلا

دنيا الوله
خل ٍ سلى وخل ٍ دله
احد ٍ تناساه الغرام
او هو تناسا صحبته
وفي شفته
حارت مشاوير الكلام
وامسى يحسب انه وصل
وتو الطريق بأوله

***

الغلا حس المشاعر والمشاعر ماتبور
لو غدت حلو الليالي نزف وجروح وقنيب


ولو بقى للحزن صاحب مابقى للصبح نور
ينتشر خيط الظلام ويطرب اليل الكئيب


ولو قست ذيك الهبايب وانحنى غصن الزهور
للأمل تبقى بقايا ياقف الغصن ويطيب


ولو كثر عد الدقايق واحترق كل الشعور
وان هوت كل المشاعر في رجاء رجعة حبيب


ننتظر في كل لحظه والأمل فينا يثور
والأمل ادري يجامل وباطنه كله عطيب


يووووه ياطيف السعاده لي متى واحنا ندور
يحترق فينا التلاقي وكل ماجيتك تغيب


هالزمن ادري ملكني والزمن طبعه هجور
كل ماجيت اتبسم قال لي حان المغيب


يازمن مالك ومالي يازمن يكفيك جور
يازمن تدري بلحظه كنت احسك لي طبيب


جيتك بحلم الطفوله واعتبرتك لي سرور
واكبرت احلام فيني ترسم احساس ٍ غريب


وانتهى عمر الطفوله وابتدى عمر الغرور
غرني نبض المشاعر يوم شفتك لي قريب


وابدتيت وهام شوقي في رجا شعف ٍ طهور
يحتوي في كل لحظه ثورة احساسي واطيب


وجيتلك كلي مشاعر لو قسى طبع ٍ صبور
وخنتني بأول شبابي لو غدى بالراس شيب


يازمن يكفي خذينا من عذابك كل جور
ولو تعاندني بعاند وبنتظر رجعة حبيب