|
#1
10-06-2020, 04:21 PM
| ||||||||||||
| ||||||||||||
 "مها وحبها الوحيد"  "الفصل الأول" "البداية" انا مها عمري ٢١سنه من محافظة الرس ادرس في كلية التربية في رابع كلية قسم فنون وكانت اخر سنه لي وأهلي من النوع الي يخافون علي وخاصة ابوي واخوي الي متخرج من الجامعه ومن خوفهم علي منعوني من الجوال ومن حفلات صديقاتي وكنت راضية بقوانين اهلي وتعصبهم وصرت ٢٤ساعة بالبيت مااشوف صديقاتي الا بالمدرسه واهملت شيئ اسمه حب كنت من المدرسه للبيت بس وان طلعت للسوق فمع امي واخوي اللي مايفارقني بنظراته ومراقبته وكان هو وابوي خايفين علي من الي يغازلون المهم اني ماكنت طالعه على الدنيا الى يوم جاء ذاك اليوم... المصدر: منتدى همسات الغلا "lih ,pfih hg,pd]" hg,pd]"      |
|
10-06-2020, 04:21 PM
| #2 | |
 
 | "الفصل الثاني" "بداية تغير مها" كنت جالسه على طاولتي بالقاعه وكانت جنبي بالطاوله زميلتي ماجدة وزميلتي الي قدامي اسمها نوره وكانت نوره ملتفته علي وتسمع ماجدة وهي تقص علينا قصتها مع صديقها صالح الي قابلته امس بالسوق وفصلت لنا قصتها بالتفصيل الممل من الو للسلام عليكم وكان هذا الشئ جديد علي وكنت مندمجه مع سالفتها وطلعت من المدرسه ورحت للبيت وتغديت مع اهلي وانا بالي مشغول بقصة ماجدة لاحظت امي اني مااكلت زين وكنت افكر وانا آكل اسئلتني ان كان فيني شيئ فقلت لها اني بخير وعافيه وانا بقلبي اقول ان فيه شيئ اسمه حب بدا يتحرك بداخلي دخلت غرفتي وقفلت الباب وانسدحت على سريري وبدت الافكار تلعب براسي وقعدت اتخيل بعدها اخذت التلفون ودقيت على ماجدة ردت علي: انا:هلا ماجدة ماجدة:هلا والله انا:شخبارك طيبه؟ ماجدة:والله بخير ايشفيك مستلجه بالظهريه انا:والله ماجاني النوم قاعده افكر فيك وبصديقك صالح... ماجدة:هه هه هه هذا الي مشغل بالك انا:ايوا بس الي مشغل بالي كيف تعرفتي عليه وكيف حبك ماجدة:شوفي حبيبتي مها انا تعرفت عليه بالسوق انا شفته شكله جنان وشخصيه قمت غمزت له وهو جاء وعطاني الرقم وصرت اكلمه بشكل يومي ثم قابلته وحبيته وحبني بس انتي ليه تسألي... انا: أ..أ.. لا بس حبيت اسأل زين حبيبتي باااااي ماجدة:بااي ؟؟ سكرت السماعه وصرت افكر اكثر كيف اتعرف على شاب | |
| |
|
10-06-2020, 04:21 PM
| #3 | |
| "الفصل الثالث" "التخطيط للتعرف على شاب" قررت اروح للسوق بس عندي مشكلتين ان اخوي يوديني للسوق العصر عشان العصر مافيه احد يغازل لاوبعد راح يكون يراقبني والمشكله الثانيه ان امي راح تكون معي لازم فكرت فكرت ثم لقيت فكره جهنمية وهي اني اقوم اوسخ عبايتي واروح اقول لامي اني ابغى السوق عشان اذا جاء العصر وجاء اخوي اوريهم عبايتي انها وسخه وأقوم اغسلها وماراح تقضي الا المغرب عشان المغرب راح يكون بالسوق من المغزلجيه وثانيا اخوي مشغول المغرب عشان يودينا للسوق ويروح | |
| |
|
10-06-2020, 04:22 PM
| #4 | |
| "الفصل الرابع" "الشروع بالمهمة" المهم قمت وغطست العبايه بزبادي وشاهي ووسختها ورحت لأمي وقلت لها: انا: يمه ابغى السوق العصر ضروري امي: ايش تبغين بالسوق مالك حاجه فيه انا: الا يمه ابروح ابدور بلايز وابشري هديه لزميلتي هدى امي: والله اني ماادري اذا اتبين السوق ضروري دقي على احمد خليه يجي العصر ويودينا حتى انا ابي قدور مقاس كبير... انا: لا يمه انتي دقي عليه انا ابروح ابشوف دروسي علي واجب.. وجاء العصر وجاء اخوي احمد ورحت انا جبت عبايتي ووريتها امي يقالي منهبله وقامت امي تغسلها جاء اخوي احمد قال: احمد:يمه اذا تتأخرون انا ابروح واذا قضيتوا دقوا علي خلاص.. امي: خلاص رح ندق عليك اذا قضينا. وبعد صلاة المغرب جاء اخوي وانا مكحلة العيون ولابسه عبايتي المخصره ومشينا وبالطريق قال احمد لأمي: احمد:يمه معليش بس انا والله مشغول ومواعد اخوياي وما معاي وقت عشان كذا ابنزلكم بالسوق واذا خلصتوا من السوق دقوا علي وأجي آخذكم خلاص يمه.. امي: خلاص بس اول ماندق عليك تعال ولاتتاخر علينا.. المهم نزلنا بالسوق وقعدت ادور بالسوق ومعاي امي لكن ماقابلني ولا شاب زي مافي بالي وفكرت ان الشباب الي بالسوق مجرد شباب مغزلجية طرادين للبنات وهذولا النوعيه مش ممكن يدوم الحب بيننا وقررت اني اروح لمحلات رجالية عشان هناك الاقي شباب جايين يشتروا مو يغازلوا لكن امي معاي كيف اروح؟ جتني فكرة اني اشتري بلوزة من محل بعيد واذا ابعدت انا وامي عن المحل اقولها ان المحل عطاني بلوزة صغيرة وراح تقولي امي اني اروح للمحل لحالي وهي تقعد تنتظرني المهم اني دخلت محل انا وامي واشتريت بلوزة وقلت للهندي عطني بلوزه مقاس xL المهم عطاني البلوزه وطلعنا ورحنا من محل الى محل ويوم ابعدنا عن المحل فتحت الكيسه قدام امي وقلت: انا: اووه شفتي يمه عطاني بلوزه مقاس كبير خلينا نرجع نبدلها امي: والله انا تعبت روحي انتي بدليها وانا انتظرك بأنتظار النساء انا:خلاص شوي وراجعه ورحت ويوم ابعدت عن امي اتجهت الى محل عطورات وهو محل عام يدخله اي رجال واي بنت رحت للمحل ودخلته ووقفت قدام صفة العطورات وقدامي مصري قلت للمصري عطني عطر جيفنشي الجديد ١٧٠مل وماادري الا جاء من هالمغزالجيه ويوقف جنبي ويقول للمصري عطني عطر جيفنشي الجديد ١٧٠مل ويلتفت علي وفتح كشرته ويقولي هاه القلوب عند بعضه ولا لا واقول له انقلع بس بلا بزران وامشي واروح لصفة العطورات الثانية وانا متجهه وقف قلبي وتقطعت عروقي وجمد دمي ووقفت بمكاني واناظر عند صفة العطورات الثانية شاب وسيم صح وجسمه حلو مره وصدره منتفخ يعني يلعب حديد لابس ثوب ولا لبس شيئ فوق راسه وشعره مو طويل مره ولا قصير وبشرته صااافيه وابيض مرره لا واحلى مافيه السكسوكه وعيونه واسعه مره وعسلية ووجهه آيه في الجمال بس الشاب واه واه جنتل بصدق ماعمري شفت زيه المهم رجولي عجزت لا احركهم لكن جتني جرأه وقوه عظيمة ومشيت ووقفت وراه وسمعت يقول للمصري ابغى عطر سبلانديد جتني فكرة المغزلجي الي قبل وعلى طول جيت وقفت جنبه وهو شافني واستحى وابعد عني شوي وجيت قلت للمصري ابغى عطر سبلانديد والشاب انبهر وانا ومن دون شعور غمزت له وعلى طول فهمها الشاب اما المصري قاعد يتبسم المهم رد الشاب وقال للمصري لا لا خلاص معاي سبلانديد ويطلع ورقه ويكتب عليها رقمه واسمه الي هو حمودي وأعطانياها وانا من قوة فرحتي صارت الورقه عندي كأنها حياتي اخذت الورقه وطلعت من المحل وخبيت الورقه في سنتياني ورحت لأمي اللي لقيتها تنتظرني ورحنا شرينا قدور لأمي ودقيت على احمد وجاء اخذنا ورجعنا للبيت ودخلت غرفتي وقفلت الباب وجلست على السرير وقعدت اقلب رقم حمودي وفكرت كيف انا بكلم حمودي وانا ما معاي جوال جتني فكره اني اكلمه بالهاتف الثابت المهم اني نزلت بالصالة وفصلت اسلاك التلفونات الي بالبيت كله عشان ما احد يتنصت علي ورحت لغرفتي ومسكت سماعة التلفون ودقيت على رقم حمودي: | |
| |
|
10-06-2020, 04:22 PM
| #5 | |
| "الفصل الخامس" "بداية معايشة الحب" حمودي: مرحبا انا: هلا حمودي حمودي: هلا...مين معاي؟ انا: ماعرفتني؟ حمودي: تبين الصراحة لاوالله انا: طيب حاول تعرف حمودي:آه خالتي ريم انا: لا لا وين خالتك حمودي: ياقلبي لاتستهبلين علي قوليلي مين انتي وخلصيني انا: اهم شيئ لاتزعل ولاتعصب بس ماعليش حاول مره ثانية؟ حمودي:اممم آه عرفتك انتي راعية العطر انا:ايوا انا راعية العطر كيفك عمري حمودي:والله بخير آ..آ والله ماادري ايش اقول هههه بس والله انتي احرجتيني عند محل العطورات وقفتي جنبي وانا بصراحه انبهرت يوم شفت عيونك الحلوه وجسمك المليان انا:هههه تسلم قلبي بس زين انك مو زي مايصدقون على الله بنت جايه عاد كيف وحده تجي عنده هههه؟ حمودي:هههه؟ انا: طيب انت جاي للسوق تشتري عطر بجد ولا جاي تغازل زي الي مالين السوق. حمودي: ايش دعوى عمري والله جاي اغازل... انا: لااا وجاي بوجهك تغازل حمودي: اجل اجي بوجهك اغازل انا: اااا قلي بجد انت جاي لأيش؟ حمودي:بالله تشوفيني جاي اشتري عطر وبالأخير تسأليني ليه جاي اصلا لو اني جاي عشان اغازل كان مالقيتيني عند محل العطورات ... حمودي: طيب حبي مانتي طالعه بكرا للمنتزه او للسوق لحالك او مع اهلك؟ انا: ليه...؟ حمودي: بس اسأل.. انا: لا قلي وش قصدك؟ حمودي: لا مافيه شيء بس حبيت اني اشوف اذا كنتي طالعه لمنتزه اقدر اشوفك بس نظرة عالماشي... انا: لا اهلي مايحبون يطلعون للمنتزهات ابدا... حمودي: يعني مااقدر اشوفك كنت ابجيب معاي هدية بس عاد مادام انك مانتي طالعه اجل بلاش من فكرة الهدية.. انا: كان قلتلي انك معك هدية طيب تجي عندي بغرفتي جناح ولا احلى ماحولنا احد وازين من برا... حمودي(بأبتسامة رضا): طيب ومتى؟ ترا خير البر عاجله انا:طيب بكرا ماأقدر لان عندي بنات خالتي بعد بكرا ازين اوكي... حمودي: اوكي انا:خلاص اجل ادق عليك بعد بكرا عشان توصيف البيت اوكي حمودي: اوكي ياقلبي باي انا: بااااااااي نمت ذيك الليلة نوم لذيذ لا وبعد حلمت بحمودي حلم رومنسي طويل وحلو اظاف نكهه جميلة لنومي وقمت قبل المغرب على طق امي لباب غرفتي قمت وكان فيني نشاط غير طبيعي وفتحت الباب ولا امي طايره شوشتها ومعاها مكنسه قلت بسرعه: انا: خير يايمه ايش فيه؟ امي: مين الي فاصل سلك تلفوني هاه...؟ انا: يمه انا الي فاصلته لان امس دق واحد ازعجني يغازل وجيت فصلت السلك ونسيت اشبكه ولاصار شيئ ليه كل هالمشكله..؟ امي: انا انتظر جارتنا موضي تدق علي من الصبح ولادقت اثر التلفون مفصول...اممم طيب البسي بسرعه بعد صلاة المغرب بيجون خواتي وبناتهم لاتأخرين..؟ دخلت الغرفة وتروشت ولبست لبسي ونزلت تحت للصالة ولقيت بنات خالاتي وخالاتي وسلمت عليهم وجلسنا مع بعض بالحديقة وسولفنا وتقهوينا ويوم جت الساعة ثنتين راحوا خالاتي ورحت انا لغرفتي وقفلت الباب وانسدحت على السرير وراحت افكاري مع حمودي وتخيلت اني انا وياه بباريس وقاعدين نتمشى بشارع الشانزلزيه وتخيلت انه قاعد يشفشفني بساحة الكنكورد وصحيت من احلامي وتذكرت اني لازم ادق على حمودي عشان اوصف له البيت ودقيت عليه ووصفت له البيت وسألني ايش يلبس ثوب ولا جنز وقلت له البس ثوب وابغاك ترسم وقمت ونظفت غرفتي وجهزت لبسي وعطرت الغرفه ونمت نوم لذيذ وكل أحلامي بحمودي ومقابلتنا بكره وقمت من بكره على آذان العصر وكان هذا اليوم يومي الوردي واللي كانت ابتساماتي ماتفارق محياي وجهزت الغرفة من شموع وورود حمراء وبعد ستيريو واغاني كلاسيكية رومنسية ونزلت تحت عند امي اللي كانت تشرب شاهي وتسمع الاخبار وسولفت معاها شوي وسحبت منها معلومات ان اخوي بيمشي بعد صلاة العشاء يبغى يكشت ثلاث ايام وان امي فيها نوم وتبغى تنام بعد صلاة العشاء وابوي باستراحة اخوياه وما يجي الا بعد صلاة الفجر يعني الجو من صالحي وقعدت بغرفتي انتظر صلاة العشاء وبعد صلاة العشاء جاء اخوي واخذ اغراضة ومشى وامي بعد نامت وابوي على روتينه اليومي بالاستراحه رحت لغرفتي ولبست لبسي وحطيت مكياج خفيف وزينت نفسي ومسكت سماعة التلفون ودقيت عليه ودقيت على حمودي وجاء للبيت ووقف سيارته بعيد عن البيت وجاء على رجوله وفتحت له الباب... | |
| |
|
10-06-2020, 04:22 PM
| #6 | |
| "الفصل السادس" "المقابلة الاولى" فتحت لحمودي الباب وانا اطالع فيه واناظر ملك ماشاء الله ومع ترسيمته طالع قمر وبأبتسامته اظافت له لوك مميز المهم اني لاحظت انه منحرج بقوة عشان كذا قلت اني لازم اخليه يتعود علي جيت انا ابتسمت له وقلت له:تفضل حبيبي بسرعه قبل لا احد يشوفنا... ودخل وسكرت الباب ودخلته غرفتي والمسكين كان مره خايف وانا كنت اكثر منه خايفه لكني ما بان على شكلي لكن هو كان مررره منحرج وخايف وقعد هو على كرسي بغرفتي وانا قعدت على سريري وقدمت له قهوة عادية وشربناها وقلت له: انا:ايهم ازين عندك القهوة التركيه ولا هذي القهوة..؟؟ حمودي:لا القهوة التركيه ازين لان هذي القهوة قديمة وموضة عجايز... انا:انت كيفك مرتاح..؟ حمودي:والله الحمد لله مرتاح وزي الفل مادام اني بجنبك...! انا:تسلم حياتي وانا عاد بغيت اكسر الحاجز اللي بيننا قمت وشغلت فيلم تايتانيك وكانت الشاشة والفيديو موجهه لسريري وناديت حمودي وقلت له تعال نتفرج على الفيلم وكان مره منحرج وجاء وقعد على السرير بعد ما نزل شماغه وتفرجنا كلنا عالفيلم وبعدماخلص الفيلم قال انه بيطلع لأنه مواعد اخوياه الساعه اربع يعني قبل الفجر ولبس ثوبه وطلع وعند الباب عطيته بوسه على خده وهو عطاني بوسع على خدي ورحت انا لغرفتي وقعدت افكر بشكل حمودي وشخصيته وبعد ربع ساعه دق تليفون الثابت ورديت وطلع حمودي: حمودي:هلا مها... انا:هلا قلبي هلا بحياتي.. حمودي:والله اني مستحي منك يامها... انا:خير ايش فيه ؟ حمودي:انا جيت عندك وكنت مستحي مررره وبعد خايف عشان كذا ماسويت انا شيء مجرد إنا شفنا فيلم وقهوة عجايز مشيها على انها سلام وبس اووكي حبيتي..؟ انا:لا حبيبي ماصار شيء ومثل ماقلت خليها بالمره الثانيه... حمودي:ومتى هالمره الثانية لاني خلاص بخربها ابلبس جنز وابجيب هدية معاي يعني راح نكيف كلنا... انا:ايش قصدك شكلك تلمح عشان تجي مره ثانية..؟ حمودي:ايوووا انا عشان كذا داق ولي ساعه افهمك لكن مافهمتي بس ايش رايك ؟ انا:اذا كنت ودك تجي وبعد انا ابغاك تجي خليها بكره نفس وقت اليوم لان اخوي كاشت مع اخوياه وراح يقعد ثلاث ايام وابوي بالاستراحه مع الشيبان يعني جوا ولا احلى... حمودي:اوكي خلاص بكرا بس ابغى لبسك يكون...له ستايل خاص وانا بعد ماراح اقصر بلبسي اوكي يله تصبحين على خير حبيبتي.. انا:وانت من اهله حبيبي... سكرت السماعه ونمت نوم حسيت فيه ان وزني صار زي الريشه واني اطير بأحلامي مع حمودي ويوم قمت من بكرا جبت اريكة حلوة كانت بالصالة قعدتها بغرفتي وتجهزت لحمودي ويوم نامت امي دقيت على حمودي وجاء ... | |
| |
|
10-06-2020, 04:22 PM
| #7 | |
| "الفصل السابع" "المقابلة الثانية" الحين ننتقل لحمودي يقول لنا مقابلته الاولى باسلوبه الخاص: نزلت من سيارتي ومشيت على رجولي ووقفت قدام بيت ست الحبايب وفتحت لي مها بيدين بيضاء وبوجه زي القمر وبأبتسامة ساحرة وتقولي بكلام عذب وصوت رقيق"تفضل حبيبي" انا ذبت مع صوتها الحلو ودخلت ووقفت قدامها وسكرت الباب وانا مديت يدي ومسكت يدها اليمنى وبكل رقة بوستها وبيدي الثانية هديتي لها ... مشت مها قدامي ورقينا بالدرج وكانت قدامي وكل درجتين تلتفت علي وتبتسم وانا ارد بسمتها ببسمة... دخلت الغرفة وانا وراها وقفلت الباب ومدت يدها على اريكة كلاسيكيه وقالت "اجلس حبيبي هنا"وانا اجلس وانا اناظرها بابتسامة وقلت" مشكورة حبيبتي" وكان عندها داخل غرفتها رف بالزاوية بمثابة مطبخ صغير لتحظير القهوة فيه غلاية وقهوة وسكر وجنبها ثلاجه صغيرة ومها اتجهت لرفها الصغير واخذت صينية صغيرة فيها كوبايتين قهوة تركية ومدتها لمي وانا اخذت كوب وهي اخذت كوب وقعدت جنبي وقربت لها انا وحطيت يدي ورا رقبتها وشربتها من قهوتي انا وشربت بعدها وضحكت هي وكانت ضحكتها اجمل ضحكة سمعتها في حياتي ثم قمت انا ووقفت قدامها وقلت لها اني راح اقدم لها هديتي بالطريقة الايطالية ولاحظت انها مو انبهرت بس قل انهبلت وكنت احس انها بأجمل لحظات عمرها وجيت انا ركعت قدامها ونزلت راسي ورفعت الهدية لمها وقلت لها"سيدتي اسمحي لي ان اقدم لكي هديتي المتواضعة لكي اعبر عن حــ..."وتموت مها ضحك وتطيح علي وانا لا ارادي اقوم واضمهالصدري سولفنا شوي و نمت انا ومها على السريربدون ماندري وكانت الساعة تقريباً وحدة ونص ويوم جت الساعة تقريباً اربع وربع يعني بعد صلاة الفجر بثلث ساعة ويطق باب غرفة مها ويطلع ابوها وهو ينادي بصوته الثقيل "مها افتحي" وانا ومها نقزنا من النوم ومع الارتباك وطق ابوها الباب وصوته المرعب وأقوم بسرعه وحطيت جوالي عالصامت وادخل تحت السرير وانا قلبي يدق ألم وتفتح مها لأبوها ويدخل ابوها وتسلم عليه ويقعد على الاريكة ويدور بينهم حوار: الاب:شلونك حبيبتي ؟ مها:والله بخير ايش جايبك على هالصبح يبه؟ الاب:والله انا توي جاي من الاستراحة وقلت خلني امر على حبيبتي خصوصا اني معاي هدية لها..! تصرخ مها بفرح وتضحك وتعطي بوسه لابوها ويطلع كرتون هدية فخم وقالها: الاب:صحيح ان الهدية جت متأخرة لكن كل هذا من كثر خوفي عليك.. وبعد امك قالت انك اخذتي درجة حلوة في الاختبار التجريبي قلت اجل تستاهل هدية... مها:تسلم والله يايبه ماقصرت..! الاب:هذي الاريكة مين اللي جايبها كانت بالصالة؟ مها:انا يبه قلت خلني ازين غرفتي وجبتها لكن عاد ابرجعها للصالة اليوم... الاب:يله عاد ابروح ابنام والله دايخ تصبحين على خير مها:وانت من اهله ويطلع ابوها وتقفل مها الباب وتهمس لي اني اطلع وانا اطلع من تحت السرير والاقي مها فرحانه ونجلس جنب بعض وتفتح مها هدية ابوها وتلاقيها جوال الدمعة ومعاها شريحة جوال وتطير مها من الفرحة وتركب الجوال وانا آخذ رقمها واخزنه بجوالي وانا اطلع واركب سيارتي واروح للبيت عادنرجع لـ مها تكمل لكم القصة... | |
| |
 |
| الكلمات الدلالية (Tags) |
| "مها , الوحيد" , نحبها |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أعلنت شركة غوغل اليوم عن نيتها إيقاف خدمة البث المباشر والمجدول Hangouts On Air | روح الندى | همسات الأيفون و الأندرويد وسوشيال ميديا | 8 | 13-10-2016 05:27 PM |
| نورة وحبها الطاهر | مها الرياض | حصريات الروايات والقصص القصيره | 57 | 23-04-2016 09:45 PM |
| نحبها قول | جواهر الإمارات | (همسات الوطن والعالم العربي ) | 20 | 27-05-2013 11:19 AM |
العرض العادي
