بابٍ تحس إنّه وراه الغثا / سده

#1 22-05-2020, 03:20 PM

بابٍ تحس إنّه وراه الغثا / سده

رفيقي تسامى واستمع لي وابيك تقوم
وأبي تصافح أيامك من اليوم ،، بموده
.
.
وأبي تعرف إن بكره معه رزق غير اليوم
ياكم واحدٍ وصْل السما / والبشر ضده
.
.
وأبي تدري إنّه مايصيبك سوى المقسوم
وإذا الليل طول بك ،، ترى النور لابده
.
.
وترى ماهي الحاجه تجيلك بدق خشوم
إذا الله منعها ،،، كل الابواب منسده
.
.
وترى ماهي الحاجه لاطالت أمر معدوم
إذا الله كتبها ،،،، توصلك لو بعد مده
.
.
تعايش مع العالم وطنش كثير علوم
وبابٍ تحس إنّه وراه الغثا / سده
.
.
وترفع عن اللي دايمٍ حكيهم / مذموم
وتجاهل / ولو صبرك معاهم وصل حده
.
.
وتواصل مع اللي في وصاله مطر وغيوم
ومن صد جعله للتساهيل في صده
.
.
وتركد على قلبك ،،، ولاتثقله بهموم
كثير الزعل يتعب لك القلب ويهده
.
.
وبهالناس خذها قاعده والعمر محتوم
ف من يزعلك خله ،، ومن يفرحك بده
.
.
ولا تنصدم فيهم ليا صار لك ملزوم
لأن الاوادم تنعرف ،،، ساعة الشده
.
.
يقولون دايم من صفت نيته / محروم
وأنا اقول دامه صافي القلب / من قده
.
.

مبارك الحجيلان
المصدر: منتدى همسات الغلا

fhfS jps Yk~i ,vhi hgyeh L s]i hgufh jhja fdQ wpi Yk~i ,vhi