 الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
 |
| | LinkBack | أدوات الموضوع | إبحث في الموضوع | انواع عرض الموضوع |
| الإهداءات | |
| |||||||
| (همســــات شعر وشعراء) منقول خاص بالشعر النبطي والشعبي المنقول |
|
| | LinkBack | أدوات الموضوع | إبحث في الموضوع | انواع عرض الموضوع |
|
#1
12-10-2019, 07:05 PM
| |||||||||||||||
| |||||||||||||||
 ديوان الشاعر ( محمد بن فطيس) 
المصدر: منتدى همسات الغلا ]d,hk hgahuv ( lpl] fk t'ds) hgahuv fk pd,hk  |
|
12-10-2019, 07:06 PM
| #2 | |
 
 | قصيدة البارحة ربي كتب لي ومريت - محمد بن فطيس البارحة ربي كتب لي ومريت درب عليه بروق الأحباب لاحت جيت المكان اللي جمعنا وخفيت وقامت جروحي للجوارح وصاحت ياليتني في لفة الدرب زليت كان العيون من الدموع استباحت التم غيم الدمع من يوم لفيت ورقا القصيد لشوفة الغيم ناحت وضحكت ماأبغي الناس تدري يبالفيت لكنها غصب على العين ساحت حارت دموعي في عيوني وصديت وأرمشت مابيها تبين وطاحت وعقبه برق في العين براق واسقيت خدي وناتي بصدري تلاحت وأنا أحسب إني في فراقه تشافيت وان عبرتي من مدخل الزاد زاحت اللي يحسب إني على البعد سجيت والا ان عيوني للرقاد استباحت ياليتني من قبل لا أحبه اقفيت والا ان دروبي عن دروبه تناحت أهون علي من البكا والتناهيت وأشلا من سدود على الناس باحت عرفت كيف الحي يفرق عن الميت وعرفت قيمة نعمتي يوم راحت قولوله اني عقب بعده تدانيت ورجلي عن دروب المعافين شاحت البعد نار وطاعة العذل كبريت يقصر على بعده ترى الكبد فاحت | |
| |
|
12-10-2019, 07:08 PM
| #3 | |
| قصيدة فرحت لك - محمد بن فطيس من عجايب ابن فطيس أسمع التوصيف فرحت لك وأنا معاليقي حطام والصدر من ما فيه بيح كنينه فرحة يتيم ليلة العيد ما نام ! خالاته , وخواله .. مواعدينه مواعدينه بشت .وشماغ بسام ويلعبونه .. في ملاهي المدينه مانام .. واحلامه تحراه قدام كنه يطول أحلامه ب راحتينه ) صبحه تجلا نوره ب عيد الاسلام وقبل يروح المسجد : ملبسينه جده ما بين العين والجيم واللام خليه يافلانه .. ولا تأخرينه ! تراقبه ب / عيونها .. حب وهيام وعيونها .. مما تكنه / حزينه "يعرض لها الماضي مثل عرض الافلام " ل .. ماضي ابوه وغلاه وحنينه يرجيه ل ( سنين القسا ) درع وحزام وجنب على صكات بقعا يعينه ابو ثلاث أعوام .. والا 4 أعوام يغار منه البدر .. من كثر زينه صلى وجاء وأمر الله اللي قضى تام ماهوب داري عنه زينه وشينه بشته عليه .مهندم خير هندام واللي ب / عمره .كلهم محترينه يوم اطلعو للشارع انقسمو أقسام وأهم مافي القصه ؟ ملعبينه تداعب رموشه .ذعاذيع الانسام ويابردها .. يوم ايبست شفتينه و ع تراب الأرض بأصبعه رسام أما رسم له طير .. والا سفينه العيد طعمه كان بالشارع العام ماهوب عن رغباته .. مقيدينه رجع ولكن فرحته ضايعه ( دام : كل مشى ) وأخذ ولده ب/ يمينه صارو خواله في نظر عينه اصنام احيوا ب .. داخله الجروح الدفينه ولا عنده الا أمه وناب القهر سام جاها يبي منها اليدين الأمينه شعوره اللي حس به مثل الإلهام وأول سؤال في باله أبوي وينه ؟ سؤال : لكن كان مثل النبا الهام لازال باقي في المسامع .. رنينه جته تعدي ماهو تخطي بالاقدام وشالته بيديها .. وحبت جبينه أبوك جاء البارح وقبل الفجر قام وشرى لك ألعاب , وهدايا ثمينه تراه حبك وأنت غارق في الاحلام وراح ل دوامه , والشغل مرسلينه لحظه وهو بين الحقايق والأوهام والدمع الازرق حاير ف .. مقلتينه يمه : ترى مانمت والعالم نيام ماجاء .. ولا لمست يديني / يدينه مدام رقمه معك من بين الارقام ب .. أكلمه , يوم إنك تكلمينه ! طاحت ما كن الها من الصدمه عظام ولاعاد فيها صبر .. ولا سكينه قالت بدون شعور وإدراك وإلمام أبوك ! في تراب القبر دافنينه العام مات .. ومت من موته العام وكني بعد مامات عني سجينه أبوك جندي للوطن ضد الإجرام عطاك عمره دون داره ودينه | |
| |
|
12-10-2019, 07:09 PM
| #4 | |
| قصيدة ودي بك وابيك واباك وابغاك - محمد بن فطيس ودي بك .. وابيك واباك وابغاك .... جمعتها لرضاك واختار فيها شف ويش منها يتبع احكاك ورضاك .... واللي لك اسقي مسمعك لا ضميها غديت افراحكاي واساير احكاك .... وانا تشرف لكنتي واهتويها مضمونها ودي بشوفتك واهواك .... ياللي دروب اهل الردى ما تجيها صانك ولي امرك وحبك وداراك .... لاقدر ردع الحظوظ ومجيها نفسك مهذبها وعز الله رباك .... مايدري ان جيش الهيام يغزيها والله قسم يبلاك بي وانت يبلاك .... باللي سواتي في العرب يرتجيها محبة ذربه من القلب تكساك .... محبة صدق الهوى يكتسيها يامرك قلبك بالوفا لي وتنهاك .... ناس على لاماك تفرك يديها رزين عقل ومن مزايا مزاياك .... نفسك تحب وعفتك تمتطيها وتطيع عقل ما بعد زل واغواك .... مشاعرك تعصاه وانت تعصيها ماشفت منك الا عيونك ويمناك .... محبة راع الردى ما يبيها يقبض فوادي لا تخيلت فرقاك .... ياشف عين ما سواك يعنيها وياعزوة اخوانك ومطلب هذولاك .... ناس محبة والدك تدعيها ناس تخدم ابيك كله لعيناك .... وهو يحسب ان الله عليه يهديها ياجعلها تفدى على الارض ماطاك .... والله بمن هو مثلها يبتليها لكن لعب في ياوليفي تغلاك .... ونفسي غلاك من الصدود يحديها تبطي علي وانا هنا واتحراك .... وكبدي لواهيب الصبر تشتويها اجمع علومك امن هناك وهناك .... والله لو انها تنشرى لا اشتريها وعذرك انا لاهي يا ويش اللي الهاك .... لاهي ومرمنت لاهي تليها كانك مشكك في الوفا والغلا هاك .... جوالي اقر القائمه كل ابيها رقمك مع الصادر ولا وارد اسواك .... والناس في اللي لم يرد عليها واياك واياني...واياني اياك .... من غيبة من دون عذر يحميها | |
| |
|
12-10-2019, 07:09 PM
| #5 | |
| قصيدة دكتور العيون - محمد بن فطيس يامؤمن الريفي انا جيتك زبون جيتك على مدح اكثر الناس وعنيت جيت وتعالى الله عما يشركون لولاه يامؤمن لطبك ما اهتديت راضي بحكم الله علي مهما يكون عالج عيوني لو بعد طبك عميت ودي اخاشر فالبصر من يبصرون واشوف دربي لا سرحت ولا ضويت والى قنصت اثبت مع اللي يثبتون واشوف طيري كل ما اوميت ودعيت ياكثر ما يضرب خويي الطابلون من كثر ما اكلته مطبات وكليت وودي اشوف اللي علي يعرضون وبعض الليالي ودي اسري دون ليت واشوف ناس فالقفا ما يرحمون اما وقفت لصاحبي والا مشيت من دون نظاره ولا هم يحزنون ياكثر ما كسرت كشمات وشريت لكن يا دكتور جعلك ما تهون ابغيك كلمت راس دامك ما بديت اسمعولا ابغي اللي وزانك يسمعون ربي كتب يكشف لك اسراري وجيت صورة عديل الروح عندك فالعيون واخاف تقطعها بموسك ما وعيت ولا عليك امراطوها تحت الجفون وعقبه لو تقطع عيوني ما شكيت هي راس مالي والعرب ما يدركون اني على باب الممات و ما حكيت ياقو قلبي يوم قفن الضعون اللي على ذاك الموادع ما بكيت ويا صبر صبري والعواذل يحسبون اني دلهت من الهوى والا سليت اسكت عساهم من سكاتي يسكتون وانا عن اللي في ضميري ما انتهيت وادور الفرحه مع اللي يسهرون وان ذكروني خذت فنجال وسريت اخذت من وقتك يا دكتور العيون عالج عيوني لو بعد طبك عميت واستر علي واللي معك لا يفطنون انت الوحيد اللي بعد ربي دريت | |
| |
|
12-10-2019, 07:09 PM
| #6 | |
| قصيدة الله يقدرني على رد الجميل - محمد بن فطيس الموت تالي العمر والدنيا مقيل والاخرة هي منتهانا لا محال واعمال كل انسان له منها حصيل توضع على الميزان وان ما مال مال وديني وحب الناس والخلق النبيل ثلاث هي دربي الى حسن المئال ماهي بلحية شوق للطرف الكحيل لا ذكر العقل الجوارح بالزوال الله يقدرني على رد الجميل والله يجملني الى جالي مجال والله يحط الستر لي ظل ظليل والله يقويني على وصل الحبال والله ينورني لصار الصبح ليل والله يقديني الى غاب الهلال والله يرويني السمين من الهزيل لا ضيعوا ويش السمان من الهزال والله يكثر كل ماهو لي قليل الا العيوب وكل مانقصه كمال والله لا يحوجني لمدات البخيل ويعيضني في كل ماحرم حلال والله لا يذللني لسطان الذليل والله لا يسقيني المذلة في الزلال والله يوفقني الى اختر الخليل والله يجنبني مجالس قيل قال والله يساعدني على القول الدليل وستر من المنقود وألسنة الرجال والله يقومني الى شلت الثقيل ولا ينوخني لدين عباد مال والله يرحمني عقب عمر طويل وادخل مع السبعة تحت ذاك الظلال محمد بن فطيس ، | |
| |
|
12-10-2019, 07:10 PM
| #7 | |
| قصيدة العمر عسرويسر وأفراح وأحزان - محمد بن فطيس يامضيق الدنيا وياضعف الإنسان شف قرب ضحكك في الزمن من نحيبك لاتحسب إن الوقت لاشان مازان ولاتحسب إنك بتعدا نصيبك الأرزاق مكتوبه وللدهر عوان واللي كتبه الله عليك بيصيبك العمر عسر ويسر وأفراح وأحزان ترزق بمولودك وتدفن قريبك هذي هي الدنيا لها أشكال وألوان تضحك لك وتلقا بها مايريبك ياصاحبي لك عندنا منزل وشان وأنا إعتبرني سيف كفك وجيبك وفي كل دار لك بني عم وإخوان وأنا ولد عمك وإخيك وصحيبك | |
| |
|
| الكلمات الدلالية (Tags) |
| محمد , الشاعر , بن , حيوان , فطيس) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعر الامير ( خالد الفيصل) | باربي | (همســــات شعر وشعراء) منقول | 75 | 10-10-2019 08:44 PM |
| تعرف عن أهم مميزات حيوان اللاموس | مبارك آل ضرمان | ( قسم الحيوانات والنباتات والاسماك ) | 12 | 24-07-2018 09:37 AM |
| إليكم معلومات عن حيوان الشنشيلا - مشاركتي بتنشيط الأقسام | مبارك آل ضرمان | ( قسم الحيوانات والنباتات والاسماك ) | 6 | 08-02-2017 03:07 PM |
| حيوان شينشيلا ) القروب الاحمــــــــــــر | حنين الروح | ( قسم الحيوانات والنباتات والاسماك ) | 22 | 11-05-2016 07:32 PM |
| سؤال الذات | عقل العياش | (أكاديمية صـفوة الأقلام) | 32 | 15-03-2016 11:12 PM |
العرض العادي
